Opinioni publik dhe manipulimi i tij nga politika

[pirro2009]

Në Shqipëri opinioni publik ashtu si dhe jashtë, është shumë i ndjeshëm ndaj çdo lëvizjeje, daljeve në publik i politikanëve të rëndësishëm kur spjegojnë apo bëjnë apologji të fenomeneve politike dhe sociale ose jo, apo nga ndryshimi i barometrit politik; megjithatë pasqyrimi transparente apo tw kamufluara i lëvizjeve politike apo i opinioneve të politikanëve në mediat e sotme ndikon jashtzakonisht në kultivimin dhe interpetimin nga ana e opinionit publik në përgjithësi.
Në fakt, opinioni publik është një grumbullim qëndrimesh ose besimesh individuale të mbajtura nga individë të rritur; pra opinioni publik mund të përcaktohet gjithashtu si një koleksion kompleksi opinioneve të shumë njerzve dhe shuma e të gjitha pikpamjeve të tyre.
Ky term është përdorur për herë të parë që më 1588 nga Montaigne, megjithatë Adam Smith-i ekonomisti i njohur, e ka përdorur këtë term në letrat e tij ‘Teoria e Sentimenteve Morale’, kurse Jeremy Bentham nje filozof përzgjedhës i famshëm e zhvilloi më tej teoritë e tij për opinionin publik. ‘Ka plot kontradikta që kanë të bëjnë me çështjen nëse struktura e veprimit social-politik duhet të pasqyrohet më shumë apo më pak si process i veprimeve të centralizuara nga klasa e udhëheqësve të përfaqësuar nga hierarkitë e integruara në shtet në influencimin e shoqërisë përkatëse,- apo nëse kjo mund të ravijëzohet me shumë kujdes si disa prirje të opinionit relativisht autonom ose të grupeve të influencës, që gjithashtu ndërlidhen me përfaqësuesit e vendim-marrjes në një strukturë zyrtare të autoritetit qeveritar të diferencuar’(interpetim i english wikipedia).
Opinioni publik mund të influencohet siç e thashë më lart nga relacionet publike dhe nga media politike. Në mënyrë plotësuese e ashtuquajtura ‘mass media’ (opinioni publik) shfrytëzon një shumëllojshmëri të gjërë të teknikave të reklamës për të nxjerrë mesazhet e tyrë dhe të ndryshojë mëndjet e njerzve.
Interesi i opinionit public bëhet shumë i madh sidomos gjatë zgjedhjeve. Ka katër metoda për të matur barometrin e opinionit publik:
- Matja sasiore e shpërndarjeve të opinioneve
- Hetimi i relacioneve të brëndëshme midis opinioneve të individëve që plotësojnë opinionin public në një çështje të caktuar
- Përshkrimi i analizës të rolit të opinionit public
- Studimi i të dyjave: medias komunikuese që shpërndan idetë mbi të cilat opinion mbështetet dhe të përdorimi që propagandistët dhe manipulatorët e tjerë I bëjnë këtyre mediave
Një metodë tjetër është dhe ‘Overton Window’ që ka marrë emrin nga Jozef Overton i cili në teorinë politike përshkruan hapjen e një ‘dritare-je’ në hapësirën midis reaksioneve të publikut ndaj ideve që diskutohen në public në spektrin e të gjitha opsioneve të mundëshme - mbi një çështje të veçantë.
Ç’po ndodh në Shqipëri? Këtu vazhdojnë të hyjnë mekanizma informativo-komunikuese që e kanë zanafillën në përpunimin e shtrëmbër të opinionit publik nëpërmjet disinformimit, si një nga metodat e njohura të diktaturës. Në aparencë duket sikur mediat janë të lira dhe transparente të cilat trasnmetojnë tek lexuesi, shikuesi, komuniteti, elektorati e popullata, kurse në esencë ato nuk janë.
Pra, përpunimi i opinionit publik nëpërmjet disinformimit qoftë për çështje të veçanta, qoftë për probleme të ndryshme tashmë është një metodë pune.
Disinformimi është pjesë e metodikës së politikës së madhe, dhe këtë e shohim në dy aspekte këto vitet e fundit: në fushatat elektorale, dhe në akuzat që dy partitë e mëdha i bëjnë njëra tjetrës. Në të dy rastet mund të vërejmë fenomenin e përpunimit të opinionit publik në mënyrë që ai të shohë me ngjyrat që kërkon partia përkatëse për fenomenin i cili kritikohet nga grupi politik. Këtë e realizon nëpërmjet mediave televizive dhe ato të shkruara. E parë në këtë prizëm mund të shohët qartë se sat ë prera dhe sesa të polarizuara janë këto Media. Po të shohësh Neës 24 TV ajo nuk le ditë pa nxjerrë Sali Berishën duke u larë në detin Jon që duket sikur s’ka ndonjë gjë, por nënkuptimi është ky për elektoratin e majtë: .. Shqipëria po digjet..Saliu lahet; pra nëpërmjet përdorimit pa kriter të një reklame ajo kërkon të manipulojë një kontigjent të