Serbia e ndryshon rezolutën për Kosovën

[MafiaWarz]

Lobim kundër rezolutës serbe
Hillary Clinton dhe William Hague e kanë marrë personalisht mbi supe lobimin kundër rezolutës serbe rreth Kosovës, për të cilën do të debatohet në sesionin e ardhshëm të Asamblesë Parlamentare të Kombeve të Bashkuara, që mbahet në shtator.

Gazeta beogradase “Blic”, duke iu referuar burimeve diplomatike, shkruan në numrin e sotëm se sekretarja amerikane e Shtetit, Hillary Clinton dhe ministri i Jashtëm britanik, William Hague, u kanë dërguar letër liderëve të mbi 50 vendeve, ndër to edhe atij kinez, me të cilën kërkojnë që të mos e votojnë rezolutën serbe.

Gjykata Ndërkombëtare e Drejtësisë me kërkesë të Serbisë, thuhet në letër, ka shqyrtuar ligjshmërinë e shpalljes së pavarësisë së Kosovës, dhe ka konstatuar se ajo nuk bie ndesh me të drejtën ndërkombëtare, prandaj votimi pro kësaj rezolute do ishte fare i pakuptimtë.

Në këtë letër thuhet po ashtu se “rezoluta duhet të mos aprovohet edhe pëër faktin se e ardhmja e të dyja vendeve, Kosovës dhe Serbisë, është në Bashkimin Evropian”.

Pos sekretares së Shtetit Clinton dhe ministrit të Jashtëm Hague, në lobim kundër rezolutës serbe janë aktivizuar edhe ministri i Jashtëm i Francës dhe ai i Arabisë Saudite.

Beogradi, sipas gazetës ”Blic”, ka arritur të marrë mbështetjen e 50 shteteve, të cilat kanë premtuar se do ta votojnë rezolutën serbe, ndërkaq SHBA-të, Franca, Britania e Madhe dhe Arabia Saudite kanë marrë premtimin e 65 vendeve se do të votojnë kundër kësaj rezolute.

Në anën tjetër një numër i madh vendesh kanë bërë të ditur se nuk do ta votojnë rezolutën, por as nuk do të jenë kundër, shkruan në numrin e sotëm gazeta e serbe. /Telegrafi/

[Llapi]

Clinton dhe Hague

Clinton e Hague lobojnë kundër rezolutës serbe


Kosova do të dal fituese në KB, thotë Hyseni

Kosova do ta mund edhe kësaj here Serbinë dhe rezolutën e saj, tha ministri i Jashtëm i Kosovës Skënder Hyseni, duke saktësuar se Kosova është përgatitur për Asamblenë e përgjithshme të OKB-së....
Postuar: 03:41:46 / 25.08.2010
Ministri i Jashtëm i Kosovës Skënder Hyseni në mbledhjen e qeverisë tha se Serbia e ka edhe një shans që ta tërheqë rezolutën e saj para se të shkojë për diskutim në Asamblenë e Përgjithshme të OKB-së dhe sipas tij një gjë e tillë ka gjasë që të ndodhë në momentin e fundit. Diplomati kosovar megjithatë tha se nëse kjo ndodhë, ka një konsensus edhe mes ndërkombëtarëve që nëse shteti serb tërhiqet të mos shpërblehet për këtë.
Ministri Hyseni është i sigurt se rezoluta serbe nuk do të kalojë pasi që Kosova ka marrë zotimet e shumë shteteve për mbështetje.
Ndërkohë, kryeministri Hashim Thaçi tha se pas fitores historike të Kosovës në Gjykatën Ndërkombëtare të Drejtësisë (GJND), Kosova do të ketë sukses edhe në OKB.
Asambleja e Përgjithshme e Organizatës së Kombeve të Bashkuara mbahet në muajin shtator ndërkohë që atje do të jenë edhe presidenti i vendit Fatmir Sejdiu, Kryeministri Hashim Thaçi dhe ministri i Punëve të Jashtme Skënder Hyseni. Delegacioni kosovar, do të jetë afër këtyre zhvillimeve në përpjekje për ta penguar rezolutën serbe e cila thërret për fillimin e negociatave të reja për statusin e Kosovës.

