Myftiu Tërnava uron besimtarët për Fitër Bajram

[muslim_ks]

Myftiu Tërnava uron besimtarët për Fitër Bajram

Prishtinë, 8 shtator - Myftiu i Kosovës, Mr. Naim Tërnava, me rastin e Fitër- Bajramit, ka uruar besimtarët myslimanë të Kosovës për mirëqenie e unitet, për ta çuar vendin atje ku synojmë të gjithë.
Nesër, më 9 shtator 2010, thuhet në fillim të urimit, është dita e parë e Fitër - Bajramit, ndaj me këtë rast kam kënaqësinë që në emër të Kryesisë së Bashkësisë Islame të Republikës së Kosovës, të institucioneve të saja dhe në emrin tim personal, t’i përgëzoj të gjithë besimtarët për përmbushjen e njërit prej obligimeve kryesore të fesë islame, dhe t’ua uroj Fitër - Bajramin, duke e lutur Allahun e Madhërishëm që të na ketë pranuar agjërimin, lutjet, ibadetet dhe punët e mira që i kemi bërë gjatë këtij muaji në shenjë respekti ndaj krijuesit Fuqiplotë.
Muhamedi a.s. thotë “Kush agjëron Ramazanin me besim dhe vetë llogaritje të
sinqertë do t’i falet tërë çka ka gabuar më parë “.
Festa e Fitër - Bajramit ngërthen në vete rikujtimin dhe përkushtimin ndaj Krijuesit të gjithësisë, të cilin besimtarët me të madhe e shprehën edhe gjatë muajit të madhëruar të Ramazanit. Na bashkoi adhurimi ndaj Zotit, bamirësia, mirëkuptimi, zeqati e sadakaja, si dhe solidariteti dhe përkujdesja ndaj të varfërve, ndaj nesër krenarë e ballëhapur e festojmë Fitër- Bajramin.
Le të frymëzohemi edhe me këtë rast, nga këto momente më të bukura për besimtarin ngase ai sot përfundon agjërimin e muajit të Ramazanit me se kryen një obligim që i ka caktuar Zoti, dhe me të drejtë pret të shijojë begatitë që ka dhuruar i Madhi Zot për njeriun, ndaj duhet vazhduar me vepra të mira, në mënyrë që Zoti të jetë i kënaqur me veprat tona, ngase të gjithë bashkë jemi përgjegjës para Zotit për veprat tona.
Në vazhdim të urimit Myftiu Tërnava ka thënë se jemi gjeneratë me fat që Zoti na zgjodhi të jemi dëshmitarë të ngjarjeve të rëndësishme për popullin tonë, si rënia e komunizmit, luftën për çlirimin e Kosovës, pavarësinë e saj, hyrja e Shqipërisë në NATO, fitorja jonë në GJND, dhe tani bashkërisht po ndërtojmë procesin për integrimin e vendeve tona në Bashkimin Evropian.
Presim që edhe nesër në Asamblenë e OKB-së të dalim fitimtarë e Kosova përfundimisht të zërë vendin e saj në OKB.
Për këto rezultate duhet që t’u jemi mirënjohës të gjithë atyre që në një mënyrë a në një tjetër kanë dhënë kontributin e tyre, përfshirë këtu edhe kontributin që miqtë tanë ndërkombëtarë po japin në realizimin e shtetësisë së Kosovës.
Kurani mbështet konceptet e moralit, dashurisë e mëshirës, përkushtimit e sakrificës, tolerancës dhe paqes, besimtari i pajisur me këto virtyte përhap dashuri, respekt, harmoni e kënaqësi te të gjithë njerëzit që janë të prirë të punojnë vepra të mira.
Islami nëpërmjet agjërimit dhe adhurimeve të tjera i ka pastruar shpirtrat e njerëzve nga urrejtja e xhelozia, i ka dëlirësuar nga egoizmi pangopësia e koprracia, duke i udhëzuar në respekt ndaj njëri tjetrit, në ngritjen e një shoqërie humane, në të cilën gjykon dashuria hyjnore, e ngritur mbi principe të fuqishme të drejtësisë, bamirësisë e mëshirës. Nisur nga këto parime unë ju porosis të gjithëve që të shtrini dorën e ndihmës ndaj skamnorëve, jetimëve dhe të gjithë atyre që janë ne nevojë.
Ashtu si ishim të bashkuar, humanë e të dinjitetshëm, tolerantë e të disiplinuar gjatë muajit të agjërimit, ashtu duhet të jemi bashkë e unikë gjithherë për të çuar përpara vendin tonë atje ku synojmë të gjithë.
Në fund ai ua ka uruar Fitër- Bajramin të gjithë vëllezërve e motrave tona, kudo që gjenden. /koha/

