Kuvendi me imazh të ri, seancat bëhen me sallë ovale
Punimet nuk kanë përfunduar, ndërkohë që kostoja ka arritur shifrën e 79 milionë lekëve
Ndryshon pas 60-vjetësh imazhi i sallës së Parlamentit. Dizenjoja e re e sallës së Kuvendit do të ketë formën ovale, kryetarja e parlamentit do të vazhdojë të ulet në qendër të sallës, dhe edhe pas imazhit të ri, deputetët do të ndjekin të njëjtën formulë për tu pozicionuar në sallën e re. Pas vendosjes së sistemit elektronik të votimit, është menduar që parlamenti të ketë një pamje të njëjtë me sallën e Parlamentit Europian. Pritet që përpara fillimit të punimeve të sesionit të ri Parlamentar, dizenjuesit e këtij projekti të tregojnë publikisht edhe pamjen e re që do të ketë salla ku do të ulen 140 deputetët në Kuvend për të miratuar ligjet. Punimet në sallën e Kuvendit kanë kapur vlerën e afërsisht 79 milionë lekëve.
Punimet
Që pas mbylljes së sesionit parlamantar në korrik, salla e seancave plenare është shndërruar në një kantier ndërtimi. Në më pak se një muaj është punuar në një ritëm të shpejtë me tre turne për rikonstruksionin e sallës. “Janë kryer qindra metër kub gërmime e suvatime, në mjediset e sallës. Është punuar 24 orë në 24 dhe shpeshherë janë hasur edhe vështirësi të mëdha dhe pengesa të papritura gjatë punimeve. Veçanërisht një punë e madhe është realizuar edhe në tunelet poshtë sallës së seancave”, thuhet në njoftimin zyrtar të Kuvendit. Krahas punës për rikonstruksionin e sallës janë kryer edhe shumë punime të tjera për krijimin e mjediseve të ndryshme brenda godinës për gazetarët deputetët e të ftuarit. Një punë rrënjësore është bërë në zyra, korridore e salla. Aktualisht, po rikonstruktohen të gjitha lozhat, lozha e gazetarëve, si dhe mjedise të reja që i shërbejnë punës së deputetëve. “Tavani i vjetër prej 450 m2 është shembur për t’u zëvendësuar me një të ri, i cili do të ketë një ndriçim të ftohtë, nga më cilësorët. Ky ndriçim është një risi jo vetëm për cilësinë, por edhe për faktin se do të kursejë 40% të energjisë që harxhohej më pare”, bën me dije zyra e shtypit të Kuvendit. Aktualisht po realizohet zëvendësimi total i dyshemesë së vjetër dhe është ndërtuar një dysheme e re dhe gjithashtu po bëhet një rikonceptim i ri i internetit të sallës. Po riinstalohet dhe rikonfigurohet nga e para i gjithë sistemi elektronik. “Po ashtu edhe sistemi elektrik i amortizuar po zëvendësohet me një sistem nga më bashkëkohorët”, thuhet në njoftimin e Kuvendit. Në ditët e fundit përpara fillimit të sesionit të ri parlamentar, pritet të bëhet edhe mobilimi i sallës, ku do të vendosen tavolinat dhe karriget e reja. Pamundësia për ndërtimin e një kompleksi të ri parlamentar, ka detyruar institucionin e Kuvendit që të bëj remont në sallën aktuale ku zhvillohen punimet parlamentare. Tre vjet më parë, Kuvendi organizoi dhe një konkurs ndërkombëtar, për të realizuar projektimin e një kompleksi parlamentar. Më 28 qershor të vitit 2007, një studio zvicerano-shqiptare e arkitekturës u shpall fituesja e konkursit ndërkombëtar për projektimin e kompleksit të ri parlamentar. Por kostoja prej miliona eurosh, me sa duket ka penguar vënien në zbatim të këtij projekti i cili parashikohej të ngrihej mbi ambientet ku është aktualisht kryesia e Kuvendit, e njohur ndryshe si ish-Komiteti Qendror. Kuvendi do ti nis punimet e tij në javën e dytë të shtatorit, ndërsa komisionet parlamentare do të fillojnë që javën e parë të këtij muaji.
Shqip
Përgjigju Duke Cituar
Postuar më parë nga Qyfyre
Po ndonje Ring Boksi sberen aty ?
Krijoni Kontakt