R. Selmanllari: Po i kemi paguar Rames shumen qe Albana Vokshi beri publike

[Albo]

Akuzat, bashkëjetuesi i deputetes Vokshi thirret në Prokurori


TIRANË - Prokuroria e Tiranës mori mbrëmë në pyetje nga prokuroria, në një seancë të paktën 4 orë, Arjan Tartarin, i njohur si bashkëjetuesi i deputetes së PD-së, Albana Vokshi. Prej disa ditësh organi i akuzës së kryeqytetit ka nisur hetimet pas akuzave mes mazhorancës dhe opozitës për afera korruptive. Dje hetuesit e Task- Forcës në Prokurorinë e Tiranës thirren bashkëshortin e deputetes Albana Vokshi për të dhënë dëshminë e tij në lidhje me akuzat e ngritura nga opozita, për afera korruptive me lejet e ndërtimit dhe koncensionet e HEC-eve. Ai shkoi rreth orës 18:00 dhe ka dalë prej andej pas më tepër se 4 orë, duke refuzuar që të bëjë ndonjë deklaratë për mediat rreth seancës së marrjes në pyetje. Ai nuk ka qenë i shoqëruar nga avokati, në ndryshim nga ortaku i tij, Selmanllari.
Prokuroria se Tiranës ka nisur një hetim kryesisht për të vërtetuar mbi faktet e bëra publike nga dy kampet politike për korrupsion dhe përfshirje në afera të dyshimta.
Vetë deputetja demokrate Albana Vokshi dhe deputeti socialist Erion Braçe u paraqitën disa ditë më parë në Prokurori për të njohur hetuesit me faktet që pretendojnë.
Në Prokurorinë e Tiranës janë marrë në pyetje edhe dy biznesmenë të cilët janë aksionerë në kompaninë “Vizion Construksion”. Biznesmeni shqiptaro- maqedonas Ylber Cami dhe Kujtim Hasa u thirrën në cilësinë e personit që mund të ketë dijeni për akuzat që deputetja Albana Vokshi ka ngritur ndaj kreut të Bashkisë së Tiranës, Edi Rama se ka dhënë leje ndërtimi kundrejt ryshfetit.

Albania
14 Shtator 2010

[Albo]

Kapotas: “Do të ngremë padi në gjykatë për akuzat e PS-së”


Akuzave të opozitës, kompania “Stream Oil” do t’i përgjigjet me ngritjen e padisë në gjykatat shqiptare dhe ato ndërkombëtare. Kreu i kësaj kompanie, Sotirios Kapotas, reagoi dje ndaj sulmeve që po bëhen këto ditë nga selia e Partisë Socialiste se një prej administratorëve të kësaj kompanie, bashkëshort i deputetes demokrate Albana Vokshi, ka përfituar në rrugë ilegale disa vendburime të naftës dhe gazit në vend. “Jemi këtu sot para jush se e ndiejmë të moralshme të sqarojmë publikun shqiptar rreth disa deklaratave të bëra për Stream Oil. Theksojmë se Stream Oil është një shoqëri aksionere kanadeze që operon në bursën kanadeze. Vlera e kapitalit e shoqërisë sonë kubike është përditë në bursë, mund të njiheni me të”, - tha Kapotas. Sipas Kapotas, një shoqëri aksionere nuk përbehet nga një aksioner, por nga një bazë aksionerësh. Ashtu siç ka theksuar dhe opozita, se Stream Oil ka marrëveshje me Albpetrolin, përfaqësuesi i Stream Oil nuk e mohoi këtë, por theksoi se marrëveshjet janë nënshkruar në përputhje të plotë me legjislacionin shqiptar. “Firmosja e marrëveshjes koncesionare me Albpetrolin, që përfaqëson 6% të prodhimit në Shqipëri, është bërë prej një kohe të gjatë në përputhje me legjislacionin shqiptar. Kompania ka emëruar Arian Tartarin si një nga administratorët e kompanisë”, - u shpreh ai. Sipas Kapotas, në rast se shoqëria akuzohet se ka i përfituar jo ligjërisht marrëveshjet, atëherë çështjet do të përfundojnë me gjyq. “Në rast se ne sërish akuzohemi padrejtësisht, do të ngremë padi penale ndaj kujtdo që na cenon, do të kërkojmë dëmshpërblim për dëmin dhe jemi të sigurt se do të na kompensohet”, - bëri thirrje presidenti i kompanisë “Stream Oil”. Në këtë pikë, Kapotas bëri thirrje që politika të mos përlyejë emrin e shoqërisë “Stream Oil”, por të mbrojë investimin e saj. “Jemi shoqëri kanadeze pa asnjë anësi politike. Kemi ardhur në Shqipëri për të rindërtuar dhe jo për të qenë pjesë e politikës. Ne kemi ndër mend të investojmë për të treguar vlerat tona dhe të këtij vendi. Ndaj i bëj thirrje opozitës dhe qeverisë të mbrojë investimin tonë”, - u shpreh Kapotas.

Albania
3 Shtator 2010

[Qyfyre]

Albana Vokshi padit 9 deputete te PS-se

Tirane- Deputetja e Partise Demokratike, Albana Vokshi, padit 9 deputete te Partise Socialiste per shpifje dhe kerkon shperblim te demit qe i kane shkaktuar me deklaratat publike te bera javet e fundit. Ligjvenesja e parlamentit shqiptar ka depozituar padine civile ne Gjykaten e Shkalles se Pare ne Tirane, ku akuzon nente koleget e kampit kundershtar politik se kane sajuar ndaj saj akuza te paqena. Ne padine e bere thuhet se kerkohet nje "shperblimin i demit jopasuror". Padia e Vokshit vjen pas deklaratave te deputeteve te majte qe ata kane bere ditet e fundit, qe sipas deputetes demokrate, kane cenuar nderin dhe dinjitetin. Akuza me e fundit ka qene ajo e djeshmja, kur deputeti Eduart Shalsi lidhi bashkeshortin e deputetes, biznesmenin Arjan Tartari, me siperfaqen e privatizuar te ish-ekspozita "Shqiperia Sot". Ish-ministri i Ekonomise, Genc Ruli, pergenjeshtroi per dite me radhe deklaratat e PS-se per abuzimet e pretenduara dhe qe kjo siperfaqe t'i ishte dhene Tartarit. Po keshtu deputetja Albana Vokshi, ka hedhur poshte akuzat se ajo vete dhe bashkeshorti i saj jane te lidhur ne korrupsionin me lejet e ndertimit apo koncesionet e naftes ne vend, duke shpallur hapur me dokumente se Dritan Avllai, i njohur si Tan Lepuri, mik i kryebashkiakut te Tiranes dhe kreut te PS-se, Edi Rama, u ka kerkuar 20 per qind te aksioneve per studimin dhe lejen e ndertimit te kompleksit rezidencial te Liqeni Artificial. Biznesmenet Arjan Tartari dhe Rrahman Selmanllari kane deshmuar ne prokurori se Avllai ua kishte kerkuar kete per qindje pasi kishte ndikim te kryebashkiaku. Deputetet e paditur: Olta Xhacka Eltar Deda Vasilika Hysi Artan Gaci Erion Brace Taulant Balla Sajmir Tahiri Mimi Kodheli Eduard Shalsi

KJ

Albo a di gje ky kompleksi rezidencial te Liqeni Artificial mos esht ai projekti "green" me emrin Park Life nga nje studio hollandeze?

