Opozita: Akuza qeverise Berisha per korrupsion

[RAPTILOID]

Largimi i Dritan Priftit për korrupsion nga qeveria ka sjellë panik dhe kaos në zyrat e pushtetit. Prokuroria vazhdon hetimin ndërsa Ruli, Bregu, Vokshi, Bulku dhe së fundi Halimi në kompaninë e bixhozit e kanë kthyer kreun e mazhorancës në zëdhënës të korrupsionit, klientëve, motrave dhe kunetërve. Opozita fakte të reja për ministrat e grabitjes

Aferat korruptive me bekimin e qeverisë po denoncohen çdo ditë me fakte që dëshmojnë përfshirjen e deputetëve, ministrave dhe familjarëve të Oborrit. E përbashkëta e secilit prej skandaleve është emri i kryeministrit Berisha. Me firmën e tij, me vendim të stisur qeverie apo edhe me vetë familjarët e tij brenda aferave. Opozita ka deklaruar se të tjera prova do të bëjë publike për të treguar se deri ku kanë shkuar rrënjët e korrupsionit të qeverisë Berisha.

*

Prifti- korrupsioni rekord

Pasurimi me 1.8 milion euro në pak muaj si ministër ishte vetëm ajo çka Dritan Prifti tregoi me sinqeritet të pastër në dokumentet zyrtare. Aty ku fshehu pronësinë e një apartamenti luksoz me vlerë 800 mijë euro dhe të një vile edhe më luks në Lundër, plot 1 milion euro. Disa arrestime të njerëzve pranë ministrit, të emëruar me firmën e tij por edhe një sërë pikëpyetjesh që vetë Prifti la pa shpjeguar për biznesin e tij në një fabrikë tullash që i dha miliona euro edhe pse nuk prodhoi asnjë ditë, ishin faktet e forta që denonconin ministrin e Ekonomisë për korrupsion. Por edhe vetë Prifti veten, përderisa në ditët kur opozita i kërkoi përgjigje për aferat që figuronin me emrin e tij, ministri ose heshti ose gënjeu. Si në rastin e kredisë, që duhet të ishte borxhi i tij edhe pas shitjes së aksioneve në kompaninë e tullave, por që rezulton e zhdukur nga dokumentet e deklarimit të ministrit, i cili nuk ka dhënë sqarime se çfarë ka ndodhur me këtë hua, që e mori duke ndërhyrë vetë në bankë. Largimi i Priftit nga qeveria, qartë nuk e shpëton ekzekutivin nga akuzat për korrupsion. Jo vetëm sepse të tjerë ministra dhe deputetë kanë mbetur aty nga lista e gjatë e aferave, por edhe sepse ministri i mori të gjitha sqarimet me vete kur iku.

*

Vokshi- në krye të aferave

Emri i deputetes, ish këshilltare nuk del vetëm te hidrocentralet me koncesion, të cilat sot bashkë me pueset e gazit dhe naftës janë bërë biznesi shumë fitimprurës i familjes. Ajo rezulton në konflikte pronash, në kompani bixhozi dhe gjithandej ku vetë Berisha i ka dhënë dorë të lirë për të bërë para. Së fundi edhe te privatizimi i ish ekspozitës, ku “Vokshi” përmes një kontrate (a)ligjore merr përsipër të drejtojë procesin me kusht që pronarët t’i japin truallin për pallat. Publikimi i këtij skandali nuk mori asnjë përgjigje nga ana e deputetes. Sepse ajo provoi se në rastet kur mori përsipër të thotë diçka, faktet që iu vunë përballë e nxorën gënjeshtare. Edhe në prokurori. Pavarësisht se avokati i ortakut në biznes bëri të pamundurën për të ndryshuar deklaratat që u dhanë në organin e akuzës. Aq sa shkaktoi edhe reagimin e vetë prokurorisë. Mes gjithë këtyre dëshmive dhe fakteve, Vokshi nuk nguron të flasë akoma. Si gjithmonë pa fakte dhe dokumente për të vërtetuar ato që thotë. Mjaftohet duke shpifur dhe hedhur baltë mbi opozitën. Sepse ka në mbrojtje shefin e qeverisë, i cili nuk i ka dhënë akoma përgjigje pyetjes se cila është pjesa e tij në koncesionet e hidrocentraleve dhe vendburimeve të gazit dhe naftës që i ka dhënë për të menaxhuar ish këshilltares.

*

Bregu- gjithë shteti i përfshirë

Kunati i ministres nuk është i vetmi përfitues në aferën me emrin e Majlinda Bregut. Ka akoma. Eshtë edhe bashkëshorti i saj, me një kompani energjetike, aksionet në të cilën pezullohen në QKR sa herë që do ministrja. Këtë e dëshmoi më së miri me urdhrin që i dha këtij institucioni për të manipuluar dokumentet sipas deklarave që ajo kishte bërë më pak se një orë më parë. 10 hidrocentralet në pronësi të kunatit sigurisht që nuk janë në përgjejgësi për të dhënë llogari për Bregun. Sepse ajo nuk dha as për biznesin e bashkëshortit. Madje heshti edhe kur kunati i saj u identifikua si dhunuesi i një qytetari, i cili ishte pala kundërshtare në një proces gjyqësor për pronë me të. Vetë policia e kryeqytetit pranoi faktin, ashtu siç pranoi se e kishte lënë të lirë kunatin e ministres se plagosja kishte qenë e lehtë. Asnjë reagim pas deklaratave të qytetarit të dhunuar i cili tha se policia nuk kishte marrë asnjë masë për denoncimin e tij. Kjo i dha gjithë mundësitë kunatit të deklaronte më pas se qytetari ishte përdorur nga opozita dhe për këtë do ta padiste në prokurori. Aty ku ministrja, duhet të kishte shkuar vetë për të sqaruar pozicionin e saj në aferën me koncesion hidrocentralesh te kunati, për kompaninë energjetike të bashkëshortit të padeklaruar në pasuri por edhe për urdhrin dhënë QKR për ta shkruajtur si “të pezulluar” biznesin e burrit.

