Ferizaj, plagosen tre nxënës

**muslim_ks** · 06-09-2010, 23:18

Ferizaj, plagosen tre nxënës

Tre nxënës janë plagosur paraditen e së hënës në Gjimnazin "Kuvendi i Arbërit" në Ferizaj. Personi i dyshuar, i cili nuk është nxënës i shkollës, ndodhet në arrati.

Policia ka konfirmuar se rasti ka ndodhur rreth orës 8.50, pas përfundimit të orës së parë mësimore. Me të marrë lajmin, në vendngjarje kanë dalë njësitet policore, të cilat kanë marre vesh se bëhet fjalë për një tentimvrasje.

Zëdhënësi rajonal i policisë, Agim Gashi, tha se nga hetimet preliminare dyshohet se personi i dyshuar ka shtirë në nxënës duke plagosur tre prej tyre. "Të tre nxënësit janë jashtë rrezikut për jetë, ndërsa njëri prej tyre është më rëndë i plagosur. Të tre këta kanë marrë plagë në pjesën e poshtme të gjymtyrëve", theksoi Gashi, për të shtuar se i dyshuari është i njohur për policinë.

Policia nuk ka bërë të ditur motivet e rastit, por ka thënë se i dyshuari nuk ka qenë nxënës i kësaj shkolle. Jozyrtarisht mësohet se nxënësit e plagosur janë, G. Rama 15-vjeçare, A. Hashani, 15-vjeçar dhe A. Rama 15-vjeçar.

Rastin e ka dënuar edhe drejtoria e shkollës, duke thënë se ky rast i rëndë duhet dënohet nga të gjithë dhe kryesi i sulmit të nxirret para drejtësisë.

Drejtori i Gjimnazit "Kuvendi i Arbërit ", Ali Azemi, gjatë përshkrimit të ngjarjes, ka thënën se personi i dyshuar i është bashkuar turmës së nxënësve të tjerë dhe ia ka dalë që të futet deri te lokali i paraleles X-12, me ç'rast edhe e ka kryer ketë veprim.

"Bëhet fjalë për një rast të rëndë plagosjeje nga një person që nuk është pjesë e kësaj shkolle, për ta vazhduar shkollimin e mesëm dhe bëhet fjalë për një nxënës të shkëlqyeshëm", theksoi Azemi.

Këtë ngjarje të pazakontë e ka dënuar edhe këshilltari i Ministrit të Arsimit, Nehat Mustafa. Ai ka thënë se bëhet fjalë për një rast që më parë nuk ka ndodhur në shkollat tona, ndërsa ka kërkuar rritjen e kujdesit sidomos në hyrje të shkollave.

"Rasti si i tillë është i rëndë. Në çdo fillim vit nëpër shkolla krijohen tollovi dhe këtë e shfrytëzojnë edhe ata që nuk janë pjesë të shkollave. Kërkoj nga drejtorët e shkollave që të kenë kujdes, sidomos tash kur shkollat frekuentohen shumë nga njerëzit", tha Mustafa.

Policia është duke punuar në kapjen dhe zbardhjen e këtij rasti. Kurse tre nxënësit e plagosur ndodhën për kurim, dy në Ferizaj dhe një në QKU në Prishtinë.

Hoxhaj e dënon rastin

Plagosjen e tre nxënësve të Gjimnazit “Kuvendi i Arbërit” në Ferizaj të hënën e ka dënuar edhe ministri i Arsimit, Shkencës dhe Teknologjisë, Enver Hoxhaj, gjatë një vizite që i bëri Ferizajt, duke e cilësuar këtë ngjarje si një lajm jo të mirë për Kosovën.

“Lajm që edhe mua si ministër më ka prekur. Bashkëpunëtorët e mi po e përcjellin gjendjen nga afër. Sipas informatave tona, ishte një situatë konfliktuoze e krijuar jashtë objekteve shkollore para disa javëve, por i cili u bart brenda objektit shkollor”, ka thënë Hoxhaj.

