Privatizimi i ish-Ekspozitës, PS: Nesër faktet korruptive

[SERAFIM DILO]

Privatizimi i ish-Ekspozitës, PS: Nesër faktet korruptive

TIRANE- Partia Socialiste deklaron se disponon fakte të cilat vërtetojnë, sipas saj, se godina Ish ekpozita 'Shqipëria sot' është futur në „një proces privatizimi korruptiv për qëllime përfitimi personal e familjar dhe aspak shtetëror. “

Deputeti socialist Eduard Shalsi akuzoi sot nga selia rozë si të përfshirë në këtë privatizim “ministrin e Bujqësisë, ish ministrin e Energjetikës Genc Ruli si dhe njerëz afër kryeministrit Berisha”.

Sipas tij për të kryer këtë privatizim janë prishur arbitrarisht kontratat me subjektet që kishin marrë ligjërisht ambientet e kësaj godine me qera, mes tyre tha Shalsi dhe “Top Channel, televizioni kombëtar që është vënë në presionin për të dalë jashtë pavarësisht se me kontratë të rregullt shumëvjecare me shtetin“.

“Këta njerëz- vazhdoi deputeti socialist- me funksione zyrtare ose jo, i kanë diktuar qeverisë shqiptare të gjithë praktikën e këtij privatizmi, duke e detyruar të prishë arbitrarisht kontratat me subjektet që kishin marrë ligjërisht me qera mjediset e ish-Ekspozitës Shqipëria”-
Shalsi i kërkoi Rulit që në vend të heshtjes t’i përgjigjet sot pyetjeve të bëra dje për të dhënë sqarime për privatizimin dhe prishjen e kontratave, në të kundërt nesër “ne do të fillojmë ekspozimin e fakteve që provojnë se privatizimi i ish-Ekspozitës Shqipëria Sot është një proces i korruptuar nga njerëz me funksione ose jo pranë Sali Berishës dhe Genc Rulit.”
Shalsi thotë më tej se nga ky arbitraritet korruptiv qeveria do të përballet dhe me prishjen e njëanshme të kontratës të cilat kanë penalitete financiare dhe që do të paguhen me paratë e shqiptarëve.

Opozita e ka fokusuar aksionin opozitar tek denoncimi i skandaleve qeveritare. Kështu fillimisht, deputetët e PS-së akuzuan deputeten Albana Vokshi, më pas ministren Majlinda Bregu dhe së fundi deputeten Rajmonda Bulku, për përfitime të bashkëshortëve të tyre nga pushteti i deputeteve.
Pyetjet drejtuar Rulit
"Përse u prish përpara çdo afati dhe në mënyrë të njëanshme nga ju, kontrata e shtetit me subjektet private, që kishin marrë hapësira me qira në mjedisin e ish-ekspozitës "Shqipëria Sot", përfshirë këtu dhe kontratën me televizionin kombëtar Top-Channel?".
A ka takuar investitorë që kanë qenë të interesuar për këtë privatizim, apo ke vepruar i shkëputur nga interesat private të njerëzve e familjarëve të kryeministrit apo zyrtarëve të tjerë të lartë të qeverisë?.
A ka vallë, zoti Ruli, familjarë ose njerëz të tjerë të lidhur me ju, kryeministrin apo funksionarë të tjerë të lartë, që kanë qenë të interesuar për të përfituar drejtpërdrejt nga ky privatizim, duke ju shtyrë të prishni në mënyrë të njëanshme kontratën për dhënien me qira të ish-ekspozitës 'Shqipëria Sot'?"
A është në dijeni të procesit të vlerësimit të truallit të ish-ekspozitës dhe të zonës përreth dhe, a e konsideroni këtë një proces transparent, të drejtë e të ndershëm?".

Balkanweb

Po mir,çfar ndodh sikur shoku Ruli,ti pergjigjet pyetjeve,edhe sikur te dali fajtor,ndryshon ndonje gje.??????
O me mire... po i pergjigjem ne vend te shokut Ruli.("ato me te lehtat")
1)Perse u prish kontrata......................etj etj...
Sepse,eshte e drejta ime, si minister,e kontrata mu duk e padrejt.
2)A ke takuar investitoret...................................... .........
Po i kam takuar te gjithe,qe ishin te interesuar...bisnesmen,privat,e qeveritar.
3)A ka njerez te fisit tuaj,edhe njerez te pd.........duke ju shtyre te prishni kontraten......
Ka njerez te mit,edhe te PD.qe kan perfituar nga prishja e kontrates.Si te gjithe te tjeret qe kane paraqitur interes....
4)A jeni ne dijeni.......
Po jam ne dijeni.Dhe e quaj proçes trasparent....