[Albo]

Braçe: “Vokshi favorizoi Arian Tartarin, i jep 4 vendburime të naftës dhe gazit”

Partia Socialiste u është rikthyer akuzave ndaj deputetes demokrate Albana Vokshi duke publikuar të tjera fakte, të cilat e implikojnë deputeten në afera korruptive dhe konflikt interesi. Nënkryetari i Grupit kuvendor socialist, Erion Braçe, deklaroi se në periudhën kur kompania “Stream Oil” e Arian Tartarit, bashkëshortit të deputetes, nënshkroi marrëveshjen me kompaninë “Albpetrol” për marrjen me koncesion të katër nga gjashtë vendburimet e naftës, Vokshi ishte anëtare e Këshillit Mbikëqyrës të Albpetrolit. Kështu, sipas PS-së, Vokshi favorizoi partnerin e saj në dhënien e kontratës koncesionare për 4 vendburimet e naftës dhe të gazit. Braçe i ka bërë thirrje organit të Prokurorisë të hetojë për faktet që Partia Socialiste ka nxjerrë ndaj deputetes demokrate.
Deklarata
“Qeveria ka miratuar 4 marrëveshje hidrokarburesh me kompaninë, mes kompanisë ‘Albpetrol’ dhe kompanisë ‘Stream Oil’, që të dyja kompani të familjarizuara tashmë për gjithë publikun shqiptar. Do të doja të thosha që këto 4 marrëveshje vënë në dispozicion të kompanisë ‘Stream Oil’ 4 nga 6 vendburimet e naftës dhe të gazit që disponon sot Shqipëria nën administrimin e qeverisë së radhës dhe e radhës në vitin 2007 është qeveria e Sali Berishës”, - u shpreh Braçe. “Në kohën kur këto marrëveshje, pra në korrik-gusht të vitit 2007 janë nënshkruar mes kompanisë ‘Albpetrol’ dhe kompanisë ‘Stream Oil’, zonja Albana Vokshi, sot në statusin e deputetes, ka qenë anëtare e Këshillit Mbikëqyrës së kompanisë ‘Albpetrol’, autoritet që ka pasur vendimmarrjen e plotë për dhënien e këtyre 4 kontratave apo 4 marrëveshjeve hidrokarbure te kompania ‘Stream Oil’”, - tha Braçe.
Faktet
Numri dy i Grupit kuvendor socialist, Erion Braçe, ka publikuar dy dokumente me firmë të deputetes Vokshi, të cilat dëshmojnë se zonja në fjalë ka qenë anëtare e Këshillit Mbikëqyrës të kompanisë “Albpetrol”. “Kjo është deklarata e pasurisë së zonjës Vokshi për vitin 2006. Pika 2 e faqes 3, në të cilën paraqiten të ardhurat si anëtare e Këshillit Mbikëqyrës të kompanisë ‘Albpetrol’, 296 748 lekë bruto. Fakt që konfirmon qenien e zonjës anëtare e Këshillit Mbikëqyrës të kompanisë ‘Albpetrol’, njëra nga 2 partneret në këtë marrëveshje. Kjo është deklarata e pasurisë së zonjës në fjalë për vitin 2007 dhe po me firmë të saj, në faqen 3 të kësaj deklarate, shënohen të ardhurat si anëtare e Këshillit Mbikëqyrës të Albpetrolit, 277 145 lekë të rinj, që konfirmon pikërisht faktin se në vitin 2007, kur Albpetroli ka nënshkruar një marrëveshje për lëshimin e 4 nga 6 vendburimet e naftës dhe të gazit me kompaninë ‘Stream Oil’, zonja në fjalë ka qenë anëtare e Këshillit Mbikëqyrës”, - deklaroi Braçe, duke paraqitur edhe dokumentet ligjore.
Në hetimet që Partia Socialiste ka bërë, Braçe deklaroi se kompania “Stream Oil”, sipas të gjitha dokumenteve zyrtare të depozituara në agjencitë shtetërore dhe në gjykatat e këtij vendi, rezulton një kompani 100% në pronësi të shtetasit Arian Tartari. “Pikërisht në momentin kur qeveria ka miratuar kontratat mes shoqërisë ‘Albpetrol’ dhe ‘Stream Oil & gaz’, zonja Albana Vokshi ka qenë në detyrën e anëtares së Këshillit Mbikëqyrës të kompanisë shtetërore ‘Albpetrol’, gjë që e vë drejtpërdrejt në kushtet e konfliktit të pastër të interesit, kur me vendim pikërisht të Këshillit Mbikëqyrës të kompanisë ‘Albpetrol’ kanë kaluar 4 nga 6 vendburimet e naftës te kompania ‘Stream Oil’ e bashkëjetuesit, bashkëshortit, partnerit, apo babait të fëmijëve të saj”, - u shpreh Braçe.

Albania
2 Shtator 2010

[Albo]

Prokuroria: Vokshi dhe Braçe të sjellin dokumente ligjore


Prokuroria e Tiranës u ka kërkuar deputetëve Albana Vokshi dhe Erion Braçe të sjellin dokumente për akuzat dhe kundërakuzat për korrupsion. Prej më shumë se një muaji opozita ka vijuar akuzat në distancë për korrupsion ndaj maxhorancës, kryesisht ndaj deputetes demokrate Albana Vokshi. Pasi Prokuroria ka thirrur në zyrat e saj deputetët Albana Vokshi dhe Erion Braçe dy ditë më parë, Task-Forca në Prokurorinë e Tiranës po thellon hetimet për të zbuluar nëse ka apo jo afera korrupsioni dhe abuzim me detyrën për qëllime përfitimi. Akuzat e opozitës për Vokshin vijnë për fshehje të pasurisë, përfitim të lejeve koncesionare dhe favorizim në procedurat tenderuese për deputeten dhe personin me të cilin ajo bashkëjeton. Burime nga Prokuroria deklaruan se në listën e dëshmitarëve do të pyeten edhe persona të tjerë, të cilët kanë dijeni mbi këtë çështje, deputetët socialistë që janë shprehur për akuzat, ministri Dritan Prifti dhe deputetët e maxhorancës që kanë kundërakuzuar kreun socialist Edi Rama për lejet e ndërtimit.
Prokurorët e Task-Forcës kanë bërë të ditur se do të thellojnë hetimet në të gjitha dikasteret e përfshira në këtë betejë akuzash për korrupsion, për të gjetur dokumentet e nevojshme për lejet koncesionare dhe lejet e tjera të vëna në qendër të polemikave.

