Lajme ekonomike

[shigjeta]

Eksporti në Kosovë rrite 15 për qind krahasuar me vitin e kaluar

Prishtinë, 13 nëntor - Stabilizimi i ekonomisë botërore është duke ndikuar mirë edhe për ekonominë kosovare. Më së shumti aktualisht është duke përfituar Ferronikeli, eksportet e të cilit kanë ndryshuar bilancin me importin. Sipas të dhënave të Doganave të Kosovës, në nëntëmujorin e këtij viti eksporti ka shënuar rritje në 15% krahasuar me periudhën e njëjtë të vitit të kaluar. I gjithë ky zhvillim pozitiv vjen nga ndërtimi i autostradës Morinë-Durrës, e cila ka ndikuar që pjesa dërrmuese e eksportit të kalojë nëpërmjet saj dhe portit të Durrësit. Ndërkohë që eksporti nga pjesa me kufirin me Serbinë vazhdon të mbetet zero, mirëpo drejtuesit e doganave kanë konfirmuar se ka raste kur nëpër pikat doganore që lidhen me këtë shtet po kalojnë kamionë me dy palë dokumente, të Doganës së Kosovës dhe strukturave paralele serbe.

p.s. Shigjeta, a vlen kjo teme edhe per lajmet nga Kosova?...nese jo, ju lus ta hapni nje teme tjeter. Faleminderit.

Sigurisht qe vlen e njejta teme. Eshte mire kur lexon lajme pozitive. Ajo qe do shtoja ishte se kur sillni lajmin vendosni edhe burimin nga e keni shkeputur, kjo vlen edhe per lajmin e mesiperm.

[illyrian rex]

Sigurisht qe vlen e njejta teme. Eshte mire kur lexon lajme pozitive. Ajo qe do shtoja ishte se kur sillni lajmin vendosni edhe burimin nga e keni shkeputur, kjo vlen edhe per lajmin e mesiperm.

Ke te drejte. Po e sjell nje lajm te ngjajshem por nga nje burim tjeter. Bashke me linkun.

Metalet ngjallin eksportin

Dogana e Kosovës raporton se eksportet e Kosovës janë rritur për 15 për qind, nëntë muajt e këtij viti. Nga importi janë 1.5 miliard euro, kurse eksport 280 milionë euro. Rritja ka ardhur pas rritjes se çmimit të metaleve në tregun botëror. Fatin e njëjtë nuk e kanë pasur prodhuesit e kërpudhave.

Nga Agon Sinanaj më 15 nëntor 2010 në ora 12:31
Ndërmarrjes “Fungo FF”, që njihet për eksportimin e kërpudhave, sivjet nuk i kanë dalë llogaritë, siç i kishte planifikuar. Stoqet me kërpudha kanë mbetur pa u shitur, ndonëse jemi në muajin nëntor.
Fatmir Krasniqi, pronar i kësaj ndërmarrjeje, thotë se ndryshe nga viti i kaluar kur kishte eksportuar për Itali 70 tonë kërpudha, sivjet shpreson që me “qykë të zorit”, të arrijë t’i eksportojë 30 tonë.

“Eksporti i kërpudhave sivjet ka rënë për 50 për qind”, thotë Krasniqi.
Ndërkohë, në kohën e krizës financiare, kur çmimet e metaleve patën rënë, e me këtë edhe eksporti i tyre, ka qenë pikërisht tregtia e kërpudhave, që e mbante në nivel edhe ata pak eksport. Por, këtë vit, gjerat kanë shkuar në drejtim të kundërt. Është rritur çmimi i metaleve në tregun botërorë, duke e rritur kështu eksportin e metaleve. Nga ana tjetër, eksporti i kërpudhave, sipas tregtarëve, ka rënë për 50 për qind.

Kështu, për nëntë muajt e këtij vitit, Dogana e Kosovës, raporton për rritje të eksportit për 15 për qind, krahasuar me përudhën e njëjtë të vitit të kaluar. Nga importi janë 1.5 miliard euro, kurse eksport 280 milionë euro. Krahasuar me periudhën e njëjtë të vitit të kaluar, kur eksporti ishte 130 milionë euro.