Pyetje kot,pa kuptim e pa sostanc.
Te pakten nga ana e ligjore.Se si gazetari jane zero.(po nese ne shqiperi jemi!)

[Brari]

lol


po i sheh poplli cdo dite si po diskreditohet fabrika shpifse e selise roze me eksperience 50 plus 20 vite ne rafinim e djallezi ne mashtrim..

vazhdoni se me mire do benet..

...


POLITIKË
Ekspozita u privatizua nga familja e Dash Pezës
16-09-2010 / Gazeta 55


Çahet korrupsioni i shalë(s)ve të Edi Ramës. Ekstrakti i Qendrës Kombëtare të Regjistrimit të Bizneseve konfirmon se firma që ka fituar të drejtën të ndërtojë në truallin ku shtrihej ish-Ekspozita “Shqipëria Sot” ka për administrator Luan Matën, djalin e xhaxhait të Ilir Matës, kunatit të famshëm të Dash Pezës, njeriut që ka ngritur pallatin shumëkatësh që u ka zënë rrugën qytetarëve, që ka marrë monopolin e linjave të urbanit dhe që bashkë me Edvinin sillen si çifti që ka për pronë kryeqytetin. Ruli: Koha të zbardhim abuzimet e bashkisë, nga Koçoja, Besoja e deri tek Ledi Shamku



Nisur nga akuzat e përditshme të Partisë Socialiste drejtuar ish ministrit të Ekonomisë, Tregtisë dhe Energjetikës, Genc Ruli, aktualisht ministër i Bujqësisë, faktet e vërteta të cilat gazeta “55” i posedon tërësisht flasin për një zbulim rrënqethës dhe që përfshin drejtpërdrejt Edi Ramën dhe klanin e tij të ndërtimit. Ish Ekspozita “Shqipëria sot”, është privatizuar nga Luan Mata dhe kompania e tij “Victoria Construction”, e cila ka fituar të drejtën të zhvillojë zonën prioritare. Luan Mata është kushëriri i Ilir Matës, kunatit të Dash Pezës dhe njërit prej njerëzve më të afërt të Edi Ramës, i cili ka udhëhequr aksionin e privatizimit të truallit të përfolur, pas prishjes së kontratës së familjarëve me “Vision Construction”. Kësisoj, deklaratat e Eduard Sharësit nga podiumet e selisë rozë, thjesht e vetëm tentojnë të fshehin përgjegjësit e vërtetë, të një çështje jo vetëm absurde në trajtim, por po aq eunuke, përsa kohë prona u është kthyer pronarëve të ligjshëm dhe jo tentakulave endacake të të afërmve të Shalsit apo edhe të vetë Edi Ramës, por ajo që deri dje ishte e fshehur në këtë mes dhe e mbuluar nga strofkulla e Leprit, është se privatizimi i ish-Ekspozitës “Shqipëria sot”, do të kryhej nga kompania “Victoria Construction”. Është e njëjta skemë që është përdorur edhe nga Lepuri i Edvinit, me zonën ndërtimore tek Liqeni, është skema e sekserëve, me të cilat po garantohej privatizimi i kryeqytetit. Por prishja e disa prej këtyre kontratave ka sjellë edhe irritimin e Edvinit, pasi ai irritohet veç kur nuk i del si duhet mekanizmi i 20 përqindëshit. Por afera e ish-Ekspozitës duket të jetë vetëvrasja politike e Edvinit, megjithatë, detajimi i saj pritet të kryhet në ditët në vijim...