Akuzat
Partia Socialiste ka nisur që prej një muaji akuzat ndaj deputetes Vokshi për fshehje pasurie, pasi nuk kishte përfshirë në deklarim licencat koncesionare që Arian Tartari ka përfituar. Më tej opozita publikoi dokumente që denonconin 6 koncesionet për ndërtimin e HEC-eve mbi lumin Kardhiq, të cilat u janë dhënë kompanive me të njëjtin pronar, Arian Tartari, personi me të cilin bashkëjeton deputetja Albana Vokshi.
Ministri i Energjetikës, Dritan Prifti, pranoi se hidrocentralet janë gjashtë, por ato nuk i janë dhënë vetëm Arian Tartarit, por një konsorciumi prej katër firmash. Ndërsa socialistët deklaruan se tre prej tyre kanë pronar pikërisht personin që ata akuzojnë.

Reagimi
Nga ana e saj, deputetja Albana Vokshi iu përgjigj akuzave duke sulmuar kreun e PS-së Edi Rama për abuzime me lejet e ndërtimeve dhe marrje ryshfeti. Ajo deklaroi se Rama, për t’i dhënë një leje ndërtimi bashkëshortit të saj, i ka kërkuar ryshfet deri në 100 milionë euro, duke kërkuar që ortaku i tij, Dritan Avllaj, i njohur si Tan Lepri, të bëhej aksioner në firmën “Vision Construction” duke marrë 20 për qind të tyre. Burime nga Prokuroria kanë pohuar se edhe para prokurorëve, të dy deputetët kanë vijuar me akuza politike, ndërkohë që prokurorët shprehen se nevojiten prova në dokumente për të vërtetuar akuzat.

Deklarata
Felaj: “Kunati i Bregut nuk ka përfituar vetëm një koncesion për ndërtimin e HEC-ve”

Deputetja e Partisë Socialiste, Ermonela Felaj, ka vijuar akuzat edhe dje ndaj ministres së Integrimit, Majlinda Bregu. Felaj deklaroi se kunati i Majlinda Bregut, Hektor Ajazi, ka përfituar koncesione për ndërtimin e HEC-ve. Ajo i bëri me dije ministres Bregu se do të vijojë të denoncojë korrupsionin qeveritar. “Ministrja e Integrimit, zonja Majlinda Bregu, e pranoi përfshirjen e kunatit të saj, vëllait të bashkëshortit, si aksioner në koncesionin për ndërtimin e një numri hidrocentralesh, dëshirojmë t'i drejtojmë 3 pyetje të reja madamë 15-përqindëshes”, - u shpreh Felaj. “Së pari, zonja ministre, nga të dhënat e Qendrës Kombëtare të Regjistrimit të Biznesit na rezulton se kunati juaj deri sot është marrë me biznes diskosh dhe mobiliesh. Më saktësisht, shtetasi Hektor Beqir Ajazi është pronar dhe përfaqësues ligjor i firmës ‘Zippo’ dhe firmës ‘Hektor Ajazi’. Duke qenë se, me sa dimë ne, dollapët dhe muzika nuk kanë lidhje me prodhimin e energjisë hidrike, a mendoni, zonja Bregu, se përveç të qenit kunati i ministres, Hektor Ajazi ka pasur ndonjë kualifikim tjetër për të përfituar koncesionin e hidrocentraleve? Së dyti, zonja ministre: dje ju pranuat publikisht se kunati juaj është aksioner vetëm me 15 për qind në vetëm një hidrocentral. Më duket se po bëni të njëjtin gabim si kolegia juaj Vokshi, zonja ministre. A jeni plotësisht e sigurt se koncesioni në fjalë parashikon ndërtimin e veç një hidrocentrali, apo më shumë se kaq? Së treti, zonja Bregu: dje përjashtuat kategorikisht lidhjen e bashkëshortit tuaj, Namik Ajazi, me ndonjë kompani aktive në fushën e energjisë. Zonja Bregu, jeni e sigurt për këtë deklaratë tuajën? E keni pyetur mirë bashkëshortin?”.

Reagimi

Bregu: “Rama nuk mund t’i mbulojë gjobat e tij me akuza qesharake”

Pas akuzave publike të deputetes socialiste Ermonela Felaj, ka reaguar menjëherë ministrja e Integrimit, Majlinda Bregu, e cila e ka sulmuar ashpër kreun socialist, Edi Rama. Sipas saj, Edi Rama nuk mund të mbulojë gjobat miliona euro ndaj kompanive të ndërtimit me akuzat për biznese dhe kontrata ligjore. Ministrja Bregu, në deklaratë akuzon lidershipin e opozitës si burracak që fshihet pas sekserëve me emra kafshësh të buta. Ajo i kërkoi Ramës të japë përgjigje për aferat korruptive, për ndërtimet te Liqeni Artificial, qytezën Delijorgji dhe arsyet se pse 80 për qind e lejeve në Tiranq i fitojnë vetëm 4 firma. “Ti je bërë pis i tëri, nuk më bën dot pis mua dhe familjen, pasi nuk ke vetë një të tillë”, - iu drejtua ministrja Bregu kreut të socialistëve, Rama. Ministrja Bregu u shpreh se u ka dhënë përgjigje dhe do t’u përgjigjet gjithmonë ligjeve dhe institucioneve dhe jo, sipas saj, kurthit të pistë të Ramës.


Deklarata

Noka:
Deputeti i Partisë Demokratike, Flamur Noka, i ka kërkuar dje kreut të Bashkisë së Tiranës, Edi Rama, të japë llogari për gjobat e tij ndaj ndërtuesve. “Si deputet i Kuvendit të Shqipërisë, i kërkoj z. Edvin Rama, të zhdukur në drejtim të paditur, dil nga vrima e lepurit e përgjigju akuzave të ngritura nga firmat e ndërtimit. Z. Rama, Dodë Doçi të ka akuzuar publikisht se i ke kërkuar 20% për një leje ndërtimi nëpërmjet sekserit tënd. Ndërtuesi Dine Fratëri të ka paditur publikisht për gjobën prej 1 milion dollarësh që e kalon vlerën e 20 përqindëshit që ti vetë, z. Edvin Kristaq Rama, i ke vënë këtij ndërtuesi të njohur. Media të ka denoncuar se në këmbim të futjes së Tan Leprit si aksioner, ti premtoje dhënien e lejes së ndërtimit. Deputetja Vokshi të ka akuzuar se firma ‘Vizion Construction’ është detyruar të fusë si aksioner me 20% mikun tënd, Dritan Avllaj, i njohur si Tan Lepri. Kjo firmë ndërtimi të akuzon se ky 20% vetëm për këtë rast vlen jo më pak se 100 milionë euro”, - iu drejtua deputeti demokrat Nokaj kryebashkiakut Rama.