*

Bulku, “si shokët”

Edhe deputetja e përfolur për biznesin e hidrocentraleve me koncesion nuk dha shumë sqarime se nëse kjo lidhej me postin e saj dhe lidhjet me pushtetin. Duke pasur për garanci mbrojtjen nga kryeministri, Rajmonda Bulku nuk iu përgjigj asnjë prej pyetjeve që i drejtoi opozita për lidhjen me ministrin që i dha për favor ca hidrocentrale për të menaxhuar dhe bërë pasuri me to. Përmes një përgjigjeje, që në fakt nuk mund të konsiderohet aspak e tillë nga salla e parlamentit, Bulku ka shmangur dhënien e sqarimeve për biznesin e ri të familjes. Ajo ka sulmuar me shpifje dhe akuza opozitën, sipas modelit të përdorur më parë nga Vokshi, Bregu dhe gjithë të denoncuarit për abuzimin dhe grabitjen e pasurisë publike. *

*

Ruli- nuk mbaron akoma

Ministri, firma e të cilit qëndron për secilën prej aferave me hidrocentrale dhe më tej, nuk është ndalur thjesht me koncesionet. Një privatizim tejet i dyshimtë në qendër të Tiranës, që me bashkëpunimin e ngushtë të kryeministrit u bë me çmim tre herë më të lirë se në gjithë kryeqytetin, u vërtetua se ishte një aferë- biznes për familjen tjetër të Oborrit. Ndërkohë që opozita ka provat se edhe një familjar i kryeministrit ndodhet pas privatizimit të ish ekspozitës “Shqipëria Sot”. Aty ku ministri ka marrë përsipër ta lërë procesin në dorë të biznesmenëve të oborrit. Këta të fundit, sipas kontratës së publikuar pak ditë më parë nga opozita, kishin premtuar te ish pronarët se do të siguronin privatizimin, në këmbim të truallit për të ndërtuar pallate. Ku është shteti këtu? Sepse sekserët duken qartë. Megjithatë ministri nuk la shfajësim pa përdorur për të mbrojtur veten. Deri duke fajësuar hartën e çmimeve. Edhe pse në deklaratat e tij, nga ministria e Bujqësisë e shiti dukshëm veten, atëherë kur njëherë tha se toka i ishte kthyer ish pronarëve dhe njëherë deklaroi se toka ishte shitur me çmime reference. Gjithë ky aksion i kushtoi ministrit prishjen në mënyrë të njëanshme të kontratave me disa kompani që ushtronin aktivitetin e tyre brenda godinës së ish ekspozitës. Të cilave nuk u dha asnjëherë asnjë sqarim për arsyet pse po bëhej kjo. Duke pretenduar se thjesht kishte zbatuar ligjin duke u kthyer tokën ish pronarëve, Ruli harron të shtojë se kjo nuk është aspak detyrë e tij. Nga ana tjetër, ministri “ka harruar” të shtojë në deklaratat e tij shfajësuese se pronarëve që ai u ktheu tokën u ishte mohuar kjo e drejtë me vendim të Gjykatës së Lartë.

*

Halimi- bixhoz me mandatin

Deputeti demokrat është rasti më i fundit i denoncimeve nga opozita për korrupsionin ku është zhytur gjithë mazhoranca. Më i përdoruri nga kryeministri për të lexuar fjalimet e tij plot baltë nga foltorja e kuvendit, rezulton të jetë një prej ortaktëve në biznes me “Vokshin”. Në një kompani bixhozi, ku Eduard Halimi është anëtar i këshillit mbikëqyrës. Fakti i denoncuar nga Partia Socialiste dhe i vërtetuar nga dokumentet elektronikë të kompanisë në emër të Vokshit, shton edhe më shumë listën e njerëzve të oborrit që po bëjnë pasuri me pronat shtetërore.

*

Këto janë arsyet e vërteta përse Shqipëria sot është në krizë e përse kriza ekonomike rëndohet çdo ditë që kalon. Ja përse çmimet rriten e përse njerëzit e thjeshtë të këtij vendi nuk arrijnë më as ta shtyjnë deri në fund të muajit. Sepse sot shqiptarët udhëhiqen nga një qeveri e një klikë që grabiti pushtetin, jo për të qeverisur, por thjesht e vetëm për të vjedhur e zhvatur pasuritë e tyre të përbashkëta në emër të pasurimit të një grushti familjarësh e klientësh.

Në përvjetorin e parë të qeverisë së votave të vjedhura bilanci është i qartë: ekonomia jonë familjare ka shkuar aty ku nuk mban më pasi ministri përgjegjës punonte ekskluzivisht për pasurimin e tij vetjak; integrimi europian po vonon pasi zonja Bregu ka qenë e zënë me punët e bashkëshortit nga njëra anë dhe manipulimin e dokumenteve zyrtare nga ana tjetër.