[Llapi]

Hyseni në koordinim 24-orësh me Quintin

Nga Express më 25.08.2010 në ora 16:10
Kreu i diplomacisë së Kosovës, Skënder Hyseni, tha sot se institucionet e Kosovës kanë koordinim 24-orësh me vendet e Quint-it në prag të Asamblesë së Përgjithshme të Organizatës së Kombeve të Bashkuara.

Ndërsa kryeministri Hashim Thaçi ka shprehur besimin e plotë se Kosova do të ketë sukses në mbledhjen e asamblesë, e cila zhvillon punimet nga mesi i shtatorit, njësoj sikur në Gjykatën Ndërkombëtare të Drejtësisë.

Ministri i Punëve të Jashtme, Hyseni, paraqiti sot një informatë, para kabinetit qeveritar, për përgatitjet që janë bërë për përballjen e Kosovës me draft-rezolutën, të cilën Serbia do ta paraqesë për aprovim në OKB.

Sipas tij, Prishtina është duke i koordinuar shumë mirë veprimet me vendet e Quintit, me SHBA-në, Gjermaninë, Francën, Mbretërinë e Bashkuar dhe Italinë për të mposhtur përpjekjet serbe për rezolutë.

“Që nga dita kur është nisur kjo rezolutë, koordinimi është 24-orësh. Gjatë javëve dhe ditëve të kaluara ka pasur takime të rregullta të presidentit, kryeministrit dhe ministrit të Jashtëm, në njërën anë dhe Quintit, në anën tjetër. Kjo me qëllim të koordinimit për zhvillimet në New York”.

Hyseni shprehu bindjen se veprimet dhe koordinimet kanë filluar të japin frytet e para. “Ne kemi zotime nga dhjetëra anëtare të OKB-së se rezoluta serbe do të kundërshtohet. Do të kundërshtohet pjesërisht po ashtu edhe si një nismë serbe për ta kritikuar GJND-në, sepse në thelb kjo draft-rezolutë që është paraqitur për aprovim i bën kritikë të papranueshme organit më të lartë të drejtësisë në botë”, ka thënë Hyseni, transmeton KosovaPress.

Presidenti, kryeministri dhe ministri i Jashtëm i Kosovës do të udhëtojnë në një New York në prag të vendimit të mundshëm për vënien në rend dite të kësaj draft-rezolute serbe. Por sipas Hysenit, ka mundësi që kjo draft-rezolutë të tërhiqet nga Serbia ose të përpiqet që të amandamendohet.

Sidoqoftë, ai ka thënë se ka një qëndrim konsensual se Serbia nuk mund të shpërblehet nëse bën tërheqje në momentin e fundit.

Kreu i diplomacisë së Kosovës nuk ka dhënë detaje tjera për përgatitjet për Asamblenë e Përgjithshme, siç ka thënë ai për shkak të diskrecionit diplomatik, por ka siguruar se koordinimi me pesë vendet e Quintit do të vazhdojë dhe po ashtu do të ketë një bashkëpunim të ngushtë edhe me vendet kyç mbështetëse të pavarësisë së Kosovës.

Thaçi: Po hyjmë në një fazë të re

Kryeministri Hashim Thaçi tha se muaji shtator është një fazë e re për angazhimet qeveritare që ndërlidhen edhe me angazhimet ndërkombëtare për Kosovën.

“Tash po hyjmë në një fazë të re të angazhimeve që kemi për muajin shtator e që ndërlidhen drejtpërdrejt me një agjendë tepër të ngjeshur qeverisëse, por në të njëjtën kohë të angazhimeve ndërkombëtare për Kosovën dhe agjendën tonë të konsolidimit të shtetit, të angazhimeve të gjithanshme të institucioneve tona. Pas suksesit historik me prezantimit e opinionit pozitiv të Gjykatës Ndërkombëtare të Drejtësisë kemi besim të plotë se edhe në Asamblenë e Përgjithshme do të rezultojë me sukses të plotë, me sukses meritor”, ka thënë Thaçi, para kabinetit qeveritar.

[Llapi]

Dështim i sigurt
Zyrtarë të Qeverisë së Kosovës shprehen të bindur se projektrezoluta serbe e ka të sigurt dështimin në Asamblenë e Përgjithshme të OKB’së. Ministri Skënder Hyseni thotë se Kosova dhe Quinti po punojnë 24 orë në ditë që Beogradi të kthehet duarthatë nga New York’u. Ai kërkon që nëse Serbia tërheq rezolutën të mos shpërblehet nga bashkësia ndërkombëtare.