Reagim
Gaçi: “Deputeti Nokaj është bërë flamurtar i mbrojtjes së motrave Vokshi”

Selia rozë i është kundërpërgjigjur deputetit demokrat Flamur Nokaj nëpërmjet deputetit socialist Artan Gaçi, se ai, bashkë me ministrat Majlinda Bregu dhe Dritan Prifti janë bërë flamurtarë të mbrojtjes së motrave Vokshi. “Por, aferat korruptive që dalin çdo ditë nga ferra ku rri strukur lepuri i korrupsionit të qeverisë ‘Berisha’ janë të pajustifikueshme e të pambrojtshme, Flamur. Për gjithçka the sot, mund të shkosh edhe ti në prokurori a gjykatë, ku mbi 30 çështje presin përgjigje. Asnjëra prej fjalëve të tua nuk e mbulon dot të vërtetën e madhe: Shqiptarët tashmë e kanë kuptuar se janë duke u qeverisur nga një lukuni pushtetarësh, të etur për të grabitur me çdo formë e përmes çdo mundësie, të gjitha asetet dhe pronat e shqiptarëve”, - iu drejtua Gaçi deputetit Nokaj, duke shtuar: “Është pikërisht kjo bandë të babëziturish, ku bëjnë pjesë ministra e deputete, së bashku me vëllezër, motra e kunetër makutë, që po i vjedhin përditë shqiptarët duke pasuruar çdo ditë e më shumë xhepat e tyre. Është e kotë, ferra ku fshihej lepuri i korrupsionit të Sali Berishës ka dalë zbuluar. Fakte dhe prova të reja dalin çdo ditë. Kjo ferrë e korrupsionit do të shkulet falë fuqisë së ndryshimit të shqiptarëve”.

Albania
29 Gusht 2010

[Brari]

lol

albana e kta tjeret shum shum mund ti hane m.unë edvinit dhe shalso shamko shego xhacko erion tahir mimeve te selise polpotiste..
selia roz eshte qeverria e vertete e ketij vendi..
saliu vec nje kolltuk ka ne kryeministri se krejt i ka ed-ruci nen hyqem..

komisar mozi sot e beri te qarte se.. me te gjitha mjetet do e rrezojme saliun..

raptil.. na trego mo pakez nga pllani qe kini bere..

mo e ke pseudonimin zhapiku atje ne blloqet e gramoz namikut?

[RAPTILOID]

Hahahaha o brar un jam larg mer plak un do vi ne shqipri kur te vi ps ne pushtet do zej venin qe me tako dhe do bej leke Tani un jam shum larg. Nuk e di per Ty po un komunizem vetem nja 5 vjet kom jetu se nuk jam I vjeter me moshe kshu qe nuk kam pas pseudonim. Un di ket qe Sali Baba e ka pas pseudonimin "penicilina". Hahahahaha je I modh po vetem I gjo tkeqe ke flet me shum pasion

[Albo]

Prokuroria mbyll dosjen e 20 përqindëshit te Liqeni, zbardhen dëshmitë e Selmanllarit e Tan Leprit

Prokuroria e Tiranës deklaroi dje pushimin e hetimeve të nisura për korrupsion pas deklaratës së deputetes Albana Vokshi në verën e këtij viti, lidhur me 20-përqindëshin e pretenduar në projektin e pesë ndërtuesve tek liqeni Artificial në Tiranë. Dosja penale u hap pas konferencës së shtypit të deputetes Vokshi, mbajtur në datë 21 gusht 2010. Prokuroria fillimisht ka marrë deklarimet e deputetes Vokshi, e më pas të partnerit të saj Arian Tartari. Më pas janë pyetur edhe biznesmenët Rrahman Selmanllari, Ylber Cami, Kujtim Hasa dhe Dritan Avllaj (Tan Lepri). Prokuroria tha se nga hetimet dhe deklarimet e këtyre personave, kërkues për të hyrë në projekt me 20 për qind ka qenë Tan Lepri, por propozues i këtij veprimi tek Arian Tartari, ka qenë biznesmeni Rrahman Selmanllari. Prokuroria tha se në dosje nuk janë gjetur elementë të veprës penale, megjithëse duket se në fillim, kompania ku bënin pjesë Rrahman Selmanllari dhe Arian Tartari kishte bërë marrëveshje me pronarët e truallit tek liqeni, por duke qenë se objekti që do të ndërtohej shtrihej në një sipërfaqe më të madhe, është dashur marrëveshje me pronarët e tjerë. “Në përfundim të hetimeve, Prokuroria e Rrethit Tiranë ka konkluduar se të dhënat e pasqyruara në deklaratën publike të shtetases Albana Vokshi, që kanë lidhje me veprime korruptive para dhe gjatë momentit të nënshkrimit të kontratës së bashkëpunimit të dt. 05.02.2008, nuk ekzistojnë”, tha prokuroria. Gazeta “Panorama” publikon vendimin e prokurorisë për mbylljen e çështjes penale të hapur më 24 gusht 2010.

Historia fillon në datën 5 shkurt 2008, kur para noteres Luljeta Kongoli, pesë biznesmenët: Arian Tartari, në cilësinë e administratorit të shoqërisë tregtare “Vision Construction” dhe shtetasve Kujtim Hasa, Dritan Avllaj, Fatos Skeja dhe Ylber Cami, nënshkruajnë një “kontratë bashkëpunimi”. Sipas kësaj kontrate, qëllimi i saj ka për objekt të veprimtarisë ushtrimin e përbashkët të aktivitetit ekonomik dhe më pas ndarjen e fitimit për ndërtimin e një kompleksi godinash banimi dhe shërbimesh në truallin pronë e familjes “Sharra” në një sipërfaqe prej 17 640 metrash katrore. E drejta e administrimit të shoqërisë, administratori, i përket shoqërisë “Vision Construction” dhe shtetasit Kujtim Hasa. Kontrata ndan edhe zotërimin e aksioneve dhe ndarjen e vlerës së shpenzimeve, ku shoqëria “Vision Construction” të ketë 55 % të aksioneve dhe pagesave; shtetasi Kujtim Hasa të ketë 10% të aksioneve dhe të pagesave; shtetasi Dritan Avllaj të ketë 20% të aksioneve dhe të pagesave; shtetasi Fatos Skeja të ketë 8% të aksioneve dhe të pagesave dhe shtetasi Ylber Cami të ketë 7% të aksioneve dhe të pagesave. Në kontratë është thënë se administratori është i detyruar që të lidhë kontrate sipërmarrjeje me shoqërinë ndërtuese “Trema Engineering 2” për nxjerrjen e lejes së ndërtimit pranë Bashkisë Tiranë për realizimin e ndërtimit që parashikohet në këtë kontratë. Sipas kontratës, deri në dhjetë ditë pas miratimit të lejes së ndërtimit, ortakët detyrohen që të derdhin në llogarinë e shoqërisë, në përputhje me përqindjen respektove, shumën prej 100 000 eurosh.