Adritatik Stavileci, zëdhënës i Doganave, ka thënë se kjo rritje ka ardhur pas rritjes se çmimeve të metaleve në tregun botëror.

“Pjesëmarrja me të madhe e ka Ferronikeli me eksportimin e nikelit. Po ashtu, është rritur edhe eksporti i produkteve konsumuese”, tha Stavileci, për Express.

Ky zhvillim pozitiv vjen edhe nga ndërtimi i autostradës Morin-Durrës, e cila ka ndikuar që pjesa dërrmuese e eksportit të kalojë nëpërmjet saj dhe portit të Durrësit. Ndërkohë që, eksporti nga pjesa me kufirin me Serbinë vazhdon të mbetet zero.

Megjithëkëtë, Krasniqi thotë se sivjet është përballur më shumë probleme. Posaçërisht përmend tregtarët ilegalë, të cilët përmes veriut të vendit po shesin kërpudha në Serbi, duke i dëmtuar ndërmarrjet serioze.

Në anën tjetër, kostoja e transportit për Mal të Zi, thotë Krasniqi është shumë më e shtrenjtë. Aq me tepër kur kërpudhat janë bimë të ndjeshme, që mund të prishen shumë lehtë nëse transporti vonon deri të blerësi.

“Malli zakonisht na vonohet deri në 48 orë, që për blerësit italianë shumë herë nuk është më atraktivë. Ndëshkimi pastaj na vjen duke na ulur çmimin”, thotë Krasniqi.

Ai tregon se si në dy raste blerësit ia kanë ulur çmimin e mallit, pasi e kanë pranuar atë. Arsyetimi i tyre, sipas Krasniqit, ka qenë se kërpudhat nuk janë më cilësore, pasi kishin kaluar shumë gjatë në kamion.

“Veç vitin e kaluar dy blerës ma kanë zbritur çmimin”, tregon ai.

Ndryshe, stabilizimi i ekonomisë botërore është duke ndikuar mirë edhe për ekonominë kosovare. Më së shumti aktualisht është duke përfituar Ferronikeli, eksportet e të cilit kanë ndryshuar bilancin me importin.

Ndërkohë që eksporti nga pjesa me kufirin me Serbinë vazhdon të mbetet zero.

Megjithatë, drejtuesit e doganave kanë konfirmuar se ka raste kur nëpër pikat doganore që lidhen me këtë shtet po kalojnë kamionë me dy palë dokumente, të Doganës së Kosovës dhe strukturave paralele serbe.



http://gazetaexpress.com/?cid=1,14,41773

[illyrian rex]

BERZH: Vazhdon rritja e ekonomisë shqiptare



Banka Europiane për Rindërtim e Zhvillim publikoi dje në Londër raportin vjetor për vendet në tranzicion, ku edhe këtë vit vlerëson se Shqipëria do të shënojë rritjen më të lartë në Europën juglindore me 3 për qind.

Në BERZH mendojnë se rritja ka ardhur për shkak të disa faktorëve, si mosprekja e drejtpërdrejtë nga zhvillimet ekonomike globale, stabiliteti makroekonomik dhe politikat e kujdesshme financiare.

Në një intervistë që i dha BBC-së, ekonomisti përgjegjës për Europën juglindore në BERZH, Peter Sanfey, shpjegon se ndërsa bizneset e vogla janë shtylla kurrizore e ekonomisë shqiptare, vendi ka mbetur pak prapa në zhvillimin e potencialit qe ka për eksport.

Duke mos qenë vend anëtar, Kosova nuk përfshihet në raportin e BERZH-it, por eksperti i BERZH-it thotë se vendi ka shënuar disa përparime në fushën e zhvillimit dhe reformave.

Ekonomistin e BERZH-it Peter Sanfey e intervistoi Sokol Gruda. Ai fillimisht flet për faktorët që kanë ndikuar në rritjen e ekonomisë së Shqipërisë.