Ruli: Koha të zbardhim abuzimet e bashkisë, nga Koçoja, Besoja e deri tek Ledi Shamku/Ministri Ruli i kujton kryesocialistit një seri privatizimesh abuzive nën miratimin e Edi Ramës, duke filluar nga hotel Tirana i Koços, Taivani i Besos dhe lëshimi i lejeve të ndërtimit vetëm një firme, si ajo e Ledi Shamkut të Ramës Ministri i Bujqësisë Genc Ruli ritheksoi edhe njëherë dje se pronarëve të ish – Ekspozitës iu është rikthyer prona e ligjshme, e cila iu mbahej padrejtësisht prej 10 vjetësh, kur në atë ambient nuk kishte asnjë institucion publik që të ushtronte veprimtarinë dhe të përligjte mbajtjen e saj për nevoja publike. Reagimi i ministrit Ruli erdhi pas sulmeve të radhës nga podiumet e ngrehiës socialiste, ku si çdo herë i ekspozuari kryesor është Eduard Shalsi, i cili madje pretendoi për dokumente rrënqethës, të cilët flasin për një abuzim të ligjit në privatizimin e ish eksozitës. “Rrënqethës është spekulimi, papërgjegjshmëria dhe perversiteti i Ramës dhe gjinkallave të tij dhe bufonata politike e tyre. Pronarët folën me gojën e tyre, ashtu siç foli dhe avokati i firmës “Vision Construction” dhe nuk mendoj se ka ndonjë gjë më shumë për t’i shtuar prononcimit të tyre. Është një e drejtë e ligjshme e pronarëve që të lidhin apo të prishin marrëveshje me firma të ndryshme ndërtimi, qoftë dhe si kjo me firmën “Vision Construction”, që normalisht shihet me respekt, por jo aq të veçantë për mua sa në favor të saj të kundërshtohet ligji”- theksoi Ruli. Dhe sa i takon pastaj interesave klienteliste, Ruli i adresoi disa ca pyetje retorike gaztorit të Ramës, Eduart Shalsit? “A e di ti z. Shalsi se kush e ka privatizuar në kohën e socialistëve Hotel Tiranën për pesë milionë, kur kushtonte të paktën 20 milionë euro?– Biznesmenë si Kokëdhima i Edi Ramës. A e di z. Shalsi se kush e ka privatizuar në kohën e socialistëve frigoriferin e Durrësit, 2 milionë euro, me çmimin e një frigoriferi shtëpie – Kokëdhima i Edi Ramës. A e di z. Shalsi se kush e ka blerë 1500 metër tokë shtetërore? Flasim për ish – Taivanin në qendër të Tiranës, ku z. Rama në shkelje të ligjit nr 9235, dt 29.7.2004, “Për kthimin dhe kompensimin e pronës” ka shitur për qëllime biznesi privat 1500 metër katrorë tokë shtetërore me 100 euro metrin, në një kohë kur çmimi ishte plot 1500 euro metri dhe për më tepër shitja ndalohej me ligji? Blerësi është Beso i Edi Ramës, që e ka marrë këtë tokë rreth katër herë më lirë nga çmimi i tokës së Ekspozitës. A e di z. Shalsi se kush i merr në Tiranë 70 përqind të lejeve të ndërtimit? Firma e Shkrelit të Ledi Shamkut të Ramës. Kaq, sa për të treguar që po të jetë fjala për të ngritur pyetje, madje jo spekulative, mund të kalojmë gjithë pasditen kështu. I kërkova dhe dje z. Shalsi, ia them këtë edhe sot: Mos hyr në librat e shtëpisë sepse ka mundësi të dalin kushërinjtë e tu dhe të z. Rama. Mua nuk më rrënqethni dot, në 20 vite në politike nuk ia ka dalë të më rrënqethë asnjë akuzë. Ai që rrënqethet, është vetëm kryetari tuaj, që ka vetëm e vetëm marazin se ka humbur rastin të bëjë një pazar të majmë por të paligjshëm për veten e klientët e tij në kurriz të pronarëve legjitimë”- deklaroi ministri i Bujqësisë, Genc Ruli

[RAPTILOID]

Njesia Task Force kunder Krimit Ekonomik dhe Korrupsionit ne Prokurorine e Tiranes vendosi te nise me inisiativen e saj hetimet, pas deklaratave te opozites te cilat akuzojne Ministrine e Ekonomise shperdorim detyre dhe korrupsion ne lidhje me kete privatim.

Dosja bazohet aktualisht tek deklaratat e bera publike ne media nga politikane, por edhe biznesmene ne lidhje me kontratat e lidhura dhe te prishura disa here per godinen e Ekspozites. Burime prane prokurorise se Tiranes thane se paraditen e se enjtes e regjistruan procedimin penal per te zbardhur te verteten dhe per te verifikuar versionet e ndryshme qe jane publikuar deri me tani.