Zeri i Popullit

[Albo]

Rrefehet Dritan Prifti: Pse po iki nga METE

Rozeta Rapushi

Ministri i shkarkuar i Ekonomise, Dritan Prifti, rrefeu dje se largimi i tij u be pas nje presioni gjashte mujor per te lene postin e ministrit. Nderkohe qe siguroi se largimi nga kjo detyre nuk do ta preke aspak, perkundrazi do te vijoje te jete shume aktiv ne politike dhe ne mbeshtetje te koalicionit qeverises. Nje dite pas propozimeve te LSI-se per ndryshimet ne qeveri, Prifti, tha se dot vazhdoje qe te sherbeje ne Parlament per votat dhe mbeshtetjen e marre, pavaresisht sulmeve qe sipas tij i jane bere sepse nuk u be kurre vegel e askujt. "Une u perpoqa te beja me te miren. Kam dhene maksimumin tim pavaresisht se kam punuar ne nje ngarkese maksimale, me presione nga te gjitha llojet, perfshire dhe kercenime per jeten dhe familjen, te cilen e kam denoncuar ne Prokurori disa dite me pare. Kam kaluar mijera faqe dokumente ne dite dhe kam hedhur qindra firma. Edhe kryeministri deklaroi dje se ka pasur mbi 6 muaj kerkese per te liruar vendin tim si minister. Kur presioni per detyren time eshte bere edhe mbi kryeministrin, imagjinojeni presionin qe eshte bere mbi mua", tha Prifti, duke shtuar se presionin e ka perballuar me sukses. Nga ana tjeter, ish Ministri i Ekonomise, shtoi se nuk ka bere asgje ne kundershtim me ligjin, gjate qendrimit te tij ne detyre, ndaj paralajmeroi se nese dikush mendon se me largimin e tij si minister do ta dekurajoje, kjo nuk do te ndodhe. "Do jem dhe me aktiv se me pare ne politike. Une do vazhdoj te sherbej ne Parlament, do vazhdoj t'i rri prane elektoratit tim qe me ka votuar me shumice edhe pse nga nje parti e vogel. Do te qendroj ne mbeshtetje te koalicionit qeverises. Kam me shume arsye te kontribuoj per qeverisjen, sesa per shkaterrimin e saj", beri te qarte deputeti i LSI-se. Madje Prifti u shpreh deri diku i kenaqur per largimin nga detyra e ministrit, cka do ti jape mundesi atij te qendroje me shume me femijet e tij. Po keshtu, Prifti sqaroi dje dhe te ardhmen e tij ne Levizjen Socialiste per Integrim, partine qe e propozoi per minister dhe me pas e largoi ate. Ai tha se si nenkryetar dhe themelues i kesaj force politike, pavaresisht disa qefmbetjeve, do te vazhdoje te kontribuoje ne kete parti. "Jam themelues i LSI-se. Ka gjera qe s'me pelqejne. S'priten ndersa varrosja gjyshen. Ata moren vendim. Kerkova shtyrje por s'e bene. Do t'i kerkoj takim Metes, per te pare se cdo te behet me tej. Une deshiroj te vazhdoj te kontribuoj ne Levizjen Socialiste per Integrim. Sigurisht ne ditet e ardhshme, sot, neser, do t'i kerkoj nje takim zotit Meta, ku ne te diskutojme me njeri-tjetrin. Ai te me thote cfare mendimi ka per te ardhmen dhe une te diskutoj se si mundet te strukturohet nje e ardhme e perbashket me tej", u shpreh ai. Gjithsesi Prifti theksoi faktin se ne Kuvend eshte me votat e tij dhe i ka fituar keto zgjedhje dhe votohet per nente vite radhazi, pasi njerezit e mbeshtesin. Prifti: Qejfmbetjet e mija ndaj kryesise se LSI Ndonese me disa qejfmbetje nga koleget e tij, ish Ministri i Ekonomise, Dritan Prifti, shprehu dje deshiren per te vijuar rrugen politike bashke dhe si pjese e Levizjes Socialiste per Integrim. Por sipas tij, ky fakt nuk e pengon te thote ato keqardhje per fjalet e kolegeve te tij ne mbledhjen e kryesise se LSI-se, ku u propozuan dhe ndryshimet ne qeveri dhe shkarkimi i tij nga detyra e ministrit. "Ka disa gjera qe nuk me pelqyen. Nuk me pelqeu qe kur une dy dite me pare varrosja gjyshen time, kryesia e LSI nuk priti qe une te isha i pranishem ne mbledhjen qe diskutoheshin keto gjera. Jo se do te ndryshonte dicka, por eshte thjesht njerezore", rrefeu Prifti. Madje sipas tij, mbledhja e kryesise u zhvillua edhe pasi ai kerkoi shtyrjen e saj ndoshta per ne darke, pas varrimit. Po keshtu, sipas tij gjate mbledhjes se Kryesise se LSI, Luan Rama qe eshte dhe sekretar i Pergjithshem beri disa deklarata te tipit qe, do ta shohim ne se si do te perfundoje hetimi i pasurise se Priftit. Deklarate kjo qe sipas ish ministrit te le te dyshosh se ndoshta ka nje nxitje dhe nga partia e tij. "Po keshtu, Spartak Braho, s'dua te bej komente per te si prokuror i kohes se Enverit, etj, apo si njeri qe diten e votimit, ne zgjedhjet e kaluara, mbylli celularin dhe u zhduk kater dite, dhe i shiti votat ne Lushnje, ka thene qe klani i Priftit ne LSI eshte shume i madh dhe ne duhet ta crrenjosim. Keto gjera une nuk i marr si deklarata te LSI, apo si qendrime te LSI apo te Kryesise. Keto jane qendrime personale te disa individeve", vijoi Prifti.