Peter Sanfey: Mendoj se ka disa faktorë që ndikojnë në këtë rritje, nuk mund të veçojmë vetëm një prej tyre. Ma merr mendja se ia vlen të theksosh se ekonomia shqiptare është pak më e mbrojtur nga zhvillimet botërore, krahasuar me disa prej ekonomive të tjera në rajon.

Prandaj, mendoj se është prekur më pak nga kriza globale. Por ka edhe faktorë të brendshëm dhe unë do të theksoja faktin se qeveria dhe Banka Qendrore kanë krijuar një bazë mjaft të mirë gjatë viteve, përsa i përket stabilitetit makroekonomik, politikës se kujdesshme financiare dhe përmes një politike të suksesshme monetare. Kjo ka kontribuar në mbajtjen e inflacionit në nivel të ulët dhe ka ndikuar pozitivisht në besimin e bizneseve dhe investitorëve. Kjo përbën një pjesë të shpjegimit se përse ekonomia shqiptare ka arritur t'ia dalë kështu, në mnyrë thuajse unike në Europën jug-lindore apo edhe në atë qendrore, duke e shmangur, deri më tani, recesionin.

BBC: Ju thoni 'pak më e mbrojtur' nga zhvillimet botërore, por në raport BERZH-i e pranon se kriza ekonomike në Greqi ka një ndikim të madh në nivelin e fondeve që dërgojne emigrantët në Shqipëri (remitancat). Në kushtet kur ekonomia greke vazhdon të ketë probleme, në çfarë drejtimesh duhet ta kërkojë Shqipëria rritjen e qëndrueshme?

Peter Sanfey: Po, ne parashikojmë njëfarë ngadalësimi për vitin e ardhshëm dhe kjo vjen pjesërisht për shkak të vështirësive që po përjeton Greqia. Sigurisht me Greqinë ka lidhje të ngushta tregtare dhe investimesh gjë që ka lidhje të rëndësishme me të ardhurat nga që sigurojnë shqiptarët që punojnë në Greqi. Gjendja në Greqi, pra, do të ketë një ndikim negativ.

Por Shqipëria ka përparuar shumë gjatë 10-15 vjetëve të fundit, në kuptimin e fazës së tranzicionit, në kuptimin e reformave, në kuptimin e ecjes drejt Bashkimit Europian. Unë mendoj se vendi i Shqipërisë është në Bashkimin Europian, duke vazhduar me reformat strukturore, përafrimin e legjislacionit me standardet e Bashkimit Europian dhe hapjen e mëtejshme ndaj BE-së dhe tregjeve globale.

BBC: Sipas raportit të BERZH-it për vendet në tranzicion, Bosnjë-Hercegovina, Maqedonia dhe Serbia përfitojnë nga kërkesa globale për metale të rëndësishme dhe projektet infrastrukturore (në rastin e Serbisë). Në çfarë mbështet vlerësimi për vazhdimin e rritjes së ekonomisë së Shqipërisë?

Peter Sanfey: Shqipëria nuk bazohet në një industri të posaçme. Shumica e bizneseve janë të vogla, shumë prej tyre janë mikro-biznese.

Në Shqipëri kemi vënë re shpirtin e sipërmarrjes dhe bizneset e vogla janë shtylla kurrizore e ekonomisë. Shqipëria është pak prapa në zhvillimin e potencialit të vet të eksportit. Raporti i eksporteve ne kluadër të DGP-së është më i ulët se mesatarja e rajonit. Kjo është një fushë, ku në një periudhë afatshkurtër Shqipëria duhet të shënojë përparim.

Në raportin e BERZH-it ka një kapitull të posaçëm për lidhjen mes eksporteve dhe mundësive në gjithë rajonin. Eksportet janë një burim i rëndësishëm i rritjes ekonomike dhe kjo është rruga që Shqipëria duhet të ndjekë.

BBC: Në raportin e BERZH-it vlerësohet se "politikat e brendshme populiste mund ta shtojnë pasigurinë e investitorëve". A ka BERZH-i indikacione se zbatohen politika të tilla në Europën juglindore e, veçmas, në Shqipëri, ta zëmë përmes rritjes së pensioneve, pagave të administratës, etj.?

Peter Sanfey: Jo, unë mendoj se Evropa Juglindore si rajon ka arritur ta përballojë krizën shumë mirë.

