Arrestohet Lirim Jakupi

[Nice_Boy]

Policia e Kosovës ka arrestuar Lirim Jakupin, i arratisur tre vjet më parë nga burgu i Dubravës. Arrestimi i tij është bërë jo larg qendrës së Prishtinës, në rrugën “Bajram Bahtiri”.

Në një komunikatë të policisë thuhet se aksioni është ndërmarrë nga departamenti kundër Krimit të Organizuar i PK-së, i përkrahur edhe nga Njësiti Special Intervenues.

“Gjatë kontrollit të realizuar, policia ka gjetur dhe ka konfiskuar dy granata dore, një armë automatike AK-47, me katër karikatorë, si dhe dy revole të tipit TT.

Me urdhër të prokurorit, të dyshuarit i është caktuar masa e ndalimit policor për 48 orë, deri në vazhdimin e procedurave të tjera gjyqësore.

Lirim Jakupi është në mesin e shtatë personave, të cilët kishin arritur të arratiseshin nga burgu i Dubravës më 18 gusht të vitit 2007. Lirim Jakupi, lindur më 1979 nga Gjilani, akuzohet për veprën penale të rrëmbimit. /Koha/

[PLAKU]

kerkush s'ka reagu per arrestimin e NACISTIT !
ashete e mundun ky Lirimi te jete zhyte ne krime?
Para disa vjetesh Lirimi beni buj te madhe ne maqedoni, ishte Ushtar i 3 lufetave,
nese ishte ushtar i UCK-es, pse krye komandanetat Hashim Thaqi dhe Ali Ahmet lejojen arrestimin e Luftareve ? si i ka maredhaniet Lirimi me Hashimin dhe Alin? Kush e Vrau Xhavit Morinen?
Kush din me shum per Lirim Jakupin ?

[G-2]

z. kryeminister pat then "zero tolerance ndaj krimit te organizuar dhe korupsionit!!

[Nice_Boy]

Maqedonia do të kërkojë ekstradimin e Lirim Jakupit


Ministria e Drejtësisë e Maqedonisë do të kërkojë ekstradimin e Lirim Jakupit, menjëherë pasi të marrë informatë zyrtare nga Interpoli për arrestimin e tij në Prishtinë, njofton Alsat M.

Menjëherë pas kësaj, do të fillojë procedura për kompletimin e dokumentacionit të duhur në të cilin përfshihen të gjitha veprat penale që Jakupi i ka kryer në Maqedoni.

Nga ky dikaster thanë se edhe pse Shkupi e Prishtina nuk kanë firmosur marrëveshje bilaterale për ekstradim, duke u mbështetur në konventat ndërkombëtare mund të realizohet një gjë e tillë.

Por nga institucionet e Kosovës thanë se nuk kanë marrë kërkesë zyrtare nga Republika e Maqedonisë për ekstradimin Lirim Jakupit, i cili është arrestuar të dielën nga pjesëtarët e njësisë speciale të Policisë së Kosovës. /Telegrafi/





********

Ja pra këtë gjë e thash dhe në temen që erdhi për kapjen e tijë. Mund ta lexoni lirisht (Në telegrafi) dhe e kam ditë që ky ka me u dorzu në Macedoni dhe ka me marr fund jeta e tijë. Macedont janë ma të kqi se shkijet dhe duhet me bo që ky mos me u dorzu në Macedoni , ky duhet me qendru dhe me mbajt burgin në Kosovë sa i ka hise dhe mos me ja lan Ushtarin e liris që luftoi në tri luftra në Kosovë/Kosovë Lindore/Macedoni.

Shpresoj që institucionet e kosovës nuk do të pranojn një gjë të till..


Lutem zotit që komandanti/ushtari i liris mos të dorzohet në Macedoni.

[beni33]

qeveri me te poshter se kosova nuk ka kush ne europ burgos ushtaret qe luftuan per ket liri qe sot disa idiota poe gezojn

[beni33]

z. kryeminister pat then "zero tolerance ndaj krimit te organizuar dhe korupsionit!!

kryeministrin duhet te parin ta dergojm ne dubrav
nje kruyeminister gomar idiot pa ftyr i cili nuk emeriton te jet kryeminister i vendit

[Brari]

per cka u fut ne burg ky djal?

ku ndodhet dubrava?

si njihet ne popull ky lirimi?

kush eshte xhavit morina?

