Ali Baba qe vodhi 13 hajdutë

[Brari]

he me i lumte ..lol


---


GSH

Supermashtruesi, si përfitoi 1 mln euro nga 13 biznesmenë
» Dërguar më: 25/08/2010 - 11:46



Klodiana Lala

Indrit Aliu, pa frikë mund të quhet një supermashtrues i sofistikuar. Madje, për para tij, Kejdi Kote mund të quhet një gënjeshtar i klasës së tretë. Në dy vite, 26-vjeçari Aliu që tashmë ndodhet në qeli, ka mashtruar dhjetëra biznesmenë, duke u zhvatur më shumë se 1 milionë euro. Duke u prezantuar si njeri i rëndësishëm, me funksione e detyra në institucione të ndryshme, apo fondacione, ai u merrte biznesmenëve kryesisht në fushën e ndërtimit, shuma të majme parash, duke u premtuar se do të financonte ndërtimin e rrugëve, shkollave, apo ujësjellësve. Më pas zhdukej pa lënë gjurmë. Më poshtë do të botojmë të plotë historinë e mashtrimeve të Indrit Aliut. Prokurori Julian Zonja ka hetuar për një kohë të gjatë dhe në kërkesën për gjykim ka renditur prova dhe fakte që implikojnë Aliun në veprimtarinë kriminale. Megjithatë, asnjë qindarkë e milionave të zhvatur nuk është kthyer në duart e biznesmenëve...
“D & B Alb Union”
Administratorët e firmës “D& B Albn Union” shpk pasi kanë rënë në dijeni të aktivitetit të kompanisë së Indrit Aliut, janë takuar me këtë të fundit në zyrën e tij në rrugën “Muhamet Gjollesha”. Indriti u ka treguar një objekt që donte të financonte dhe u ra dakord që firma “D & B Alb Union” të paraqiste dokumentacionin dhe ofertën për ndërtimin e rrugës Sinanaj-Hidrocentrali Kalivaç. Bujar dhe Bashkim Nikolla dhe shtetasi grek Dimitrios Kontogiannis më datën 15.01.2009 kanë parë objektin në vend në fshatin Sinanaj dhe më datën 18.01.2009 kanë dorëzuar në zyrat e firmës “Dejs & Partners Consulting” dokumentacionin për ndërtimin e kësaj rruge, dokumentacion që është sekuestruar më pas gjatë kontrollit të zyrës së të pandehurit. Dy ditë më pas shoqëria “Dejs & Partners Consulting” i ka dërguar njoftim firmës “D& B Alb Union” si fituese e tenderit. Mes dy kompanive është lidhur një kontratë sipërmarrje për rikonstruksionin e rrugës Sinanaj – diga e Hec Kalivaç, komuna e Lopës qarkut Gjirokastër me vlerë të kontratës 7 milionë euro. Jashtë kësaj kontrate nga ana e të pandehurit është kërkuar sigurimi i kontratës në vlerën 3 %, pra në shumën 210.000 euro. Kjo pagesë rezulton se është bërë nga firma “D& B Alb Union” shpk në kesh të pandehurit Indrit Aliu. Më datë 23.01.2009 firma “D& B Alb Union” ka filluar punën për rikonstruksionin e rrugës, punime të cilat janë ndërprerë më datë 13.03.2009 për shkak se i pandehuri nuk kishte bërë asnjë pagesë për punimet e kryera. Deri në këtë datë rruga ishte hapur si trase me gjatësi 4.5 m dhe gjerësi 8 m dhe e gjithë kjo distancë ishte shtruar me çakull në vlerën e 1.4 mln euro. Meqenëse Aliu nuk kishte bërë asnjë likuidim firma është detyruar të ndërpresë punimet. Sipas administratorëve, që me fillimin e punimeve, Aliu u bënte presion me prishjen e kontratës nëse nuk do t’i paguanin lekë shtesë deri në shifrën e 500.000 eurove. Kështu, më datë 05.03.2009 Bujar N ka tërhequr nga shumën e parave 3000 euro të dërguar nga Bashkim N, i cili ndodhej në Prishtinë, të cilat ja ka dhënë Indritit, pasi sipas të pandehurit, i duheshin direkt për një zëvendës ministër si dhe projektin origjinal. Më datë 06.03.2009 i pandehuri ka kërkuar 10.000 euro Bashkimit si kusht për likuidimin e situacionit të mësipërm dhe më pas ka nxjerrë si pretendim