Sigurisht disa vende janë prekur rëndë, si Rumania që shënoi një rritje negative -7% vitin e kaluar, apo Bullgaria me -5%, por të inkurajon fakti që po shohim se reformat strukturore që janë ndërmarrë gjatë dy dekadave të fundit, që prej fillimit të tranzicionit në këtë rajon, në përgjithësi, nuk janë kompromentuar.

Dihet që politikanët në çdo vend gjenden nën presion kur të ardhurat bien, kur rritet numri i të papunëve dhe bashkë me këtë edhe varfëria.

Mendoj se politikbërësit në rajon, përfshirë edhe ata në Shqipëri, kanë vepruar me përgjegjësi dhe maturi përballë kësaj krize. Prandaj mendoj se ky rajon e ka përballuar mirë presionin për të ndërmarrë politika më populiste.

BBC: Cila është pamja e përgjithshme që ka EBRD për ecurinë ekonomike të Shqipërisë?

Peter Sanfey: Unë do të thosha, dhe në fakt këtë e kam thënë për disa vite me radhë, se Shqipëria po ecën mirë duke patur parasysh startin shumë të vështirë që pati në fillim të tranzicionit në vitet 90' - 91'.

Të gjithë i dimë kushtet në të cilat ishte atëherë vendi si rezultat i sundimit të një forme ekstreme të komunizmit për më shumë se 45 vjet. Pra, Shqipëria u nis nga një start shumë më i vështirë në rrugën e tranzicionit në krahasim me fqinjët e saj.

Duke e patur këtë parasysh, mund të them se ky vend ka bërë përparime shumë të dukshme. Shqipëria ka ende shumë punë për të bërë, por më duhet të them se ky është një vend që ka kaluar nga periudhat e mungesës së stabilitetit, siç ndodhi në fillim të viteve 90 dhe në vitin 97, në një stad kur gjatë dekadës së fundit ka qenë, si të them, një shembull stabiliteti në rajon dhe këtë e shohim edhe në treguesit ekonomikë.

BBC: Kosova nuk bën pjesë në raportin e vendeve në tranzicion që përfshihen në hartën rajonale të BERZH-it, pavarësisht se po lobohet që Kosova të bëhet pjesë e saj. Çfarë interesimi shpreh Banka në monitorimin, vlerësimin dhe mbështetjen e ekonomisë së shtetit më të ri të Europës?

Peter Sanfey:Ne kemi investime në Kosovë dhe kemi zyrën tonë në Prishtinë. Jemi të angazhuar që të kemi marrëdhënie biznesi me Kosovën dhe t'i shtojmë ato. Ne bëjmë vlerësimin e situatës në Kosovë, duke mbledhur të dhëna për zhvillimin ekonomik.

Por, duhet ta kuptoni se për shkak se Kosova nuk është vend anëtar i BERZH-it në këtë moment, ne nuk mund të bëjmë dot vlerësime të ngjashme për të në raportet që bëjmë publike për vendet ku ne kemi aktivitetin tonë.

Sidoqoftë, ajo që mund të them, me terma të përgjithshme, është se edhe në Kosovë po shohim disa përparime përsa i përket zhvillimit ekonomik dhe reformave.

17.11.2010
http://www.bbc.co.uk/albanian/region..._ebrd_ir.shtml

[illyrian rex]

Tregu i Kosovës po e mban “gjallë” Maqedoninë

Qendra Maqedonase e Biznesit në Prishtinë, si duket, po e kryen me sukses misionin e saj, për tërheqjen e kompanive të Maqedonisë për të hyrë dhe investuar në tregun kosovar.
Kjo përfaqësi, e cila është logjistikë për kompanitë nga Maqedonia dhe funksionon në kuadër të Qendrës për Zhvillimin e Sipërmarrjeve, është bërë për shkak se ky vend po paraqitet si një treg i madh dhe shumë atraktiv për bizneset e Maqedonisë, njofton agjencia e lajmeve INA.

Jovan Maxhovski, menaxher rajonal për Maqedoni, Kosovë dhe Shqipëri, ka thënë se Shërbimet e kësaj qendre deri tani i shfrytëzojnë një numër i madh i kompanive.