Per kete arsye pritet qe shume shpejt qe organi i akuzës të thërrasë ne prokurori fillimisht personat qe kane dhene deklarata publike shoqeruar kjo edhe me mbledhjen e dokumentacionit perkates.

Debati politik per privatizimin e ish-Ekspozites ka vazhduar edhe ne parlament. Deputeti Eduart Shalsi deklaroi se, ende nuk është dhënë përgjigje për akuzat e bëra nga opozita dhe paralajmëroi publikimin e një tjetër afere korruptive të privazimit me bono thesari.

“Kemi folur per Ekspoziten, për Kodër Kamzën dhe deri më sot nuk kemi marrë asnjë përgjigje. Përse nga shkurti në nëntor, cmimet e trojeve publike rreth Ekspozitës u dyfishuan dhe trefishuan dhe ato te ndërtesa jo? Po nuk mjafton vetëm me kaq; keni bërë një privatizim me bono thesari, fakte të reja do të dalin në dritë”, tha Shalsi.

Ish-ministri i Ekonomise dhe privatizimit Genc Ruli deklaroi se pergjigjen do t’ja jape vetem nje instance perkatese dhe se priste qe opozita te kerkonte ngritjen e nje komisioni hetimor ne lidhje me kete ceshtje.

“Do të të përgjigjem kur t’i drejtohesh institicioneve përkatëse. Prisja të ngrinit komision hetimor, qoftë për koncensionet apo për ekspozitën”, tha Ruli.

Ceshtja e shitjes se truallit shteteror me cmim tre here me te ulet se zona perreth dhe akuzat se pas ketij privatizimi qendrojne persona te lidhur me pushtetin prej ditesh po mbajne gjalle debatin politik ne vend.


Top channel

[Albo]

Shikon sa mire. Opozita ngriti akuza per korrupsion ne privatizimin e Ekspozites. Pronaret e saj dolen e thane se akuzat e opozites nuk jane te verteta, ekspozita u eshte kaluar pronareve sic e dikton ligji. Doli edhe ministri Ruli dhe thote qe ekspozita eshte privatizuar sipas ligjit duke iu kaluar ne pronesi pronareve te saj, dhe njeri prej pronareve eshte kunati i njeriut te afert me Edvin Ramen, Dash Peza.

Prokuroria po heton dhe transparenca u be me publikun. Gjithe shqiptaret tani e dine se kush jane pronaret dhe nese ka patur korrupsion apo jo.

Albo

[RAPTILOID]

nuk eshte aq kollaj ai muhabet albo e ka mor ne dore prokuroria se keta kan i gjo te mire per te shpetu salen ia fusin vetes si puna selmanllarit te shofim ca do boj genci do ja fusi vetes apo do ja fusi sales

[mesuesi_1]

ore ju po merreni me mustaqet e Celos ..... AJO TOKE KA PRONARE ....!!!!! AJO TOKE KA ZOT ....!!!! dhe toka ka shkuar te I ZOTI ....!!! mos lodhni kot, jo genci, jo sala, jo topi qenit, jo ky e jo ai ....

[kundraRRYMES]

Pershendetje,

Eshte jo produktive qe deputetet te merren me nxjerrjen e te dhenave te tilla apo me akuza te tilla pasi keto jane akuza te drejte per drejta dhe me keto "fakte" duhet ti drejtohen institucioneve perkatese.

Te mendosh qe ajo prone i eshte dhene pronareve me rrushfet ne shqiperi nuk do te ishte ndonje gje e pamendueshme dhe jo reale. Te gjithe edhe ju simpatizantet e flakte te forces aktuale politike e dini fare mire qe ne shqiperi nuk merr dot kurre prone nese "nuk i lyen rrote" dikujt qofte dhe ne formen me banale te "drekave" apo "kafeve". Per kete mos kundershtoni dot. Tani ideja eshte kjo. Te marresh ish "ekspoziten Shqiperia Sot" ne qender te tiranes do te thote qe shume " vaj" ka shkuar tek ajo "rrote", uroj qe edhe per kete mos te me kundershtoni. Tani qelloi qe ajo "rrote" ne kete moment ishte "rrote" qeverise te z ESPINOZA( keshtu me pelqen ta quaj kryetarin aktual qe gje tjeter pervecse hulumtimit te dosjeve nuk ben gje tjeter) dhe me te drejte akuzohet ajo. Sa te verteta jane keto kjo eshte per tu vertetuar. Tani po te ishte qe ne pushttet do te ishin ato te tjeret atehere akuzat do ti hidheshin kundrejt tyre kjo eshte normale sic eshte bere me shume e shume privatizime te tjera.

