R. Selmanllari: Po i kemi paguar Rames shumen qe Albana Vokshi beri publike

[Brari]

edvini kto dit ka ik ne amerik.. thoshte nje gazete.. via paris etj..

sic duket i kopsit me kte rast me mire ato llogarit bankare qe i ka andej.

jan koh te turbullta dhe hajni e rrit kujdesin..

i mencur ky djal..

di te vej ne pune bllokqenerine e larte dhe te mesme.. e cila punon tani dhe pa xerret e tij..


nejse..

ja cthot nje demokratas..
--

panorama

--




Lehtësia e papërgjegjshmërisë

nga ENO BOZDO
E enjte, 02 Shtator 2010 11:50 Shumë eksponentë të Partisë Socialiste, deputetë dhe funksionarë politikë të lartë të saj, veçanërisht në muajin e fundit kanë artikuluar akuza të rënda për korrupsion, shmangie të ligjit dhe mënjanim të konkurrencës në disa procedura koncesionare të ndjekura dhe nënshkruara nga METE. Nuk do të kishte asgjë të re në këto akuza sikur kësaj radhe të mos përmendeshin emra konkretë të afërmish të deputetëve dhe ministrave të Partisë Demokratike si përfitues nga këto procedura privatizimi apo koncesionimi. Në të vërtetë, të gjithë ata që i kanë ndjekur me vëmendje të gjitha qëndrimet...

