Shok e miq mora vendim
Tash e tutje abstenim
Divorcin do t’i kërkoj
Historia të mbaroj
Edhe shkallët po i zbrisja
Për her’ të fundit t’i flisja
Siç mendova edhe bëra
Sa mu shfaq u ndez e tëra
Prit i thash’ o moj Sadete
Kam të tjera muhabete
Këtu te dera do flasim
Njëri tjetrin më mos ngasim
Edhe më mos më kërkosh
Më ke marrë për kodosh
Bëmë ç’bëmë tani harro
Zër’ një tjetër që të do
Duke punuar për ty
S’më duan njerzit e mi
Dëgjo tha more spurdhjak
Sinqerisht do një dajak
Dhe për krahu më përfshiu
Në tapet shok se ç’më shtriu
Se gjithmon’ un’ para saj
Dorëzohem shum’ kollaj
Dhe i fola me zë shuar
Burrit tënd i jam betuar
Lere tha ti burrin tim
Se tek ty ka shum’ besim
Lere tha se ç’shok që kam
Tash baxhanak me të jam
Më sqaroj për atë nat’
Kur të shtriva në krevat
Kur ai ishte sëmurë
Kur më dhe ti atë kurë
Fliste a s’ fliste Sadetja
Dhe si çup’ i dukej vetja
Seç përdorte ca teknika
Sinqerisht më zuri frika
Kam par’ tha n’televizor
Kur një burri i bën’ zbor
Ishin tre si puna ime
Bir o nëne se ç’luftime
Mir’ i thash’ o moj Sadete
Tani çohu se më trete
Her’ e fundit që po shtrihem
Më me ty nuk s’përzihem
Dhe më hypi një inat
Edhe dola mbi krevat
Sadete pa prit një herë
Do llafosemi në derë
Edhe dola…sinqerisht
Pas më erdhi sigurisht
Divorcin po ta kërkoj
Pallatin ta qetësoj
Kan’ patur s’kan’ patur nge
Dhjetë vjet jan’ marr’ me ne
Dhjetë vjet o moj Sadete
Un’ e di moj si më trete
Vërtet shpirti ty ta donte
Edhe pesh’ zemrën ta çonte
Edhe pse ke pir’ konjak
Sonte do t’i vëm’ kapak
Bir o nëne kur bërtiti
Më zuri dhe lart më ngriti
Prap më çoi te tapeti
Fjala gjysëm seç më mbeti
Mos i thash’ Sadete mos
Se kështu e katranos
Po ku dëgjonte Sadetja
Si një çup i dukej vetja
Edhe rrinte përmbi mua
Më thoshte thuam të dua
Dhe divorcin nuk ta jap
Do të të fut në dollap
Mos të t’gjej as policia
Zjarr të ndizet dashuria
Po ç’mu desh me vete thash’
Prap o Beso do ta hash
Se Sadetja s’divorcohet
Sa po vjen edhe forcohet
Bir o nëne ç’qef ka patur
Edhe asgjë nuk ka matur
Një përbindshe e vërtet
Do të rrojë 100 vjet
Sepse mëndjen se vret kurrë
Mëndje saj është veç burrë
Sinqerisht shok mezi dola
Edhe më asaj si fola
Se më kthehej për së treti
Veç të vdisja un’ i shkreti
Por ajo një llaf ma tha
Përveç meje për ty ska
Në më tradhëtofsh një her’
Sinqerisht do të të ther’
Ndaj dhe sonte ju betohem
Po s’desh ajo nuk ngatërrohem
Postuar më parë nga Besoja
Krijoni Kontakt