[muslim_ks]

Krerët e vendit uruan besimtarët për Bajram

Prishtinë, 8 shtator - Presidenti i Republikës së Kosovës, dr. Fatmir Sejdiu u ka dërguar një mesazh urimi të gjithë qytetarëve dhe besimtarëve të besimit islam me rastin e festës së Bajramit të Madh, duke shprehur urimet më të sinqerta me rastin e dhe duke u dëshiruar paqe, shëndet, begati dhe harmoni të plotë në familjet e tyre. Më tej në këtë urim thuhet: "Në këtë ditë kremteje, shprehim nderimin tonë për të gjithë ata besimtarë të devotshëm e të urtë, të cilët me agjërim kanë kaluar një muaj nën shenjën e adhurimit të Zotit, nën shenjën e mirësisë dhe të përulësisë, të sakrificës e të dashurisë për njëri tjetrin dhe për njerëzimin mbarë. Edhe sot, si gjithmonë, le të theksojmë fuqishëm falënderimin tonë të përhershëm për miqtë tanë, për miqtë e Kosovës, që na ndihmuan edhe në kohën e luftës sonë për liri e pavarësi dhe që po na ndihmojnë edhe sot në forcimin e shtetit tonë të pavarur e demokratik. Po ashtu, nderim të veçantë shprehim edhe për të gjithë ata që shkrin vetveten e tyre për lirinë dhe pavarësinë e Kosovës, të cilët u sakrifikuan për një të ardhme më të mirë për të gjithë qytetarët e vendit pa dallim. Kosova ka qenë gjithmonë një shembull i rrallë i bashkëjetesës, i tolerancës dhe i harmonisë në mes njerëzve të përkatësive të ndryshme etnike e fetare. Le të punojmë së bashku që ky mozaik i shkëlqyeshëm që na ka dhuruar Zoti të mbetet i tillë përherë".

Presidenti i Republikës së Kosovës, dr. Fatmir Sejdiu urim të veçantë i dërgoi kryetarit të Bashkësisë Islame të Kosovës, mr. Naim Tërnava, me rastin e festës së Bajramit të Madh. "Kjo ditë e shënuar e gjen vendin tonë të dashur, Republikën e Kosovës, me shumë arritje, për realizimin e të cilave kontributi i Bashkësisë Islame të Kosovës, dhe juaji personalisht, është i pamohueshëm", thuhet në urim. "Duke e vlerësuar lart rolin Tuaj dhe të Bashkësisë Islame në të gjitha proceset që ka kaluar vendi ynë, urojmë që paqja, dashuria dhe harmonia në mes qytetarëve të Kosovës dhe të botës mbarë të mbizotërojë përherë. Jam i bindur se edhe në të në ardhmen, Ju do t'i shërbeni me vullnet të plotë, sikundër deri më tani, thellimit të harmonisë, tolerancës ndërfetare dhe mirëkuptimit në mes qytetarëve të Kosovës pas dallim etnie e besimi", theksohet në fund të urimit të. Presidentit Sejdiu.

Me rastin e festës së Fiter Bajramit Kryekuvendari Jakup Krasniqi dhe kryeministri Hashim Thaçi, uruan kryetarin e Bashkësisë Islame të Kosovës, myftiun Naim Tërnava dhe gjithë besimtarëve myslimanë në Kosovë. "Qytetarët e Republikës së Kosovës janë shquar për tolerancë ndërfetare, duke u dëshmuar si shoqëri me vlera të larta njerëzore e humane. Solidariteti dhe toleranca ndërfetare janë pasuritë më të çmuara të popullit tonë, si të tilla ato përbëjnë një garanci të sigurt për të ardhmen tonë dhe brezave që do vijnë pas nesh", thuhet në urimin e kryeparlamentarit Krasniqi. Ndërkaq Kryeministri Thaçi, duke uruar myftiun e Kosovës, Naim Tërnava dhe qytetarët e besimit islam të Kosovës, thotë se sivjet, "festën e Fitër Bajramit po e kremtojmë në Kosovën e lirë dhe demokratike me tri vjet pavarësi, me rezultate të larta si në rrafshin e brendshëm ashtu edhe në atë ndërkombëtar". "Fitores së e Kosovës në Gjykatën Ndërkombëtare të Drejtësisë, së shpejti do t'i shtohet edhe fitorja në Asamblenë e Përgjithshme të Kombeve të Bashkuara, duke bërë që shteti i Kosovës dhe qytetarët e saj të mburren me të arriturat e gjithmbarshme", thuhet në urimin e tyre.