Kosova importin më të madh të mallrave e ka nga Maqedonia, rreth një e katërta e importit të përgjithshëm, ndërsa Maqedonia eksportin më të madh e ka në Kosovë.

Shpesh është thënë se tregu i Kosovës ka mbajtur gjallë kompanitë maqedonase, jo vetëm në dyvjetorin e fundit kur ka përfshirë kriza globale, por që nga vitit 1999 e këtej.

Sipas të dhënave të Odës Ekonomike të Maqedonisë, nga janari deri në shtator të vitit të kaluar Maqedonia ka eksportuar në Kosovë mallra në vlerë prej rreth 328 milionë euro, që shënon rritje të dukshme në krahasim me periudhën e njëjtë të vitit 2009 kur është shënuar eksport në vlerë prej 206 milionë dollarë. Derisa në nëntë muajt e parë të vitit 2010 nga Kosova në Maqedoni janë eksportuar mallra në vlerë prej rreth 15 milionë dollarë .

Oda Ekonomike e Maqedonisë për vitin 2011 këtë vit parashikojnë rritje akoma të eksportit të Maqedonisë në Kosovë, sidomos të prodhimeve bujqësore.

Mungesa e ofertës më të madhe të prodhimeve bujqësore nga prodhimi vendas dhe konkurrenca e lartë e produkteve të Maqedonisë numërohen si shkaqet kryesore të vazhdimit të trendit pozitiv të eksportit të Maqedonisë në këto dy vende fqinje.

“Presim që me Kosovën edhe më tej të jetë trendi pozitiv i këmbimit tregtar, pasi Kosova nuk ka rrjet të zhvilluar për tregti të lirë, ndërsa në kuadër të CEFTA-s ka qarkullim të vështirësuar me Serbinë, Bosnjë e Hercegovinën dhe me Shqipërinë”, ka thënë për gazetën Koha, Lubica Nuri nga Drejtoria për marrëdhënie ndërkombëtare të Odës Ekonomike të Maqedonisë. /Telegrafi/

http://www.telegrafi.com/?id=46&a=7160

[shigjeta]