KJ

[Albo]

Prifti, Ina Rames: Hetim kercenimeve te Brahos

Dritan Prifti, Ministri i sapo shkarkuar i Energjetike i kerkoi kryeprokurores Ina Rama te hetoje seriozisht rreth kercenimeve qe i jane bere kohet e fundit me mesazhe elektronike. Kerkesa ndaj Prokurores se Pergjithshme, eshte drejtuar nepermjet nje letre te bere dje publike dhe ku permban ate qe ai e quajti element shtese per hetimin e kercenimeve qe jane bere ndaj tij ne keto muajt kur ka qene ne krye te dikasterit te Ekonomise, Tregtise dhe Energjetikes. Baze per te bere nje kerkese te tille kane qene disa deklarata te ish-deputetit dhe njerit nga drejtuesit e larte te LSI, Spartak Braho ne disa media, ku Prifti mendon se bejne pjese ne serine e kercenimeve te vazhdueshme ne drejtim te tij. "Znj. Prokurore e Pergjithshme, sic mund te jeni ne dijeni, une kam bere nje denoncim ne organin e Prokurorise disa jave me pare ne lidhje me disa mesazhe elektronike qe me kane kercenuar jeten mua dhe familjes sime. Deri para pak kohesh nuk mund te paragjykoja se nga me vinin keto kercenime, por kohet e fundit mendoj se konteksti i tyre mund te jete politik. Ne te perditshmet e sotme(djeshme), ish-deputeti Spartak Braho ka shfryre kunder meje me nje gjuhe kercenuese dhe kriminale", shkruan te letren e tij drejtuar kryeprokurores Ina Rama, ministri ne largim Dritan Prifti, per te cilin tashme eshte konturuar qarte se kush ka eshte pas mesazheve kercenuese ndaj tij. Nderkohe qe Prifti nuk ka munguar te citoje dhe ato qe ka thene ish-deputeti i vjeter socialist, por qe tashme eshte ne radhet e drejtuesve te LSI, Spartak Braho. "Shprehja e tij per mua, qe: 'nuk merrem me te ikurit dhe te vdekurit' eshte kercenuese per mua dhe me tregon se ne koken e Spartak Brahos une mund te jem dhe i vdekur", ka qene akuza e forte e Priftit ndaj Brahos. Dhe teksa ka permendur dhe fjalorin e perdorur publikisht nga zyrtari i larte i LSI, ish-ministri pretendon se mund te nxirret pergjegjesia penale per te filluar hetimet. "Spartaku ka nje te shkuar si Prokurori i regjimit komunist te Enver Hoxhes dhe ne aktivitetin e tij, sic e ka zakon ai te mburret, ka denuar njerez me vdekje dhe litar. Ai ka dhe nje djale qe punon ne prokurori. Ne media here pas here, vitet e kaluara, kane dale akuza per lidhjet e tij me boten e krimit, pavaresisht se te pakonfirmuara ligjerisht", eshte shprehur ne leter ministri i shkarkuar, duke hedhur ne kete rast dhe akuza te forta ndaj Brahos per lidhje te familjes se tij me boten e erret te krimit. "Une kerkoj qe deklaratat e sotme te z.Braho te perfshihen ne hetimin qe ju po beni per kercenimet ndaj meje, dhe ju lutem te pershpejtoni zbardhjen dhe zbulimin e kercenuesve te vertete", ka perfunduar letra e Priftit per kryeprokuroren Ina Rama. "Kercenimet, Prifti t'i drejtohet prokurorise" "Kercenimet ndaj nje ministri jane shume serioze. E kam inkurajuar Priftin qe t'i drejtohet Prokurorise dhe cdo institucioni te ligjit per te zbardhur cdo material kercenimi". Ky ka qene reagimi i Ministrit te Jashtem Ilir Meta, dje gjate nje konference per shtyp. Sipas tij, kercenimet jane ceshtje e Prokurorise. "E kam inkurajuar qe cdo kercenim, cdo material qe ka, lidhur me kercenimet qe jane bere, ne cdo kohe, t'ia coje prokurorise dhe te bashkepunoje me te gjithe stafin e tij, shume ngushte me prokurorine, me policine kriminale dhe te gjithe institucionet e ligjit sepse askush nuk duhet te guxoje t'i beje presion nje Ministri, nje Deputeti por edhe cdo qytetari ne kete vend", eshte shprehur ne pergjigje te interesimit te gazetareve, Meta. Njeheresh ai u shpreh se Dritan Priftin ruan nje komunikim miqesor. "Jemi ne nje komunikim te vazhdueshem, shume konstruktiv dhe shume shoqeror me z. Prifti. Edhe tani qe po flasim bashke kemi shkembyer disa komunikime. Ne e kemi lene qe te takohemi dhe une po pres me dashuri dhe mall te pashtershem", ka deklaruar me shume seriozitet ministri i Jashtem, njeheresh dhe kreu i LSI, Ilir Meta. I cili gjithsesi ka kembengulur se e pret takimin me vartesin e tij ne parti me nje mall dhe dashuri te pashtershme Ndersa lidhur me akuzat e opozites qe i jane bere Priftit, si Minister i Energjetikes. Ilir Meta u shpreh vetem qe veprat penale jane te denueshme dhe se cdo njeri qe ka bere veper penale do te vihet para pergjegjesise. "Cdo njeri qe ka nje veper penale duhet te pergjigjet para drejtesise dhe ne momentin qe konstatohet nje gje e tille kjo force politike e perjashton nga radhet e saj", tha Meta. Akuzat, Braho: Prifti duhet te kete frike vetem nga ligji Anetari i kryesise se LSI-se dhe ish-deputetit Spartak Braho ka reaguar dje pas letres se Dritan Prifti i ka derguar Prokurores se Pergjithshme per kercenimet qe ka marre per jeten. Duke qene se ne letren e deputetit Prifti permendje dhe nje deklarate e Spartak Brahos ky i fundit ka sqaruar pozicionin e tij. Braho shprehet se deputeti i Levizjes Socialiste per Integrim Dritan Prifti, duhet te kete frike vetem nga ligji. Ndersa shton se deklaratat e bera gjate diteve te fundit nga Prifti vijne si pasoje e fatkeqesise familjare qe i ka ndodhur. "Zoti Tan Prifti eshte i tronditur nga vdekja e papritur e gjyshes, prandaj flet dhe komunikon percart, si ne kllapi dhe i tromaksur. Ai duhet ta perballoje humbjen e madhe si myzeqar trim. Nuk duhet te kete frike nga endrrat me te vdekur, apo me gjak, por vetem nga ligji...", u shpreh dje anetari i kryesise Spartak Braho. Dy dite me pare Prifti e akuzoi Brahon se ka kerkuar heqjen e tij si minister i Ekonomise per te dobesuar lobin e tij ne Levizjen Socialiste per Integrim. Ne konferencen e dhene per mediat Prifti u shpreh se nuk merrej me nje "prokuror te Enverit".

