R. Selmanllari: Po i kemi paguar Rames shumen qe Albana Vokshi beri publike

[Brari]

gazeta standart
--
Rama, paranojë si Enveri, për pushtet bllokoi rruget

Valentina Madani 25/08/2010 13:50:00

Historia që nisi nga bllokimi i sheshit “Skënderbej” deri në rrugët e Saukut. Si u sinkronizuan protestat artificiale të rrugëve

Një njeri gjithë kohën i maskuar që një ditë rrezikon të mos njohë as fytyrën e tij. I gatuar për të hedhur baltë aty ku lartësohet diçka, për të nxirë aty ku çdo gjë shihet qartë, s’ka dyshim që Edi Ramës i shkon për shtat shprehja e Gëtes: “Ka njerëz të cilët nuk lajthisin kurrë, sepse mendja e tyre nuk prodhon asnjëherë mendime të arsyeshme...” Kur të gjithë përpiqen t’i shpëtojnë të keqes, që mbajti diktatura për 50 vjet, dhe na la mënjanë të izoluar dhe në terr, fëmijët e xhelatëve ndjekin paraardhësit. Një sistem komunist ende në psikologji, edhe pse deklarohen të majtë, pa dyshim që do të pjellë anarkinë dhe kaosin në vend. Një rast i tillë, një situatë e prodhuar nga një patologji komuniste është bllokimi i akseve rrugore në disa zona rurale të vendit. Të errësohet vendi si në kohë stuhish, që të ndjellë panik mbi njerëz që po përjetojnë për herë të parë në historinë e tyre afrimin me Perëndimin, duke mos hequr dorë nga mënyra se si përdoret shqiptari - patjetër që do të na çonte në një gjykim final: t’i ruhemi një “mbretërie” të re komuniste, që do pushtet me çdo kusht. Nuk është hera e parë që lajmërimi për një pinjoll të ri prej komunizmit vjen, ndaj për të mbërritur në këtë “detyrë” politike, Edi Ramës pa dyshim i duhen metodat e sistemit diktatorial: të nxisë, të instrumentalizojë njerëzit kundër njëri-tjetrit. Është e njohur ripërsëritja e historisë së shqiptarëve, ku e majta e çon gjithmonë në shpërthime të tilla, gati si në një luftë civile, grindjen mes shqiptarëve. Edi Rama në emër të një pushteti me mendësi komuniste kërkon të terrorizojë shqiptarët. Të krijojë absurdin e një situate anarkiste në vend, sikur këtu nuk ka siguri, punët nuk shkojnë mirë, se njerëzit janë pa toka, pa prona, se këtu vriten për hiçmosgjë, ose për ndonjë politikan apo për ndonjë parti, se këtu ka nacionalizma ekstreme. Asgjë e vërtetë nuk është nga këto, vetëm është paranoja që ngre Edi Rama në kokën e tij, ashtu si dikur Enver Hoxha që për këtë shkak çoi në pushkatim 5 mijë intelektualë. Edi Rama do të çojë drejt një ankthi të ri shqiptarët, t’i vrasë moralisht pikërisht në momentin më final, shpresën për t’u integruar më në fund në Evropë. Prandaj, ka krijuar skemën e bllokimit të rrugëve. Rastet të çojnë të gjitha në një hulli nisur qysh nga protesta e madhe, rezultuar e dështuar, në sheshin “Skënderbej”. Të gjithë ne jemi nga natyra të gatuar në atë mënyrë, që kemi më tepër dëshirë të qortojmë kur gabohet, sesa të lavdërojmë kur puna bëhet siç duhet. Por përballë ligjit, synimet e njollosura s’kanë asnjë vlerë. Askush s’ka asnjë të drejtë të shkelë mbi ligjin dhe të përdorë popullsinë për ta kundërvënë atë kundër shtetit. Është pikërisht Edi Rama, prapaskenat e të cilit nuk mund të mbahen fshehur si kolla, i mbështetur nga disa deputetë të PS-së, si një klonim perfekt i tij (individë që i shërbejnë jashtë mase kryetarit duke dobësuar çdo forcë krijuese vetjake), që pasi dështuan me rrëzimin e qeverisë përmes bllokimit të sheshit qendror të Tiranës, në prill të këtij viti, po provojnë sërish, por këtë radhë me bllokimin e rrugëve nacionale në mbarë vendin. Ndonëse në mënyrë sporadike, po që përsëriten herë pas here, Rama me të vetët po eksperimenton një praktikë të re për të kundërvënë qytetarët kundër qeverisë “Berisha”. Herë duke provokuar, herë duke dalë haptas, deputetët e majtë janë vënë në krye të disa protestave në rrethe, duke shfrytëzuar disa orë mungese uji në ndonjë fshat, apo raste pronash, ndërprerje energjie ose ç’të mundet, mjafton që ata t’i bëjë të pakënaqur, qoftë edhe për disa çaste... Dhe kjo, për faktin se i mungojnë alternativat se si duhet të bëjë opozitën reale, rrugët e duhura për të ardhur në pushtet përmes strategjive, se si duhet të iniciojë debate politike apo të bëhet bashkëpunuese për reformat e rëndësishme në vend.