se i duheshin për të operuar babain e tij në Turqi. Për të plotësuar këtë shumë shtetasi grek ka dërguar 6000 euro të cilat i ka tërhequr Bujari dhe 4000 mijë euro Bujari i ka marrë në shtëpinë e tij dhe në pas ja na dhënë Indrit Aliut në zyrën e tij. Më vonë, Indrit Aliu, u ka kërkuar një shumë prej 50 mijë euro me arsyen se kishte një problem shumë urgjent. Për t’i dhënë këtë shumë përfaqësuesit e firmës “D & B Alb Union” kanë marrë kredi në një bankë dhe ja kanë çuar në zyrë të pandehurit. Sipas Bujar Nikolli, pavarësisht justifikimeve të ndryshme që Indrit Aliu nxirrte për kërkimin e lekëve, nëse nuk jepeshin lekët bënte presion për prishjen e kontratës. I pandehuri ju është dukur i besueshëm pasi e kishin parë në programe të ndryshme televizive, duke sponsorizuar. Po, ashtu u thoshte se kishte kontrata me pushtetin lokal për ndërtimin e rrugëve rurale. Në momentin që kanë kuptuar mashtrimin, Bashkimi i ka kërkuar të pandehurit që të bënte një deklaratë noteriale për shumat që ju kishte marrë dhe për këtë kanë shkuar të noteri. Aty i pandehuri Indrit Aliu ka filluar të qajë duke kërkuar që Bashkimi të mos e denonconte në polici.
“Classic Volksvagen”
Në “Grackën” e Indrit Aliut ka rënë dhe Artan Mirdita, menaxher i shitjeve të makinave të reja pranë kompanisë “Classic Volksvagen”. Sipas kërkesës për gjykim, rezulton se nga fundi i muajit janar 2009 është paraqitur në sallonin e makinave të reja i pandehuri Indrit Aliu si drejtor i firmës “Dejs & Partners Consulting” për të parë disa mjete të cilët sipas tij i duheshin për nevojat e shoqërisë. Në shkurt 2009, Indrit Aliu është paraqitur në zyrat e “Classic Volksvagen” me qëllim blerjen e tre mjeteve të reja Passat CC, Touran dhe Golf me zero kilometra, siç dhe provohet nga kontratë e shitblerjes. Vlera për mjetin Passat ishte 33 mijë euro, për mjetin Touran 21 mijë euro dhe mjetin Golf, 16.500 euro, sipas kontratës për të tre mjetet do të bëhej parapagim gjysma e vlerës dhe pjesa tjetër do të paguhej me dy këste. E gjithë kontrata do të realizohej brenda 6 muajsh. Pas nënshtrimit të kontratës i pandehuri Indrit Aliu është larguar nga kompania dhe është pritur në ditët në vazhdim që ai të bënte pagesat përmes bankës. Pas disa ditë nga nënshkrimi i kontratës për mjetet e mësipërme Indrit Aliu është paraqitur tek “Classic Volksvagen” dhe pasi ka biseduar me drejtuesit e kompanisë ka marrë mjetin “Passat CC” i regjistruar në emër të kompanisë me marrëveshjen për të bërë pagesën e menjëhershme. Por, që nga data e marrjes se mjeteve i pandehuri Indrit Aliui është larguar duke mos bërë asnjë likuidim të shumave për mjetet. Gjithashtu, i prezantuar me parë si drejtori i një fondacioni të suksesshëm dhe të besueshëm kishte marrë me qira me kontrata të rregullta 2-3 mujore disa mjete pranë kësaj kompanie, për të cilat nuk kishte bërë asnjë pagesë. I pandehuri është shprehur tek kolegu i kallëzuesit, se kompania e tij ishte caktuar si konsulente për lëvrimin e parave të fondit islamik për zhvillimin e Shqipërisë, rrethana, të cilat krijuan besueshmëri tek ai për dhënien e mjeteve. Artan Mirdita gjatë asaj periudhe ka komunikuar disa herë në telefon me Aliun për likuidimin e patave dhe në telefonatën e fundit më datë 12.03.2009 Indriti i kishte thënë se ishte kryer pagesa dhe do të dërgonte me faks dokumentin e kalimit të parave në llogarinë bankare të kompanisë, por më pas kishte mbyllur numrat dhe ishte zhdukur.