Tani sme intereson shume se si qysh tek pronari i ligjshem mori pronen pasi ai i mjeri per te marre pronen do te lepije jo lyeje "rroten" e kujdo qe do te kishte dicka ne dore qofte te "Selmanit" qofte te "Tortes" por cfare bie ne sy pse ishte nje luhatje dhe nje diferencim ne cmimin e truallit( gjithnje po qe se eshte e vertete). As nuk dua te aludoj fare se cfare do te dale nga tere kjo pasi deri me sot skam pare asnje gje konkrete madje une personalisht kam humbur teresisht besimin tek te gjitha forcat politike ne shqiperi. Madje dhe tek ai brez i ri me te cilin cdokush mburret nga "medaljet e arit" qe marrin neper universitetet e botes ne shqiperi perfundojne ne medioker pa vizion.
Mu kujtua nje dite tek nje agjensi turistike nje profesor me banim ne amerike kishte ardhur me ftese te rektorit te universitetit te Vlores per te dhene mesim ketu dhe per te ndryshuar dicka ne sistemin e arsimit. Po kthehej mbrapsht i zhgenjyer, jo se nuk kishte patur mundesi te bente para me rrushftete por se ndihej i "tradhetuar" nga ai "shoku" i tij i universitetit qe kishte studiuar bashke me te ne amerike por qe 2 vjet ne shqiperi e kishin shperfytyruar dhe kthyer ne nje njeri te rendomte qe priste dy pare nga studentet. Eshte per te ardhur me te vertete keq.

Ju faleminderit
"Djali i xhaxhait i vellait te gruas( kunatit) te deputetit te PS"

[Brari]

RD

..

Ata që mbajnë shtëpitë e pronarëve nuk i lirojnë me gjithë paratë e dhëna nga qeveria


