Bursa Tirana

[Patrioti]

Pershendetje!

Per sa kohe cdo klub apo kafe arin ti shmanget tatimeve se i jep nonji 5mije leksh apo 10mije pol. tatimore imagjino se cmund te bejne "shoqerite e medha" te perfaqesuara ne burse. Ato jo me dy po dhe me dymbedhjete bilance do punojne, jo per te pasuruar aksionerin ( fitim qe ne nje fare menyre do ti duhet ta deklaronin ) por xhepat e bordit drejtues.
Keshtu qe si privat ske asnje shans per te fituar nga investimi yt, perjashto rastin kur
ose ke investuar shume dhe paketa aksioneve te lejon te besh ligjin ne kompani,
ose kur investon ne ndonje "kompani te paster" si ajo e z. Duka qe fitimet e veta i deklaroi edhe ne parlament: per 10 vjet afro 10 mio. us$!!!!!!!!!!

keshtu qe lejini cakejt te bejne ate qe i thote FMN me bo dhe shikoni me na dhone nonje keshille sesi ne ketej te bojm nonje lek.

[Dita]

Ishte vetem nje ide Visitor. Sidoqofte, ata qe kane lexuar ne kete teme, jane te qarte per shkaqet pse kjo burse mund te kthehet ne nje deshtim.

Shendet!

Dita

[ganoid]

Bilancet e dyfishta, mungesa e eksperiencës dhe e konsulencës financiare pengojnë listimin në bursë

Bursa e Tiranës, 5 kompani kërkojnë të listohen

Meka: “Brenda 9 muajsh ose 1 viti pritet që të listohet kompania e parë pranë Bursës së Tiranës”