Nga Bekim Greiçevci më 26.08.2010 në ora 8:10
Qeveria e Kosovës është e bindur se projektrezoluta serbe e dorëzuar në Kombet e Bashkuara do të dështojë për shkak të angazhimit intensiv të institucioneve vendore dhe vendeve të Quintit si dhe koordinimit mes tyre.

Në mbledhjen e rregullt të Qeverisë, Kryeministri Hashim Thaçi dhe Ministri i Jashtëm Skënder Hyseni u shprehen të sigurt se në New York do të arrihet fitore sikur në Hagë.

“Pas suksesit historik me prezantimit e opinionit pozitiv të Gjykatës Ndërkombëtare të Drejtësisë kemi besim të plotë se edhe në Asamblenë e Përgjithshme do të rezultojë me sukses të plotë, me sukses meritor”, ka thënë Thaçi.

Shefi i diplomacisë kosovare tha se Prishtina është mban kontakte të vazhdueshme me anëtarët e Quntit për të penguar mbështetjen për rezolutën serbe.

“Veprimet dhe koordinimet mund të them me siguri të plotë se kanë filluar të japin frytet e para dhe ne kemi zotime nga dhjetëra vende anëtare të OKB’së që rezoluta serbe do të kundërshtohet”, ka thënë Hyseni.

Ai theksoi e kërkesa e Serbisë për negociata të reja është kërkesë për destabizilim të skajshëm jo vetëm të Kosovës, por tërë rajonit të Ballkanit Perëndimor.

Sipas tij, shumë vende janë deklaruar se do të votojnë kundër projektrezolutës së Beogradit.

“Kemi zotime nga dhjetëra anëtare të OKB’së se rezoluta serbe do të kundërshtohet. Do të kundërshtohet pjesërisht po ashtu edhe si një kundërvënie ndaj nismës serbe për ta kritikuar GJND’në, sepse në thelb kjo draft-rezolutë që është paraqitur për aprovim i bën një kritikë të papranueshme organit më të lartë të drejtësisë në botë”, ka thënë ai.

Ministri Hyseni parashikon disa opsione lidhur me fatin e rezolutës serbe në Asamblenë e Përgjithshme të OKB’së - dështimin e saj në votim ose Beogradi vendos në momentin e fundit ta tërheq rezolutën nga rendi i ditës. Po ashtu, mund të ketë përpjekje për amandamentim të saj si pjesë e kompromisit mes Serbisë dhe BE’së për të cilin shpresojnë disa politikanë serbë.

Hyseni tha se ka një qëndrim konsensual mes Prishtinës dhe vendeve të Quintit se Serbia nuk mund të shpërblehet nëse bën tërheqje nga Asambleja në momentin e fundit.

Nëse Beogradi nuk ndryshon qëndrimin për shkak të presionit nga Bashkimi Europian dhe SHBA, projektrezoluta e Serbisë pritet të votohet në javën e dytë të shtatorit, disa ditë para fillimit të sesionit të ri të Asamblesë së Përgjithshme.

Për të kërkuar përkrahje për kundërshtim të projektrezolutës serbe dhe njohje të reja për Kosovën, në New York do të udhëtojë një delegacion i udhëhequr nga Presidenti Fatmir Sejdiu dhe Kryeministri Hashim Thaçi.

Liderët kosovarë shpresojnë se njohjet të reja do të ketë edhe para votimit të rezolutës së Serbisë.

Beogradi shpreson se republikat ish-jugosllave të cilat e kanë njohur pavarësinë e Kosovës - Sllovenia, Kroacia, Mali i Zi dhe Maqedonia - do të abstenojnë gjatë votimit të rezolutës për Kosovën, ndërkaq Bosnja do të votojë në favor të Serbisë.

Kështu kanë deklaruar zyrtarë të lartë serb për të përditshmen “Danas”.

“Nga Bosnja pritet që kësaj here të përkrahë politikën e Beogradit, por Sarajeva ende nuk ka qëndrim përfundimtar”, kanë thënë një zyrtar anonim serb.