“Bitraj 98”
Alban Bitraj administrator i shoqërisë “Bitraj 98” shpk, me aktivitet ndërtim dhe rikonstruksioni objekteve rezulton se në muajin shtator-tetor 2008, Alban Bitraj është takuar në Tiranë me kryetarin e komunës Bulgarec – Korcë, i cili i ka propozuar kryerjen e disa punimeve me anë të një fondacioni dhe meqenëse bëhej fjalë për punime ndërtimi, Bitraj përmes kryekomunari është takuar me shtetasin Indrit Aliu. Indriti është prezantuar drejtor i fondacionit “Dejs & Partners Consulting”, duke e përshkruar aktivitetin e fondacionit si një fondacion turko-italia dhe paratë e këtij fondacioni lëvroheshin nga banka... Gjithashtu i pandehuri ka thënë Alban Bitrajt, se ishin rreth 30 mln euro në program që do të financoheshin për ndërtimin e rrugëve në Shqipëri, si dhe i ka thënë se kishte ndërtuar rrugën në Vaqarr dhe në Sauk nëpërmjet firmave të ndryshme. Pas kësaj i pandehuri i ka ofruar nënshkrimin e një kontratë për punime ndërtimi me investimet e fondacionit. Pas bisedave, Alban Bitrajn ka marrë përsipër ndërtimin e rrugës së fshatit Dishnicë, me vlerë 70.000.000 lekë. Për këtë Indrit Aliu i ka kërkuar të paguante 3 për qind të vlerës së kontratës, pra shumë prej 2.5000.000 lekë. Pagesa Indrit Aliu i është bërë në cash dhe ai i ka firmosur një mandat arkëtimi. Të nesërmen, Alban Bitraj është takuar në zyrën e tij me Aliun dhe kryetarin e Bashkisë Librazhd, ku u bisedua për rikonstruksionin e Bashkisë Librazhd. Indriti reagoi se ishte gati për këtë projekt si dhe ofroj për të bërë edhe tre rrugë të tjera në Librazhd, që totali i të gjithave të shkonte në 1 mln euro. Po këtë ditë i pandehuri Aliu ka përpiluar kontratën dhe të nesërmen Alban Bitraj, i ka paguar 3 për qindëshin, por edhe 10 për qind të cilat i ka marrë i pandehuri në formën e bakshishit. Të gjitha këto lekë janë paguar në cash ku për 3 për qind të vlerës së kontratës, pra 37 mijë euro i pandehuri i ka lëshuar Albanit një mandat pagese të vulosur dhe firmosur prej tij. Ndërsa për vlerën e 6 mln lekë të dhëna Indritit si 10 % Alban Bitraj ka deklaruar se nuk disponon dokument. Po atë ditë Indrit Aliu i ka ofruar Bitrajt, një tender rruge në komunën Lopes në Tepelenë me vlerë 7 mln euro. Për këtë ofertë Indriti i ka kërkuar një paradhënie prej 90 mijë euro, që puna të bëhej më shpejt dhe Albani i ka dhënë 88 mijë euro. Për këtë objekt Alban Bitraj ka lidhur kontratë me Indrit Aliun. Duke qenë se puna në fshatin Dishnicë nuk po ecte si duhet pasi i pandehuri nuk po tregohej korrekt me pagesat sipas kontratës Alban Bitraj është tërhequr nga objekti i Tepelenës. Duke u hequr si anëtar i bordit të një banke i ka premtuar Bitrajt, t’i mbyllte disa detyrime që kishte, por nuk ka bërë asgjë. Bitraj ka deklaruar se ka pasur edhe një kontratë tjetër për ujësjellësin, shkollën dhe urën e fshatit Llozhan në komunës Gore, Korçë, por nuk ka filluar asnjë punim. Ai ka pohuar se ka pasur dhe një automjet “mercedez ML” të cilin ia kishte lënë Indritit për ta përdorur, që s’ka arritur ta marrë më, pasi ia kishte marrë një borxhli. Meqë Aliu nuk kishte bërë asnjë pagesë Alban Bitraj, ka ndërprerë punimet në Librazhd e Dishnicë, punime që i kishin kushtuar 50 mijë euro. Sipas Albanit, i pandehuri krijonte bindjen se ishte një fondacion serioz si dhe kishte njohje të shumta, hynte shpesh në institucione shtetërore por edhe banka, ku dukej se e njihnin. Po kështu në zyrë mbante foto me figura të njohura publike.