Ai tha se ky është akt tejet i dhimbshëm dhe shumë i rëndë për Ministrinë e Arsimit dhe Shkencës së Kosovës. /express/

Lajmi nga Klan Kosova:

**apollo12** · 07-09-2010, 04:26

Rasti i plagosjes se nxenesve, ne objektin shkollor ne Ferizaj, eshte rast shum i rende. Shpresoj te jet i fundit, mirepo sipas rrjedhave , dhe disa fenomeneve te cilat po ndodhin koheve te fundit ne shoqerine Kosovare ky rast mund te jet vetem fillimi. Eshte momenti i fundit qe te gjitha institucionet shteterore te kosoves sidomos Policia, te ndryshoj komplet metodologjin e punes ne sferen e ruajtjes se qetesis publike dhe mbrojtjes se qytetarve. Ndersa ne Gjykata dhe Prokurori te largohen nerezit te cilet jan te korruptuar deri ne fyt. Per kete rast dikush duhet te jap pergjegjesi. Nxenesit duhet te ken siguri maksimale , kjo nuk guxon te perserirtet. Eshte turp per te gjith ne.

**Nete** · 07-09-2010, 04:39

Ja ku kemi arritur....katastrof!!!

**muslim_ks** · 07-09-2010, 10:41

Terror në klasë

Një huligan ka plagosur tre nxënës të Shkollës së Mesme në Ferizaj. Ai i ka gjuajtur me armë zjarri, brenda në klasën e shkollës, pas një zënke. Nxënësit po trajtohen në spital dhe janë jashtë rrezikut për jetë. Ministri Enver Hoxhaj, pas kësaj ngjarje, tha se do të angazhohet për sigurinë e nxënësve.

Tre nxënës janë plagosur paraditen e së hënës në Gjimnazin Kuvendi i Arbërit, në Ferizaj. Ata kishin pasur një zënkë të vogël më herët më një person të panjohur, i cili të hënën ishte kthyer për të plagosur me armë nxënësit G. Rama 15 vjeçar, A. Hashani, 15 vjeçar dhe A. Rama 15 vjeçar.

Express ka mësuar se përleshja mes tyre nuk ishte arsyeja e vetme.

Nxënësit dhe djali i cili i ka plagosur ata, pohohet se tash sa kohë kanë edhe konflikt familjar. Ky person, i cilësuar si huligan, ka ikur për shkak të vonesës së policisë për të intervenuar.

Zëdhënësi rajonal i Policisë në Ferizaj, togeri Agim Gashi, tha se nga hetimet preliminare i dyshuari është identifikuar. Policia, tha ai, është në dijeni tashmë se kush i ka plagosur nxënësit.

"Të tre nxënësit janë jashtë rrezikut për jetë”, tha Gashi.

Ai tregoi se njëri prej tyre është më rëndë i plagosur.

“Të tre nxënësit kanë marrë plagë në pjesën e poshtme të gjymtyrëve dhe janë mirë në përjashtim të njërit i cili është pak më shumë i plagosur ", theksoi Gashi.

Policia nuk ka bërë të ditur motivet e rastit, por ka thënë se i dyshuari nuk ka qenë nxënës i kësaj shkolle.

Një protestë në shenjë pakënaqësie për sigurinë e cila mbretëron nëpër shkollat e Ferizajt dhe gjithë Kosovës, nga këshilli i nxënësve të kësaj komune, të hënën është mbajtur një protestë.

Njëri prej nxënësve të këtij këshilli tha se protestën e kanë organizuar për shkak të pasigurisë që ekziston nëpër shkolla.

“Ne kemi dalë këtu që të protestojmë në mënyrë paqësore, njëherësh edhe të kërkojmë nga institucionet komunale dhe Ministrinë e Arsimit që ta ngritin masën e sigurisë në komunitetin tonë”, ka thënë ai.

Rastin si të tillë, e ka dënuar edhe Drejtoria e Shkollës, duke thënë se ky rast i rëndë duhet dënohet nga të gjithë dhe kryesi i sulmit të nxirret para drejtësisë.

Drejtori i Gjimnazit "Kuvendi i Arbërit ", Ali Azemi, gjatë përshkrimit të ngjarjes, ka thënë se personi i dyshuar i është bashkuar turmës së nxënësve të tjerë dhe ia ka dalë që të futet deri te lokali i paraleles X-12, me ç'rast edhe e ka kryer ketë veprim.

"Bëhet fjalë për një rast të rëndë plagosjeje nga një person që nuk është pjesë e kësaj shkolle", theksoi Azemi.

Tre nxënësit e plagosur ndodhën për kurim. Dy prej tyre trajtohen në spitalin e Ferizajt, ndërsa i treti në Qendrën Klinike Universitare, në Prishtinë.

Përveç Drejtorit të Shkollës, për këtë rast kanë reaguar edhe institucionet e larta të Kosovës. Ministri i Arsimit, Shkencës dhe Teknologjisë, Enver Hoxhaj, gjatë një vizite që i bëri Ferizajt, e cilësoi këtë ngjarje si një lajm të keq për Kosovën.