e lidershipit të Partisë Socialiste, zt. Rama, si dhe të deputetëve të saj, kujtojnë me lehtësi faktin se "bateritë politike" të tyre prej vitesh janë drejtuar ndaj çdo procedure të privatizimit, apo të koncesioneve, duke akuzuar politikisht ekzekutivin e Partisë Demokratike për korrupsion dhe eliminim të konkurrencës. Madje zt. Rama dhe njerëzit e tij, veçanërisht përpara zgjedhjeve të qershorit të vitit të kaluar, ashpërsuan tonin duke kërcënuar me prishje të të gjitha kontratave të privatizimit apo koncesionare, nëse socialistët do të vinin në pushtet.
Më vonë, edhe nga disa elementë të moderuar të PS, sulme të tilla u etiketuan si shkaktare (ndërmjet të tjerave) për humbjen në zgjedhje. Në të vërtetë përveç konsumimit të sulmit politik të radhës, PS u tregoi të gjithëve se nuk i njihte/kuptonte aspak nga ana profesionale proceset e ristrukturimit të ekonomisë nëpërmjet privatizimeve apo koncesionimit: në 8 vite të qeverisjes së saj PS kishte bërë shumë pak (më mirë thuajse aspak) përpjekje për të privatizuar sektorët e ekonomisë dhe industrisë, duke preferuar t'i linte në formën e ndërmarrjeve shtetërore, të vendosura në pozicione monopol ose thuajse monopol në degët përkatëse të ekonomisë dhe industrisë. Arsyeja ishte e thjeshtë: në këto ndërmarrje gëlonte korrupsioni dhe mund të punësoheshin shumë militantë, të cilët duheshin shpërblyer.
Sidoqoftë me anë të këtyre deklaratave parazgjedhore PS krijoi një klimë ekstremale nervozizmi tek investitorët e mesëm e të mëdhenj, të cilët ndërsa dëgjonin këto deklarata shqetësuese, pyesnin mbi qëllimet e vërteta dhe sigurinë e investimeve të tyre. Është e kotë këtu të theksojmë se këto fakte gjithmonë rrisin shumë mosbesimin e investitorëve të huaj tek Shqipëria, krijojnë një situatë alarmante pa asnjë shkak dhe me siguri kanë ndikuar (për sa kohë këto deklarata përcilleshin edhe nëpërmjet mediave të huaja) në vendimet negative të investitorëve potenciale për të mos e konsideruar Shqipërinë si pjesë e planeve të tyre për të investuar. Personalisht kam qenë pjesë e disa konferencave, brenda dhe jashtë vendit, ku jam pyetur specifikisht për mundësinë e ndryshimit radikal që qëndrimit të Qeverisë shqiptare ndaj biznesit të huaj, në rast se socialistët do të merrnin pushtetin. Siç edhe mund të kuptohet, shpjegimeve të mia se këto janë deklarata thjesht politike dhe se askush nuk ka mundësi të veprojë në këtë mënyrë arbitrare, audienca jo pak herë iu përgjigj me skepticizëm.
Sidoqoftë, në një fushatë elektorale të ngarkuar emocionalisht, me pak mirësi, këto deklarata mund të quhen edhe thjesht si pjesë e folklorit politik, që karakterizon përgjithësisht këto fushata.
Zhvillimet e ditëve të fundit tregojnë për fat të keq se, nuk kemi të bëjmë vetëm me një "lajthitje temporale". Përkundrazi, sulmi ndaj investitorëve konkretë është ashpërsuar në atë shkalle, saqë ka tejkaluar edhe etikën e komunikimit.
Edhe në këtë rast është e kuptueshme se prapavija reale është lufta politike, edhe pse nuk ndodhemi në fillim apo në mes të një fushate elektorale. Por diferenca vjen si rezultat i "stilit të ndryshëm deklarativ", që kësaj radhe deputetët e PS po përdorin. Duke hedhur në qarkullim emra potencialisht të lidhur me koncesionet (në fakt janë dhënë më shumë se 100 kontrata koncesionare të HEC) si dhe duke shfrytëzuar mosdijeninë e opinionit publik për këtë procedurë, janë akuzuar eksponentë të lartë të PD për abuzime dhe shmangie/eliminim të konkurrencës.
Në të vërtetë deklaratat e shtypit të PS, nëse dëgjohen dhe lexohen me kujdes, mbartin një ngërç të madh logjik: në to nuk citohet as edhe një fakt i vetëm që të vërtetojë akuzat, ndërsa i vetmi "krim" që disa persona kanë bërë është fakti që janë të afërm të eksponentëve politikë të PD dhe se kanë "guxuar" të merren me veprimtari biznesi. Përveç këtyre "fakteve", asgjë tjetër nuk është e provuar, madje nuk ka edhe provën me të vogël që dikush ka manipuluar garën për të përfituar një koncesion. E meqenëse ra fjala tek koncesioni, për hir të së vërtetës duhet thënë se këtu është koncesionari që ndërton me paratë e tij veprën energjetike dhe pas 35 vjetësh ai ia kthen atë shtetit shqiptar. Gjatë kësaj kohe ai do t'i paguajë shtetit shqiptar taksat, do të punësojë njerëz dhe do t`i japë atij edhe një tarifë koncesionare që shkon deri në 8% në vit. Pra, siç edhe është e kuptueshme, bëhet fjalë për një investim 100 për qind privat dhe se që shteti shqiptar nuk fut dhe nuk jep as edhe një lloj pasurie në mënyrë përfundimtare.
Në çdo konferencë shtypi, eksponentë të PS lidhin emrin e një personi me faktin se ai ka fituar një garë dhe meqenëse emri është i afërt me atë të një pushtetari, atëherë domosdoshmërisht këtu ka korrupsion. Më duhet të pohoj se mediatikisht kjo është një gjetje e zgjuar: opinioni publik tenton lehtësisht të manipulohet nga lodra të tilla fjalësh, por nga ana tjetër kjo sjellje është në të njëjtën kohë shumë e papërgjegjshme dhe krijon një kosto të lartë sociale dhe ekonomike. Krijon një kosto të lartë sociale, sepse pa asnjë lloj vetëpërmbajtje akuzohen emra konkretë për korrupsion, a thua se PS është zëdhënëse e prokurorisë apo organeve të specializuara të luftës kundër krimit ekonomik. Emrat e përmendur po kriminalizohen pa indicien edhe më të vogël dhe sigurisht kjo gjë ka kosto për personat në fjalë dhe familjet e tyre. Më keq se kaq kjo sjellje e papërgjegjshme krijon kosto ekonomike, sepse PS po orienton një klimë të pasigurt të biznesit, duke sulmuar çdo gjë dhe cilindo që ka "guxuar" të investojë paratë e tij, me risk personal, në një sektor të tillë. Dhe meqenëse përsëri PS pretendon se është duke mbrojtur biznesin e shëndoshë nga "korrupsioni shtetëror", atëherë për ç'arsye nuk voton ligjin për Gjykatën Administrative, si një institucion i rëndësishëm në luftën kundër abuzivitetit të shtetit?
Kjo sjellje me standard të dyfishtë, ku PS me eksponentët e saj ndryshe deklaron dhe thellësisht ndryshe vepron, mund të etiketohet si lehtësia e papërgjegjshmërisë politike, por edhe asaj njerëzore

..

[Albo]

Dëshmia e Selmanllarit "përplas" avokatin me Prokurorinë. Reagon PS

TIRANË- Deklarata e avokatit të Rrahman Selmanllarit, Genc Gjokutaj ka nxitur sot reagimin e Prokurorisë dhe Partisë Socialiste. Në një deklaratë për shtyp Prokuroria e Tiranës hodhi poshte pretendimet e avokatit Gjokutaj, se Selmanllari në dëshminë e tij kishte pranuar se kishte paguar 20 përqind tek Dritan Avllaj, njohur ndryshe si Tan Lepri. Menjëherë më pas ka ardhur dhe reagimi i Partisë Socialiste, ku deputeti Taulant Balla e quajti shpifje deklaratën e avokatit Gjokutaj.