Pse opozita u bë euforike për incidentin e Himarës

Rasti më i fundit, që e majta bëri çmos që ta shfrytëzonte, ishte vrasja në Himarë vetëm para pak ditësh. Me synimin për të arritur diçka, PS-ja hodhi një lumë akuzash në drejtim të shtetit për situatën e krijuar atje, ndërkohë që Kryeministri dhe drejtuesit lokalë dënuan me ashpërsinë më të madhe vrasjen e 35-vjeçarit Aristotel Guma. Vetë kryebashkiaku i Himarës, Vasil Bollano, kërkoi që mos të bëheshin pazare politike me ngjarjen e ndodhur, ndërsa vlerësoi punën e strukturave më të larta të Policisë së Shtetit për situatën e krijuar. Ndërsa vetë Ministria e Brendshme reagoi ashpër ndaj akuzave të hedhura nga Partia Socialiste për mungesën e rendit në vend dhe daljen e situatës jashtë kontrollit të policisë në ngjarjen e Himarës. Por opozita nuk kishte të ndalur, ndërsa frymëzonte banorët e zonës që të qëndronin në protestë duke mbajtur të bllokuar aksin rrugor. PS-ja akuzoi policinë se kishte dalë situata jashtë kontrollit, ndërkohë që Ministria e Rendit jo vetëm që kishte nën kontroll situatën në Himarë, por i kujtoi PS-së se bllokimi i rrugëve përbën vepër penale. Titullari i Ministrisë së Brendshme, Lulzim Basha, kërkon ndëshkim për të gjithë ata që bllokojnë rrugët publike. Kreu i Ministrisë së Brendshme ka deklaruar dje se nuk do të tolerohet asnjë bllokim rruge i bërë nga persona të caktuar, duke e quajtur një veprim të tillë si kriminal. Madje, republikani Sabri Godo bëri thirrje për mostelorim ndaj askujt që zë rrugët duke thënë: “Çdo njeri që bllokon rrugën, duhet të shkojë në burg”.