KJ

[RAPTILOID]

ILDKP nis hetimin për pasuritë dhe konfliktin e interesit të krerëve të shtetit. Do hetohen edhe përfitimet e familjarëve në konflikt interesi. Lista kryesohet nga Topi, Topalli dhe Berisha

TIRANË- Pasuritë e të gjithë zyrtarëve të lartë shtetërorë shqiptarë do të kontrollohen edhe një herë në mënyrë të detajuar nga ana e Inspektoratit të Lartë të Deklarimit dhe Kontrollit të Pasurive. Kreu i këtij institucioni, Adriatik Llalla, ka firmosur urdhrin për kontrollin e plotë të interesave private dhe burimet e krijimit të tyre për zyrtarët më të lartë të shtetit shqiptar.

Në listë ndodhen 50 funksionarët më të lartë në Shqipëri që janë Presidenti i Republikës, Kryetarja e Kuvendit, i gjithë kabineti qeveritar (përfshirë edhe zv/ministrat), anëtarët e Gjykatës së Lartë, krerët e gjykatave të tjera dhe anëtarët e KLD-së. Llalla pohoi se kjo është vetëm pjesa e parë e listës së zyrtarëve të lartë që do të kalojnë në hetim të plotë të pasurisë, pasi në total do të jenë 300 zyrtarë.

Ky urdhër i kreut të Inspektoratit ka ardhur pikërisht në kohën kur shumica qeverisëse dhe opozita janë përfshirë në një debat të gjerë akuzash dhe kundër-akuzash për korrupsion dhe përfitime të paligjshme. Përveç pasurisë, në kontroll do të vihet edhe konflikti i interesit. Kjo fazë e re e hetimit do të fokusohet kryesisht tek akuzat për përfitime të paligjshme të familjarëve të pushtetarëve përmes koncesioneve ose kontratave të ndryshme.

Dhe për të grumbulluar sa më shumë informacion, Inspektorati ka apeluar dje për ndihmën e të gjithë qytetarëve shqiptarë për të denoncuar rastet e dyshimta. "Në këtë fazë të rëndësishme të procesit të kontrollit, ILDKP, në funksion të një hetimi më të plotë administrativ për interesat private të zyrtarëve, kërkon bashkëpunimin e medias, shoqërisë civile dhe opinionit publik, të ofrojë të dhëna mbi pasuritë e zyrtarëve, për të cilat ka dyshime se janë krijuar në mënyrë të paligjshme.

Për të nxitur aktivizimin e qytetarëve në procesin e hetimit administrativ, ILDKP ka vënë në dispozicion numrin pa pagesë 0800-999, si edhe adresën e-mail: unedenoncoj@hidaa.gov.al", -tha dje Përgjegjësi për Marrëdhëniet me Publikun, Albi Serani. Gjatë kryerjes së kontrollit, Inspektorati do të shfrytëzojë të dhënat e nevojshme në të gjithë aparatin shtetëror e publik dhe në personat juridikë publikë e privatë.

