Zagreb, 3 shtator – Kroacia vazhdon të ndjekë politikë konsekuente ndaj Kosovës edhe në kuadrin e KB, ka njoftuar Ministria e Punëve të Jashtme në Zagreb.

Ministri i Punëve të Jashtme i Kroacisë, Gordan Jandrokoviq, ka deklaruar në bisedë me shefin e UNMIK-ut, Lamberto Zannier, se Kroacia është konsekuente: nga njohja e pavarësisë përmes dëshmisë para GJND-së.

Bashkëbiseduesit, njoftojnë mediet, janë pajtuar se është e domosdoshme të gjendet modalitete për përfshirjen e Kosovës në iniciativat rajonale, që do t’i kontribuonte shumë stabilitetit dhe sigurisë në rajon.

Në këtë kontekst, Kroacia është e gatshme të ofrojë ndihmë profesionale në procesin e forcimit të institucioneve të Kosovës që merren me çështjet e integrimeve evropiane./KOHA/