New York - Arrestohet Rrapo, asistent i Ilir Metes

[ChuChu]

Një 27 vjecar gangsterr pa asnjë shkollë ndihmësi kryesor i Metës ? Nuk do mend që do shiten dete e toka. Cudi që akoma ka një Shqipëri. Me mijëra djem e vajza shqiptare në perëndim të shkolluara në vendet më prestigjoze dhe nga familjet më patriote, vihet një rrugac në krye. Siduket Meta paska lidhje të thella me komunistët, përderisa familja Rrapo është e njohur për pislliqe që në kohën e Gogo Nushit.

Sipas MPJ, Rrapo ka qene i punesuar ne stafin teknik ne MPJ, jo "ndihmes kryesor" i Metes. Do kete mesuar te instaloje kompjutera ne Queens kur nuk ishte i zene duke vrare njerez.
http://www.noa.al/index.php/politike...mit-diplomatik

[Bel ami]

Per te konkuruar per nje vend pune duhet te kesh nje deklarate nga gjykata dhe Prokuroria e qytetit ku jeton si dhe nje deshmi te statusit juridik qe meret ne Ministrine e Drejtesise,ku tregon nese je i denuar me pare ose jo.Nese ky shtetas i kishte keto dokumente ne regull, ku qendron faji i atyre qe e kane punesuar?
Sipas ndonjerit, Ministria e Jashtme duhet te kerkonte nga policia e NEW YORK-ut deshmi penaliteti?

[zANë]

Per te konkuruar per nje vend pune duhet te kesh nje deklarate nga gjykata dhe Prokuroria e qytetit ku jeton si dhe nje deshmi te statusit juridik qe meret ne Ministrine e Drejtesise,ku tregon nese je i denuar me pare ose jo.Nese ky shtetas i kishte keto dokumente ne regull, ku qendron faji i atyre qe e kane punesuar?
Sipas ndonjerit, Ministria e Jashtme duhet te kerkonte nga policia e NEW YORK-ut deshmi penaliteti?

Keto dokumente jan thjesht formalitet dhe per te zene vend ne nje cope gazete gjasme konkurs,se spara i kontrollon njeri.Kur shpallet konkursi,punetoret vetem jan te pranuar ne pune
Kjo qe po thoje ti po te ishte e zbatushme do ishte nje mrekulli ........... edhe ka mundesi qe mund te ndoh ndonjeher,lol

[Bel ami]

Une nuk e kisha fjalen sesi behen konkurset, sepse e di qe administrata ne Shqiperi nuk eshte ndertuar nga meritat,por nga tesera e partise.Por desha te them se nga ta dije Ministria se ky njeri kerkohej nga policia e New Yorkut, kur prokuroria e Tiranes nuk e deklaron nje gje te tille.

[Albo]

Ish-sekretari i ministrisë, burg dhe ekstradim në SHBA

Pas debatesh të ashpra mes avokatit mbrojtës të Rrapos dhe prokurorit të çështjes, gjykata pranoi kërkesën e përfaqësuesit të akuzës. Sipas vendimit, i arrestuari Almir Rrapo do të qëndrojë në masën e sigurisë “arrest me burg” deri në përfundim të procedurave për ekstradimin e tij në Shtetet e Bashkuara. Togat e zeza e cilësuan si të pabazuar në ligj kërkesën e avokatit të 27-vjeçarit Rrapo për lirim nga qelia. Gjykata vlerësoi se afati 60 ditor i “arrestit me burg” i caktuar nga Apeli i Tiranës në 22 korrik nuk ka përfunduar ende. Vetë Rrapo nuk ishte i pranishëm dje në seancë. Me anë të një deklaratë ai i kishte dhënë të drejtën e përfaqësimit avokatëve të tij. Pas këtij vendimi Rrapo duhet të qëndrojë në qeli deri në përfundim të shqyrtimit të kërkesës për ekstradim, kërkesë e cila ndodhet tashmë në zyrën e gjyqtarit Artur Gaxhi.

