Ndryshimet ne kontributet e sigurimeve dhe biznesi

[besnikuu]

Ndryshimet në sigurimet shoqërore, kosto për biznesin

Në 30 Qershor 2010, Këshilli i Ministrave vendosi për ndryshimin pagës minimale dhe maksimale mujore për efekt të llogaritjes së kontributeve të sigurimeve shoqërore dhe shëndetësore. Ky ndryshim krijon kosto më të lartë për biznesin, duke rritur shpenzimet për kontributet, për sigurimet shoqërore dhe shëndetësore. Gjithsesi, ndryshimi i pagës minimale shihet edhe si një masë për të ulur informalitetitn, pasi mendohet se shumë në biznese, faktikisht paguhen paga më të larat për punonjësit e tyre, por deklarimin për kontributet e bëjnë sipas pagës minimale. Gjithashtu kjo është edhe një masë për të garantuar një përfitimi më të madh, në rastet e përfitimeve nga sigurimet shoqërore si për shembull përfitimi i pension e pleqërisë, leja e lindjes etj. Vendimi i Këshillit të Ministrave nr. 477, datë 30.6.2010, “Për disa ndryshime dhe shtesa në Vendimin Nr. 1114, datë 30.7.2008 të Këshillit të Ministrave, datë 01.07.2010”, përcakton se duke filluar nga data 1 Korrik 2010 e në vazhdim, paga minimale mujore për efekt të llogaritjes së kontributit të sigurimeve shoqërore e shëndetësore, do të jetë 16.820 (gjashtëmbëdhjetë mijë e tetëqind e njëzet) lekë, ndërsa paga maksimale mujore mujore për efekt të llogaritjes së kontributit të sigurimeve shoqërore e shëndetësore do të jetë 84.100 (tetëdhjetë e katër mijë e njëqind) lekë. Pavarësisht përcaktimeve në këtë vendim, për të punësuarit marrëdhëniet e punës të të cilëve rregullohen në bazë të Kodit të Punës të Republikën e Shqipërisë, paga minimale mujore për efekt të llogaritjes së kontributeve, do të vazhdoj të konsiderohet paga e përcaktuar me vendimin e Këshillit të Ministrave nr. 522, datë 13.5.2009, “Për përcaktimin e pagës minimale, në shkallë vend”, pra 18.000 (tetëmbëdhjetë mijë) lekë. Ndryshimi i pagës minimale ka reflektuar në rritjen e shumës minimale të kontributeve, për të gjitha degët e sigurimit, e cila në total nga 4497 lekë në muaj është rritur në 4 693 lekë në muaj.Me ndryshimin e pagës minimale, kontributi i detyrueshëm për sigurimet shoqërore për personat e vetëpunësuar në veprimtari, tregtare apo shërbimi, ambulante, si dhe për personat, që punojnë si punëtorë shtëpie, nga data 1.7.2010 e në vazhdim është 1.440 (një mijë e katërqind e dyzet) lekë në muaj. I vetëpunësuari, i vetëpunësuari në ortakëri, i vetëpunësuari, që punëson të tretë (me përjashtim të të vetëpunësuarit në bujqësi paguan për vete një kontribut të detyrueshëm, për sigurimet shoqërore dhe shëndetësore, në lartësinë 30 për qind të pagës mujore minimale nga të cilat 23 për qind si sigurim shoqëror, dhe 7 për qind si sigurim shëndetësor. Kjo do të thotë se kjo kategori do të paguaj kontribute në një vlere të barabartë me 5 046 ( pesë mijë e dyzet e gjashtë) lekë në muaj.

Dega e sigurimeve Masa e kontributit ne përqindje Kontributi ne leke Ishte Kontributi ne leke Behet

Dega e sigurimit të sëmundjeve
0.3 48 51
Dega e sigurimit të barrëlindjeve 1.4 226 235
Dega e sigurimit të pensioneve 21.6 3482 3633
Dega e sigurimit të aksidenteve dhe sëmundjeve profesionale 0.3 48 51
Dega e sigurimit të papunësisë 0.9 145 151

Sigurimet shëndetësore 3.4 548 572

Burimi : Monitor.al