"Ky avokat paguhet për të mbrojtur persona me problematikë si Damir Fazllici apo Rrahman Selmanllari, të cilët edhe kur s'janë të akuzuar po thjesht të pyetur nga prokuroria si persona që lidhen me rrethanat e një cështjeje, shkojnë në prokurori me avokat"- tha Balla


Ai theksoi se Gjokutaj sot zëvendësoi zëdhënësit e Saliut, duke folur për dicka që sipas tij është një leje dhe aplikim që nuk egziston, dhe se e gjitha kjo bëhet për të tërhequr vëmendjen nga skandale e qeverisë Berisha.

*******************************


Rrahman Selmanllari, i njohur si miku i djalit të kryeministrit Sali Berisha, u mor dje në pyetje për rreth tre orë në prokurori. Ai hodhi poshtë akuzat e deputetes demokrate Albana Vokshi lidhur me arsyen e dhënies së 20% të aksioneve të firmës "Vizion Construction" shtetasit Dritan Avllaj, i njohur ndryshe si Tan Lepuri apo miku i kryebashkiakut të Tiranës.


Selmanllari është shfaqur në hyrje të prokurorisë së kryeqytetit rreth orës 12:30 i shoqëruar nga avokati i tij Genc Gjokutaj. Përpara prokurorëve Valentin Preçi dhe Ardian Braho, ai është marrë në pyetje për rreth tre orë me cilësinë e personit që ka dijeni për çështjen (deklaruesit).


Mësohet se Selmanllari është treguar i gatshëm dhe ka dhënë shpjegime të hollësishme për njohjen e tij me bashkëpronarin e firmës "Vizion Construction" Arian Tartari apo bashkëjetuesin e deputetes Vokshi, kohën e hapjes së shoqërisë "Vizion Construction" dhe kontratën e nënshkruar me katër biznesmenët e tjerë. Sipas Selmanllarit, mes tyre ka ekzistuar një kontratë ndërtuesish për çështje biznesi dhe asgjë më shumë.


Selmanllari u thirr dje në prokurori për faktin se ai së bashku me shtetasin Arian Tartari kanë hapur një shoqëri me emrin "Vizion Construction" dhe janë ortakë me nga 50 % të aksioneve. Kjo shoqëri në korrik të vitit 2008 ka nënshkruar një kontratë bashkëpunimi me katër ndërtues të tjerë për ndërtimin e një kompleksi banimesh dhe shërbimesh te Liqeni Artificial.

Për këtë projekt deputetja Vokshi ka deklaruar se "bashkëjetuesi" i saj Tartari është detyruar të përfshijë në biznes shtetasin Dritan Avllaj si kusht të vendosur nga kryebashkiaku i Tiranës, Edi Rama.




Dëshmia
"Me Arian Tartarin kam njohje të vjetra në rrethana të ndryshme. Së bashku në vitin 2007 kemi hapur një shoqëri ndërtimi që e kemi emërtuar "Vizion Construction" sh.p.k., ku administrator është Tartari. Në këtë kompani jemi vetëm ne të dy ortakë me nga 50 % të aksioneve. Në korrik të 2008-s janë afruar disa pronarë të familjes Sharra, të cilët përfaqësoheshin nga disa ndërtues me të cilët kemi rënë dakord për ndërtimin e një kompleksi banimi dhe shërbimesh në zonën e ish-kompleksit Dinamo në afërsi të Liqenit Artificial. Në këtë pronë që kishte mbi 17 mijë metra katrorë tokë, vendosëm të bashkohemi me katër investitorë të ndryshëm, me të cilët i ndamë punët dhe mbi bazën e punës, edhe aksionet në ndërtim. Kështu, firma "Vizion Construction" ku unë e Tartari jemi aksionerë, mori 55 % të aksioneve, shtetasi Fatos Skeja për punën që do të kryente do të merrte 9 % të aksioneve, shtetasi Kujtim Hasa dhe shqiptaro-maqedonasi Ylber Cami nga 8 % të aksioneve dhe shtetasi Dritan Avllaj 20 %. Me këtë të fundit kishim thjesht një kontratë ndërtimi mes investitorësh për punë të ndryshme që do të kryente secili. Nuk kemi pasur asnjë lloj presioni apo detyrimi për ta firmosur kontratën me këtë ndërtues", tha ndër të tjera Selmanllari në prokurori.