Urime për këtë festë besimtarëve myslimanë dhe krerëve fetarë të tyre u dërguan edhe liderët e partive politike të Ksovës. /koha/

[muslim_ks]

P.s Kjo foto është edhe një deshmi tjeter e mungeses se hapesires per te kryer lutjet, ku ne anen e majte shihen shume njerez te cilet nuk kan mundur te marrin pjese ne lutjen e Bajramit

[muslim_ks]

Nesër pushim për Bajram

Prishtinë, 8 shtator - Ministria e Administratës Publike njofton se për të gjithë nëpunësit e Shërbimit Civil të Kosovës, më 9 shtator- Dita e Fiter Bajramit, do të jetë ditë pushimi,bazuar në Ligjin Nr. 03/L-064 për Festat Zyrtare të Republikës së Kosovës.
Këtë ditë do të kenë pushim edhe institucionet shkollore të Kosovës. /koha/

[MafiaWarz]

Qfar pune pushim duam dhe festa me sa morra vesh per bajram Discot e Prishtines do te jen plot pasi kan marrur leje per te punuar perseri mas 12-tve por vetem per bajram me saktesisht ne Duplex Ose Full House do te jet shume mire ka edhe vende tjera ku ta di... Pijet alkoholike shkoin nga 3 euro per bajram ne 2.50 me sa morra vesh ne disa Klube e keshtut me radh... mjaft festime do te ket

[Renea]

Mbasi shkrujta dicka, e fshiva , sdu te hy ne lojrat e tua , vetem se ti je nje kancer i popullit shqiptar , as shpija jote ste mban.


IPKO liron sms-at për Bajram

Përveç çmimeve të zbritura për festën e Fiter Bajramit, telefonia mobile IPKO do të ofrojë edhe kualitetin më të mirë të rrjetit mobil në Kosovë.PKO për Bajram: sms kudo në Kosovë 1 cent, jashtë saj 5 cent!

Nga Express më 08.09.2010 në ora 12:19
Me rastin e festës së Fiter Bajramit, IPKO ka vendosur që ti shpërblejë të gjithë konsumatorët e vet, duke e liruar çmimin për SMS lokal, me vetëm 1 cent drejt çdo operatori mobil në Kosovë, ndërsa dërgimi për një SMS ndërkombëtar do të jetë vetëm 5 cent.

Edhe gjatë kësaj feste, IPKO po e vazhdon praktikën e shpërblimit të konsumatorëve të saj përmes risive të këndshme dhe ofrimit të çmimeve më të volitshme për komunikim, e posaçërisht në rastet kur komunikimi mes konsumatorëve të saj është më i shpeshtë dhe më i domosdoshëm.

Për ditën e Fiter Bajramit (09 shtator 2010) për njëzet e katër orë rresht, dërgimi i urimeve, me SMS, tek familja, shokët dhe të afërmit, konsumatorëve të telefonisë mobile IPKO do t’i kushtoj vetëm 1 cent drejt të gjithë operatorëve mobil në Kosovë, ndërsa dërgimi i një SMS-i ndërkombëtar atyre do t’ju kushtoj 5 cent. Për festat zyrtare, të gjitha thirrjet brenda rrjetit IPKO janë me tarifë të ulët, 5 cent në minutë.

Si në çdo ditë tjetër të vitit, përdoruesit e telefonisë mobile IPKO do të mund të bëjnë thirrje ose të dërgojnë SMS nga çdo pjesë e territorit të Republikës së Kosovës, pasi që operatori mobil të cilin ata e përdorin ofron mbulueshmërinë dhe stabilitetin më të mirë të rrjetit në Kosovë.

IPKO në vazhdimësi kujdeset, që të gjithë konsumatorët e saj të përfitojnë nga çmimet e volitshme, kualiteti i shërbimeve dhe produktet inovative të cilat ofrohen nga kjo kompani.