Gjithsesi.. Shteti Kosoves nuk duhet tja dorzoje shovinistave makedon kte person.
Ka ba cka ba ne Kosov le te jap llogari e aty le ta kryej denimin.

..

[PLAKU]

KJO ESHTE INTERVISTA E TIJ E FUNDIT E DHEN PER EXPRESS



Deri më tash ka bërë katër luftëra në rajon. Plani i afërt i tij është mbledhja e tridhjetë vetave, nëse është nevoja, edhe për luftë. Ai beson se janë bërë shumë padrejtësi në këtë vend, por edhe në Maqedoni. Në mënyrë të veçantë përgjegjës bën Ali Ahmetin e BDI-së. Thotë se nuk ka të bëjë asgjë me shërbimet sekrete. Xhavit Morina, njëri nga shtatë të arrtisurit nga burgu i Dubravës, flet për Express.
Interevist me Xhavit Morinen


Prishtinë, 24 gusht—
I fshehur diku në njërin nga katër brezat kufitarë, Xhavit Morina tregon se nuk e ka ndërmend të largohet nga rajoni i Ballkanit. Morina është njëri nga shtatë të arratisurit disa ditë më parë nga burgu i Dubravës. Në bisedë telefonike për Express, Morina rrëfen në pika të shkurtra historinë e jetës së tij. Për gjithçka që i ka ndodhur, ai përgjegjës bën edhe Ali Ahmetin, kryetar i BDI-së në Maqedoni. i shumëkërkuari Morina, i akuzuar edhe për terrorizëm, tregon edhe për mënyrën e arratisjes, planet e tij dhe padrejtësitë që ai pretendon se i janë bërë nga sistemi i drejtësisë në vend. Aktualisht nuk e ka ndërmend të dorëzohet. Xhavit Morina flet për Express.

Express : Si jeni me shëndet?

Xhavit Morina: Mirë, faleminderit, shumë mirë.

Express: A jeni krejt bashkë?

Xhavit Morina: Jo krejt, por gatikrejt. Jemi në mungesë të dyve.

Express: Fatoni (Faton Hajrizi) ka thënë se është i plagosur? Xhavit Morina: Unë nuk jam me të dhe as me atë Bashën (Burim Basha).

Express: A jeni brenda Kosovës?

Xhavit Morina: Jemi në kufi gati.

Express: E keni ndërmend të dorëzoheni?

Xhavit Morina : Vallahi, unë jo. Edhe këta shokët kanë thënë jo, e më shumë nuk di. Ne çka jemi të pestët, jo.

Express : A do të largohesh nga Kosova?

Xhavit Morina: Mendoj që jo. Në Ballkan do të rri, por ku, nuk jam i sigurtë.

Express: A mund të bësh ballë të kthehesh edhe një herë në burg dhe t'i dorëzohesh drejtësisë?

Xhavit Morina: Por, këtu nuk ka
drejtësi.

Express: Përveç dënimit që keni, cfarë ka qenë tjetër në burg aq rëndë që iu ka shtyrë të arratiseni?

Xhavit Morina: Paj, unë po flas për vete. Unë prej fillimit kam qenë i kidnapuar.Këto akuza që i kam pasur, kanë qenë vetëm një arsye të më mbajnë në burg, sepse mua m'i kanë ndryshuar akuzat, për katër vjet e gjysmë sa kam qenë në burg. Herë më kanë akuzuar për vrasje, e herë për AKSH, e tash në kohën e fundit, më kanë dënuar me 12 vjet burg. Por këto kanë qenë vetëm arsyetim i kidnapimit, pra arsye që unë të rri në burg.

Express: Në intervistë, para dy ditësh,me Fatonin,ai tha se jeni krejt bashkë. Pse jeni ndarë?

Xhavit Morina: Po, ne jemi ndarë se ai Fatoni dhe Basha kanë qëlluar rastësisht. Ne nuk kemi të bëjmë asgjë me ta. Kanë qëlluar rastësisht në grup. Këta dy dhe një i Prishtinës, kanë qëlluar rastësisht.

Express: Për sa kohe keni përgatitur
arratisjen?

Xhavit Morina: Krejt kemi bërë rreth dy javë.

Express: Flitet se ju keni korruptuar gardianë nga brenda burgut. Çfarë ka të vërtetë?

Xhavit Morina: Jo, jo. Këto janë rrenë krejt. Por është një gjë shumë e vërtetë. Më shumë këta gardianët brenda që nuk kanë pasur armë kanë rezistu sesa ata jashtë që kanë pasë edhe armë. Ata jashtë asnjë fishek nuk e kanë shkrepë. A këta gardianët brenda, edhe pse ne e kishim armën në dorë, ngajshin me na kapë.