PS, si u sinkronizuan protestat në rrethe

Mbështetës dhe deputetë të Partisë Socialiste ndërmorën protesta të sinkronizuara në disa rrethe të vendit, duke shkaktuar bllokime dhe kaos në akset kombëtare më të rëndësishme të vendit. Bllokimet i nisën që në muajin prill dhe përgjatë muajit maj me sheshin qendror të Tiranës, ndërsa vijuan më pas me autostradën Tiranë - Durrës, në hyrje të qytetit bregdetar. Autostrada u bllokua në hyrje të qytetit bregdetar, duke shkaktuar kaos në lëvizjen e automjeteve në dy kahet e aksit nacional. Por, protesta e opozitës në autostrada përshkallëzoi edhe në përleshje mes mbështetësve dhe forcave të policisë. Ndërkohë që mbështetësit e grevës së PS-së janë konfliktuar me policinë e Tiranës, pasi janë përpjekur të bllokojnë rrugën pranë Urës së Farkës. Ndërkaq, një protestë e ngjashme është shënuar edhe në qytetin e Vlorës, ku mbështetës dhe deputetë të Partisë Socialiste bllokuan rrugën në hyrje të qytetit. Protesta u organizua nga deputetët e Partisë Socialiste për qarkun e Vlorës dhe drejtues lokale të PS-së, duke u shfaqur deputeti i zonës Fatmir Toçi. Ndërkaq, mbështetës dhe deputetë të Partisë Socialiste bllokuan dhe aksin nacional Tepelenë - Gjirokastër. Në protestë ishin të pranishëm deputetët Ethem Ruka dhe Arta Dade. Rruga Gjirokastër - Tepelenë u bllokua për disa orë dhe në koordinim me rrethet e tjera, mbështetës të PS-së bllokuan për disa minuta edhe autostradën Fier - Lushnjë, pranë rotondos së Kolonjës. Protesta u mbështet nga deputetët Bashkim Fino dhe Arben Çuko. Ndërkaq, mbështetës të Partisë Socialiste në Berat bllokuan akset që lidhin këtë qytet me Fierin dhe Lushnjën. Protesta dhe rrugë të bllokuara u shënuan edhe në veri të vendit. Kështu, mbështetës të partisë bllokuan për disa minuta akset Shkodër - Tiranë dhe Lezhë - Tiranë. Edhe rruga nacionale që lidh Shkodrën me Koplikun kishte në krye të saj deputetë të Partisë Socialiste. Përreth 30 minuta u mbajt e bllokuar rruga nacionale nga banorë të fshatrave Bajzë, Gruemirë dhe nga Kopliku. Në këtë rast u shfrytëzua pakënaqësia për vlerësimet e bëra si dëmshpërblime për tokat e tyre ku kalon rruga nacionale apo shtrenjtimi i faturës së energjisë elektrike. Protesta e banorëve të këtyre zonave të veriut të vendit u mbështet nga deputetët e qarkut Shkodër, Tom Doshi, Astrit Beci e Ilir Beqja.

Bllokimi i rrugëve, eksperimenti i paranojës së Edit

Edi Rama tentoi të eksperimentonte në Tiranë edhe me punimet në sheshin “Skënderbej”, duke krijuar një kaos të pashembullt në kryeqytet, duke bllokuar rrugë pa plan. PD-ja akuzoi se Bashkia e Tiranës nuk ka pasur dhe nuk ka asnjë plan të përgjithshëm për të rregulluar lëvizjen e trafikut në qytetin e Tiranës. Në këtë rast, Rama tentoi sërish pakënaqësitë e kryeqytetasve të cilët ende vazhdojnë të vuajnë pasojat e krisjes së tij. Dhe sikur të mos mjaftonte kaq, irritimi do të ishte i pamjaftueshëm nëse nuk bëhej një lloj shpërndarjeje edhe në qytetet e tjera të vendit, duke ngritur në protestë banorë të ndryshëm, të cilët deri para pak ditësh kishin zënë rrugët nacionale. Pothuajse në një kohë të njëjtë u shfaq protesta e Saukut, ku banorët u ngritën për mungesën e ujit të pijshëm apo ajo në Dukat ku dhjetëra banorë të fshatit Dukat në Vlorë, bllokuan rrugën nacionale që të çon për në Llogora, pak orë pasi policia shoqëroi gjashtë të rinj për një protestë të mëparshme, nëpërmjet të cilës kërkoheshin tokat e këtij fshati. Bllokimi i rrugës nga Fushë-Orikumi deri në fshatin Dukat zgjati me orë të tëra, ndërkohë që u krijua një radhë prej tetë kilometrash me automjete të qytetarëve që ktheheshin nga pushimet apo anasjelltas. Në një diferencë të vogël kohe, bllokohet aksi Tiranë - Elbasan. Bllokimi i rrugës është bërë pranë Akademisë së Policisë, ku banoret e Saukut ishin grumbulluar që në orët e para të mëngjesit. Po ashtu edhe bllokimi i rrugës në Librazhd, pas së cilës nuk është vështirë të identifikosh si iniciator të saj deputetin e PS-së, Taulant Balla.