Versioni i Arian Tartarit
I pyetur në lidhje me kontratën, e veçanërisht me përfshirjen e Dritan Avllajt (Tan Leprit) në kontratë, Arian Tartari, partner i deputetes Albana Vokshi, ka dhënë versionin e tij.
“Shtetasin Kujtim Hasa (pjesëmarrës në kontratë) nuk e njoh fare as për fytyrë. Këtë shtetas e njoh vetëm si emër dhe e di që është biznesmen, por vetëm kaq. Shtetasin tjetër, Dritan Avllaj, e njoh si fytyrë. E kam takuar për herë të parë ditën që është nënshkruar kontrata e bashkëpunimit tek noteri dhe i vetmi bashkëpunim është bashkëpunimi në fjale. Shtetasin Fatos Skeja e njoh si paraqitje dhe nuk kam pasur asnjëherë më parë me këtë shtetas bashkëpunim në biznes apo në fusha të tjera. Shtetasin Ylber Çami e kam parë për herë të parë ditën e lidhjes së kontratës tek noteria, megjithëse nuk jam i sigurt plotësisht. Nuk kam pasur as me këtë shtetas më parë ndonjë marrëdhënie biznesi. Pas kësaj marrëveshjeje verbale, Rrahmani më ka thënë se i ishte afruar edhe një investitor tjetër, i cili kërkonte të investonte bashkërisht me ne, por pa u përcaktuar përqindjet. Emrin e tij ma tha Rrahmani dhe ai quhej Dritan Avllaj, të cilin unë e njihja si emër Tan Lepri dhe e dija që ndërtonte. Me sa më kujtohet mua, Rrahmani më ka thënë se Dritani nuk kishte biseduar me tre investitorët e tjerë, por kishte biseduar drejtpërdrejt me Rrahmanin për herë të parë. Po ashtu, në bisedat në vijim, Rrahmani më ka thënë se ishte mirë ta përfshinim këtë investitor (Dritan Avllaj), pasi ai mund të mbulonte punën e letrave me Bashkinë e Tiranës. Por vlen të theksohet se gjithashtu Dritani do të futej edhe vetë si investitor në kuptimin e plotë të fjalës në këtë investim. Më konkretisht, sipas bisedës që më ka bërë Rrahmani, Dritani përveç se do merrte pjesë në investim, do merrej edhe me pjesën e planit urbanistik të kësaj zone dhe me lejen e ndërtimit në këtë sipërfaqe trualli. Rrahmani ma prezantoi se e njihte si investitor dhe se ai punonte në fushën e ndërtimeve). Nuk e di se çfarë bisede kanë bërë ata të dy me njëri-tjetrin, por thjesht mua më është thënë se ishte mirë ta përfshinim këtë investitor (Dritan Avllaj), pasi ai mund të mbulonte punën e letrave me Bashkinë e Tiranës. Për mua ka qenë e rëndësishme mbulimi i punës së letrave nga një person, pasi është një pjesë mjaft e rëndësishme në ndërtim. Në këto kushte, me vullnet të plotë kemi pranuar që ai (Dritani) të futej në këtë investim, me qëllim që të përfshihej jo vetëm si investitor me 20% të shumës së investimit, por edhe të mbulonte pjesën e dokumenteve dhe procedurës së nevojshme ligjore për nxjerrjen e lejes së ndërtimit në Bashkinë Tiranë. Për mua ia vlente pasi: e para: shtetasi Dritan Avllaj do përfshihej me 20% të investimit; e dyta: do mbulonte edhe punën e letrave dhe procedurave për planin urbanistik dhe nxjerrjen e lejes së ndërtimit në Bashkinë Tiranë. Theksoj se edhe puna e investimit është shumë e rëndësishme, pasi vlera e investimit ka qenë risk në atë kohë që nuk ka pasur projekt fare. Vështirë ta përfshija në gjykimin tim sot, pasi sot ka dalë plani urbanistik. Atëherë ashtu më është dukur e logjikshme dhe kështu kam vepruar. Janë arsyetime të momentit, ndoshta edhe mund ta kisha përfshirë, ndoshta edhe jo. Rrahmani më ka thënë se kishte rënë dakord edhe me investitorët e tjerë që të përfshinim Dritan Avllaj me 20% të aksioneve në investim, ku Dritani do merrte përsipër planin urbanistik të kësaj zone dhe nxjerrjen e lejes së ndërtimit në Bashkinë Tiranë. Kaq di unë. Mënyra se si do realizohej kjo gjë unë nuk e di. Në dijeninë time nuk di që ky plan urbanistik të jetë miratuar apo jo nën ndikimin e Dritanit. Po ashtu nuk kam dijeni që Dritani të ketë kryer veprime apo ndikime konkrete për miratimin e planit urbanistik që aktualisht është miratuar për atë zonë. Nuk kam dijeni të jenë premtuar lehtësira në Bashkinë Tiranë për miratimin e planit urbanistik, nxjerrjen e lejes së sheshit, lejes së ndërtimit, etj në Bashkinë Tiranë. As për planin urbanistik apo të tjera nuk di të jenë premtuar lehtësira, përveç se Dritani ka marrë përsipër ti ndjekë procedurat ligjore përkatëse në Bashkinë Tiranë. Mua nuk më është thënë një gjë e tillë ndonjëherë (nëse Dritani Avllaj kishte premtuar influencimin në Bashkinë e Tiranaës). As nga të tjerët nuk më është thënë një gjë e tillë për Dritanin. Unë di nga mediat që Dritani ka njohje në Bashkinë Tiranë me kryetarin e Bashkisë, por nuk kam të dhëna për këtë. Unë personalisht nuk kam qenë absolutisht i detyruar të përfshija shtetasin Dritan Avllaj në këtë marrëveshje. Përfshirja e tij është bërë me vullnet të plotë pas negociatave që ju shpjegova më sipër. Pasi ka ardhur në Shqipëri (Albana Vokshi) më ka pyetur nëse kontrata ekzistonte. Unë kam pohuar një gjë të tillë dhe më ka pyetur në vijim nëse shtetasi Dritan Avllaj është pikërisht shtetasi Tan Lepuri dhe unë e kam pohuar një gjë të tillë. Më pas nuk më ka pyetur për asgjë tjetër në lidhje me ndonjë gjë konkrete për kontratën në fjalë. Edhe pas deklarimeve publike, nuk është zhvilluar ndonjë bisedë në lidhje me këtë kontratë. Nuk kam dijeni nëse Albana nga ana e saj të ketë pyetur persona të tjerë në lidhje me këtë kontratë.

