Cështja came, Berisha takon Idrizin: Ok ngritjes së Komitetit të Diasporës

[shigjeta]

Nje arsye me shume pse greket kane shtuar 'aktivitetin' ne jug te Shqiperise...

*********

Kryeministri Berisha ka pritur sot në një takim kreun e PDU-së Shpëtim Idrizin, me të cilin ka biseduar për cështjen came. Lajmi bëhet i ditur nga një deklaratë për shtyp e PDU-së. Gjatë takimit, thuhet se është ranë dakord në parim për mundësinë e krijimit të Komitetit Kombëtar të Diasporës, që është një ndër shtyllat programore të PDU-së, e cila do të vijë në ndihmë të diasporës shqiptare kudo që ndodhet.

Kryeministri Berisha gjate takimit theksoi se çështja çame duhet të trajtohet nga Shqipëria dhe Greqia si një çështje e të drejtave themelore të njeriut, në përputhje me normat evropiane. Kryetari i PDU-së, z. Shpëtim Idrizi i paraqiti nismat e ndërmarra nga PDU për zgjidhjen e kësaj çështjeje, si kontraktimi i një studioje ligjore britanike, më e njohura në fushën e së drejtës evropiane për të drejtat e njeriut, për të zgjidhur ligjërisht çështjen çame në gjykatat ndërkombëtare. Nga ana e tij, kryeministri Berisha vlerësoi se kjo çështje duhet të trajtohet në përputhje me traktatin e miqësisë dhe bashkëpunimit që ekziston ndërmjet Shqipërisë dhe Greqisë dhe ku është e sanksionuar zgjidhja e çështjeve pronësore dhe të tjera juridike për popullësitë e dy vendeve.

Dy bashkëbiseduesit ranë dakord se kjo çështje nuk është çështje e pretendimeve territoriale, por një çështje që ka të bëjë tërësisht me të drejtat themelore të njeriut, që janë shkelur në rastin e popullësisë shqiptare të Camërisë.

BalkanWeb

[mesuesi_1]

Dy bashkëbiseduesit ranë dakord se kjo çështje nuk është çështje e pretendimeve territoriale, por një çështje që ka të bëjë tërësisht me të drejtat themelore të njeriut, që janë shkelur në rastin e popullësisë shqiptare të Camërisë.

te drejtat themelore te njeriut nuk kane kufi, ngjyre, flamur dhe nuk mund te trajtohen ne menyre te diferencuar .....
uroj qe edhe shqiptaret te behen perpara per te mbrojtur ate c'ka i perket ashtu sic din te bejne edhe vendet e zhvilluara dhe demokratike te Evropes dhe pertej ...