Qarkore e fshehtë për të mos liruar shtëpitë e pronarëve


Mazhoranca dhe opozita debatuan dje lidhur me shqyrtimin e ligjit "Për Kthimin dhe Kompensimin e Pronave". Deputetët e mazhorancës vlerësuan se ky ligj i jep fund abuzimeve dhe padrejtësive të bëra përmes dokumentesh të falsifikuara nga pronarë të paligjshëm, ndërsa vunë në dukje se çdo ndryshim i ri është në përputhje të plotë me Kushtetutën. Gjatë debateve në seancën plenare, Kryeministri Berisha hodhi poshtë akuzat e deputetëve socialistë lidhur me këtë ligj të ri, duke theksuar se pushtetarët që kanë përdorur pushtetin për vjedhjen e trojeve të qytetarëve do të marrin përgjigje ligjore. "Beteja për pronën është beteja për sistemin, beteja për stabilizimin e pronës, është beteja për stabilizimin e kapitalizmit në Shqipëri. Ndaj dhe ligji vërtitet sepse janë të panumërt ata nga niveli lokal deri në nivelin qendror, pushtetarët që përdorën pushtetin e tyre si grabitqarë të tokave dhe të trojeve të qytetarëve. Shtëpitë nuk i lirojnë që të marrin pronarët. Shtëpitë u janë mbajtur 50 vjet dhe tani që i japin paratë për t'ua liruar nuk ua lirojnë dhe kanë udhëzim për të mos i liruar. Këta individë që rrinë në shtëpitë e pronarëve kanë qarkore të fshehë për të mos i liruar. Janë totalisht rezistentë ndaj pronarëve, rezistentë ndaj sistemit", u shpreh Kryeministri. Më tej, kreu i qeverisë theksoi se opozita nuk duhet t'i druhet këtij ligji, pasi ekzistojnë të gjitha mundësitë që ai të verifikohet nga të gjitha instancat gjyqësore. Në vlerësimin e tij, Berisha theksoi se ky është një ligj që vendos drejtësi mbi pronën. Referuar kundërshtive të opozitës, Berisha tha se deputetët socialistë i druhen hipotekës së fshehur e të falsifikuar të pronave që në mënyrë të jashtëligjshme janë marrë nga pushtetarët. "Po pse paskan frikë këta pushtetarë nga një ligj i cili verifikohet në çdo qelizë nga gjykatat e vendit, apo duan me çdo kusht që vendimet famëzeza të tyre të mbeten të përjetshme. Nuk mund të ndodhi kjo, ky është ligj që vë drejtësi mbi pronën. Ky ligj u djeg vetëm atyre që kanë përvetësuar pronën duke i vënë këmbën në fyt qoftë dhe familjarëve të tyre. Ky ligj do të bëhet 100 herë derisa e drejta të shkojë në vend. Nuk do të mundet kush që të ndërtojë parajsën mbi mjerimin e tjetrit. Unë e kuptoj që kjo iu djeg shumë juve, sepse ju fshihni prapa të gjithë hipotekën. Ata që e kanë të merituar, e kanë të garantuar qofshin kunetër, qofshin mbi kunetër. Por ata që ua kanë grabitur atyre do t'u merret në mënyrë absolute. Grabitqarët do të marrin përgjigje ligjore, kjo është arsyeja", vijoi Berisha. Duke iu drejtuar PS, ai theksoi se ka me qindra raste kur pronarëve të ligjshëm u është marrë pa të drejtë prona përmes një hipoteke të noterizuar me dokumente false, procese këto të ndodhura gjatë qeverisjes socialiste. "Hipoteka kur është në kundërshtim me ligjin do të ç'bëhet? Ju menduat që me një noter dhe me një inspektor do të mund të përvetësoni mijëra e mijëra hektarë tokë. Çfarë keni ju kur ky është ligj kundër pushtetarëve, pse i dilni për zot pushtetarëve. Ku e keni hallin ju, ua them unë. Ju keni vendosur hipotekën më të gjerë në pronat ku është i vetmi hall. Se për pushtetarët e mi ju nuk qani hall. Ky është ligj i cili me gërshërët e së drejtës pret pronat e paligjshme të pushtetarëve. Ky ligj nuk ka punë me qytetarët, po ku e linin larot pronarin?", vijoi kreu i qeverisë. Në mënyrë të qartë, ai theksoi se ligji është në mbështetje të pronarëve të ligjshëm dhe kundër pseudo-pronarëve që kanë përvetësuar pronat e qytetarëve në abuzim me ligjin dhe duke shpërdoruar pushtetin. "Kolektivizimi ka qenë kapitulli më i hidhur i pronarëve, nuk mund të mbarojë kurrë saga e vuajtjes së atyre pikërisht nga pushtetarët. Kësaj here jo me kolektivizim, por përvetësim i sipërfaqeve të mëdha për qëllime tërësisht personale. Mos votoni kundër këtij ligji se dilni shumë keq. Ligji është absolutisht për pronarët, kjo është e vërteta. Ky ligj nuk është për ata pseudopronarë, të cilët i kanë bërë gjëmën dhe vëllait të vet. Për këtë kategori nuk bëhet fjalë. Unë po flas për pushtetarin në parim dhe jo për një person të vetëm. Po të flas për ju, e dini që gjysma juaj del me hipotekë po nuk po flas se ikni nga salla. Ligji nuk ka qëllime personale, ligji ka si synim të adresojë në themel të sistemit tonë".

Sulmet e Ramës ndaj "Shqipëria SOT" vetëm se trualli nuk u përvetësua nga njerëzit e tij


Gjithashtu, kreu i qeverisë reagoi edhe ndaj deklaratave të përditshme të PS lidhur me privatizimin e ish-Ekspozitës "Shqipëria SOT", duke theksuar se trualli është privatizuar në përputhje të plotë me kuadrin ligjor. Berisha tha se me anë të mashtrimeve opozita nuk mund të manipulojë dot kurrë opionin publik. Në këtë kontekst, ai tha se sulmet e Ramës bëhen vetëm sepse njerëzit e tij nuk arritën dot të përvetësonin truallin. "Sepse të mbash mediat për tre javë për privatizimin e objektit Ekspozita 'Shqipëria Sot', e cila prej 20 vitesh nuk ka patur pothuajse asnjë institucion brenda, e cila kishte publike vetëm kombesatën, e cila u privatizua në përputhje me të gjitha lejet e vendit, u privatizua duke i dhënë një çmim tokës katër herë më të madhe se sa ajo që mori besniku juaj në qendër të Tiranës. Ju mendoni se nëpërmjet mediave do t'u hidhni trutë e veshgjatit qytetarëve. Kështu humbisni çdo lloj kredibiliteti si opozitë. Ky është qëndrim ndaj pronës, ju pikërisht pse nuk e përvetësuat dot atë pronë, pavarësisht se e mori një njeri i afërm i juaji po e mori me meritë me dokumente. Ju tani jeni tërbuar dhe mendoni se do të bindni shqiptarët se toka e shitur me 80 euro në qendër, karshi 'Dajtit' qenka shitur më mirë se sa është shitur me 400 euro te Ekspozita sot 1 kilometër nga qendra e Tiranës. Ramiz Alia e ka patur lule matematikën në krahasim me ju", vijoi Berisha.