Me kërkesë të Inspektorit të Përgjithshëm, bankat e nivelit të dytë dhe subjektet e tjera, që ushtrojnë veprimtari bankare dhe financiare në Republikën e Shqipërisë, detyrohen të japin të dhëna për depozitat, llogaritë dhe transanksionet e kryera nga personat që, sipas këtij ligji, kanë detyrimin për deklarim.
Por edhe vetë zyrtarët që janë nën hetim janë të detyruar të vënë në dispozicion të gjitha të dhënat e kërkuara brenda 15 ditëve nga paraqitja e kërkesës me shkrim nga Inspektori i Përgjithshëm. Në rast se zyrtarët refuzojnë që të bashkëpunojnë, ndaj tyre do të ketë sanksione.

Nën hetim edhe institucionet e pavarura
Burimet zyrtare të Inspektoratit të Lartë të Deklarimit dhe Kontrollit të Pasurive pohuan dje se lista e zyrtarëve nën hetim do të shtohet me 250 emra të tjerë. Përveç zyrtarëve, në listën e publikuar nga Shekulli, nën hetim do të vendosen edhe anëtarët e autoriteteve rregullatore si dhe anëtarët e Këshillit Mbikëqyrës së Bankës së Shqipërisë.

Në këtë listë mungon emri i kryetarit të opozitës, Edi Rama, i cili mban edhe postin e kryetarit të Bashkisë së Tiranës. Të pyetur për këtë mungesë, burimet zyrtare të ILDKP-së sqaruan se Edi Rama është në procesin e hetimit të plotë të pasurisë. Hetimi ka nisur që më 1 maj të këtij viti kur emri i Edi Ramës është përzgjedhur në shortin e përvitshëm.

Shekulli

[Noellag]

Me vjen mire qe opozita i ka shpallur lufte qeverise per korrupsion pasi ne kete menyre do zbuloje vetveten ..

[RAPTILOID]

Opozita e ka Bo kurbanin e vet ne 2005 Fatos Nanon te cilin maxhoranca e sotme teper e brishte e ka trurin e saj dhe e Ruan me fanatizem sic ruan dhe Ilir Meten talentin e vjedhjes. Tani e ka rradhen maxhoranca te boj kurban

[juanito02]

Qeverria eshte thjeshte nje bande hajdutesh ordinere qe kan vene kollare.
Hajdutlleku ka filluar qe me Nanon i cili i diskredituar deri ne palce i transferoi pushtetin Salise ne 2005 me kusht qe ky te mos i prekte bizneset e Nanos. Qe nga ajo kohe Nano u be mik me Berishen.
Hajdutlleku vazhdoi ne 2009 me 30% te zgjedhjeve dhe prologu eshte ky qe po shohim, cdo skaj te vjedhur e privatizuar nga ushtaret e Salise.
Prandaj nuk besoj te protestat e opozites qe mund ta rrezojne kete klike banditesh.
Klika e Saliut e ka shume te qarte qe me bemat e saj perfundon pas hekurave dhe nuk e leshon pushtetin me gam gamet e Rames.

[Brari]

OPINION
Turravrapi edvinist, përtej opozitës demokratike
20-09-2010 / Redaksionale