Express: A është vështirë të jetosh si i arratisur?

Xhavit Morina: Për mua, jo.

Express: Pse?

Xhavit Morina: Se unë jam mësuar me këtë lloj jete. Jam mësuar të rri në bodrume e male, për mua nuk është vështirë. Unë nuk e kam vështirë.

Express: Keni për të ngrënë?

Xhavit Morina: I kemi të gjitha. Popullata po na ndihmon.

Express: Me urdhër të kujt besoni se jeni arrestuar ju?

Xhavit Morina: Po, më shumë ka të bëjë këtu KFOR-i amerikan. Në gjykatë më kanë thënë se unë kam nga KFOR-i një fletarrest.

Express: Këta thonë se ti je terrorist?

Xhavit Morina: As ëndërr nuk e kam parë terrorizmin. Nuk është e vërtetë.

Express: A i ke bërë të gjitha ato vepra për të cilat ngarkohesh?

Xhavit Morina: Jo, bre vëlla, jo. Me i pas bërë këto vepra, këta nuk kishin mundur të më shtijnë në dorë të gjallë. Këtu është çështja për ta mbrojtur BDI-në,
(Bashkimin Demokratik për Integrim), Alinë e Maqedonisë.

Express: Po mendoni Ali Ahmetin?

Xhavit Morina: Po.

Express: E çfarë ka lidhje në këtë rast Ali Ahmeti me ju?

Xhavit Morina: Mendimi im është se kur është nënshkruar Marrëveshja e Ohrit, unë jam pas përla me Alinë.

Express: Ti nuk e ke pranuar atë mërrëveshje?

Xhavit Morina: Jo, nuk e kam pranuar. Unë jam pas përla dhe kam pasur një bisedë me të në shtëpi të Hysni Shaqirit, atij deputetit. Ai e shtroi një darkë. I thashë se kjo luftë është tradhtuar dhe i tregova se në rast se ta kanë imponuar me e tradhtu luftën, tregona, kemi ende ushtarë dhe mundemi me e vazhdu.

Express: Sipas jush, Ali Ahmeti ju ka tradhtuar?

Xhavit Morina: Po, bile ndër sy i pata thënë se lufta këtu është tradhtuar dhe në rast se këtë ta kanë imponuar shërbimi sekret gjerman apo amerikan që të tradhtosh, tregona atëherë, ne i kemi ende ushtarët në pika, mund të vazhdojmë luftën dhe nuk ka problem. Por, ai u bë arrogant dhe dy shokë të tjerë dhe na tha se kush je ti me na dhënë këshilla neve.

Express: Pra, ti beson se Ali Ahmeti ka gisht në rastin tënd?

Xhavit Morina: Po, se ky dëshmitari i Prizrenit, njëfarë Sami Xhezairi ose komandant Hoxha, ai e ka përmendur në gjyq, kur e ka vetë gjykata se përse ke ardhë ti, kush të ka shtyrë, ai tha se më ka dërguar Ali Ahmeti për tek unë
në bisedime. Ai e ka përmendur Alinë dhe unë kam dëgjuar përmes avokatit se Alia ka dhënë dëshminë në fillim ndaj meje, para tri vjetëve, por e ka tërhequr dhe dëshminë e ka dhënë në emër të partisë dhe jo në emër të tij personal. Kështu që, në rast se i ecën puna mirë, mbijeton, e në rast se i ecën puna keq, thotë se kështu partia më ka thënë, si partizan, më shkurt, edhe e ka tërhequr deklaratën.

Express: Ti beson se aktakuza jote është e montuar?

Xhavit Morina: Po, de. Këtë e kanë bërë që të mbrohet Ali Ahmeti. Partia e tij, BDI-ja e ka bërë që të mbrohet Aliu, sepse ajo ka qenë në funskion. Pra, unë kam dëgjuar se ka qenë për detyrë të më mbajnë mua që në qoftë se Aliu humb në zgjedhje atje, të lëshojnë fletë arrest për të më përdorur mua si dëshmitar ndaj tij.

Express: Por,tash Ali Ahmeti nuk është më në pushtet?

Xhavit Morina: Jo, jo, nuk ka humbur ende. Ai ka njëfar autoriteti.

Express:Por, ai nuk është më në pushtet?