Kjo gazetë shkruan se Serbia nuk ka iluzione se shtetet që kanë vendosur marrëdhënie diplomatike me Kosovën do të përkrahin rezolutën, por për shkak të “synimeve europiane për marrëdhënie të mira fqinjësore dhe bashkëpunim rajonal”, do të abstenojnë.

Ky është thelbi i porosisë të cilin përfaqësuesit diplomatikë të Serbisë e kanë përcjellë ditëve të fundit në Zagreb, Podgoricë, Shkup dhe Lubjanë.

Mirëpo, profesori i Universitetit të Zagrebit, Zarko Puhovski nuk beson se do të pranohet kërkesa e Beogradit.

“Nuk ekziston mundësia reale që ndonjë nga vendet e rajonit që kanë njohur Kosovën të pranojnë këtë thirrje të Beogradit dhe këtë jo për shkak të Prishtinës, por për shkak të Washingtonit. Fjala është se të gjitha shtetet e Ballkanit Perëndimor dëshirojnë të jenë aleat të SHBA’ve. Është e qartë se presioni amerikan lidhur me çështjen e Kosovës është shumë i fuqishëm”, ka thënë Puhovski.

[Llapi]

Beogradi dhe Brukseli do të modifikojnë rezolutën e Serbisë?

Beogradi dhe Brukseli do ta gjejnë mënyrën për të modifikuar propozim rezolutën e dërguar nga Serbia në Kombet e Bashkuara”, shkruan në numrin e sotëm e përditshmja serbe Politika. ...
Postuar: 01:02:12 / 27.08.2010
Sipas gazetës marrëveshja për mundësinë e ndryshimit të rezolutës së Serbisë është arritur gjatë takimit të shefit të diplomacisë gjermane Vestervele me Presidentin Boris Tadiç.

Shtetet kryesore të Bashkimit Evropian e kanë kritikuar Serbinë për dorëzimin e rezolutës për Kosovën në OKB pa marrëveshje me Brukselin. Sipas tyre, kërkesa që bëhet në rezolutë për negociata të reja për statusin, është e papranueshme, pasi Kosova është shtet i pavarur dhe se me opinionin e GJND-së ka përfunduar debati rreth kësaj teme.

[Nice_Boy]

Beograd, 8 shtator - Qeveria e Serbisë i ka miratuar në një mbledhje telefonike Konkluzat, me të cilat autorizohet Ministria e Jashtme që të paraqesë propozimin e ndryshuar të Rezolutës për Kosovën në Asamblenë e Përgjithshme të Kombeve të Bashkuara.
Propozimi i ndryshuar është harmonizuar me 27 vendet anëtare të Bashkimit Evropian, kanë konfirmuar për Radion Evropa e Lirë burime në Qeverinë e Serbisë.
Ky është rezultat i marrëveshjes së djeshme të presidentit serb Boris Tadiq dhe kryediplomates së BE-së, Ketrin Eshton në Bruksel.
Teksti i projekt rezolutës është harmonizuar sot me të gjitha partitë në koalicion dhe partitë opozitare në Serbi.
Teknikisht, ministria e jashtme serbe do ta ndërrojë projekt rezolutën, kështu që nuk do të ketë amandamente.
Sipas agjencisë FoNet, e cila ndër të parat, e ka bërë publike pak a shumë tekstin e projekt rezolutës së ndryshuar serbe, Qeveria e Serbisë ka vendosur sot që AP të OKB të propozojë rezolutën të cilën Serbia e ka harmonizuar me të 27 vendet e BE-së, me 22 sosh që e ka pranuar pavarësinë e Kosovës dhe me 5, të cilat nuk e kanë pranuar.
Ky dokument është kompromis të cilin Serbia e ka arritur në bashkëpunim me BE-në dhe plotësisht është në përputhje me vendimin e Kuvendit të Serbisë të 26 korrikut 2010, theksohet në komunikatën e Qeverisë duke theksuar se me këtë propozim rezolutë në asnjë mënyrë nuk pranohet pavarësia e Kosovës, raporton FoNet.
Me harmonizimin e tekstit përmbyllet procesi para GJND-së dhe bëhet thirrje për dialog ndërmjet Beogradit dhe Prishtinës, theksohet në komunikatën e Qeverisë së Serbisë.
Kjo, sipas komunikatës, është në pajtim me qëndrimin parimor të Serbisë se vetëm me bisedime mund të gjendet zgjidhje e pranueshme për të dy palët e çështjes së Kosovës, e cila do të vërtetohet në Këshillin e Sigurimit të OKB-së.
Sipas komunikatës së transmetuar nga FoNet, propozim rezoluta e re, po kështu përmban edhe rregullat e Kartës së OKB, që Serbia mundet të vazhdojë të mbrojë interesat e veta legjitime dhe nacionale në mënyrë paqesore dhe diplomatike, në bashkëpunim me BE dhe të gjithë faktorët e rëndësishëm ndërkombëtar.