saj në mënyrë që në të ardhmen të votojë apo të reagojë kundër politikave të të maxhorancës dhe të Sali Berishës pa bërë asnjë llogari, pa u menduar. Apo sondazhet krejtësisht të pavërteta të këtij Tv, ku gjithmonë fiton mendimi i majtë… Dhe ky është rezultati që do media e polarizuar: shpëlarja e trurit të elektoratitdhe të popullatës që ajo të mos mendojë për të veprojë si një repart ushtarak. A nuk është kjo një mënyrë që përdorte dhe PPSH në të kaluarën? Mesazhe të tilla për përpunimin e ndërgjegjes së popullit për të gozhduar në trurin e njerzve një tip opinion që u intereson politikanëve japin do ditë qoftë në mënyrë të kamufluar qoftë hapur shumica dërrmuese e mediave të majta. Në këtë aktualitet PS synonte të këto rezultate:
-krijimin e një situate revolucionare artificialisht nëpërmjet përpunimit të opinionit publik, për të marrë pushtetin me zgjedhje të parakohshme,
-krijimin e përshtypjes në BE dhe organizmat ndërkombëtare që në Shqipëri ka krizë.
Po të shohim një aspekt tjetër të përpunimit të opinionit publik, atë të deklaratave të politikanëve apo të zyrave të shtypit të partive kryesore mund të shohësh me habi por dhe me shqetësim, përplasjet dhe akuzat që i bën e majta të djathtës dhe e djathta të majtës për afera të ndryshme korruptive. Qëllimi i së majtës është të nxijë punën e maxhorancës nëpërmjet deklarimeve ugurkeqe që Shqipëria po ecën keq, që Shqipëria ka krizë, që Shqipëria ka korrupsion galopant, pra kërkon me çdo kusht që opinioni publik të marrë një mesazh të vazhdueshëm nga mediat e majta që ‘Shqipëria ka marrë fund’, që ‘këtu është gati të plasë’, që ‘këtu s’ka për të ngrënë e për të pirë’. Presioni mediatik i majtë është kaq i madh sa të vjen keq kur sheh se populli nuk arrin të kuptojë se çfarë është e drejtë në këtë dhe çfarë nuk shkon. Realiteti është ndryshe; megjithatë, përveç luftës kundër korrupsionit e cila do të jetë një luftë në vazhdim në të sotmen dhe në të ardhmen për të dy partitë, pjesa tjetër e akuzave të majta është flluskë sapuni. Nuk ka kuptim që të dalin ditë për ditë deputetë e deputete të akuzojnë kolegët e tyre, në një kohë që këto akuza duhet të bëhen në kuvend për deputetët dhe në prokurori nëse ka fakte. Përse populli, elektorati, duhet të çvendosë vëmëndjen e vet nga punët e përditshme, nga biznesi, nga problemet e vogla që kërkojnë zgjidhje nga pushteti local , përse mediat duhet të nxjerrin çdo ditë trimëritë e militantëe të majtë, dhe të deputetëve të tij dhe kundërpërgjigjet e maxhorancës, në një kohë që këto gazeta dhe media të majta përveç paraqitjes apokaliptike të Shqipërisë, apo të daljes së gazetës ‘ZP’ me ngjyra të zeza sikur të jetë në zi,- të tregojë realitetin ashtu siç është? Asnjëra palë nuk mund të fitojë vota duke akuzuar tjetrën sepse, rezultati i kësaj propagande me anë të përpunimit të vazhdueshëm politik të popullsisë do të sjellë si pasojë mos marrjen pjesë në votime të njerëzve, do të sjellë, rritjen e krimit, do të sjellë, mungesën e stabilitetit në Shqipëri në sy të KE dhe BE. Nëse kjo e fundit është gjithashtu një opsion i mundshëm i së majtës shqiptare atëhere, për fat të keq kjo e majtë i ka bërë dëm jo vetëm popullit shqiptar, por dhe vehtes së saj me deputetet mirmidonë që ka në parlament. Përsa i përket maxhorancës dhe ajo ka nevojë për tu përpjekur për hir të Shqipërisë ëdhe më në drejtim të mbajtjes nën kontroll ekstremizmit të majtë dhe të lënies së rrugëvetë bisedimit hapur me të majtën radikale shqiptare pavarësisht kostos, të cilën po e paguan populli, i cili vazhdon të qëndrojë i shqetësuar e i tensionuar për shkak të këtij manipulimi mediatik të përditshëm të fakteve. Ky stress i vazhdueshëm –prodhim ‘made in PS’- mund të japë në të ardhmen rezultate negative në: zgjedhje për të dy partitë për shkak të mosbesimit, por mund të shkaktojë një rritje të konflikteve personale, familjare, komunitare, mos- bindje ndaj ligjeve etj.
Së fundmi, për këtë shkak duhet që të ngrihen edhe struktura të cilat të kontrollojnë me kujdes mediat të cilat të këshillohen të jenë transparente e të mos përhapin panik apo të ndjellin keq duke ndikuar negativisht në sjelljen dhe qëndrimin e opinionit publik,- të paktën tek mediat kryesore.

Pirro Prifti