[Disa]

Tërnava porositi besimtarët të ndërtojnë shoqëri të shëndoshë

Prishtinë, 9 shtator - Besimtarët myslimanë në gjithë territorin e Kosovës kanë nisur sot kremtimet për festën e Fitër Bajramit, Bajramit të Madh, siç njihet në traditën e besimtarëve shqiptarë, pas një muaj agjërimi të muajit të shenjtë të Ramazanit. Manifestimi qendror në Prishtinë u mbajt në Xhaminë e Madhe, me ç’rast besimtarëve islam u është drejtuar myftiu i Kosovës, Naim Tërnava. Ai dha porosinë për të gjithë njerëzit që të bashkëveprojnë drejt ndërtimit të një shoqërie të shëndoshë dhe të vazhdojnë me kultivimin e tolerancës, dashurisë ndërnjerëzore e humanitetit.
Manifestimi qendror kushtuar festës së Fitër Bajramit, i njohur tradicionalisht ndër shqiptarët e besimit islam si Bajrami i Madh, është mbajtur në Xhaminë e Madhe “Sulltan Mehmet Fatih” në Prishtinë. Namazi i Bajramit është falur në ora 6. 46 minuta, ndërsa paraprakisht ligjërata me tematikë nga kjo festë janë mbajtur nga Musa ef. Avdiu, Xhelal ef. Kaloshi, Mr. Ragmi Destani, etj, kurse hytbenë e ka mbajtur myftiu i Kosovës Naim Tërnava, i cili iu është drejtuar opinionit të gjerë me mesazhin për këtë festë.

Saktësishtë në orën 06 e 46 minuta filloi falja e namazit të Fitër Bajramit të cilën e udhëhoqi kryeimami i Bashkësisë Islame Sabri Bajgora.

Në fund të kësaj ceremonie besimtarëve i’u drejtua me një mesazh kryetari i Bashkësisë Islame të Kosovës, Naim Tërnava, i cili porositi besimtarët për të shtuar dashurin vëllazërore dhe për të qenë sa më të bashkuar që të ndërtojmë një shoqëri të shëndoshë.

Myftiu Tërnava në mesazhin e tij tha se festa e Fitër Bajramit është e një rëndësie të veçantë për besimtarët që kanë agjëruar muajin e Ramazani dhe që kanë shprehur përkushtim ndaj Krijuesit të gjithësisë, ndërsa bëri thirrje për vazhdimin e shkëmbimit të mesazheve të mira mes njerëzve.
Festa e Fitër Bajramit është e një rëndësia të veçantë për besimtarin që ka agjëruar muajin e Ramazanit. Vjen pas një muajit të tërë adhurimi dhe përkushtimi ndaj Zotit krijues. Sot të mbledhur kështu nëpër xhami e sheshe presim shpërblimet e Allahut, presim kënaqësinë e Tij dhe kërkojmë atë, lutemi për mëshirë e falje, për vetën tonë, familjet tona dhe popujt mbarë, ngase kemi kryer edhe agjërimin, i cili numërohet një nga shtyllat e fesë islame”, ka thënë ai.
Në këtë rast, myftiu u ka rikujtuar besimtarëve që kanë obligim që krahas kryerjes së riteve fetare, gjatë jetës gjithnjë të respektojnë farefisin, rrethin, vendin dhe të kenë një përkushtim të veçantë ndaj personave me nevojë.
Ai ka dhënë porosi për të gjithë besimtarët që sikurse që kanë kryer agjërimin si obligim ndaj Zotit edhe me tutje të vazhdojnë me vepra të mira dhe asnjëherë të mos qëndrojnë indiferent ndaj padrejtësive, por të vazhdojnë gjatë tërë vitit me vepra të mira dhe kryerjen e detyrimeve ndaj fesë.
“Të nderuar besimtarë, ne edhe pse po ndahemi sot nga muaji i mëshirës dhe ibadetit, nga muaji i Ramazanit të bekuar, kjo nuk do të thotë se po lirohemi edhe nga detyrimet e fesë. Ne në ditët që vijnë assesi nuk guxojmë t’i lemë pas dore namazin e ibadetet tjera, veçse praktikën që e kemi realizuar gjatë Ramazanit duhet ta vazhdojnë gjatë tërë vitit. Nuk bënë të lëmë adhurimin dhe sevapet e fituara dhe t’u kthehemi mëkateve dhe gjërave të ndaluara. Dijeni se adhurimi me pabesi i ngjan një ndërtese pa themele, kurse besimi pa adhurim i ngjan një fare të thatë e të pajetë”, është shprehur Tërrnava.
Duke treguar historikun nga feja islame dhe rëndësinë që bart muaji i Ramazanit dhe festa e Fitër Bajramit, Tërnava tha se sipas islamit njeriut i takon që të sillet mirë ndaj njerëzve dhe të përpiqet të krijojë vepra të mira dhe të rrezatojë mirësi, sepse këto porosi janë dhënë edhe nga pejgamberi Muhamed a.s, i cili në vazhdimësi ishte i inspiruar nga i madhi Zot.
Në këtë rrash, myftiu Namit Tërrnava tha se shoqëria jonë si asnjëherë më parë ka nevojë dhe duhet të kultivojë vlerat e mirëfillta ku nëpërmjet një bashkëveprimi të gjerë shoqërorë jo vetëm nëpërmjet fjalëve, por edhe nëpërmjet veprave të ndihmojë në kultivimin e tolerancës, dashurisë ndërnjerëzore e humanitetit.
“Vëllezër të nderuar, në këtë ditë të veçantë dhe momente festive kështu të gëzuar duke kërkuar falje e mëshirë nga i madhi Zot që në asnjë moment të mos harrojnë begatitë e Allahut krijuar për një mirëqenie përgjithshme në mbarë botën. Ju bëj thirrje që të punoni për një të ardhme sa më të mirë të vendit tonë, që në mesin tonë të mbretëroj harmonia e solidariteti, që janë virtyte të vetnatyrshmërisë së njeriut në islam. Urime festa e Fitër Bajramit”, ka thënë myftiun Tërnava.
Kryetari i Bashkësisë Islame Naim Tërnava me bashkëpunëtorët ka organizuar pritje përurimi në ambientet e Bashkësisë Islame në Prishtinë.
Festa e Bajramit të Madh u fal nga besimtarët islamë në të gjitha xhamitë e Kosovës.
Sot në gjithë vendin nuk punohet. /koha/