Firma ‘Leart Kasaj’
Prokuroria ka zbardhur dhe mashtrimin që Indrit Aliu i ka bërë Leart Kasajt, pronarit të kompanisë “Leart Kasaj” që tregton pajisje elektronike dhe sisteme sigurie kamerash. Indrit Aliu ka mundur ti marrë dhjetëra kompjuterë, si dhe ka pajisur me sistem kamerash sigurie, jo vetëm zyrën e tij, por edhe në komunën Dajt për llogari të të pandehurit. Vlera e pajisjeve dhe shërbimeve të kryera kapte shifrën e 73.120 euro.
Shoqëria I.R.Z
Ramazan Biba pronar i shoqërisë IRZ SHpk, me aktivitet në fushën e ndërtimit, ka deklaruar se në dhjetor 2008 është vënë në dijeni se ekzistonte një fondacion turko-amerikan që investonte në fushën e infrastrukturës. Përmes të njohurve të tij, Biba e ka takuar Aliun, në zyrën e tij, i cili i ka prezantuar fondacionin si amerikano–turk që operonte në fushën e antiterrorizmit, të fëmijëve në nevojë, dhe se fundmi kishte filluar me fondet në infrastrukturë dhe fondet i vinin nga të dyja shtetet. Ai i ka paraqitur Bibës disa projekte rrugësh ndër të tjera edhe rrugën e komunës Dajt. Një javë më pas Biba dhe Aliu kanë firmosur kontratës me një vlerë prej 90.000.000 lekë për ndërtimin e rrugës Tufinë-ShiSH rrugë kryesore Zall-Dajt. Aliu i ka kërkuar sigurimin e kontratës në vlerës 3 % pra 2.440.000 lekë., të cilën Ramazani e ka paguar në cash. Firma IRZ ka vazhduar punimet deri më janar 2009 ku është hapur 1 km rrugë më vlerë 40.000.000 lekë. Më pas është biseduar për ndërtimin e rrugës Kllojkë, që do ta kryenin dy firma “IRZ” dhe “Rami” shpk. Sipas objektit të kontratës ishte rruga Pllumas-Kllojkë, me gjatësi 12.3 km. Edhe për këtë i pandehuri ka përfituar 3 për qind të vlerës, pra, 5 mln e 700 mijë lekë. Indrit Aliu i ka premtuar se do ta likuidonte, brenda pak ditësh sa t’i çeleshin fondet dhe më pas është zhdukur.