Rriten eksportet, thyejne rekordet

Publikohet bilanci i tregtise se jashtme per muajin dhjetor te vitit 2010. Sipas te dhenave te publikuara nga Instituti i Statistikave, ne Dhjetor 2010 u eksportuan 13,743 milione leke mallra, me ulje 3.5 per qind ne krahasim me Nentor 2010, por ama me nje rritje me 39.4 per qind ne krahasim me Dhjetor 2009, krahasim i cili merret si baze per cdo lloj bilanci te INSTAT-it. Nga statistikat vjetore, del se ne vitin 2010, eksportet "Made in Albania" u dyfishuan, ne krahasim me vitin paraardhes, duke shenuar 75 miliarde leke. Kesisoj, eksportet thyejne te gjitha rekordet e deritanishme, duke arritur ne 160 miliarde leke, ose 1 miliard e 200 milione euro. Bilanci Sipas Institutit te Statistikave, ne Dhjetor te vitit te kaluar u eksportuan 13.743 milione leke mallra, me ulje 3.5 per qind ne krahasim me Nentor 2010 dhe rritje me 39.4 per qind ne krahasim me Dhjetor 2009. nga ana tjeter, u importuan 48.843 milione leke mallra me rritje 16.9 per qind ne krahasim me Nentor 2010 dhe rritje 13.1 per qind ne krahasim me Dhjetor 2009. Deficiti tregtar i ketij muaji eshte 35.100 mln leke, duke shenuar nje rritje prej 27.5 per qind krahasuar me muajin paraardhes dhe nje rritje prej 5.3 per qind krahasuar me Dhjetor 2009. Tregtia me vendet e BE eshte 65.9 per qind. Partneret kryesore tregtare vazhdojne te jene Italia dhe Greqia. Me Italine eksporti eshte 49.1 per qind dhe importi 27.1 per qind, ndersa me Greqine, eksporti eshte 5.5 per qind dhe importi 14.4 per qind. Disa nga partneret tane tregtare me te cilet eksporti dhe importi eshte rritur, jane per eksportin, Greqi, Belgjike, Britani e Madhe, Spanje, Ukraine, etj, dhe per importin, Greqi, Gjermani, Itali, Kine, Turqi, etj. Krahasimi me muajin paraardhes per disa nga grup mallrat tregon qe: Eksporti i grupit "Prodhime druri dhe letre" u rrit 31.2 per qind, "Produkte kimike dhe plastike" u rrit 21.4 per qind, "Lekure dhe artikujt prej tyre" u rrit 13.3 per qind, etj. Shitjet Indeksi i volumit te shitjeve ne tregtine me pakice ne tremujorin e trete 2010 arriti 174.6 per qind, kundrejt vitit baze (2005=100). Krahasuar me te njejten periudhe te vitit paraardhes, indeksi i volumit te shitjeve ne tregtine me pakice eshte ulur 0.6 per qind, ndersa krahasuar me tremujorin paraardhes eshte rritur 2.7 per qind. Ne grupin "Artikuj te perzier kryesisht jo ushqimor ne njesi tregtare jo te specializuara" indeksi i volumit te shitjeve eshte rritur 8.7 per qind ne kete tremujor krahasuar me tremujorin paraardhes. Ne grupin "Tregtia dhe riparimi i automjeteve" indeksi i volumit te shitjeve eshte rritur 4.7 per qind krahasuar me te njejten periudhe te vitit paraardhes, ndersa krahasuar me tremujorin paraardhes ky indeks eshte rritur 2.6 per qind. Brenda grupit "Tregtia, mirembajtja dhe riparimi i automjeteve dhe motocikletave " ne grupin "Tregtia me pakice e karburanteve", indeksi i volumit te shitjeve per tremujorin e trete 2010 eshte rritur 9.4 per qind krahasuar me tremujorin paraardhes. Krahasuar me tremujorin e trete te vitit paraardhes indeksi i volumit te shitjeve ne grupin "Tregtia me pakice e karburanteve" eshte rritur 15.9 per qind. Tendenca vjetore Rritja e eksporteve ne vlera vjetore Per here te pare gjate vitit 2010, eksportet "Made in Albania" u dyfishuan, ne krahasim me vitin paraardhes, duke shenuar 75 miliarde leke. Sipas te dhenave te fundit nga Drejtoria e Pergjithshme e Doganave, qe i perkasin vitit 2010, eksportet thyejne te gjitha rekordet, duke arritur ne 160 miliarde ose 1 miliarde e 200 milione euro. Sipas burimeve zyrtare ne dogana, eksportet "Made in Albania" gjate vitit 2010 kane rritje ne sasi e vlere, krahasuar me vitin 2009, me nje rritje 100 per qind. Rritje kane shenuar edhe rieksportet qe tashme njihen si, si eksporte per te cilat ne vendin tone eshte perdorur vetem forca e punes, ndersa lenda e pare vjen nga jashte, te tilla jane bizneset e fasonit, rrobaqepesite dhe fabrikat e prodhimit te kepuceve

KJ

[{A_N_G_E_L_69}]

Nga nesër, shërbimet për qytetarët 20 % më shtrenjtë

TIRANË- Nesër fillon së zbatuari regjimi i ri i Tatimit mbi Vlerën e Shtuar për profesionet e lira, gjë e cila pritet të shtrenjtojë edhe më tepër shërbimet për qytetarët. Për çdo vizitë tek mjeku në klinikë private, takim me stomatologun, noteri dokumenti etj., qytetarëve do t'iu duhet të paguajnë 20 për qind më shumë para krahasuar me ç'kanë paguar më parë.

Ndryshimet e miratuara nga qeveria disa javë më parë në vendimin për profesionet e lira duke hequr kufirin minimal të TVSH-së mbi këto profesione hyn së shpejti në fuqi ndërsa pritet që kjo të fillojë të vërehet tek çmimet me të cilat do t'iu ofrohen shërbimet qytetarëve.