SEANCA
Debati i fortë mes togave të zeza përshkoi gjithë seancën e djeshme gjyqësore në ngarkim të Almir Rrapos. Që në nisje të saj palët pranuan që të shqyrtoheshin në një seancë të vetme kërkesa e prokurorisë për “vazhdimin e paraburgimit të Almir Rrapos deri në përfundim të procedurave të kërkesës për ekstradim”, si edhe kërkesa e Rrapos për “shuarje të masës së sigurisë ‘arrest me burg’ ndaj tij. “Klienti jonë ka më tepër se 48 orë që qëndron në qeli pa një vendim gjykatë”, tha mbrojtësi i Rrapos, avokati Ardian Visha. Ai pretendoi se gjykata deri në përfundim të afatit 60 ditor të “arrestit” të klientit të tij nuk kishte përcaktuar ndonjë masë tjetër për të. Në këto kushte, sipas avokatit, gjykata ishte e detyruar të jepte një masë të ndryshme nga ajo e “arrestit”. Ndërkohë përfaqësuesi i prokurorisë, prokurori Besnik Cengu, kundërshtoi kërkesën e mbrojtjes për lirimin e Rrapos. Duke iu referuar konventës dypalëshe për ekstradimet mes Shqipërisë dhe SHBA-së, e firmosur në vitin 1993, prokurori tha se kërkesa për ekstradimin e Rrapos ishte paraqitur në gjykatë brenda afatit dy mujor. “Sipas ligjit, afati është dy muaj dhe jo 60 ditë”, tha prokurori. Ai pohoi se janë shtuar disa akuza ndaj Rrapos gjatë hetimit. Në vijim avokati Visha dhe prokurori Cengu u përfshinë në një debat pyetje-përgjigje. Ndër të tjera avokati Visha, duke iu referuar një prej neneve të konventës, tha se në dosjen e kërkesës amerikane për ekstradimin e Rrapos duhet të ketë bashkangjitur prova të fajësisë së tij. “Më tregoni një provë të vetme”, kërkoi avokati. Prokurori iu përgjigj se në fashikullin e gjykimit ndodheshin të gjitha aktet. Almir Rrapo u arrestua në ambientet e Ambasadës Amerikane në Tiranë në 2 korrik. Ai akuzohet nga drejtësia amerikane për akuza të “vrasjes”, “pengmarrjes në ndihmë të shantazhit”, “armëmbajtjes pa leje” dhe “shpërndarjes së drogës”.

Armand Bajrami
Panorama

[Albo]

Gjykata: Ish-këshilltari i Metës, Rrapo do ekstradohet në SHBA

UPDATE- Almir Rrapo do të ekstradohet në SHBA. Vendimi u dha sot nga Gjykata e Tiranës, duke mos marrë parasysh pretendimet e avokatit të tij për mos ekstradim. Një ditë më para avokati i Rrapos kërkoi nga Gjykata mos ekstradimin e klientit të tij drejt SHBA-ve, pa marrë më parë garancinë, se nëse ai shpallet fajtor, nuk do të ekzekutohet me vdekje. Avokati Ardian Visha tha se, nëse klienti i tij shpallet fajtor për akuzat e ngritura, ligji amerikan parashikon dënim me vdekje, ndërsa Shqipëria nuk e lejon këtë gjë, tha ai.

Almir Rrapo u arrestua më 2 korrik në ambjentet e Ambasadës Amerikane në Tiranë, ndërsa mbante postin e këshilltarit të lartë administrativ për zëvendës kryeministrin e Shqipërisë Ilir Meta dhe akuzohet për një sërë veprash penale në SHBA.

Pak kohë më parë Gjykata e Tiranës la në burg pa afat Almir Rrapon, pavarësisht kërkesës së avokatit të tij për kalim të afateve të masës së sigurisë. Ai u la në burg pasi SHBA-të kishin sjellë zyrtarisht kërkesën për ekstradimin e këtij shtetasi.


__________

Ish sekretari i Metës akuzohet për krim të organizuar në SHBA

Autoritetet amerikane thonë se kanë arrestuar pjestarë të një grupi ndërkombëtar të krimit të organizuar, përfshi një zyrtar të qeverisë shqiptare.

Zyra e prokurorit të përgjithshmëm në Nju Jork tha të martën se forcat e rendit kishin arrestuan Florian Veshin dhe Almir Rrapon nën akuza ku përfshihet edhe vrasjat, grabitja, rrëmbimi dhe djegia.

Ndaj Almir Rrapos akuzat u ngritën të henën në një gjykatë në Nju Jork pas arrestimit të tij nga policia shqiptare në muajin korrik. Në atë kohë ai shërbente si këshilltar i lartë administrativ për zëvendës kryeministrin e Shqipërisë.

Florian Veshi u arrestua të hënën nga forcat e rendit që përfshinin pjestarë të Byrosë Federale të Hetimeve dhe policë të qytetit të Nju Jorkut.

Prokurorët thonë se edhe 10 të tjerë janë arrestuar si pjestarë të grupit të akuzuar për vrasjen e dy pesonave, trafikimin e më shumë se 680 kilogramëve mariuana dhe rrembimin e dy njerëzve.