“Lajm më ka prekur. Bashkëpunëtorët e mi po e përcjellin gjendjen nga afër dhe sipas informatave tona, ishte një situatë konfliktuoze e krijuar jashtë objekteve shkollore para disa javëve, por i cili u bart brenda objektit shkollor”, ka thënë Hoxhaj.

Ky incident, tha Ministri Hoxhaj, është akt tejet i dhimbshëm dhe shumë i rëndë për Ministrinë e Arsimit dhe Shkencës së Kosovës.

Hoxhaj ka theksuar se tashmë kanë hartuar një strategji për parandalimin e rasteve të dhunshme nëpër shkolla, si përpjekje maksimale për siguri sa më të madhe në të gjitha shkollat.

“Kemi bashkëpunim shumë të mirë në nivel lokal me komunat dhe me Policinë e Komuniteteve. Por, si rast, për mendimi tim, është një rast i izoluar, që përveç shqetësimit dhe lëndimeve që ka sjell nxënësve dhe këtyre tri familjeve, duhet të shihet si rast i izoluar”, ka thënë Hoxhaj.

Në anën tjetër Kryetari i Komunës së Ferizajt, Bajrush Xhemaili, ka thënë se ky rast po trajtohet nga policia dhe se kryesi i tij është i njohur për policinë. /express/

**muslim_ks** · 07-09-2010, 10:59

Feja islame i ka fajet.

**Llapi** · 07-09-2010, 11:25

Prangoset 17-vjeçari që plagosi tre nxënës

Nga Express më 07.09.2010 në ora 17:11
Policia e Ferizajt njoftoi se ka arrestuar Q. Jonuzin, 17 vjeçar, i cili një ditë më parë plagosi tre nxënës të gjimnazit “Kuvendi i Arbërit”.

Policia, po ashtu, ka gjetur dhe konfiskuar armën me të cilën dyshohet se janë plagosur tri viktimat e rastit të djeshëm.

Zëdhënësi rajonal i policisë, Agim Gashi, konfirmoi se 17-vjeçarit i vihet në barrë vepra “vrasje në tentativë”.

G. Rama, A. Hashani dhe A. Rama, të tre të moshës 15-vjeçare, nxënës të shkollës “Kuvendi i Arbërit” janë plagosur paraditen e së hënës në njërën nga klasat e këtij gjimnazi. Sulmuesi nuk është nxënës i shkollës.

Të tre nxënësit kanë marrë lëndime në pjesë të poshtme të gjymtyrëve dhe janë jashtë rrezikut për jetë.

“Sipas hetimeve të paraprake, deri te rasti ka ardhur si pasojë e një zënke të mëhershme ndërmjet të arrestuarit dhe njërit nga të plagosurit në rastin e djeshëm”, ka thënë zëdhënësi Gashi

Me urdhër të prokurorit të Qarkut në Prishtinë, i arrestuari është dërguar në mbajtje, ndërsa pas kompletimit lënda do t’i dërgohet gjykatës për procedurë të mëtutjeshme.

Rasti është dënuar nga Ministria e Arsimit, sikurse dhe nga drejtoria e shkollës. Ndërkohë në organizim të Këshillit të Nxënësve, dje është mbajtur një protestë me kërkese për siguri më të mirë në shkolla.

**veli44** · 07-09-2010, 12:44

Fatkeqesishte ketu nuk eshte fundi ne Kosove do te ndodhin edhe gjera tjera te tmerreshme.

Djalli ka dal nga shisha dhe veshtire eshte me kthy mbrenda.

Qytetin e Ferizajt e udheheqe nje vrases qe vjen po nga nje parti qe ne strukturat e saj ka vrases e urdherues per vrasje dhe paradoksi eshte qe nuk e fshehin dhe krenohen me kete.

Krimineil me 17 vjet veq eshte shembellim i shoqerise kosovare,kriminelet ne pushtet,kriminelet neper institusione,kriminelet e diktojne jeten ne Kosove,ata e bejne ligjin.

Paramendoni "ministri i arsimit" thote duhet shikuar si rast te izoluar,le te i pyet familjet e femijeve si ndihen kur nuk i kan te sigurte femijet as ne shkolle.

E neser nuk eshte me mire sepse neser Kosova me keta kriminel do te hudhet ne perqafim te ekstremizmit islamik qe po zgjerohet dita me dites per ti ruajtur privilegjet qe ua ka dhene te qenurit ne pushtet.

Kosove keq po te shkruhet.