Kjo është e dyta herë që ekzekutivi ndërhyn në vendimin e tij ku më parë kishte ulur kufirin minimal të TVSH për profesionet e lira deri në dy milionë lekë xhiro vjetore, por tashmë ato do të duhet të paguajnë tatim për çdo lek xhiro të bërë pavarësisht shumës. Lista e profesioneve që janë pjesë e këtij tatimi përbëhet nga avokatët, mjekët, noterët, dentistët, infermierët, veterinerët, inxhinierët, mamitë, etj.

Shërbim 20 për qind më të shtrenjtë do të ofrojnë ndaj qytetarëve edhe ekspertët kontabël, arkitektët, ekonomistët, vlerësuesit e pasurisë dhe projektuesit. Pjesë e listës së TVSH-së janë edhe agronomët, të cilët pavarësisht punës apo xhiros, iu duhet të fillojnë të bëjnë llogaritë me çmimet e reja që nga sot.

Përfshirja në skemën e TVSH-së edhe të shërbimeve që ofrohen nga noterët, farmacistët, inxhinierët, etj., pritet të përkthehet me rritje të mëtejshme të kostos së jetesës së qytetarëve pasi, tashmë bizneset do të jenë të detyruara që çdo shërbim ndaj qytetarëve t'ia faturojnë atyre edhe më shtrenjtë.

Këto ndryshime vijnë në një kohë kur rritja e çmimeve të ushqimeve, karburanteve dhe asortimenteve të tjera po bëhet çdo ditë edhe më e prekshme. Nëse sipas regjimit të vjetër të TVSH-së, një seancë tek stomatologu kushtonte për shembull 2 000 lekë, nga sot ajo do të kushtojë minimumi 2 400 lekë. E njëjtja gjë është edhe për shërbime të tjera, ku mund të përmendim noterët. Nëse deri më tani noterimi dhe përkthimi i një dokumenti kushtonte përafërsisht 700 lekë, tashmë ajo do të kushtojë të paktën 840 lekë.

Zgjerimi i skemës së TVSH-së tek bizneset të cilat më së shumti ofrojnë shërbime ndaj qytetarëve pritet të rëndojë edhe më tej gjendjen në xhepat e tyre. Ndër më të prekurit pritet të jenë shtresat në nevojë dhe pensionistët. Këta të fundit shpenzojnë deri në 40 për qind të pensionit të tyre për marrjen e shërbimeve shëndetësore, si për vizita apo blerje ilaçesh. Kujtojmë se edhe ilaçet janë përfshirë në skemën e TVSH-së me 10 për qind.

Pas heqjes së kufirit minimal të TVSH-së për profesionet e lira, qeveria ka ndërmarrë një tjetër ndërhyrje në këtë skemë qeveria pritet të bëjë të njëjtën gjë edhe për hotelet. Momentalisht, ekzekutivi nuk ka ndërmarrë asnjë veprim për ta konkretizuar atë por është Drejtoria e Politikave Fiskale në Ministrinë e Financave, ajo që e ka përcaktuar heqjen e kufirit minimal të TVSH-së për hotelerinë si objektiv parësor të sajin për vitin 2011.

Nëse deri në fund të vitit financat do ta përmbushin edhe këtë objektiv, hoteleve do të duhet të paguajnë TVSH pavarësisht xhiros që do të bëjnë, qytetarët do të duhet të shpenzojnë 20 për qind më shumë për çdo shërbim të marrë nga hotelet.

Profesionet që paguajnë TVSH
Noter
Mjek i specializuar
Avokat
Farmacist
Infermier
Dentist
Mami
Veteriner
Inxhinier
Arkitekt
Mjek-laborant
Projektues
Ekonomist
Agronom
Ekspert kontabël
Vlerësues pasurie
Kontabilist i miratuar

``SHEKULLI``

[shigjeta]

Eksportet "Made in Albania", 2011 nis me një rritje të lartë të tyre

Vendet që janë të interesuara për produktet shqiptare janë Italia dhe Greqia, ndërsa është shtuar interesi edhe nga Austria, Anglia, Gjermania etj

Edhe për muajin janar 2011 në krye të mallrave të eksportuar qëndrojnë tekstilet dhe këpucët, duke dëshmuar se fasonistët vijojnë të jenë bizneset, që kontribuojnë më tepër në rritjen e eksporteve.