Almir Rrapo u arrestua në fillim muajit në ambientet e Ambasadës së Shteteve të Bashkuara të Amerikës, teksa ishte duke aplikuar për një pasaportë. Treshja gjykuese e Apelit, me gjyqtarë Alaudin Malaj, Shkëlqim Miri dhe Zeqine Sollaku, pranuan kërkesën e prokurorisë, për zgjatjen edhe për 20 ditë të tjera izolimin e Rrapos, deri në mbërritjen e kërkesës së autorteteve të SHBA-së për ekstradimin e tij. Kjo trupë gjykuese la në në fuqi vendimin e gjyqtarit Agim Bendo, në lidhje me vlerësimin e ligjshëm të arrestit të tij. Një vendim i tillë u la në fuqi kundër pretendimeve të mbrojtjes, se klienti i tyre ishte arrestuar brenda territorit të ambasadës së SHBA-së që konsiderohet, pjesë e SHBA-së. Sipas të drejtës ndërkombëtare, policia shqiptare nuk ka autoritet për të kryer arrestime të personave si shqiptarë ashtu edhe amerikanë në territorin e një selie të huaj diplomatike. Avokati i kërkoi Gjykatës, lirimin e Rrapos, pasi nuk është ai personi i shpallur në kërkim nga FBI-ja amerikane.
Më tej ai pretendoi se arrestimi i tij brenda ambienteve të ambasadës së SHBA-së nga efektivë të policisë shqiptare është i paligjshëm dhe cënon parimet e ekstra-territorialitetit. Prokurori i çështjes Dritan Peka, kërkoi nga trupi gjykues rrëzimin e pretendimeve të mbrojtjes, kërkesë që u pranua, duke izoluar edhe për 20 ditë të tjera ish- zyrtarin e Ministrisë së Jashtme, mbi 40 ditët e dhëna nga shkalla së parë dy javë më parë. Sipas akt-padisë së autoriteteve amerikane, e përdorur nga autoritetet shqiptare për arrestimin e zyrtarit të Ministrisë së Jashtme, emri i Rrapos nuk figuron në të, por ai akuzohet se në bashkëpunim me 11 persona të tjerë ka kryer "trafikim të lëndëve narkotike"; "rrëmbim"; "kërcënim"; "grabitje" dhe "transport përtej kufijve shtetëror të mallrave të vjedhura". Të gjitha këto akuza, sipas padisë, i arrestuari i ka kryer në kuadër të organizatës që kishte aktivitetin kriminal dhe bazën në Staten Island dhe Queens por që kryente aktivitetin edhe në distriktet Jugore dhe Lindore të Nju Jorkut, në distriktin Lindor të Miçiganit, të Konektikatit etj, në vitet 2003 - 2007.
Kjo organizatë, njihej me emrin "Krasniqi" që i referohej mbiemrit të dy krerëve të këtij grupi, Bruno Krasniqi, Saimir Krasniqi, të arrestuar në qershor të këtij viti. Bashkë me ta ishte pjesë e drejtimit të kësaj organizate edhe Elton Sejdaris, i njohur si "Tony". Veç këtyre, në këtë grup bënin pjesë edhe Erkliant Sula, Shkëlzen Balidemaj, Plaurent Çela, Skënder Cakoni i njohur si "Neri", Gjovalin Berisha i njohur si "Cuz", Dukagjin Nikollaj i njohur si "Duke", Nazih Nasser i njohur si "Naz" dhe Gentian Nikolli i njohur si "Genti". Të gjithë këta janë të arrestuar nga autoritetet amerikane. Këta të pandehur në bashkëpunim me njëri-tjetrin dhe role të ndryshme, kanë shpërndarë rreth 100 kg marijuhanë, të cilën ia kishin grabitur një shqiptari tjetër, të cilin më pas e kanë rrëmbyer duke e kërcënuar me armë për jetën nëse kërkonte paratë e shitjes së marijuhanës. Përveç këtij rasti, ata në qershor të 2005 kanë marrë nën kërcënimin e armës disa shpërndarës të marijuhanës në zonat që ata kontrollonin, duke i kërcënuar e grabitur pasi kishin hyrë në zonën e tyre.

Organizata synonte rritjen e territoreve nëpërmjet dhunës

Qëllimi i kësaj organizate ishte pasurimi i drejtuesve, anëtarëve dhe bashkëpunëtorëve të organizatës "Krasniqi" me anë të veprimtarisë kriminale. Ruajtjen, mbrojtjen dhe rritjen e pushtetit, territorit dhe fitimeve financiare të organizatës "Krasniqi", drejtuesve të saj, anëtarëve dhe bashkëpunëtorëve me anë të përdorimit të kërcënimit, dhunës dhe kërcënimeve për dëmtim fizik dhe ekonomik; dhe mbajtjen e viktimave dhe qytetareve nën frikën e organizatës "Krasniqi", drejtuesve të saj, anëtarëve dhe bashkëpunëtorëve duke kryer dhe duke kërcënuar për të kryer dhunë fizike dhe duke shkaktuar dhe kërcënuar për të shkaktuar dëmtim ekonomik.

Shekulli