Xhavit Morina: E di, por si kryetar partie që është, ai ende e ka imunitetin që e përdor.

Express: Tash je në arrati. A do të takohesh me Ali Ahmetin?

Xhavit Morina: Po, dëshirë kam pasur të takohem me të, por njëherë disa punë të mia nëse mund t'i kryej. Duhet të takohem si me këtë dëshmitarin, këtë patriotin nga Prizreni, ashtu edhe me Aliun.

Express: Çka i kishe thënë Ali Ahmetit, sikur ta takonit,meqë atë e konsideroni përgjegjës kryesor për situatën tënde ku ndodheni tash?

Xhavit Morina: Aliut i kisha thënë të ma paguajë burgun e mbajtur
me para. Me ato para atyre tre dëshmorëve, t'ua ndërtoj varret dhe familjeve të tyre t'iu jap. Ata dëshmorët janë dy nga Maqedonia dhe njëri nga Kosova. Edhe ai me i qitë njerëzit se kush i ka mbytur. Pra, ai t'i tregojë njerëzit.

Express: Isha në fshatin tuaj disa ditë më parë.Njërëzit thoshin se kanë respekt për ju. Pse ju respektojnë?

Xhavit Morina: Paj, besoj se kam kontribuar për këtë popull. I kam bërë tri luftëra këtu dhe një tjetër në Bosnjë. Katër luftëra i kam bërë. Edhe kurrë nuk kam shikuar ta shfrytëzoj rastin e luftës. Emrin tim kurrë nuk kam shikuar të shfrytëzoj sikurse që e kanë bërë të tjerët. Edhe pse dikush ka pasur dëshmorë dhe më vjen keq për ta, që në emër të atyre dëshmorëve, ata i shfrytëzojnë emra te tyre për gjithçka që bëjnë. Kanë hyrë në politikë dhe uzurpime kanë bërë. Unë nuk i kam shikuar këto. Mendoj se këto kanë ndikuar që unë kam respekt.

Express: Sa kohë keni mbajtur burg?

Xhavit Morina: Katër vjet e gjysmë.

Express: Edhe sa ke pasur qët'i mbash?

Xhavit Morina: I kam pasur edhe nja shtatë e diçka. Njëherë më kanë dënuar 13 vjet, por ma kanë rrëzuar lëndën, m'i kanë hequr vrasjet dhe pastaj m'i kanë lënë 12 vjet.

Express: Pra, aktakuza të është ndërruar shpesh?

Xhavit Morina: Po, po. Aktakuza është ndërruar non stop. Mua më kanë akuzuar në Maqedoni dhe e kam kërkuar fletë arrestin e atij shteti. Por, këtu gjyqi më ka thënë se nuk ka fletë arrest prej Maqedonisë, edhe pse ngjarja ka ndodhur në Maqedoni. Këta më kanë thënë se KFOR-i ka lëshuar fletë arrest. Këtë ma kanë thënë në gjykatë. Unë kam kërkuar që të shkoj në Maqedoni, që të gjykohem, por nuk më kanë dërguar. Duan t'i fshehin krimet, sepse unë kam dëgjuar se aty janë mbytur pesë dhe jo tre persona. Ata dy brenda që janë mbytur, këta nuk i kanë treguar.

Express: A mund ta sqaroni për çfarë rasti e keni fjalën?

Xhavit Morina: E kam fjalën për rastin kur është sulmuar shtabi i Ali Ahmetit. Mua më kanë akuzuar se i kam vrarë tre veta aty. Por, dy këta nuk i kanë treguar. Unë për këtë në burg kam marrë vesh, sepse më kanë treguar njërëzit që kanë pasur lidhje më të mëdha.

Express: Nga këto që thoni, del se ju keni kontribuar shumë. Jeni zhgënjyer nga ky vend?

Xhavit Morina: Unë zhgënjehem derisa t'i gjej tridhjetë veta. Sa nuk i gjej tridhjetë veta, unë zhgënjehem. Tridhjetë, më tepër nuk më duhen.

Express: Si po mendon tridhjetë veta, të luftosh?

Xhavit Morina: Po, nëse është nevoja. Nëse i gjej tridhjetë veta, unë do të ngujohem diku në Kosovë.

Express: Beson se mund t'i gjesh shpejt këta persona?

Xhavit Morina: Po, nuk e di për Zotin.

Express: Mediat në Maqedoni thonë se juve shtatë personave ju kanë liruar me qëllim që, nëse Kosova nuk e fiton pavarësinë, ju ta filloni luftën?