[Disa]

Zyrtarë vendorë e ndërkombëtarë vizituan Bashkësinë Islame

Prishtinë, 9 shtator - Përfaqësues të institucioneve kanë vizituar sot Bashkësinë Islame të Kosovës dhe kanë uruar myftiun e Kosovës, Naim Tërnava me rastin e Fitër Bajramit. Në urimet e tyre mbizotëron porosia për paqe, tolerancë dhe mirëkuptim mes njerëzve.


Bashkësia Islame, siç raporton RTK-ja, ka qenë nikoqire e urimeve të përfaqësuesve ndërkombëtarë dhe vendorë. Kryeparlamentari Jakup Krasniqi ka uruar Myftiun e Kosovës, Naim Terrnava dhe të gjithë besimtarët e fesë islame, Festën e Fitër Bajramit. Ai uroi gjithë popullin shqiptar për paqe, lumturi dhe mirëkuptim.

Edhe zëvendëskryeministri Hajredin Kuçi pasi ka uruar myftiun Tërnava, ka përgëzuar gjithë qytetarët duke theksuar që populli i Kosovës gjithmonë ka ditur të jetë solidar dhe ka shprehur besimin që fryma e unitetit tek qytetarët do të vazhdojë të kultivohet edhe më tej.

Myftiun Tërnava e kanë uruar sot edhe përfaqësues të partive politike. nënkryetari i Aleancës Kosova e Re, Ibrahim Gashi tha se festa e Fitër Bajramit, ka kuptimin e sakrificës për të tjerët.

Në Bashkësinë Islame të Kosovës sot urimet kanë qenë të shumta. Përvec tjerëve, Myftiun Tërnava e kanë uruar edhe përfaqësuesi i EULEX-it Andry Sparks, kryeipeshkvi i Ipeshkvisë së Kosovës, Dodë Gjergji si dhe përfaqësues të tjerë vendorë dhe ndërkombëtarë. /koha/

[Disa]

Për Ditën e Bajramit, mbi 4.4 milionë sms

Prishtinë, 10 shtator - Mbi 4.4 milionë mesazhe (SMS) janë dërguar suksesshëm vetëm brenda një dite të vetme, saktësisht gjatë ditës së enjte, kur është festuar Fitër Bajrami. Bazuar në statistikat e operatorit mobil VALA, prej orës 00:00 - 24:00 të datës 9 shtator janë regjistruar saktësisht 4,429,604 milionë dërgime të sms-ve.
E veçanta është se pas dhjetë vjet operimi, operatori Vala ka qenë 100 për qind i
suksesshëm dhe ka thyer të gjitha rekordet, thuhet në një komunikatë të këtij operatori të telefonisë celulare.
Në festën e Bajramit vitin e kaluar, më 27 nëntor 2009, janë dërguar 3,551,820 sms, ndërsa më 20 nëntor 2009 janë dërguar 3,353,042 sms, që do të thotë se sivjet është shënuar një rritje prej afro 1 milion sms-ve
Ky është një rekord i VALA-s dhe kjo ka ndodhur falë investimeve që janë bërë, masave që janë ndërmarrë, angazhimit të ekipeve tona dhe si rezultat i ofertave gjithnjë e më atraktive që u ofrojmë konsumatorëve tanë, ka deklaruar kryeshefi ekzekutiv i
PTK-së, Shyqëri haxha. /koha/