Bledjana Beqiri

Bursa

Pesë kompani të mëdha kanë shprehur interes të drejtpërdrejtë për të kuotuar aksionet e tyre në Bursës e Tiranës. Por Shqipëria një ndër vendet e vetme pa bursë në rajon dhe në botë, vetëm pas 9 muajsh apo pas 1 viti mund të fillojë realisht funksionimin. Kështu, pohon drejtori i përgjithshëm i Bursës së Tiranës, Elvin Meka, sipas të cilit listimi i parë i një kompanie është një proces i vështirë për shkak të mungesës së eksperiencës në këtë treg. “Listimin e një kompanie në Bursën e Tiranës për kushtet e Shqipërisë do ta shikoja si një procedurë teknike që mund të zgjasë deri në një vit”, pohon Meka. Ai sqaron se stafi i Bursës së Tiranës shpreson që brenda vitit 2004 të kuotohet kompania e parë në bursë, edhe pse vështirësitë nuk qëndrojnë brenda institucioneve të tregut të kapitaleve, pra as në Komisionin e Letrave me Vlerë, as në Bursa Tirana dhe as tek ndërmjetësit. “Pjesa më delikate e fillimit të listimit të biznesit mbetet tek vetë ndërmarrja”, sqaron Meka për gazetën “Shekulli”. Sipas tij, që një kompani të listohet në bursë duhet që Asambleja e Përgjithshme e kësaj ndërmarrjeje të marrë vendimin nëse kërkon që të kuotohet në bursë, pra që të jetë një ndërmarrje zyrtarisht me ofertë publike. Kështu, ekzistojnë disa procedura formale që prej marrjes së vendimit nga ana e pronarëve të biznesit për t’u ofruar në publik deri në momentin final të kuotimit të letrave me vlerë në bursë. “Kjo është pjesa më e vështirë dhe më delikate e të gjithë procesit”, pohon Meka për procesin e marrjes së vendimeve nga Asambleja e Përgjithshme e kompanive të ndryshme që janë të interesuara që të investojnë aksionet e tyre në bursë. “Në momentin që pronarë apo aksionerë vendosin që të ofrojnë ndërmarrjen në publik, mund të themi pa dyshim që ka filluar në mënyrë të pakthyeshme i gjithë mekanizmi i shndërrimit të Bursës së Tiranës në një treg real të letrave me vlerë apo të kapitaleve. Pra, ku do të mund të shkëmbehen aksionet ose letrat me vlerë të ndërmarrjeve të ndryshme”, pohon Elvin Meka.
Pse biznesi nuk regjistrohet në bursë
Bilancet e dyfishta, transparenca financiare, mungesa e eksperiencës, mungesa e kulturës financiare, mungesa e konsulencave financiare janë disa prej faktorëve që ndikojnë në mosfunksionimin real të bursës në Shqipëri. Akoma nuk ka një kompani shqiptare apo të huaj, shtetërore apo private që të marrë e para iniciativën për t’u listuar në Bursën e Tiranës, edhe pse kjo e fundit që prej disa muajsh ka marrë licensën përfundimtare për të operuar në këtë treg. Drejtori i Bursës së Tiranës pohon se arsyet që akoma nuk ka një kompani të listuar në bursë janë nga më të ndryshmet. Për sa u përket bilanceve të ndërmarrjeve, të cilat janë përfolur shumë si një nga pengesat kryesore, Meka pohon: “Vërtet Shqipëria ka një shkallë të lartë informaliteti në ekonomi, por pikërisht për këtë qëllim krijohen tregjet formale dhe institucione për të luftuar informalitetin, ku ndër institucionet më të spikatura kundër këtij fenomeni duhet të jetë gjithmonë bursa”. Ai sqaron më tej se bilancet e dyfishta nuk janë një pengesë e madhe në cilësinë e raportimit të të dhënave financiare, nëse shikohen prioritet që një ndërmarrje ka nëse listohet në bursë. “Prioriteti i një ndërmarrjeje që do të krijohet në bursë është krejt i ndryshëm nga prioritetet e një ndërmarrjeje të pakuotuar, për sa i përket cilësisë së raportimit të të dhënave financiare apo transparencës së pasqyrave financiare, sepse është një fakt i thjeshtë që një ndërmarrje që do të kuotohet në bursë duhet të tregojë imazhin më të mirë të mundshëm të saj”, sqaron drejtori i Bursës së Tiranës. Sipas Mekës, nuk ka rrugë tjetër përveç sigurimit të një transparence të kënaqshme financiare, e cila mund të rrisë vlerën e pasurisë së pronarëve apo aksionerëve. Por përveç transparencës financiare pengesë është edhe mosnjohja e procesit të listimit të një ndërmarrjeje në bursë, për këtë arsye stafi i Bursës së Tiranës ka zhvilluar dhe po zhvillon tryeza pune me komunitetin e biznesit. “Faktorët që pengojnë biznesin që të listohet në bursë janë disa, por mungesa e eksperiencës në këtë fushë, mungesa e institucioneve të specializuara që merren me përgatitjen e dokumenteve standarde për këtë qëllim pengojnë realisht këtë proces”, pohon Elvin Meka.


Bilancet e dyfishta, transparenca financiare, mungesa e eksperiencës, mungesa e kulturës financiare, mungesa e konsulencave financiare janë disa prej faktorëve që ndikojnë në mosfunksionimin real të bursës në Shqipëri

Promovimi

Bursa e Tiranës shkon pranë biznesit

Bursa e Tiranës fillon turneun e saj për prezantimin e aktiviteteve që komuniteti i biznesit mund të kryej në ambientet e saj. “Bursa e Tiranës po bën promovimin e saj si treg letrash me vlerë, si dhe si institucion i ri i bonove të sistemit financiar shqiptar”, pohon Elvin Meka, drejtor i Bursës së Tiranës. Qyteti parë pas Tiranës, ku specialistët e bursës do të trokasin është Durrësi, Vlora, Fieri dhe ndonjë qytet tjetër ku biznesi privat është shumë i zhvilluar. Qëllimi kryesor i takimeve me biznesin është promovimi i Bursës së Tiranës, si dhe sqarimi i hapave konkretë që një biznes duhet të ndjekë për t’u kutuar në bursë nëpërmjet ofrimit të aksioneve të ndërmarrjes.




20/10/2003
KATEGORIA: Ekonomi