PD në opozitë nuk bllokoi asnjë rrugë

Gjatë kohës që PD-ja qëndroi në opozitë, dhe jo pak, por 8 vite me radhë, protestoi sa herë që rrezikohej shkelja e ligjit, por nuk mbahet mend asnjë rast që ajo të bllokonte akset rrugore. Ajo mbahet mend për modelin e të protestuarit në mënyrë demokratike, larg dhunës dhe cenimit të të drejtave të njeriut, siç është bllokimi i akseve rrugore. Opozita e atëhershme e Kryeministrit Sali Berisha kishte një objektiv të qartë, rikthimin në pushtet përmes mjeteve demokratike. Për këtë ajo hartoi strategji nga më ambiciozet, duke përgatitur programe konkrete, që i shërbenin interesit qytetar. Gjatë 8 viteve, PD-ja dhe kreu i saj, i njohur për mitingjet më të mëdha, duke grumbulluar njerëz pa fund përreth vetes, asnjëherë nuk luajti me shqiptarët, por punoi siç i takonte një opozite, duke premtuar ndryshimin përmes punës, alternativa të shumta, të cilat gëzuan në korrik të 2005-s mbështetjen e shumicës së shqiptarëve, të cilët sollën në pushtet të djathtën dhe goditën me votë regjimin e korruptuar të së majtës. Kjo e majtë, tashmë e drejtuar nga një politikan që hiqet si njeriu i politikës së re, nuk po bën gjë tjetër, veçse po degradon opozitën kryesore në vend me kërcënimet, politikat e rrugëve dhe presionet e vazhdueshme për të marrë pushtetin nën tavolinë. Një opozitë e dobët, e pazonja për t’u bërë gati që të marrë pushtetin dhe vetëm për shkak të një kryetari që timonin e partisë po e drejton në drejtimin e gabuar.

[SERAFIM DILO]

me kete strategji qe ndjek ti nuk e shpeton dot MISTER 20% ...

Kush eshte mister 20%?.Mer strateg.
Hajduti i PS o hajduti i PD.

[Mr_Elbasanlliu]

Mos ju duket cudi ne Shqiperi esht bere Rutin Korrupsioni prandaj dhe ne kemi ngel aty ku jemi se bota nuk esht idiote me mire pa Shqiperine sesa me Shqiperine ...

[Endless]

Ja dhe nje artikull qe besoj se do e gjente veten goxha brenda kesaj teme :