Avokati
Pas mbarimit të pyetjes në prokurori të Selmanllarit, ky i fundit nuk pranoi të prononcohet për mediat. Ndërsa avokati mbrojtës Genc Gjokutaj, në fjalën e tij u shpreh se klienti që përfaqëson është i gatshëm të paraqitet në prokurori sa herë të jetë nevoja. "Sot (dje) klienti im Rrahman Selmanllari u pyet në lidhje me shoqërinë ndërtuese "Vizion Construction" duke dhënë versionin e tij për çështjen. Pyetja e tij u krye me cilësinë e deklaruesit dhe ai është i gatshëm të paraqitet sa herë të jetë nevoja pasi nuk i shmanget drejtësisë në asnjë formë", tha Gjokutaj.



Dëshmon Tan Lepuri, Tartari ndodhet jashtë shtetit
Në orët e vona të mbrëmjes së djeshme në prokurori është pyetur edhe shtetasi Dritan Avllaj i njohur si Tan Lepuri. Sipas burimeve nga njësia e Task-Forcës, e cila po heton çështjen, shtetasi Avllaj ka filluar dëshminë në ora 19:00 të darkës dhe ka vazhduar deri rreth orës 21:00 duke dhënë shpjegime para prokurorit Ardian Braho. Mësohet se Avllaj ka shpjeguar se mënyrën e bashkimit me katër aksionerët e tjerë dhe bashkëjetuesin e deputetes së PD-së, Albana Vokshi.


Ndërkaq, para pyetjes së Avllajt në prokurori është paraqitur dhe pyetur edhe shtetasi Kujtim Hasa që, sipas kontratës së bashkëpunimit mes gjashtë biznesmenëve, kishte 8 % të aksioneve të shoqërisë ndërtuese "Vizion Construction" dhe nga firmëtarët ishte caktuar administrator i kësaj shoqërie. Ky i fundit mësohet se ka shpjeguar se kontrata e firmosur mes tyre kishte mbetur vetëm në letër për shkak se ishte prishur marrëveshja mes palëve.


Ndërkohë, gjatë paradites se djeshme pritej të paraqitej edhe shtetasi Arian Tartari, por meqë ndodhej jashtë Shqipërisë, është lënë që të paraqitet ditën e mërkurë. Ndërkaq, paraditen e sotme pritet të pyeten shtetasit Fatos Skeja dhe Ylber Cami, edhe këta aksionerë në kontratën e denoncuar nga deputetja e PD-së.

Shekulli

[Albo]

"Tan Leprit i dhame 20 perqindshin per studimin dhe lejen e ndertimit"

TIRANE - Eshte zbardhur deshmia e Rrahman Selmanllarit dje ne Prokurorine e Tiranes lidhur me marrjen e tij ne pyetje per aferat e dyshuara te ndertimeve pa leje. Burime nga Prokuroria e Tiranes bejne te ditur se biznesmeni Rrahman Selmanllari ka pohuar dje para prokurores Valentin Premci dhe prokurorit Ardian Braho se Dritan Avllai i njohur ndryshe si Tan Lepri i ka kerkuar atij 20 per qind te kontrates ne kembim te miratimit te studimit dhe lejes se ndertimit nga bashkia e Tiranes. Sipas deshmise se leshuar dje, kerkesa e Avllait eshte pranuar nga bashkepronaret e kompanise Vizion Construction pasi ai ishte prezantuar si miku i Edi Rames dhe njeri i afte per te hapur cdo dere ne Bashkine e Tiranes. Pyetjes nese Dritan Avllai e kishte respektuar marreveshjen per te kryer detyrat e tij, Selmanllari mesohet t'i jete pergjigjur se jane shume te kenaqur me kontributin e Avllait pasi studimi i miratuar nga Bashkia e Tiranes e ka perqendruar intensitetin me te larte te ndertimit pikerisht ne zonen e kontraktuar prej tyre. Sa i perket pjeses tjeter te angazhimit per te marre lejen e ndertimit ne bashki, Selmanllari ka deklaruar se kjo nuk eshte realizuar ende per shkak te mosmbledhjes prej me shume se nje viti te KRRT se Tiranes. Ne ditet ne vijim pritet te degjohen deshmite e Dritan Avllait dhe Arjan Tartarit.

KJ

[mesuesi_1]

edvini kto dit ka ik ne amerik.. thoshte nje gazete.. via paris etj..

ahaaaa .... ne amerike via paris ....

