Park Life - Nje lagje "green" ne Tirane

**Qyfyre** · 02-09-2010, 15:45

Firma nga Rotterdam, JA Joubert Architecture, ka fituar konkursin nderkombetar per te ndertuar nje lagje ne hyrje te Tiranes. Ky do te jete nje komunitet "green" qe do te kete synim mbrojtjen e ambientit. Do te kete nje sistem per te mbledhur ujin nga shirat, per te filtruar ujrat e pista si dhe do te kete nje pishine me uje natyral.

Kjo lagje do te ndertohet per njerez te te gjitha moshave dhe do te kete brenda dhe restorante, dyqane, parkim, aktivitete etj. Gjithashtu do te kete pamje te bukura te qytetit dhe liqenit.

http://inhabitat.com/2010/09/01/awar...ood-in-tirana/

**Qyfyre** · 02-09-2010, 15:48

**Qyfyre** · 02-09-2010, 15:49

**Qyfyre** · 02-09-2010, 15:50

**Ver** · 02-09-2010, 19:04

Ku eshte kjo lagje? Ne hyrje te Tiranes, po ku tamam?? Rr e Durresit, e Kavajes, E Elbasanit?

**SERAFIM DILO** · 02-09-2010, 19:18

Po te jete se shikon liqenin,duhet te jete nga Sauku....(o nga rruga e Elbasanit).
Po se mos e bojne tek liqeni!Se ateher eshte "green"tamam...

**Brari** · 03-09-2010, 01:20

Paret dhe vitet që na grabit Rama

Nga Feti Zeneli

30/08/2010 16:44:00

Shqiptarët, por në mënyrë të veçantë banorët e kryeqytetit, po e vuajnë në shumë forma qeverisjen e papërgjegjshme në nivel lokal të kryebashkiakut Rama