Xhavit Morina: Jo, jo, jo. Kjo ikje e jona ka qenë spontane. Nuk kemi pasur lidhje me jashtë. Gjithashtu, as për shërbime të huaja nuk punojmë, as për tonin nuk kemi punuar, e lëre më për të huajat.

Express: Pra, ju nuk punoni për askënd?

Xhavit Morina: Jo, jo, jo, ne nuk punojmë për askënd. Njerëzit mund të thonë çka të duan, por nuk ka asgjë. Në Dubravë të jesh me ndonjë parti, ke diçka shanse.

Express: Cila nga partitë është më e fuqishme brenda burgut?

Xhavit Morina: Jo, asnjëra nuk është, por parti ka aty.

Express: Zyrtarët thonë se në burg ka kushte të mira dhe nuk maltretohen njerëzit. Si është gjendja?

Xhavit Morina: Në pavilonin një, kur kemi qenë në kohën e fundit, i kanë përmirësuar kushtet. Por, në pjesët tjera të blloqeve të burgut, ka pasur maltretime. Ka blloqe ku njerëzve edhe ua kanë thyer brinjtë dhe i kanë prishur. Por, bllokun tonë e kanë kontrolluar të huajt dhe tanët dhe kështu që nuk kanë mundur të reagojnë as të huajt as tanët.

Express: A ke menduar ndonjëherë për të ardhmen tënde?

Xhavit Morina: Unë vetëm për këtë çështje nuk jam martuar asnjëherë. Unë e kam parameduar vetëm të kem një punë të thjeshtë, të punoj dhe t'i shoh punët e mia. Unë mendova se këto luftra mbaruan, por tash më qitën në mal prapë. Unë kam qenë më parë në Perëndim, e kam pasur një punë. E kam lënë në Itali banesën time, të cilën ende e kam, jam ndarë edhe me femrën time italiane. Të gjitha këto i kam bërë për çështje të Kosovës. Sapo u bëra gati të kthehem dhe isha duke i rregulluar disa punë të mia, këta më arrestuan dhe për pesë minuta policia më ka kidnapuar. Dhe sapo më kanë sjellë këtu, amerikanët ma kënë vënë thesin në kokë dhe më kanë mbajtur një muaj e gjysmë. Në gjyq atë një muaj e gjysmë as që ma kanë përmendur që kam qenë në burg në Bonsteel, vetën në Dubravë dhe Mitrovicë.

Express: Ti thua se nuk je kriminel dhe terrorist. Çfarë iu thua njerëzve që besojnë se ti je terrorist dhe kriminel?

Xhavit Morina: Porosia ime është që t'iu kthehet besimi në vetvete, të besojnë në Zot, të kenë mëshirë ndaj njëri-tjetrit. Kjo është e para, e pas saj lidhen krejt çështjet tjera.
------------------------------
z.Brari, perpos kesaj interviste qe kam lexu ne lidhje me te ndjerin Xhavit Morina, nuk di me shum. Dubrava ashete atje ku duhet te futen tan kriminelat dhe ata qe perfituan ne emen te luftes. Nuk o bo ase 1 jave mbas intrevistes te ndjerit Xhavit Morina, pa arrit te takohet me Alin, Xhaviti u vra ne Tetove, Si duket i paralajmeroi vrasesit, lexo intervisten, nuk besoj se kjo interviset ashete e plote? Pershendetje

[apollo12]

Kjo interviste eshte shum prekese. Ka shum djem te rinj te cilet kan sakrifikuar, qdo gje ama bash qdo gje per kete tok e per kete popull. Por ne fund, jan shperblyer shum keq.Ne vend se qeveria, shteti apo strukturat te cilat kan funksionuar, keta te rinj ti angazhoj ne pun te ndershme, per shtetin dhe kombin, ata perkundrazi jan neglizhuar se pari nga komandantet e tyre e me pas nga shoqeria dhe kan arritur ne kete gjendje sa te ikin maleve, e te bien ndesh me ligjin.Perderisa ata nga rrethi konsiderohen si heronj, dhe gezojn respekt, ndersa nga qeveria ndiqen si njerez qe e kan thyer ligjin, ateher ketu diqka nuk eshte ne rregull, dikush ka faj dhe normal duhet te jap pergjegjesi.

[beni33]

shum keq per kta djem qe dhan edhe jeten per kend per nje shters idiote te kombit ton