---------


i lutem shume moderatoreve qe te mos heqin mesazhet kot se koti .... si i thojne fjales, "me tifozllik"

[Brari]

Kryebashkiaku dhunë dhe terror ndaj mediave për fshehjen e aferave me pallatet 30 katëshe


PD: Dokumentet faktojnë Ramën si më të korruptuarin në Europë


Partia Demokratike dënoi dje aferat korruptive të dokumentuara me fakte tashmë të kryetarit të Bashkisë së Tiranës, Edi Rama, i cili për një leje ndërtimi të dhënë u vendos ndërtuesve përmes ortakut të tij Dritan Avllaj, një gjobë prej 100 milionë euro. Përmes një deklarate për shtyp, deputeti demokrat Aldo Bumçi theksoi dje se Rama po ushtron presione ndaj mediave që ai kontrollon për të shndërruar në një tymnajë faktet e publikuara për korrupsionin e tij galopant me lejet e ndërtimit. Deputeti demokrat vuri në dukje se Rama po tenton t'i fshehë opinionit publik aferat që me ortakun e tij, të ashtuquajtur Tan Lepuri, po planifikon betonizimin e kodrave të liqenit duke ngritur pallate deri në 35 kate. "Edvin Kristaq Rama, Mister 20 përqindëshi apo kapoja i bllokmenëve të rinj, po ushtron dhunë dhe terror mbi mediat që ai kontrollon, duke iu kërkuar atyre të fusin në thesë pallatet 30 katëshe tek diga e Liqenit, me të cilat ai, nëpërmjet lepurit të tij, në shkëmbim të lejes së ndërtimit dhe planit të zhvillimit, ishte bërë aksioner me 20% të ndërtimit, pra më saktë i fitimit prej 100 milionë euro në vetëm njërën kontratë", tha Bumçi. Ai theksoi se dokumentet zyrtare kanë faktuar se kërkesën në KRTSH për ndryshimin e destinacionit e ka bërë vetë Rama dhe në këtë kërkesë nuk ka paraqitur asnjë plan ndërtimi dhe zhvillimi. "Partia Demokratike, dënon edhe njëherë këtë megakorrupsion të dokumentuar të Mr. 20% apo kapos së bllokmenëve të rinj, si majën e ajsbergut të korrupsionit të tij me lejet e ndërtimit. Dokumentet zyrtare kanë faktuar se kërkesën në KRTSH për ndryshimin e destinacionit e ka bërë vetë Mr.20% dhe në këtë kërkesë nuk ka paraqitur asnjë plan ndërtimi dhe zhvillimi", tha Bumçi ndër të tjera. Konkretisht, Bumçi tha se partneri i ngushtë i Ramës është bërë aksioner në kompaninë "Vizion Construction" me 20%, vetëm duke marrë përsipër planin e zhvillimit dhe lejet e ndërtimit. "Lepuri i Edvin Ramës, partneri i tij, më i ngushtë, është bërë aksioner në kompaninë 'Vizion Construction' me 20%, vetëm duke marrë përsipër planin e zhvillimit dhe lejet e ndërtimit. Mbi bazën e kësaj kontrate Mr.20%, ka hartuar planin e zhvillimit të zonës me ndërtime 30-35 kate, sepse vetëm kështu 20% i tij, vetëm në njërën kontratë, arrinte në 100 milionë euro", tha ndër të tjera deputeti demokrat. Gjithashtu, ai theksoi se përpjekjet e Ramës për të fshehur aferat korruptive me ndërtimin e kullave 35 katëshe janë qesharake, pasi dokumentet e publikuara faktojnë Ramën si një nga njerëzit më të korruptuar në Evropë. "Zoti 20%, përpjekjet tuaja për të futur në thasë kullat 35 katëshe, janë qesharake dhe donkishoteske. Dokumentet iu faktojnë si strumbullar kryesor i korrupsionit në Shqipëri, por ndoshta edhe në Europë", vijoi Bumçi.






rd

[kundraRRYMES]

Pershendetje sidomos disave qe ka vite qe i lexoj e qesh me vehte se jane tipike mendje ngushte e pa piken e llogjikes.

Ne shqiperi si kudo ne cdo vend te botes eksiston korrupsioni. Nese diku ne angli psh korrupsionit i vihet nje emer si: “Overhead costs .” apo “Administrative expenditures” ose “unexpected costs” ne shqiperi kjo terminologji nuk eskiston fale injorances qe eksiston ne rrethet administrative apo te bisnesmeneve.