Shqiptarët, por në mënyrë të veçantë banorët e kryeqytetit, po e vuajnë në shumë forma qeverisjen e papërgjegjshme në nivel lokal të kryebashkiakut Rama, të cilat tashmë nuk lidhen vetëm me cenimin e nivelit të jetesës, por edhe me shkurtimin fizik të vetë jetës njerëzore. Një raport i Organizatës Botërore të Shëndetësisë, i publikuar jo më larg se para 2-3 ditësh, sjell një fakt mjaft tronditës në këtë drejtim, duke theksuar se çdo banor i kryeqytetit humbet deri në 2 vite jetë nga niveli i lartë i ndotjes që shkakton betonizimi dhe ndërtimtaria pa kriter në Tiranë. “Po të shohim të dhënat e deritanishme, konfirmojmë se niveli i ndotjes, i matur nga dy stacionet e vendosura në Tiranë, këtu në institut dhe në qendër, i tejkalon normat e përcaktuara nga Bashkimi Evropian, madje dhe limitet apo udhëzimet e Organizatës Botërore të Shëndetësisë, veçanërisht për grimcat, që janë 20-30 për qind mbi normat e lejuara. Madje niveli i ndotjes është edhe më shumë, por ne nuk mund të interpretojmë matjet, pasi duhet një kohë më e gjatë për t’i përcaktuar ato”, - tha Michael Kryzoneski, përfaqësues i OBSH-së në vendin tonë.
Paralajmërimi i Organizatës Botërore të Shëndetësisë vjen në një kohë kur kryebashkiaku Rama në bashkëpunim me sekserët e tij të njohur të ndërtimit në kryeqytet po përgatitet për të betonizuar me ndërtesa 30-katëshe një sipërfaqe prej 130 mijë metrash katrorë, duke cunguar hapësirat e gjelbra të së vetmes mushkëri që ka qyteti i Tiranës, atë të Kodrave të Liqenit Artificial. Deri para se sa të publikohej raporti në fjalë i OBSH-së, politikanë dhe deputetë të ndryshëm të mazhorancës, në daljet e tyre publike, i kanë kërkuar Kryeministrit të vendit të ndërhyjë nëpërmjet autoritetit ligjor të KRRTRSH-së për të bllokuar këtë projekt abuziv, të nisur kryesisht nga pasojat korruptive të tij. Tashmë që konkretizimi i këtij projekti nuk na rrit me 20 për qind koston e jetesës, por na shkurton edhe mbi 20 muaj vitet e jetës, të shqetësuar nuk duhet të jenë vetëm pushtetarët, por edhe qytetarët “… pa dallim feje, krahine e ideje”. Të gjithë duhet të dimë minimalisht se para sesa të jemi demokratë, socialistë, republikanë apo ballistë; jemi së pari njerëz të ekspozuar njëlloj para rrezikut të jetëshkurtësisë që na kanoset nga grykësia ndërtuese e “Mister 20-përqindëshit”, siç kanë filluar ta thërrasin Ramën prej vitesh kundërshtarët e tij politikë. Ndërkohë, duhet të ndërgjegjësohemi pa më të voglin firo për faktin, që llogaritjet e deritanishme të OBSH-së për shkurtimin deri në 2 vite të jetës së kryeqytetasve bazohen vetëm tek ndotja që shkaktojnë punimet pa kriter në qendër të Tiranës. Kështu që, betonizimi i pjesëve të veçanta të Kodrave të Liqenit Artificial mund ta dyfishojë këtë shifër. Por numri i viteve që i shkurtohen jetës njerëzore të çdo kryeqytetasi nuk kanë shumë rëndësi përballë fenomenit të krijuar. Megjithëse kjo është një gjë që s’ka ndodhur në ndonjë vend tjetër të botës së qytetëruar, edhe sikur një minutë të shkurtohet jeta e çdo shqiptari si pasojë e keqqeverisjes, në çdo nivel qoftë ajo, ngjarja nuk ka emër tjetër përveçse “krim kundër njerëzimit”.
Analistë dhe politikanë të ndryshëm me integritet janë shprehur shumë herë për natyrën çnjerëzore, çekuilibruese e djallëzore të Edvin Ramës, duke sjellë shembuj të shumtë nga jeta e tij familjare e shoqërore, por që nuk janë vlerësuar seriozisht nga një pjesë e mirë e qytetarëve shqiptarë, për shkak se mbështetësit e tij u kanë dhënë ngjyrë politike këtyre akuzave. Gjithashtu, jo pak ka ndikuar në këtë drejtim edhe imuniteti tradicional që ka trashëguar Partia Socialiste prej ish-Partisë Komuniste për ta mbajtur “të pastër” figurën e udhëheqësit kryesor edhe kur ajo është e përlyer me lloj-lloj vesesh e mëkatesh. Vetëm një social-komunist i kësaj prerjeje mund t’i dalë në mbrojtje Edvin Ramës, duke i quajtur si “çështje personale” akuzat e tij monstruoze ndaj ish-bashkëshortes, babait, nënës e fëmijës së tij; fotot nudo në plazhet publike të Francës, sjelljet e tij kafshërore ndaj ish-të dashurave, prirjet seksuale, veprimet droguese e kështu me radhë; ndërkohë që ka mbi 12 vjet në poste të ndryshme drejtuese, në pritje për t’u bërë kryeministër i vendit, në rast fitoreje të zgjedhjeve parlamentare nga Partia Socialiste. Kjo kategori njerëzish, të enverizuar deri në palcë, do të thosha, nuk pritet të ndryshojnë qëndrim as tani pas publikimit të raportit të OBSH-së për ndikimin e ndotjes të kryeqytetit në shkurtimin me afro 2 vite të jetës së banorëve të tij, pasi ata e “japin jetën si me le” edhe për Edvinin, siç bënin etërit e tyre për Enverin. E rëndësishme është që të reagojë shumica e qytetarëve të Tiranës, e cila nuk ka qenë e tillë për tri legjislaturat e kaluara të zgjedhjeve lokale, duke i dhënë mandatin e kryebashkiakut Edin Ramës, megjithëse faktet denoncuese për përfitimin e 20 për qind të vlerës së lejeve të ndërtimit nuk kanë munguar asnjëherë. Nëse deri tani nuk u janë dhimbsur lekët, nuk besojë se në të njëjtën mënyrë nuk do t’u dhimbset as jeta. Çdokush duhet ta dijë se me jetën nuk mund të abuzohet si me lekët, pasi ndryshe nga këto të fundit, jeta nuk është e fituar, por e dhuruar nga i Madhi Zot. Të paktën t’ia lëmë tokës e të mos ia prezantojmë edhe qiellit mëkatet tona social-komuniste. Në këtë kuadër, nuk do të ishte i tepërt zhvillimi i një referendumi lokal për projektin e ndërtimit të Ramës tek Kodrat e Liqenit Artificial, i cili do të shënonte dhe fundin politik të këtij vampiri, tash e tutje jo më vetëm “… prej betoni…”, por edhe “… prej vërteti”.

standart