Versioni i Selmanllarit
Pas kësaj dëshmie, prokuroria ka marrë në pyetje Rrahman Selmanllarin, i cili ka dëshmuar se:
Shtetasi Arian Tartari ka bërë një marrëveshje verbale me disa nga pronarët e truallit për të cilin bëhet fjalë (në pronësi të familjes Sharra), me qëllim për të ndërtuar në të ardhmen. Po ashtu edhe shtetasi Kujtim Hasa kishte bërë marrëveshje në mënyrë të pavarur me disa pronarë të tjerë të këtij trualli. Gjatë bisedimeve me pronarët e truallit, Ariani ka ardhur në dijeni se për këtë truall kishte bërë marrëveshje me disa pronarë edhe shtetasi Kujtim Hasa. Me qëllim bashkëpunimin, me synimin e përbashkët të investimit për zhvillimin e zonës, Ariani bisedoi me mua dhe së bashku biseduam edhe me Kujtimin dhe ramë dakord verbalisht të bënim një marrëveshje për të realizuar investimin në fjalë. Sipas kësaj marrëveshjeje verbale, Kujtimi do kishte 25% të aksioneve, ndërsa shoqëria jonë do kishte 75% të tyre. Në vazhdim, kanë vijuar bisedimet mes nesh, derisa sa është lidhur kontrata e bashkëpunimit datë 05.02.2008. Në këtë kontrate janë përfshirë edhe shtetasit Fatos Skeja, Ylber Cami dhe Dritan Avllaj. Përfshirja e këtyre personave në këtë kontratë, në dijeninë time, ka ndodhur kështu: “Fatosi dhe Ylberi nuk e di se në çfarë kushtesh janë përfshirë në kontratë, ndërsa për përfshirjen e shtetasit Dritan Avllaj në të, dua të shpjegoj se: Unë me Dritanin njihemi prej rreth 15 vitesh dhe ka raste që edhe takohemi (jo shpesh). Gjatë një takimi që kam pasur me këtë person, më ka pyetur rreth aktiviteteve të biznesit që unë po zhvilloja. Në këtë bisedë, unë i kam shpjeguar edhe lidhur me përpjekjet që po zhvillonim për të ndërtuar në zonën në fjalë (pronën e familjes Sharra). Për këtë plan që kisha, Dritani më ka kërkuar të bashkëpunonim edhe me të, ku ai të ofronte investimin me 20%, si edhe shërbimin për kryerjen e projektimeve dhe procedurave për nxjerrjen e lejeve të ndërtimit në Bashkinë Tiranë. Pas kësaj bisede, unë kam biseduar me ortakun tim Arian Tartari dhe i kam bërë të ditur çka bisedova me Dritanin. Kështu që ramë dakord me Arianin që të përfshinim edhe shtetasin Dritan Avllaj në këtë marrëveshje, ku ai do kishte 20% të aksioneve. Mbi këtë bazë është lidhur edhe kontrata e bashkëpunimit datë 05.02.2008, ku është përfshirë edhe shtetasi Dritan Avllaj në të.) Duke ditur që shtetasi Dritan Avllaj ka njohje në Bashkinë e Tiranës, edhe me kryetarin, kemi menduar se ky person do ishte i përshtatshëm për të përshpejtuar procesin e miratimit të lejeve nga Bashkia. Dritani nuk na ka premtuar konkretisht ndërhyrje tek ndonjë person konkret në Bashkinë e Tiranës për të realizuar marrjen e lejeve të sheshit dhe ndërtimit. Dritani thjesht ka marrë përsipër ndjekjen e këtij procesi pranë Bashkisë Tiranë. Megjithatë, ky shtetas (Dritani) do investonte edhe vetë 20% në këtë rast. Unë personalisht nuk kam qenë i detyruar absolutisht për të përfshirë Dritanin në këtë kontratë bashkëpunimi. Ne nuk e kemi prishur këtë kontratë dhe për këtë arsye, kjo marrëveshje ekziston.