Ne asnje vend te botes nuk behen akuza te drejte perdrejta pa patur fakte konkrete ne dore. Edhe kur keto fakte eksistojne atehere behet nje reference tek keto fakte dhe kerkohen shpjegime nga personi tjeter dhe mbasi ai ka dhene shpjegime kalohet ne vleresimin e atyre fakteve dhe shpjegimeve te dhena. Ne shqiperi ndodh teresisht e kunderta. Nje politikan akuzohet ne menyre te drejte perdrejte per "afera korruptive", per "vjedhje" per " me te korruptuarin e europes", per "kryemafioz" e shume e shume terma qe te ngjajne me ato rrugacet e dikurshem qe mbasi ishin zene e dikush ishte futur ne mes per ti ndare i shanin njeri tjetrin nga larg.

Pa dashur te ofendoj askend por shqiperia me duket si nje "breg lumi" ku tufa qenesh endacakesh ne dy krahet e tij lehin tere kohes, grinden me njeri tjetrin per ndonje cope ushqim qe gjejne rruges dhe mbi te gjitha nuk kane nje drejtim te caktuar nuk kane nje prijes nje udheheqes por thjeshte kane vetem nje vije uji ku levizin te lirshem.

Ne nje bisede me nje mikun tim ketu qe ka qene per 40 vjet antar dhe aktivist i Labour Party dhe aktulisht nuk eshte me gjate nje disktumi rreth antaresimit ne nje biblioteke ketu me tha: Perse duhet te behesh antar i bibliotekes ti? ...edhe une qesha e i them qe te kem mundesi te marr disa materiale per te lexuar...Atehere me tha per te perfiturar dicka ne nje forme apo jo ? PO i them... Po mire me tha perse behen njerzit antare te nje force politike organizate politike...? E shikova analogjine qe donte te bente dhe i thashe se beson ne ate qe ajo parti perfaqeson? Cfare eshte partia me tha ? E i shpjegova qe eshte nje bashkim njerzish me te njejten ide qellim dhe principe...! Atehere me tha qellimi i nje Partie eshte per te arritur dicka apo jo ? Po i them...Atehere per te perfiturar dicka nga ky bashkim apo jo ?...e pashe se ku donte te dilte dhe qesha e i them... Per te perfituar dicka...!! ( shpjegim ky nuk eshte me antar i kesaj partie qysh nga momenti kur UK u fut ne lufte ne Irak).
E pra shume e qarte disa nga bashkeshkruesit ketu ne kete forum kane me vite e me vite qe shkruajne per PD e per PS. Madje aq te flaket sa me japin pershtypjene disa "mini fondamentaliste" pa argumenta e pa mendimin e tyre personal thjeshte nje "percjelles" dhe "pasqyra" te "udheheqesve" te tyre qe verberisht u besojne.
Diskutimi ne kete forum eshte nje pasqyre e mirefillte e asaj qe ndodh ne "mini-boten" politike shqiptare me fyerje e akuzime te ndersjellta dhe ne pak raste me prova.

Persa i perket kesaj temes. Z Selmanllari thote qe ne i kemi dhene Z Rama 100.000.000 Euro ne formen e Aksioneve prej 20%. te kompanise ta quajme "A". Kjo nenkupton qe kompania ne fjale "A" ne kete moment vleresohet me nje vlere prej 1.000.000.000 Eurosh.
Edhe akuzuesit e dine mire qe kjo marrreveshje eshte bere per te perfituar. Normalisht qe norma e fitimit te tyre do te jete me e larte se vlera prej 20% qe i kane dhene per te marre lejen e ndertimit. Pra ne nje fare menyre personat si Selmanllari, Tartari dhe Avllaj jane personat e pare qe duhet te dyshohen per korrupsion aktiv. Zonja deputete qe bashkejetonte me Tartarin ishte ne dijeni te kesaj marreveshje dhe nuk beri nje denoncim dhe distancim nga personi me te cilin bashkejetonte, do me thene zonja ne fjale duhet te dyshohet per fshehje dhe mos kallzim krimi. Deri ketu qeshtja eshte e thjeshte. Nese vertetohen akuzat per keto persona ne fjale i bie qe kryetari i bashkise se tiranes te dyshohet per korrupsion pasiv ne rastin me te keq ose per aftesi per te kontrolluar dhe parandaluar nje marreveshje korruptive kur lejoji dhenien e lejes per ndertim. dhe ne te dyja rastet duhet te jape doreheqje dhe personat e mesiperm duhet te perballen me ligjin.