Mashtrimi
Indrit Aliu nuk ka mashtruar vetëm bizneset, por edhe qytetarët e thjeshtë. Nikoll Prifti dhe Flora Liko, janë të mashtruarit e radhës nga Aliu. Solli Liko bashkëshorti i Florës, ishte dënuar nga Gjykata e Apelit Tiranë me 10 vjet burgim dhe vuante dënimin në burgun e Kosovës. Teksa ndiqnin gjyqin, Nikoll Prifti është takuar rastësisht me shtetasin Mikail Ndrecka, i cili punonte shofer taksie. Ndrecka, ka thënë se njihte një person që mund ta ndihmonte për problemin që kishin. Mikaili ka folur në telefon me një të njohurin e tij që ishte i pandehuri Indrit Aliu dhe më pas janë takuar në një lokal ku i priste i pandehuri. Aliu u ka kërkuar dosjen e të dënuarit, me pretendimin që ta shikonte një miku i tij që punonte në ministrinë e Drejtësisë. Ai është larguar dhe pasi është kthyer u ka thënë se miku i tij e kishte parë dosjen dhe do ta nxirrte Sollin. Për këtë duhet t’i jepnin 7000 euro. Pasi e kanë marrë këtë shumë tek një miku i tyre e kanë marrë në telefon të pandehurin dhe ia kanë dhënë shumë prej 7000 euro në një lokal në afërsi të gjykatës së Tiranës. Pas disa ditësh ata e kanë marrë në telefon të pandehurin, i cili u ka thënë të shkonin më datë 3.11.2008 tek burgu i Kosovës për të marrë Sollin se do të dilte nga burgu. Nga autoritetet e burgut u është thënë se nuk do të dilte asnjë i dënuar. Kështu Nikoll Prifti ka komunikuar me Aliun dhe ai i ka thënë se kishte mungesë dokumentacioni dhe do ta dërgonte për punë ditësh. Ai u ka kërkuar edhe 1500 euro të tjera të cilat pasi i kanë siguruar të dy Nikoll Prifti dhe Flora Liko, shtetasi Nikoll Prifti është nisur nga Lushnja dhe ia ka dhënë këtë shumë të pandehurit në zyrën e tij tek Zogu i Zi. Edhe pas këtij momenti gjatë komunikimeve me të pandehurin, ky i ka thënë që do të dali shpejt duke ju dhënë edhe disa data për daljen e Sollit si më 9 nëntor, 18 nëntor, për vit të ri, në janar dhe në shkurt, por përfundimisht nuk u kishte bërë asgjë derisa më vonë ishte zhdukur fare.
Subjekti MA &Co sh.p.k
Ardi Arkaxhiu, administrator i subjektit MA&Co sh.p.k në qytetin e Kavajës është “viktima e radhës e Indrit Aliun. Më janar 2009, Arkaxhiu është takuar rastësisht me Aliun, të cilin e njihte që kur ai ndiqte studimet në Medresenë “HAfiz Ali Korça” në Kavajë. Aliu i ka thënë se ishte zgjedhur drejtor i një shoqërie “Dejs & Partners Consulting” që kishte fonde për investime në infrastrukturë dhe i ka propozuar nëse kishte interes të lidhte ndonjë kontratë meqë procedurat ishin shumë të thjeshta. Pas disa ditësh, gjatë një takimi në zyrën e Aliut, ky i fundit, i ka ofruar dy projekte, nga të cilat Arkaxhiu ka pranuar të merrte përsipër atë të rikonstruksionit të rrugës “Domje” qendër lagja Drazhe me vlerë 24.858 milionë lekë. Aliu i ka thënë se bordi drejtues i kompanisë kishte marrë vendim që të bëhet ngurtësimi pranë këtij fondacioni i shumës 3 % të kontratës si sigurim oferte dhe kontrate nga subjektet që do të kryenin punimet dhe këto para të mos kalonin në rrugë bankare, por në dorë pasi do të qëndronin në arkën e kompanisë. Më datën 29.1.2009 Ardi Arkaxhiu dhe i ka dhënë shumën prej 1728 euro për blerjen e dokumenteve. Të nesërmen më datën 30.1.2009 edhe vlerën 700.000 lekë që ishin llogaritur për 3 %, pagese. Aliu i kërkuar 20 % të vlerës së kontratës si paradhënie në mënyrë që të fillonte puna. Më vonë është vënë në dijeni të faktit se Indrit Aliu ishte larguar nga Shqipëria.