Në 8 vite PS u grabiti mbi 2500 prona pronarëve të ligjshëm


Në tetë vite të qeverisjes së saj, Partia Socialiste grabiti mbi 2500 prona pronarë të ligjshëm. Duke dënuar cinizimin e opozitës ndaj daljes kundër pronarëve të ligjshëm, Berisha tha se ky qëndrim është dëshmuar më së miri gjatë periudhës që PS ka qenë në pushtet ku duke abuzuar me pushtetin ka vjedhur pronat e qytetarëve. "Gjatë këtyre 5 viteve pronarëve të këtij vendi u janë kthyer 2100 prona të zëna. Gjatë 8 viteve keni grabitur mbi 2500 prona pronarëve të vërtetë dhe të gjitha këto një nga një, por në momentin e duhur, vazhdoni ju përtypni mashtrimet e gënjeshtrat. Të jeni të sigurtë se do të ketë një radiografi më transparente të këtyre grabitjeve në të cilën ju do të dilni siç jeni", tha Berisha.



Deputetë të PS me prona të falsifikuara, frikë nga ligji i ri


"Parimi themelor i të drejtës shqiptare, i Kushtetutës, i të drejtës evropiane, i Kartës evropiane të të Drejtave të Njeriut, është toka tek i zoti". Kështu iu përgjigj Kryeministri Berisha akuzave të deputetëve të opozitës lidur me ligjin e ri të pronave. Kreu i qeverisë u shpreh se për shkak të mungesës së drejtimit të opozitës në çdo moment deputetëve u duket vetja kryeministër. "Unë iu garantoj se kjo është mënyra më e sigurtë për të mos u bërë kurrë kryeministër. Kjo iu bën juve të shtyheni me njeri tjetrin. I tërë diskutimi që bëtë faktojnë se ju po mbroni hipotekën tuaj", tha kreu i ekzekutivit. Ai u shpreh se deputetët e opozitës po bërtasin dhe po mbrojnë teorinë që toka t'i jepet hajdutit. Ju dëshmoni që jeni pa asnjë argument përveç dokumenteve që keni në hipotekë. Mos mendoni ju që e nderoni Presidentin duke bërë avokatin, nuk ka nevojë Presidenti për avokaturën e juaj. Këtu ka një marrëdhënie institucionale, nuk mund të diskutohet këtu Presidenti i Republikës. Ka një marrëdhënie parlament-dekret, është marrëdhënie kushtetuese. Nuk ka fare marrëdhënie individuale, vetëm marrëdhënie kushtetuese", tha Kryeministri Berisha. Ai theksoi se që në momentin kur opozita paraqet çështjen si përjashtim të gjykatave nga procesi tregon se nuk e njeh ligjin, pasi gjykatat janë të pacenueshme.


Rama përbuz fjalimet e deputetëve të PS në Kuvend


Deputetët e Partisë Socialistë janë të paaftë të bëjnë debate politike veçanërisht në parlament aq sa vet kryetari i tyre Edi Rama ka cituar "më mirë pa ata në parlament se sa ashtu si flasin ata". Duke replikuar me deputetët socialistë në seancë, kryeministri Berisha i ironizoi ata duke theksuar se vet Rama i kuoton me nota se cili pre tyre flet mirë apo keq. "Për herë të parë pas dy vjetësh jam 100 përqind me kryetarin tuaj. Kryetari pasi ju kuotoi me nota si nxënësit, dhe unë ua bëra apelin e notave këtu, tani ka dëshirë ose po shkon drejt nxjerrjes jashtë Parlamentit vetëm e vetëm se me këto që thoni në Parlament as ai nuk ju honeps dot. I thotë një mikut tim: më mirë pa ata në Parlament, sesa ashtu si flasin ata" tha Berisha. Deputetët e PS i binden çdo urdhri të Ramës për të ndërmarrë sulme të gjithanshme për t'i shërbyer 20% apo lejeve të ndërtimit që marrin nga lideri i tyre. "Diskutimi i zotërisë është fund e krye i udhëhequr dhe i frymëzuar nga urrejtja për pronarët e vërtetë, pavarësisht nga ngjyra e tyre në rastin konkret, pavarësisht se prona i është rikthyer një familjeje të lidhur me kryetarin tuaj si kocka me mishin dhe mishi me kockën më shumë se cilit prej jush. Ju sërish këtu ngrini për fajin e vetëm se ai nuk iu jep 20 përqindëshin", tha Kryeministri, duke reaguar ndaj deputetit Braçe. Kryeministri u shpreh se qeveria do të donte që të votonte bashkërisht me opozitën ligjin për pronat duke lënë mënjanë interesat e hipotekave.