Mendimi im personal eshte: Deklaratat e Z Selmanllari duhet ti marresh me shume dyshim si te verteta pasi zoteria ne fjale kohet e fundit ka vertetuar qe vuan nga nje skleroze e avancuar kjo bazuar ne deshmite e zoterise ne fjale ne gjykate si deshmitar ne ceshtjen e "Gerdecit". Po ashtu deshmite e Z Vokshi vijne si kunderpergjigje e akuzava te bera perpara nga nje pale tjeter por qe ne vetevete kane shume te verteta por ajo vete duhet te shpjegohet nese eshte ETIKE dhe a eshte teresisht e ndergjegjshme qe te mos deklaroje pasurine e nje personi me te cilin bashkejeton( thashe etike dhe teresisht e ndergjegjshme pasi znj Vokshi e di qe ligji nuk ja kerkon je gje te tille)...! Me vjen per tu habitur shume qe prokuroria nuk ka aftesine apo vullnetin per te bere nje hetim apo ngritur nje ceshtje kur ata mendojne se ka vend per tu hetuar. Kjo tregon qe drejtesia nuk eshte e pamvarur aspak. Ne nje apo tjeter forme ndikohet nga politika dhe nese nuk arrihet nje indipendence e "plote"( them e plote pasi eshte relative cdo gje) keto akuza te ndersjelljta pa baza do te vazhdojne dhe nuk bejne asgje me teper sesa konfuzojne opinionin publik dhe krijojne jo stabilitet politik. Asnje politikan europian apo diplomat europian nuk mund te bazohet ne fjalet e nje politikani shqiptar kur vete keto te fundit bejne diklarata nga me ekstremet. Askush nuk te konsideron serioz kur ti kacavirresh neper tavolina me vazo neper duar apo ofendon nga foltorja e parlamentit si nje rrugac.

Me nderime

[SERAFIM DILO]

Ai vend eshte gallat...

Njeri, shkruan;partia demokratike denoi aferat korruptive...etj etj....Me kete do te tregoje...se vjedhin vetem socialistet,ndersa demokratet jane te ndershem.
Tjetri pergjigjet;Edi o Ps,nuk kane vjedhur me lejet e ndertimit......Edhe se leja e ndertimit ne tirane kushton si korrupsion 20% e vleftes se ndertimit....Me kete do te tregoje,qe Edi ka vene vetem çmimin,ndersa leket i mer PD-ja..

Ndersa kryevepra eshte;Ata qe kerkojne drejtesi nga gjykatat.Duke e ditur se gjyqtaret jane me te korruptuar e hajduta se politikanet.

Ai vend eshte gallatse me mire eshte i vetmi vend ne bote,qe cdo profesion shteteror paguhet.....Ka çmimin o gjoben qe duhet;rroje te spitali X mije euro,polic X mije euro,gjykates X mije euro....nxenes qe do te marresh nje provim X mije euro....etj etj....

Nje pyetje;vendi i presidentit te republikes...sa kushton.(ne euro,jo ne lek te reja o te vjetra)

[Boy]

Mo po qe Edi Rama mer perqindje nga lejet e ndertimit dihet, po kjo Vokshi te japi pergjigje per akuzat qe i behen dhe jo te kundersulmoje!

[Albo]

Albana Vokshi padit 9 deputete te PS-se

Tirane- Deputetja e Partise Demokratike, Albana Vokshi, padit 9 deputete te Partise Socialiste per shpifje dhe kerkon shperblim te demit qe i kane shkaktuar me deklaratat publike te bera javet e fundit. Ligjvenesja e parlamentit shqiptar ka depozituar padine civile ne Gjykaten e Shkalles se Pare ne Tirane, ku akuzon nente koleget e kampit kundershtar politik se kane sajuar ndaj saj akuza te paqena. Ne padine e bere thuhet se kerkohet nje "shperblimin i demit jopasuror". Padia e Vokshit vjen pas deklaratave te deputeteve te majte qe ata kane bere ditet e fundit, qe sipas deputetes demokrate, kane cenuar nderin dhe dinjitetin. Akuza me e fundit ka qene ajo e djeshmja, kur deputeti Eduart Shalsi lidhi bashkeshortin e deputetes, biznesmenin Arjan Tartari, me siperfaqen e privatizuar te ish-ekspozita "Shqiperia Sot". Ish-ministri i Ekonomise, Genc Ruli, pergenjeshtroi per dite me radhe deklaratat e PS-se per abuzimet e pretenduara dhe qe kjo siperfaqe t'i ishte dhene Tartarit. Po keshtu deputetja Albana Vokshi, ka hedhur poshte akuzat se ajo vete dhe bashkeshorti i saj jane te lidhur ne korrupsionin me lejet e ndertimit apo koncesionet e naftes ne vend, duke shpallur hapur me dokumente se Dritan Avllai, i njohur si Tan Lepuri, mik i kryebashkiakut te Tiranes dhe kreut te PS-se, Edi Rama, u ka kerkuar 20 per qind te aksioneve per studimin dhe lejen e ndertimit te kompleksit rezidencial te Liqeni Artificial. Biznesmenet Arjan Tartari dhe Rrahman Selmanllari kane deshmuar ne prokurori se Avllai ua kishte kerkuar kete per qindje pasi kishte ndikim te kryebashkiaku. Deputetet e paditur: Olta Xhacka Eltar Deda Vasilika Hysi Artan Gaci Erion Brace Taulant Balla Sajmir Tahiri Mimi Kodheli Eduard Shalsi