[Nice_Boy]

Ndërron projektrezoluta


Qeveria e Serbisë, sot në një mbledhje telefonike, ka miratuar konkluzat, me të cilat autorizohet Ministria e Jashtme që të paraqesë propozimin e ndryshuar të projektrezolutës për Kosovën në Asamblenë e Përgjithshme të Kombeve të Bashkuara.
Propozimi i ndryshuar, sipas portalit të gazetës Blic është harmonizuar me 27 vendet anëtare të Bashkimit Evropian (BE). Sipas burimeve të këtij portali, ky është rezultat i marrëveshjes së presidentit serb Boris Tadic dhe kryediplomates së BE-së, Catherine Ashton.

Teksti i projekt rezolutës është harmonizuar sot me të gjitha partitë në koalicion dhe partitë opozitare në Serbi. Teknikisht, Ministria e Jashtme serbe do ta ndërrojë projektrezolutën, kështu që nuk do të ketë amandamente. Është paralajmëruar që teksti i rezolutës së re do të bëhet publik brenda ditës së sotme.

Qeveria e Serbisë i ka miratuar konkluzat, me të cilat autorizohet Ministria e Jashtme që të paraqesë propozimin e ndryshuar të rezolutës për Kosovën në Asamblenë e Përgjithshme të Kombeve të Bashkuara.

Ndërkohë lajmi i këtij portali është konfirmuar edhe nga Presidenca e Serbisë. Në njoftim theksohet se me tekstin e harmonizuar, mbyllet procesi para Gjykatës Ndërkombëtare të Drejtësisë.

"Emëruesi i përbashkët që u arrit është fryt i kompromisit, i cili nënkupton se pas vendimit të Gjykatës Ndërkombëtare të Drejtësisë është gjetur formula, me të cilën hapet dialogu për zgjidhjet e ardhshme, e cila thirret në Kartën e Kombeve të Bashkuara, dhe e cila nuk e përmban njohjen e pavarësisë së Kosovës në asnjë mënyrë", thuhet në deklaratën me shkrim të presidentit Tadic.

Ndërsa në komunikatën e Qeverisë në Beograd thuhet se dokumenti, tek i cili është arritur në bashkëpunim me BE-në, është plotësisht në pajtim me vendimin e parlamentit të Serbisë të datës 26 korrik, 2010. Më tutje, në projekt-rezolutë bëhet thirrje për dialog ndërmjet Beogradit dhe Prishtinës, i cili, siç thuhet, është në pajtim me qëndrimin parimor të Serbisë se vetëm përmes bisedimeve mund të gjendet zgjidhje e pranueshme për të dyja palët lidhur me çështjen e Kosovës.

Në komunikatën e Qeverisë thuhet po ashtu se propozimi i ri i kësaj rezolute, i cili mund të bëhet i ditur sot gjatë ditës, i mundëson Republikës së Serbisë që të vazhdojë t'i mbrojë interesat legjitime dhe kombëtare të saj në mënyrë paqësore dhe diplomatike, në bashkëpunim me BE-në dhe të gjithë faktorët e rëndësishëm ndërkombëtarë. /Telegrafi/

[Drenica 97]

Permbajtia e rezolutes eshte ne mediumet serbe,blic,politika etj, me ne fund serbia u dorzua.

[Llapi]

Permbajtia e rezolutes eshte ne mediumet serbe,blic,politika etj, me ne fund serbia u dorzua.

u dorzue valla
por le qe u dorzua por ne nji mnyr edhe e ka njoft Shtetin e Kosoves

[USA NR1]

jam shume optimist se ka me pranu serbia Kosoven