Elis KUÇI

rd

.

[RAPTILOID]

a ke gje per ekspoziten apo e pranon qe ka dore ruli aty?

[RAPTILOID]

Shalsi: Berisha gënjen, Ekspozita u ble nga pushtetarët jo pronarët


TIRANË- Deputeti Partisë Socialiste Eduard Shalsi ka publikuar sot fakte të reja mbi privatizimin e Ish-Ekspozitës duke theksuar se Ekspozita u ble nga pushtetarët dhe jo nga pronarët. Referuar një interviste të Berishës para pak ditësh, dhënë për emisionin Opinion, Shalsi tha se kryeministri ka gënjyer, dhe për këtë paraqiti sot dy dokumente. Në këtë intervistë Berisha shprehej, "ligji e ka të qartë si drita e diellit nëse 70% e sipërfaqes është pronë private 30% automatikisht i shitet pronarit. Automatikisht! Ky ligj është votuar nga socialistët"


Shalsi tha se e vërteta është krejt ndryshe, dhe jo ashtu sic thotë Berisha.
Ligji ka ndryshuar tha Shalsi dhe "nuk është qeveria socialiste që e ka ndryshuar, por është pikërisht Sali Berisha ai që e ka ndryshuar nga 80 në 70 %. Dhe a e dini pse? Privatizimi i Ekspozitës nuk do të mund të kryhej me ligjin e vjetër ndaj duhej të ndryshohej ky raport. Aq sa është Ekspozita 70 %"-sqaroi ai

Shalsi bëri publike dhe 2 vendimet e Këshillit të Ministrave, njëri i vitit 2003 dhe tjetri i vitit 2006.


Vendimi i vitit 2003
"Kur sipërfaqja e tokës ish pronë private shtrihet në mbi 80% të të gjithë tokës në objekt, e drejta e parablerjes shtrihet në të gjithë objektin".


Vendimi 2006
"Kur sipërfaqja e tokës, pronë e ish pronarëve shtrihet në mbi 70%, të sipërfaqes së truallit në objekt e drejta e parablerjes, shtrihet në të gjithë objektin".



*************************************



Skandali me koncesionet dhe privatizimet është bërë pjesë e debatit në seancën e sotme plenare. Deputeti Eduart Shalsi ka kërkuar edhe njëherë përgjigje për gjithë akuzat dhe faktet e paraqitura nga opozita për korrupsionin qeveritar me koncesionet dhe privatizimet.


"Deputetja Vokshi ende nuk ka bërë deklarimin e pasurisë. Ajo duhet të deklarojë pasurinë e partnerit të saj"- ka thënë Shalsi, duke përsëritur faktin se privatizimet e qeverisë tashmë kanë dalë sheshit që janë thjesht e vetëm klienteliste.


Ai ka deklaruar se shumë shpejt fakte të reja do të dalin në dritë për privatizimin te Ish Ekspozita, që tregoi qartë se pas saj qëndronte partneri i Vokshit, Tartari dhe miku i Berishës, Selmanllari.


Pas fjalës së tij ka reaguar ministri Genc Ruli. "Unë do të përgjigjem për akuzat nëse do t'i drejtohesh institucioneve përkatëse. Këtu jemi në parlament. T'i duhet të dish ligjet, që thonë se prona i kalon të zotit"- iu drejtua ai Shalsit.


Ai tha, se priste që sot opozita të ndërmerrte një tjetër nismë për të cilën do të ishte i gatshëm. "Unë sot prisja që të bënit një tjetër hap. Ngrini komision hetimor për koncesionet dhe privatizimet. Lërini shfaqet me teatër ambulator"- tha ai.