KJ

[Albo]

Vokshi: Do hetohet pasuria e partnereve te Edi Rames

“Do t’i kerkoja zotit Rama qe te beje ai vete, i pari, deklarimin real jo vetem te pasurive te tij, por edhe te personave me te cilet ai ka bashkejetuar dhe bashkejeton". Ky ishte reagimi i menjehershem i deputetes se PD, Albana Vokshi, ndaj akuzave te deputeteve socialiste per pasurine e personit me te cilin ajo bashkejeton. “Bej me dije, qe deri me sot(dje), per arsye personale shendetesore nuk kam mundur te jem e pranishme ne media por siguroj, qe duke filluar qe nga dita e neserme(sot), me fakte dhe dokumente reale konkrete do te denoncoj publikisht korrupsionin e Edvin Kristaq Rames dhe personave qe me te i lidhin interesat e medha materiale financiare. Mjaft me me shpifje dhe sulme te turpshme, Edvin Rama”, ka paralajmeruar dje deputetja, Vokshi. Ajo ka sqaruar ne lidhje me akuzat per mosdeklarim te pasurise sime, cdo deklarim i saj, qe nga viti 2005 e deri me sot eshte bere duke respektuar me perpikmeri legjislacionin ne fuqi. Ai tha se i ka kerkuar personalisht Inspektoratit te Larte te Deklarimit te Pasurive qe te shqyrtoje deklarimet e saj te pasurive te te gjitha viteve dhe vete drejtuesi i ketij institucioni, ne prononcimin e tij per media, ka deklaruar qe legjislacioni ne fuqi nuk ve asnje detyrim ndaj saj qe te deklaroje pasurite e personit, me te cilin bashkejeton. “Behesh qesharak Edvin Rama ne lidhje me te ashtuquajturen pasuri prej 4 miliarde dollaresh, gjoja dhurate qe me eshte bere nga Kryeministri, genjeshter qe as femijet nuk e besojne. A e di ti qe kjo shume eshte gati sa gjysma e GDP vjetor te Shqiperise? Apo ndikimi i stimulanteve qe perdor ta bejne te pamundur keto perllogaritje?”, kelaroi deputetje Albana Vokshi.. Njeheresh deputetja demokrate ka sqaruar dhe akuzat ndaj kompanise “Stream Oil & Gas”. Vokshi ka nenvizuar se “eshte e turpshme te sulmohet nje kompani publike kanadeze, e listuar ne bursen e Torontos qe financohet nga disa nga investitoret me te fuqishem ne bote JP Morgan, Hayeood etj ne fushen e hidrokarbureve, energjise etj e qe per shkak te seriozitetit te tyre nuk do te pranonin asnjehere qe te beheshin pjese e asnje korrupsioni qeveritar”. Sipas saj, deklaratat publike te koheve te fundit rreth “Stream” jane deshmi e sulmeve ndaj investitoreve te huaj dhe e deshires se Edi Rames per t’i larguar ata, qe sipas Vokshit nuk eshte hera e pare qe ndodh kjo. Nderkohe qe ne lidhje me kompanine “Vizion Construction”, Vokshi ka sqaruar se “subjektet detyrohen nga Edi Rama qe ne perfitim te lejeve te ndertimit t’i japin atij pjesen perkatese” Vokshi tha se Rama e di qe ne truallin ku kjo kompani ka kontrate me pronaret “ai zoteron 20% te ndertimit, ne emer te sekserit te tij Dritan Avllaj, i njohur ne Tirane si Tan Lepri. Dokumenti qe verteton kete ortakeri u publikua dhe ne median periodike”. Deputetja demokrate eshte shprehur se askush, nuk mund te shkele dot mbi dinjitetin dhe personalitetin e saj dhe dhe te familjareve te saj. “Per te gjitha ato qe permenda me lart, per te gjitha ato qe di dhe nuk kam folur ende, per te gjithe demin moral mbi mua dhe familjen time, si dhe per demin e madh material qe po shkaktohet cdo dite nga sulmet denigruese, deklaroj dhe siguroj qe te gjithe personat pergjegjes, duke filluar nga Edvin Rama, do te pergjigjen para ligjit”, eshte shprehur Vokshi ne fund te deklarates se saj.

KJ