Nga Kalaja e Lëkurësit, lideri jo më lakuriq Edi Rama u prezantua me elektoratin e majtë bashkë me treshen sulmuese Luiza Xhuvani, Fat Toçi e Fat Xhafaj në ombrellën e parullës së re: transparenca, drejtësia, zhvillimi. Takimi u krye në kuadër të një turi tjetër takimesh dëshpëruese që ai ka ndërmarrë nëpër Shqipëri. Sërish retorika histerike u përqendrua tek gjendja ekonomike, papunësia e ngërçi politik, që sipas dritëshkurtësisë së tij, burojnë nga keqqeverisja që e ka burimin te kutitë e votimit.
Ndonëse burimin e vetëm i informacionit mbi gjendjen e ekonomisë, të papunësisë dhe ngërçit politik, e merr në divanin e kuq të Pezës, pasi s’ka si mund të jetë tjetër duke parë se bllofet e propagandës janë aq primitive saqë mjafton leximi i raporteve të Bankës së Shqipërisë, FMN-së dhe INSTAT-it për të kuptuar se abuzimi me realitetin ekonomik të vendit është i pakundërshtueshëm. Rama harron faktin e kryer se vendi po ndryshon më shpejt se çdo kohë tjetër. Ky vend, sot rreshtohet i 57-i, ndër vendet e këtij planeti, ku mund të jetohet më mirë. Ekonomia e sotme është dinamike, dhe se ai harron që 18 vite më parë ishte ekonomia më e rrënuar e kontinentit dhe ndër më të rrënuarat e planetit, si dhe vitin e kaluar ishte ekonomia me rritjen më të madhe në Europë, ndërsa këtë vit është një ekonomi me rritje konstante, falë menaxhimit perfekt të krizës botërore dhe favorizimit të klimës së biznesit të mesëm dhe të vogël. Përkundër këtyre arritjeve, meritë e administratës dhe e sipërmarrjes së lirë, po ashtu edhe e reformave të ndershme e të drejta të kësaj qeverie, qëndron një platformë mohimi, mashtrimi dhe trillimi.
Sidoqoftë hallakatjet sistematike e logjike të krye-opozitarit Rama s’kanë fund kur deklaron shifrime të frikshme të 1 milion të papunëve, sikur e vërteta të ishte një opsion i fikur i mendjes njerëzore. Dhe për rrjedhojë dogmatike, mistifikimi i shifrave të papunësisë dhe gjendjes ekonomike të vendit mbetet temë e denjë për një njeri që merret më shumë me 20 % të lejeve të ndërtimit sesa me fatet e njerëzve në nevojë.
Arroganca e shtyn Ramën të mos pranojë se Shqipëria që po ndryshon nuk është më vetëm një slogan elektoral por një realitet, prandaj mohon dhe nxin me interes të ngushtë mendor: të rifitojë pushtetin. Nuk është aspak e rastësishme që këto mohime realiteti rinisën në një kohë kur po diskutohet liberalizimi i vizave për shqiptarët, gjë që Edvin Rama me çdo kusht po mundohet ta sekuestrojë me rifillimin e protestave. Paturpësisht opozita socialiste shikon tek liberalizimi i vizave fitoren politike të kryeministrit Berisha dhe jo lirinë e shqiptarëve që të qarkullojnë në mbarë Europën si qytetarë të barabartë të botës demokratike. Në gjurmët e baballarëve të tyre që e penguan këtë vend më shumë se 60 vjet sepse privilegjet e tyre bllokmene mjaftonin të mbushnin dëshirat e xhon-socialistëve investohen në aksione bllokuese, siç janë protestat pa kauza, grevat penguese, dhe veprimet guerile të bllokimit të arterieve kryesore të Shqipërisë. Për ta është e rëndësishme rikthimi i privilegjeve të humbura njëherë e përgjithmonë, kurse për të tjetër, mjafton dhuna e poshtërimit të prodhuar nga industria e propagandës mediatike.
Mjerisht veç të shikosh seç tha Rama në Tepelenë, teksa përgënjeshtronte drejtpërdrejt çetnikun Gramoz Ruçi për Komisionin e Venecias për të kuptuar manifestimin e strategjisë së re revolucionare. Strategjia konsiston qenësisht në përpunimin kriminal të perceptimit qytetar ndaj mazhorancës, si një maxhorancë e implikuar në dhënie koncesionesh e privatizime që po e çokan vendin në falimentim. Edhe pse, duket qartësisht se vendi gjithnjë e më shumë përparon sipas agjendës europiane. Kështu që nëse pengimi i liberalizimit të vizave nga Partia Socialiste, qe tentativë e paracaktuar të dështonte me turp, frenimi i pranimit të Shqipërisë si vend kandidat i BE-së, është plotësisht i mundshëm nga strategjia e re e opozitës socialiste. Investimi me mish e me shpirt i socialistëve që këtë perceptim morboz ta kthejnë si vlerë të shtuar të aksioneve të tyre politike, apo si numër votash, po dëmton vendin në aspiratën legjitime për Evropianizim. Strategjia e manipulimit të perceptimit qytetar, duke zhdukur mundësinë e të gjykuarit nga ky opinion, të gënjeshtrës nga e vërteta shkakton amulli morale. Zhargoni i tyre moralist nuk bazohet në fakte, por veç në gostinë e rutinës së pavërtetueshmërisë.

55

[SERAFIM DILO]

Kéto akuzat e socialisteve,jane kot!.Ose me mire,sherbejne per te ndimuar poziten te vjedhi me teper,e natyrisht edhe opoziten....jane vetem mashtrime o propagand mashtrimi.
Nje akuze e drejte e opozites kunder qeverise se Berishes o pozitez per korrupsion,duhet te ishte:
Qeveria e Berishes o pozita;po vjedh o ben korrupsion,me teper se ne.Ne si opozit po vjedhim me pak se pozita.
Pra ne kete rast,kuptohet,qe kerkojne nje te drejte.

[Brari]

55

.
OPINION

Shpifjet për korrupsion, hakmarrje e bijve të “Bllokut” ndaj demokracisë
19-09-2010 /