“Matrios” sh.p.k
Mashtrimet e Indrit Aliut duket se nuk kanë të sosur. Fatos Azermadhi, përfaqësues i shoqërisë “Matrios” sh.p.k është emri i radhës në listën e të mashtruarve. Në muajin Tetor 2009, Azermadhi, është njohur me Indrit Aliun, përmes bashkëpunëtorit të tij Rushan Hajri. Gjatë takimit Aliu i ka prezantuar disa projekte për zhvillimi rrugës në komuna të ndryshme të rrethit të Tiranës. Ai i ka ofruar dy projekte të komunës së Petrelës, të cilat shtetasi Fatos Azermadhio ka pranuar t’i marrë përsipër. Në këtë moment i pandehuri i ka kërkuar të derdhte në zyrën e financës së tij shumën 72.000 lekë për sigurim kontrate dhe 2.5 % të shumës me vlerë 1.280.00 lekë si garanci e projektit. Azermadhi ka kërkuar që këto pagesa të bëheshin aty. Të nesërmen e datës 20.11.2008 i pandehuri i ka telefonuar shtetasit Rushan Hajro duke i thënë se garancia e projektit nuk ishte 2.5 % por 3.5 % duke i dhënë kështu të pandehurit edhe shumën 8000 dollarë. I pandehuri Indrit Aliu i ka marrë Rushan Hajros 2500 dollarë me premtimin se do ta ndihmonte për të futur djalin në shkollë, pasi i është prezantuar si Drejtor i Marrëdhënieve me Jashtë në Ministri dhe 2300 dollarë për blerjen e një akuariumi për zyrën e tij.
“Malvini” sh.p.k.,
Prokuroria ka vërtetuar se Pashko Palokaj administrator i shoqërisë “Malvini” sh.p.k., është mashtruar nga Indrit Aliu, i cili i ka marrë shumat 12.000.000 lekë dhe 25.000 euro në formën e huajë, si dhe në bazë të një kontrate sipërmarrje të lidhur me të nuk i shlyer situacionin me vlerë 13.569.720. Në lidhje me këtë shtetasi Pashko Palokaj ka deklaruar se e kishte takuar të pandehurin disa herë dhe ai i kishte thënë se ia kishte kaluar lekët në llogari, por nuk fakt nuk kishte kaluar asgjë. Ndërkaq, kontrata e sipërmarrjes kishte si objekt rikonstruksionin e rrugës kombinati i autotraktorëve-Lanabregas, komuna Dajt Tiranë, me vlerë 145.636.062.00 lekë. Dy ditë pas firmosjes së kontratës, Palokaj, ka filluar punën dhe i pandehuri i ka thënë që mos të tregonte tek firma të tjera pasi ai ishte i vetmi që do t’i jepte 20 % paradhënie për fillimin e punimeve. Pas kësaj, Pashko Palokaj i ka sjellë të pandehurit 8.000.000 lekë duke ia dhënë në dorë, dhe një ditë më pas edhe 4.000.000 lekë dhe 20.000 euro. Pas dy ditëve shtetasi Pashko Palokaj ka shkuar tek zyrat e të pandehurit për të firmosur kontratën dhe të merrte 20 për qind paradhënie, por në fakt i ka dhënë të pandehurit edhe 5000 euro të cilat ai ia ka kërkuar, pasi sipas tij, do të ikte në Itali për të bërë një skaner se ishte sëmurë.
“Ndrekaj” sh.p.k.
Viktor Pejtri, administrator i shoqërisë “Ndrekaj” sh.p.k. ka shpjeguar se ishte vënë në dijeni se nga ana e shoqërisë Dejs & Partners Consulting me drejtor të pandehurin Indrit Aliu do të jepej fondi për rikonstruksionin e rrugës “Herman Mayer”, fshati Sos Tiranë. Pasi ka hyrë në marrëdhënie me të pandehurin ka lidhur kontratën e sipërmarrjes nr.256/1 prot datë 27.2.2009, ku sipas kësaj kontrate nga ana e palës porositëse shoqërisë së të pandehurit do të porositej rikonstruksioni i rrugës së mësipërme përkundrejt një fondi prej 128.000.000 lekë. Me lidhjen e kësaj kontrate është besuar se kishin të bënin me një marrëdhënie serioze sipërmarrje. Sikurse edhe tek kontratat e tjera të sipërmarrjes nga ana e shtetasit Viktor Pjetri është bërë sigurimi i ofertës në shumën prej 3 % të vlerës së investimit që ishte shuma 3.840.000 lekë, të cilat i janë dorëzuar të pandehurit Indrit Aliu. Më pas më kot është pritur që të bëhej akordimi i fondeve, por kjo nuk është bërë asnjëherë.

[Mr_Elbasanlliu]

Mjeshter mir ja ka ba po ce do qe e paskan zbulu..