26/08/2010Armir Shkurti



Teorema e deles së zezë dhe bebes së bardhë




Ka ca kohë që më vjen ndërmend vetvetiu, po në mënyrë obsesive, një anekdotë e vjetër. Në një tribu të Afrikës mbërrin një misionar katolik, i vetmi i bardhë në qindra kilometra katrore. Një vit më pas, në fshat lind i pari fëmijë i bardhë. Atëherë i pari i fisit shkon të kërkojë shpjegime, po misionari i përgjigjet se këto janë punët e Zotit dhe ai nuk ka gisht fare në këtë mesele. Për t’ia bërë më të qartë, merr një shembull: “E sheh këtë tufë delesh? Të gjitha janë të bardha, vetëm kjo ka dalë e zezë” “Dëgjo këtu – ia kthen prijësi vendas – Unë këtë muhabetin e fëmijës së bardhë po e mbyll. Ti me atë punën e deles së zezë mos u kruaj shumë, se të piu e zeza!”. M’u kujtua barsoleta ditën kur papritur mësuam në televizion se ministri Dritan Prifti, në një vit, kishte fituar 1.8 milionë euro. Me thënë të drejtën, kohët e fundit kam lexuar disa autorë të huaj si dhe ndonjë vendas që kanë shkruar manuale se si të bëhesh milioner, po që të bësh gati dy milionë në një vit kjo është përvojë e panjohur. Prandaj mezi po prisja të dëgjoja rrëfimin e Priftit se si mesatarisht në një ditë ka fituar sa fiton në pesë vite një pensionist. Por ajo që mësova nga dalja e parë në publik e këtij ministri dhe gjithë daljet që pasuan ishte se Edi Rama ishte një batakçi e dallkauk i paparë. Këto në fakt nuk qenë risi për askënd nga ne që – falë Kryeministrit Berisha – kryetarit të PS i njohim rrënjë e dhëmballë. Vetëm në njëzet minuta të një fjalimi të zotit Kryeministër, kemi mësuar gjithë perversitetet dhe manitë seksuale të kryetarit të PS, sëmundjet e tij dhe mjekimin përkatës, sherret brenda familjes, me mamanë, vëllanë, të dashurat për të përfunduar pastaj me deklaratën nga foltorja e Kuvendit të Shqipërisë se kryetari i opozitës është kreu i mafies më të rrezikshme në rajon. Ai fjalim përfundoi me betimin se do t’i shkulte dhëmbët kësaj mafie, gjë që ato ditë përkoi vërtet me një ndryshim të dhëmbëve të zotit Rama. Por kaq. Ky mafioz kaq i rrezikshëm, po aq sa edhe paraardhësi Nano (po sipas Berishës) nuk u dërgua kurrë para drejtësisë për gjithë ato akuza që do mjaftonin për ta kalbur përjetësisht në burg Ramën bashkë me nja njëqind të tjerë rreth tij. Dhe kur gjithë kjo histori me mafiozë qe harruar, mjaftoi pyetja se si i bëri gjithë ato para një ministër dhe përgjigjja është si e barsoletës së fillimit: mbyll gojën për mua që ta mbyll edhe unë për ty. Kaluan tri ditë dhe e gjithë kjo histori po harrohej kur opozita bën një pyetje tjetër që është pak a shumë e tillë: në ç’mënyrë partneri i një deputeteje të shumicës në pushtet ka kapur një fetë shumë të majme koncesioni? Menjëherë del deputetja në fjalë dhe premton ngritjen e një komisioni hetimor... për koncesionin e partnerit? për veten e saj? Jo! Për batakçiun dhe dallkaukun Rama që u ka dhënë leje ndërtimi miqve të vet etj., etj. Tre vjet më parë, Paul Wolfowitz, president i Bankës Botërore, një personalitet me të shkuar të ndritur në administratën e lartë të SHBA, dha dorëheqjen për një rast pothuaj identik. Partnerja e tij kishte përfituar në mënyrë të dyshimtë ngritje në detyrë dhe një shpërblim të majmë. Për këtë ai dha dorëheqjen nga posti i tij. A thua ia ngriti këtë kurth dikush që e urrente? Dikush që donte t’i zinte vendin? Apo një kundërshtar politik? Askush nuk përmendi gjë të tillë. As i interesuari. Ai pranoi faktin dhe pagoi çmimin. Me dinjitet. Pa akuzuar dynjanë poshtë e përpjetë. Kthehemi edhe pak në kohë dhe kujtojmë seancën e famshme në Kuvend, kur deputeti socialist po fliste për bizneset e familjarëve të Kryeministrit, kur ky i kthehet: “Jot am e jot motër ça do bahet? Po jote shoqe?.....(etj.)”, pa na sqaruar të vërtetën rreth pasurimit ose jo të familjarëve të tij.

Pyetja e parë është përse pikërisht kur dikujt i përmendet gjynahu i vet, hidhet në sulm e akuzon kundërshtarin? Unë besoj se në Shqipëri, është instaluar një oligarki ku kufiri mes politikës dhe ekonomisë nuk ekziston. Jam habitur kur si adresë në Strugë të Maqedonisë, më dhanë pallatin e filanit, një funksionari të lartë të kabinetit të sotëm të koalicionit Berisha –Meta. Një pjesë e mirë e ngrehinave, hoteleve, bizneseve në Tiranë dhe më tutje në Shqipëri njihen në popull me emra politikanësh. Si të mos mjaftonte kjo “toponimi folklorike”, që në fakt nuk do të qe edhe aq e besueshme sikur të mjaftohej vetëm me gojëdhënat popullore, vulën ua kanë vënë vetë deputetët në seanca plenare kur u kanë përmendur njëri–tjetrit “asetet” okultet anembanë vendit. Pra pakti i heshtur, i kthyer tashmë në moral, është “mos më prek që mos të të ngas”. Kur ky pakt shkelet, atëherë, pa e vrarë mendjen për opinionin e këtushëm dhe atë nëpër botë, oligarkët shqiptarë nuk denjojnë të mbrohen, duke zbardhur informacionin për të cilin përfliten, por sulmojnë kundërshtarin, duke i kujtuar që ai është hajdut më i madh se i akuzuari!