Versioni i dritan avllajt
Organi i akuzës ka marrë në pyetje më pas Dritan Avllajn, i njohur si Tan Lepri,për të sqaruar versionin e tij për këtë çështje, ku Avllaj ka deklaruar:
Arian Tartarin e kam njohur vetëm ditën që kemi nënshkruar kontratën në fjalë tek noterja dhe nuk e kam njohur më parë. Shtetasin Kujtim Hasa e njoh personalisht prej rreth 5-6 vitesh, por nuk kam pasur asnjë marrëdhënie biznesi më parë me të. Shtetasin Fatos Skeja e njoh prej shumë vitesh, por edhe me këtë nuk kam pasur marrëdhënie biznesi më parë. Ndërsa shtetasin Ylber Cami e njoh që prej viteve 1993 – 1994. Me këtë shtetas nuk kam pasur ndonjë bashkëpunim biznesi deri në vitin 2008, kur Ylberi në bashkëpunim me nusen time, Elonën, krijuan një bizes me emrin “Ampiko”, që ushtron aktivitetin në fushën e trojeve, arkitekturës, ndërtimeve, projektimeve, etj.). Nga fundi i vitit 2007, po ashtu ka pasur një marrëveshje verbale mes bashkëshortes dhe Ylberit për të krijuar një shoqëri, e cila pas disa muajsh u formalizua me emrin “Ampiko”. Gjatë bisedave me Ylberin jam informuar prej tij se po zhvillonte bisedime me pronarët e truallit, për të cilin më pas është lidhur kontrata e bashkëpunimit datë 05.02.2008. Ylberi më ka thënë në këtë kohë se nuk kishte nënshkruar ndonje kontratë, por thjesht po bënte tratativa me pronarët. Në vijimësi, Ylberi më ka thënë se kishte bërë bisedime me disa pronarë dhe më ka propozuar që të investonim së bashku nëse më interesonte. (Më konkretisht për këtë gjë, ai ka biseduar me bashkëshorten time, e cila kishte eksperiencë në këtë fushe.) Pas propozimit të Ylberit, unë parimisht rashë dakord me të që të investonim së bashku, por pa përcaktuar përqindjet e secilit. Në këtë fazë, Ylberi nuk më ka thënë nëse kishte apo jo invetitorë të tjerë. Më tej, gjatë bisedave që kam pasur me Ylberin, mora vesh prej tij se për një pjesë të truallit në fjalë, pronarët e tij (truallit) kishin hyrë në marrëveshje me persona të tjerë. Personat konkretë pronarë të truallit deri në këtë moment, unë nuk i kam ditur. Më vonë, po nga Ylberi, unë mora dijeni se disa nga pronarët e truallit për të cilin bëhet fjalë, kishin bërë marrëveshje me shtetasin Rrahman Selmanllarin. Më tej, Ylberi ka marrë kontakte me investitorë të tjerë që kishin bërë marrëveshje me pronarët e truallit dhe kishte bërë verbalisht një marrëveshje me ta në lidhje me realizimin e përbashkët të investimit, si dhe përqindjet e secilit. Për sa i përket përqindjes time në këtë investim, dua të shpjegoj se kjo është përcaktuar nga biseda me Ylberin, duke pasur parasysh kapacitetin financiar, ku mendova se mund të përballoja deri në 20% të tij. Ylberi nga ana e tij, nuk kishte më shumë kapacitet për të përballuar investimin dhe për këtë arsye, ai u kondicionua deri në 7% të investimit. Unë vetëm ditën e lidhjes së kontratës (date 05.02.2008) kam takuar investitorët e tjerë pjesë të kësaj kontrate. Por rreth 15 ditë para lidhjes së saj (kontratës), kisha takuar rastësisht Rrahmanin, me të cilin nuk kemi biseduar fare për marrëveshjen në fjalë që e konkretizuam më pas.)Kam marrë vesh nga Ylberi rreth një vit mbas kontratës së bashkëpunimit, se kjo zonë ishte parashikuar për ndërtime. Qëllimi im për lidhjen e kësaj kontrate, fillimisht ka qenë thjesht për një perspektivë investimi në ndërtim, duke siguruar paraprakisht truallin. Megjithatë, në momentin e lidhjes së kontratës së bashkëpunimit, objektivat nuk kanë qenë aspak të qarta. Unë personalisht nuk kam marrë përsipër asnjëherë një gjë të tillë (influencimin në nxjerrjen e lejes së ndërtimit). Po ashtu, as nga investitorët e tjerë nuk më është kërkuar një gjë e tillë ndonjëherë. Paraprakisht nuk ka qenë përcaktuar sa do ishte vlera e investimit, pasi nuk kishte një projekt ku të parashikohej se çfarë do bëhej. Përcaktimi i përqindjes së investimit në fazën e lidhjes së kontratës, midis meje dhe Ylberit, është bërë mbi bazën e sipërfaqes së truallit që kishte biseduar paraprakisht me pronarët vetë Ylberi. Në lidhje me investimin e mëtejshëm, unë dhe Ylberi do përcaktonim vlerën sipas kapacitetit financiar që kishim në dispozicion. Lidhur me kapacitetet e mia financiare, do sqaroja se : -280 mijë euro, borxh, i zotëroja për shkak të një kontrate shitjeje të një biznesi, gurore, që kisha në Zall Dajt, - kam prona të patundshme në emër të bashkëshortes, që janë 5 dyqane tek kullat (me adresë tek ish-ekzpozita “Shqipëria Sot”); - një hotel në Durrës; - një shtëpi 200 metra katrore në Sarandë; - një shtëpi në Greqi – Athinë, me sipërfaqe rreth 150 metra katrore, të cilat mendoja se do i shfrytëzoja si kolateral për marrjen e një kredie të mundshme në funksion të realizimit të investimit. Kam të njohur në Bashki disa persona, ku ndër ta, edhe kryetarin e Bashkisë së Tiranës, të cilin e kam njohur nga një miku im në vitin 1997. Me të kemi thjesht marrëdhënie shoqërore. Nuk kam ndërhyrë asnjëherë për nxjerrjen e ndonjë leje sheshi, leje ndërtimi apo për kryerjen e ndonjë shërbimi tjetër tek kryetari i Bashkisë Tiranë, apo tek ndonjë person tjetër punonjës në këtë Bashki.

versioni i kujtim hasës
Pas dëshmisë së marrë nga Dritan Avllaj, prokuroria ka marrë në pyetje edhe biznesmenin tjetër, Kujtim Hasa, pjesëmarrës në kontratën e nënshkruar nga pesë sipërmarrësit për kryerjen e ndërtimit tek Liqeni Artificial. Kujtim Hasa ka deklaruar se: Shtetasin Arian Tartari nuk e njoh dhe as e kam takuar ndonjëherë. Kontratën e kemi nënshkruar pa prezencën e njëri– tjetrit. Shtetasin Dritan Avllaj e njoh që prej vitit 2006 – 2007 dhe nuk kam pasur ndonjë marrëdhënie miqësore ose biznesi më parë me të. Shtetasin Fatos Skeja e njoh prej shumë kohësh, (që nga baballarët tanë) por as me këtë shtetas nuk kam zhvilluar ndonjë aktivitet biznesi më parë. Shtetasin Ylber Cami e kam njohur gjatë bisedave që bëheshin lidhur me kontratën e bashkëpunimit.
Prej shumë vitesh, unë kam njohur shtetasin Rrahman Selmanllari, me të cilin kemi zhvilluar edhe takime të herëpashershme. Në vitin 2007, rreth verës, unë, rastësisht, në një takim kafeje me Rrahmanin, kam ardhur në dijeni lidhur me një truall në zonën e Liqenit Artificial në Tiranë, për të cilin interesohej të investonte ky shtetas (Rrahmani). Gjatë këtyre bisedave, duke gjykuar aftësitë e mia, i kam kërkuar Rrahmanit të jem pjesë e këtij investimi. Rrahamani më tha se do ta shikonte mundësinë dhe do më njoftonte. Në vijim, pas disa bisedave të tjera me Rrahmanin, kemi diskutuar me të edhe për kryerjen e ndërtimit, pasi edhe pronarët ishin të interesuar të dinin për firmën që do kryente ndërtimin. Unë i thashë Rrahmanit se vetë nuk mund ta kryeja këtë ndërtim, pasi isha i angazhuar në punë të tjera ndërtimore. Për këtë arsye, duke pasur parasysh edhe kapacitetet e firmës “Trema Engennering” Sh.P.K, i propozova këtë të fundit. Këtë e propozova duke qenë se unë kisha bashkëpunuar me këtë firmë edhe më parë dhe kisha siguri për realizimin me sukses të investimit. Në këtë fazë, unë nuk kisha kontaktuar me asnjë nga pronarët e truallit (me të cilët nuk mbaj mend të kem kontaktuar edhe më pas, megjithëse nuk përjashtohet absolutisht një mundësi e tillë) dhe as me investitorët e tjerë, të cilët në këtë fazë as nuk i dija kush ishin. Të gjitha kontaktet i kisha me Rrahmanin. Gjithsesi, pas bisedës në fjalë me Rrahmanin, unë kontaktova dhe bisedova jo në mënyrë konkrete edhe me shtetasin Ilir Trebicka, përfaqësues i “Trema Engennering” Sh.P.K. Në bisedat e para, kjo bisedë me Ilirin është lënë në heshtje, ndërsa në vijim kur janë konkretizuar gjërat, duke dalë edhe investitorët e tjerë, Iliri ka rënë dakord parimisht që të kryente ndërtimin që mendohej se do realizohej, pasi nuk kishte ndonjë gjë konkrete për atë që do bëhej në atë zonë. Investitorët e tjerë të përfshirë në këtë kontratë, unë i kam marrë vesh nga Rrahmani, ku kisha dëgjuar që Fatosi ishte në bisedime me të; Ylberi po ashtu, i cili merrej drejtpërdrejt edhe me pronarë; Dritani, i cili kishte shitur një gurore dhe kishte mundësi për të investuar; Ariani, i cili do investonte edhe ai po ashtu.