Vlera e grupit të mallrave tekstile dhe këpucë është për këtë muaj rreth 5miliardë lekë.

Në vendin e dytë, si për traditë vijojnë të mbeten mineralet, lëndët djegëse dhe energjia elektrike me një vlerë prej rreth 4 miliardë lekë.

Dhe në vendin e tretë e zënë materialet e ndërtimit.

Megjithëse, kjo industri ka pasur problemet e veta, materialet e prodhuara apo të nxjerra në vend, vijojnë të kenë interes në vendet e huaja.

Ndërkaq, fillimi i vitit ka shënuar një rritje me 54.5% te eksporteve krahasuar me te njëjtën periudhe te një viti më parë.

Sipas raportit më të fundit të INSTAT mbi tregtinë e jashtme gjatë janarit të këtij viti, janë eksportuar rreth 15 miliardë lekë mallra.

Kjo vlerë eksportesh ka ulur në rreth 20 miliardë leke deficitin tregtar për këtë muaj.

Tregtia me vendet e BE është 66.5 përqind.

Partnerët kryesorë tregtarë vazhdojnë të jenë Italia dhe Greqia.

Me Italinë eksporti është 49.5 përqind dhe importi 29.3 përqind, ndërsa me Greqinë, eksporti është 4.8 përqind dhe importi 12.6 përqind.

Disa nga partnerët tanë tregtarë me të cilët eksporti dhe importi është rritur, janë për eksportin, Austri, Britani e Madhe, Gjermani, Itali, Kinë,


Gjithsej 14,770 miliardë
Ushqime, pije, duhan 700
Minerale, lëndë djegëse, en.el. 4,153 (në vend të dytë)
Produkte kimike dhe plastike 146
Lëkurë dhe artikujt prej tyre 223
Prodhime druri dhe letre 413
Tekstile dhe këpucë 5,140 (vlera me e larte)
Materiale ndërtimi dhe metale 3,151 (ne vend te trete)
Makineri, pajisje dhe pjesë këmbimi 618
Të tjera 226

ABC

[shigjeta]

Në Shqipëri inflacioni arrin në 4.5 për qind

Në Shqipëri, inflacioni regjistroi një rritje të menjëhershme duke kapur kuotën e 4.5 përqind gjatë muajit shkurt e duke kapërcyer kështu edhe kufirin maksmimal prej 4 përqind të Bankës Qendrore.
"Indeksi i grupit të ushqimeve "Pije Jo alkoolike" shënoi një rritje prej 4.9 për qind. Brenda këtij grupi rritja më e madhe prej 23.5 për qind vërehet në grupin e zarzavateve. Gjatë muajit shkurt, çmimet janë rritur edhe në nëngrupe të tjera të grupit të ushqimeve, ku mund të veçojmë grupin bukë dhe drithëra me 3.2 për qind, fruta 4 për qind, sheqer dhe ëmbëlsira 3.3 për qind."
Sipas Instat, rritje është regjistruar pothuajse në të gjithë grupet. Kështu shtrenjtim me 2.2 përqind është vërejtur edhe në grupin “Pije alkoolike dhe duhan”, e në të njejtën mase edhe grupi “Shëndeti” ku është verifikuar rritja e cmimit të medikameteve. Edhe në shkurt ka vijuar shtrenjtimi I karburanteve, ku nafta është rritur me 1.5 përqind ndërsa benzina me 1.3.
Të dhënat e Instat nuk përbëjnë ndonjë surprizë, duke qenë se prej disa javësh çmimet në treg pësuan një rritje të shpejtë. Megjithatë sipas deklarimeve të fundit të Bankës së Shqipëri, edhe gjatë këtij viti inflacioni do të mbetet mesatarisht brenda objektivit të saj. Guvernatori Ardian Fullani deklaroi dy javë më parë se në parashikimet e veta, Banka kishte mbajtur parasysh edhe efektin e rritjes së cmimeve në tregjet ndërkombëtare.

VOA