Si pyetje të dytë kam një më delikate: A është vërtet kaq e korruptuar politika shqiptare sa të arrijë në prepotencë të pacipë bolshevike, ku i akuzuari kthehet në akuzues? Përgjigjja ime është Po! Është një formulë që funksionon në mënyrë të përsosur në taktikat mafioze të shantazhit. Funksionarëve shtetërorë ose u gjenden pika të dobëta karakteri, ose mëkate të vogla në punë, ose u sajohen kurthe ku ata të mëkatojnë dhe këto dobësi u përdoren si karrem për lojëra kriminale të këtyre organizatave. E njëjta taktikë është përdorur edhe nga diktatura komuniste në Shqipëri. Në librin e tij “Jeta ime”, në faqen 96, Ramiz Alia shkruan: “...në të shumtën e rasteve, lufta klasore ndaj komunistëve që kanë bërë gabime dhe që cilësoheshin si elemente antiparti, ka qenë më e ashpër sesa ndaj ish-ballistëve apo përfaqësuesve të reaksionit të brendshëm antikomunist. Të rrallë, shumë të rrallë janë rastet pas dënimit të kryer ndonjë nga komunistët e dënuar të jenë rehabilituar (...) ndërsa me familjet e të deklasuarve (...) ka ndodhur e kundërta. Duket se ka një të vërtetë thënia se lufta brenda llojit është më e egër”. Unë kam pasur fatin e mirë dhe të keq ta jetoj diktaturën. Fatin e mirë, për ta njohur, për të nxjerrë mësime dhe për të mos u gënjyer më prej surrogateve të saj. Dhe duke qenë një nga ata që e ka jetuar dhe vëzhguar këtë diktaturë, kam edhe një interpretim – që nuk është vetëm imi – për këtë konstatim të zotit Alia. E vërtetë që me ca nga të deklasuarit, diktatura ka qenë më “e dhembshur”, por kjo nuk ka ndodhur nga mëshira – për të cilën, siç e citova, zoti Alia thotë se ka munguar thuajse fare brenda llojit – por pikërisht nga kjo skemë kriminale. Duke qenë me njollë, individët e deklasuar ishin më të kontrollueshëm, më të manipulueshëm, pikërisht se sigurimi i shtetit dhe Partia e Punës i mbante të lidhur pas mëkatit. Me po të njëjtin brumë u gatua edhe kjo Shqipëri e paskomunizmit. Mjaft të përmend qindra mijë familje dhe individë që kanë ndërtuar shtëpi e biznese në tokë të botës, në kundërshtim me Kushtetutën dhe ligje të tjera. Ata tërhiqen për hunde nga politika në mitingje e votime, pikërisht me këtë skemë mafioze të mëkatimit. Duke qenë dukuri kombëtare, shumëvjeçare, e trashëgueshme, duket se ka marrë edhe trajtat e moralit. Kështu e shpjegoj unë daljen pa drojë në publik, që nga Kryeministri e poshtë, sa herë u përmendet ndonjë aferë. Dhe në çdo dalje, në vend të sqarojnë pozicionin e tyre, kujtojnë se ai që akuzon është më i përlyer.