Vokshi: Avllaj njihet si sekser i Edi Ramës

Në deklarimet e dhëna në Prokurorinë e Tiranës, pas konferencës së shtypit ku akuzoi Dritan Avllajn për kërkim ryshfeti tek partneri i saj, Arian Tartari, deputetja Albana Vokshi ka thënë se është ndodhur në Venezuelë, kur PS-ja filloi të bëjë akuza publike ndaj saj. Vokshi ka thënë se deri në këtë kohë nuk dinte gjë konkrete për aksionet e partnerit të saj, Arian Tartari, në kompaninë “Vision Construction” sh.p.k., e cila ishte përmendur në akuzat e PS-së. “Nga Venezuela kam parë në internet, në shtypin e shkruar shqiptar, artikuj që komentonin një kontratë bashkëpunimi, ku një nga palët ishte “Vision Construction” dhe një pjesëmarrës tjetër ishte shtetasi Dritan Avllaj (që njihej nga të gjithë si Tan Lepuri), me 20% të pjesëmarrjes në këtë marrëveshje. Këtë person (Tan Lepurin), Partia Demokratike e ka denoncuar sistematikisht si sekser të Edvin Ramës dhe si njeriun më të afërt të tij”, ka thënë Albana Vokshi në dëshminë e saj.

Tahiri: Hetimi rrëzoi akuzat e bëra nga PD

TIRANE - Deputeti i Partisë Socialiste, Sajmir Tahiri, reagoi dje në lidhje me vendimin e Prokurorisë së Tiranës për mbylljen e dosjes së “20-përqindëshit” duke thënë se “u provua nga hetimi i gjatë i prokurorisë se akuza e stërpërmendur e 20 për qindëshit ishte një shpifje kokë e këmbë. Sot Saliu duhet t’u kërkojë ndjesë shqiptarëve që me muaj të tërë hodhi baltë mbi Edi Ramën për një sajesë të turpshme, që e bëri vetë dhe e vuri në gojën e të gjithë deputetëve të PD-së si një vjershë banale”, tha Tahiri. Ai tha se Saliu është një shpifarak i kapur gafil nga hetimi i Prokurorisë, që provoi se përralla e lepurit dhe vjersha e 20 për qindëshit janë pjellë e frikës, është bërë lepur në barkun e Saliut.

“S`ka akuzë për burimet e naftës, po hetohen HEC-et”

TIRANE – Prokuroria e Tiranës deklaroi dje se ka vendosur mbylljen e hetimeve edhe për akuzat e bëra nga deputeti socialist Erion Braçe,lidhur me koncesionet e vendburimeve të naftës dhe gazit natyror. Hetimi filloi në datën 21 gusht 2010, kur deputeti Erion Braçe deklaroi publikisht të dhëna që lidheshin me veprime që përbënin elementë të veprës penale të «shpërdorimit të detyrës». Këshilltari për median i prokurores së Përgjithshme deklaroi se është vendosur mbyllja e dosjes për vendburimet e naftës dhe gazit, si dhe ndarja e procedimit për koncesionet e HEC-eve. «Lidhur me të dhënat e pasqyruara në deklaratën publike të shtetasit Erion Braçe mbi veprime në kundërshtim me ligjin të nëpunësve shtetërorë në rastin e lidhjes së kontratave për dhënien me koncesion për ndërtimin e 6 (gjashtë) hidrocentraleve mbi lumin Kardhiq për shoqërinë «Albaenergiaplus», Prokuroria e Rrethit Gjyqësor Tiranë ka vendosur ndarjen e çështjes dhe vazhdimin e hetimit për shkak të kompleksitetit të veprimeve hetimore dhe kohës së nevojshme për përfundimin e tyre», tha Nesturi.


Trazhgim Sokolaj
Panorama

[kundraRRYMES]

Miremengjes.

Politikanet shqiptare merren me thashetheme me keq sesa disa antare te forumit qe vuajne nga parkinsoni dhe kur flasin nuk ua merr vesh se cfare duan te thone pasi nuk shkruajne mire.
Me behet qejfi shume qe zonja deputete ka qene per vizite ne Venezuele qe njihet si nje nga shtetet me te avancuar ne fushen e mjeksise.

Nuk po komentoj se cfare ka thene zonja ne fjale qe me vjen keq per ceketine e te llogjikosurit por ne nje apo tjeter menyre ka paragjykuar dhe ka akuzuar dike pa patur baza dhe prova qe te bente nje gje te tille. Si rrjedhim e ndershme do te ishte te kerkoje falje publike per harxhimin e kohes se prokurorise dhe duhet te largohet nga jeta politike pasi eshte tipike e gojekeqes dhe nje shembull jo pozitiv ne politike.

Eshte per te ardhur keq kur lexojme ne shtyp qe persona te tille jane pjese e politikes dhe mbi te gjitha gezojne mbrojtje dhe imunitet.

Ketu nuk po flasim per persona qe flasin kafeneve apo rrugeve me shoqerine po diskutojme per deputete dhe personalitete politike qe bejne deklarata shokuese dhe akuza teper teper serioze.

Kjo metode eshte bere nje gje e zakonshme tashme per parlamentaret dhe politikanet shqiptare qe nuk kane me asnje kredibilitet dhe integritet dhe eshte per te ardhur keq qe te tille njerez perfaqesojne shqiperine ne arenen boterore.

Shpeshhere shqiptaret mundohen te gjejne arsyejen pse shqipetaret dhe shqiperia eshte nga vendet e fundit europiane qe te lejohet ne europe? Arsyeja e vetme eshte tek paaftesia e politikes shqiptare per tu perfaqesuar dinjetisht dhe pamundesia per te drejtuar nje shtet.

Paaftesia dhe fodulliku eshte i nje niveli marramendes. Shqiperia drejtohet ne nje menyre feudale nga qeveria aktuale ku monopolizmi i sektoreve jetike po i merr frymen shoqerise.

Perfundimi dhe rezultati i ketyre hetimeve ishte i ditur para se ky hetim te filloje. Nuk mund te kete nje hetuesi te pamvarur kur hetuesit i mungon dinjiteti dhe normale qe ai duhet ti ktheje nje favor atij qe e vendosi ne ate post.

Nuk e di se kush do ti paguaje shpenzimet per kryerin e ketij hetimi ? Si zakonisht buxheti i shtetit...

Cmenduri shqiptare

[juanito02]

Pse nuk i bini shkurt nje lavire e Salise si Vokshi pranoi pafytyresine e saj duke thene ne prokurori qe per Ramen 20% ka qene ne baze te llafeve qe kisha degjuar shkurt nga thashethemet.
Shkoni tashti o kokpalare dhe futini nje tas groshe e lirohuni sa te mundni.