Nga Luan Myftiu


“Më tepër flasin për moralin ata që s’e kanë” - Sokrati

Nuk e duan demokracínë ata që u ndjenë zotër në diktaturë. Kush adhuroi “barazinë e mjerimit”, nuk pranon konkurencën e lirë. Ithtarët e kolektivizmit socialist nuk pajtohen me lirinë e individit. Që të mbetej zot, komunizmi shkatërroi çdo formë të pronës private. Kështu u bë pronar i tre milionë shqiptarëve. Dhe, pasi grabiti gjithçka, shpalli pronën private si burim të të gjitha të këqijave. Bijtë e bllokmenëve sot, që të garantojnë pasurítë e grabitura, u duhen bashkautorë në krimin ekonomik. Se, në krimet e djeshme, prindërit e tyre tentuan të bënin të tillë gjithë shoqërínë. Pasi janë pasuruar në mënyrë të paligjshme, këta makutë po shtiren si luftëtarë kundër çdo abuzími. Me shpifjet për korrupsion, po tentojnë të fshehin grabitjet e tyre. Synimi i kësaj lufte është diskreditimi i demokracísë. Ata që dje grabitën pronarët e vërtetë, i kanë rrjepur sot me anë të korrupsionit. Veçse këtë vjedhje e trumbetojnë si një ves të demokracisë. Me akuzat false ndaj korrupsionit bijtë e bllokmenëve po “justifikojnë” edhe grabitjet, që i bënë dje prindërit e tyre Shqipërísë. Ndërkohë me korrupsion po krijojnë legjionet e bashkëfajtorëve në grabitjen e pronës së tjetrit. Këto lubí e dinë se, pa një mbështetje masive, do ta kishin të vështirë mbijetesën në demokrací. Prandaj e nxitin dhe e kultivojnë kudo korrupsionin. Deviza e tyre është: “Sa më shumë korrupsion, aq më tepër nostalgjí për diktaturën!”. Kështu, të privilegjuarit e sistemit të grabitjes i bëjnë avokatínë mjerimit komunist dhe luftojnë progresin e sotëm, në emër të “pastërtisë” morale të hajdutëve të rinj. Të akuzuar për të djeshmen kriminale, po hedhin baltë mbi çdo përparim të një shoqërie, që ua njeh krimet. Nuk ka ngushëllim më të madh për mëkatarin, sesa të shpifë kundër atyre, që kanë të drejtë ta akuzojnë. Edvin Rama është avokati kampion i atij sistemi, ku u “kryqëzua” prona private dhe u varros çdo nismë e lirë e individit. Komunizmi nuk lejonte të shpallej as një shpikje e thjeshtë teknike, si meritë e një njeriu. Ai e njihte atë vetëm si dhuratë të mendimit profan të një kolektivi. Motoja e xhelatëve komunistë ndaj intelektualëve ishte: “Në vend të kalit, ne lidhim gomarin!”. Diktaturat i shohin me dyshim njerëzit e aftë e me personalitet. Ato nuk lejojnë as pasurímin e individit. Besnikët e saj i privilegjonte partia. Komunizmi, që ishte sistemi i gënjeshtrës dhe i shfrytëzimit të pashpirt, propagandonte si lirí barazinë në skamje. Prandaj, kur hetuesit komunistë sajonin akuza false kundër njerëzve që dënonin me hamendje, sillnin si “argument” se ata paskëshin qënë të barabartë para ligjit, meqë e merrnin bukën në të njëjtën furrë me të tjerët. Kushedi sa njerëz të pafajshëm u dënuan pse guxuan të kryenin një punë të thjeshtë private, a pse mbanin një dhí më tepër nga sa lejonte statuti i kooperativës ! Ashtu sikurse quanin “demokraci” terrorin komunist, tentojnë sot të akuzojnë si të keq sistemin, që po i krijon kujtdo mundësí zhvíllimi. Liria ekonomike për të gjithë i tremb bijtë e bllokmenëve, sepse ajo, jo vetëm fuqizon mendimin e lirë, por forcon edhe akuzën ndaj mëkateve të prindërve të tyre. Prandaj bijtë e bllokmenëve i mbajnë sot veshët përpjetë për të shpallur të korruptuar çdo kundërshtar politik duke bërë dhe mizën buall. Ata sajojnë një mijë e një të zeza ndaj demokracisë. Çdo korrupsion që regëtin sot, i ndihmon ata të sajojnë akuza false ndaj demokracísë, si gjoja, sistemi i mjerimit për shumicën (!). Sipas xhelatëve të “lumturísë së dajakut”, grabitja e komunizmit qënkësh kulmi i idealit njerëzor. Duke shpifur ndaj çdo shfaqje sporadike korrupsioni, bllokmenët e korruptuar dalin si flamurtarë të luftës kundër tij. Bllokmenët gjithë jetën kanë bërë të kundërtën e asaj që kanë shpallur si idealin e tyre. U ngritën kundër shfrytëzimit të njeriut prej njeriut dhe e zhytën shoqërínë në një skllavërí të frikshme. Shpallën si “ikonë” krijimin e njeriut të rí dhe veselitën një qënie, që, ka raste, t’i vijë sot ndot edhe nga vetja. Proklamuan mbrojtjen e zhvillimit të talentit dhe vunë kriterin klasor, që dërgoi për t’u kultivuar edhe idiotët e drejtuesve më kriminelë, që i shërbenin me devotshmërí tiranit. Bijtë e bllokmenëve akuzojnë duke shpifur për korrupsion, që të mbulojnë vjedhjet e tyre skandaloze. Dhe, sa më shumë klithin kundër një korrupsioni të stisur, aq më të lumtur ndihen, duke shpresuar t’ua ketë besuar mashtrimet ndonjë naiv. Por, edhe pse korrupsioni përpiqet të mbijetojë dhe në kushtet e kësaj lufte të ashpër, që po i bën atij koalicioni i djathtë, ekzagjerimi i tij, përmasat alarmante, sajesat e turpshme, që po montojnë për të sot bijtë e bllokmenëve, po bëjnë që çdo njerí i ndershëm t’i kuptojë synimet e tyre arrogante, keqdashëse. Ndoshta prandaj, kur bijtë e bllokmenëve shohin që forcat e djathta po e luftojnë kaq egërsisht korrupsionin, kur ata dëgjojnë që miqtë e Shqipërísë japin konsiderata të larta për luftën kundër tij, shqetësohen dhe hidhen me “patos” në fushata shpifjesh e trillimesh të reja, të papara. Akuzat e tyre kundër një korrupsioni të sajuar, i shëmbëllejnë luftës së tyre të djeshme të klasave. Ishte ajo që mashtronte opinionin të urrente të pafajshmit dhe të “justifikonte” krimet e komunizmit. Janë akuzat e rreme të bllokmenëve të rinj për një korrupsion të stisur, që tentojnë t’i bëjnë shqiptarët të urrejnë sistemin e lirísë, duke i vënë gurë nën rrota demokracisë. Vetëm kjo hakmarrje cinike u ka mbetur sot si alternativë mëkatarëve socialistë!..