Dhe një pyetje të fundit, dua t’i lejoj vetes: Si ka mundësi që korrupsionin dhe abuzimin me pushtetin e di dhe e përflet me hollësi çdo qytetar, botohet në shtyp, transmetohet në televizion, bërtitet në konferenca shtypi, mbledhje qeverie e seanca Kuvendi, thuhen në raporte të të huajve por vetëm drejtësia nuk flet për to? Edhe për këtë pyetje e kam një përgjigje timen. Çërçilli ka thënë se në kohë lufte, e vërteta është aq e çmuar sa duhet rrethuar me një ushtri gënjeshtrash. Tek ne, në kohë paqe, e vërteta është aq e rrezikshme sa rrethohet me një pyll të dendur shpifjesh sa nuk ka më perëndi të ndajë njërën nga tjetra. Dhe këto shpifje i prodhojnë pikërisht njerëzit e përlyer me pushtet, duke përzierë grurin me egjrën e duke bërë të mos dallohet më njëra nga tjetra. Me këtë formulë pastaj, kur dikush u përmend milionat e eurove të fituara kushedi se si, koncesionin, pallatin, biznesin etj

[IL__SANTO]

Ore si nuk e vret njeri mendjen nga i gjejne gjithe keto leket te afermit e deputeteve apo ministrave etj por shkojne denoncojne dhenien e rryshfetit.20 %=100M???

F.off.

Sme ra edhe mua per pjese ta kisha marr gruan deputete se do i jepja me gjithe qejf aq pare.

[SERAFIM DILO]

Ore si nuk e vret njeri mendjen nga i gjejne gjithe keto leket te afermit e deputeteve apo ministrave etj por shkojne denoncojne dhenien e rryshfetit.20 %=100M???

F.off.

Sme ra edhe mua per pjese ta kisha marr gruan deputete se do i jepja me gjithe qejf aq pare.

Po leket dihen ku i gjejne:I kan gjetur nga lufta kunder korrupsionit.

[Qyfyre]

Nqs hiqet si viktima , atehere ska pse ndiqet penalisht. Ai shume mire mund te pretendoje se eshte detyruar per ti dhene rryshfet rames , se ndryshe ai nuk do e linte te merrte leje ndertimin.

Prape , ne fakt , ata te dy e kane thyer ligjin......por sbesoj se do ndodhe gje. Nje fluske sapuni ne uje , asgje me shume.

Si ai qe jep, ashtu dhe ai qe merr kane bere krim. Rama nuk ka si ta detyroje. Te futen te dy ne burg dhe ti hiqet leja e ndertimit qe i eshte dhene.

[mesuesi_1]

Po ket punen e 20% na e sqaroni tamam te pakten se paku 1 pallat ku eshte mare 20% ku eshte pallati, dhe sa e dokumentuar eshte qe ket 20% e mori rama.
Llogje ne tym bohen sate dush isoj me thane qe ti ke mar kaq pare per se ke dhone leje perdorimi te aksh gjeje dhe ke mare 20% e je ngop me leke.

shiko shiko djali, po pritka qe te dali pallati ..... po c'pallat o i zi ... Rama eshte aksionere me 20% ne c'do shoqeri ndertimi .... jo direkt vete po me duart e njerzve te aferm te tij .... nuk eshte e veshtire se lepra ka sa duash Shqiperia ....

[leci]

shiko shiko djali, po pritka qe te dali pallati ..... po c'pallat o i zi ... Rama eshte aksionere me 20% ne c'do shoqeri ndertimi .... jo direkt vete po me duart e njerzve te aferm te tij .... nuk eshte e veshtire se lepra ka sa duash Shqiperia ....

Don Zoti nuk je me te vertet mesues,se per 1 mbaj rradhen.
Po 99% e deputeteve jane aksioner ne firma te ndryshme o msus i kohes se vdekur.
Filloje nga Meta e mbaroje ke Olldashi.

Nuk ka me shprese per ndryshim,m'duket se duhet me kap akoma armet,se duhet shuar kjo fare e keqe..thonte Qazim Mulleti prefekti Tirones.

[mesuesi_1]

Kush eshte mister 20%?.Mer strateg.
Hajduti i PS o hajduti i PD.

pse akoma nuk e ke marre vesh se kush eshte mister 20% ....