Vlera e agjërimit

[ramazan_it]

Vlera e agjërimit

Transmetohet nga Ebu Hurejre se Muhammedi (a.s.) ka thënë:

"Kush agjëron Ramazanin me bindje dhe kënaqësi, i falen mëkatet e bëra."(Buhariu, Muslimi dhe Ebu Daudi).

Transmetohet nga Ebu Se’id el-Hudrij se Muhammedi (a.s.) ka thënë:

"Kush e agjëron Ramazanin, i njeh rregullat e tij dhe mbrohet nga ajo që duhet të mbrohet, i falen mëkatet e bëra." (Bejhekij dhe Ibn Hiban)

Trasmetohet nga Xhabiri ibn Abdilah se Muhamedi (a.s.) ka thene:

"Umetit tim i janë dhuruar pesë gjëra në muajin e Ramazanit të cilat nuk i janë dhënë asnjë të dërguari para meje.
Njëra prej tyre është se Zoti i Madhëruar i shikon ata në ditën e parë të Ramzanit dhe atë që e shikon Ai nuk e dënon asnjehere.
E dyta është se ajo era e keqe e gojës së tyre në mbrëmje është më e mirë se aroma e miskut.
E treta është se engjijt kërkojnë falje për ta çdo ditë e çdo natë.
E katërta, se Zoti i Madheruar e urdhëron parajsën keshtu:
"Përgatitu dhe zbukurohu për robërit e Mi sepse është afruar dita e pushimit të tyre në shtëpinë dhe zemërgjërësinë time nga lodhjet e kësaj bote".
E pesta është se Zoti i Madhëruar i fal të gjithë natën e fundit.

Njëri prej të pranishmëve e pyeti: "A është nata e Kadrit?" Ai u pergjigj: "Jo, a nuk e sheh se punëtoret kur i kryejnë punët i marrin shpërblimet (rrogat)."(Bejhekij)

Transmetohet nga Ebu Hurejre se Muhammedi (a.s.) ka thënë:

"Pesë namazet, prej xhumase në xhuma dhe prej Ramazanit në Ramazan falin (mëkatet) pos atyre që janë të mëdha (kebair)". (Muslimi)

Transmetohet nga Ka’b ibn Axhre se Muhammedi (a.s.) ka thënë:

"Zoti e largon nga mëshira e vet atë që e kalon Ramazanin pa u falur." (El-Hakimi)

Transmentohet nga Ebu Hurejra se Muhammedi a.s. ka thënë:

"Çdo vepër e njeriut shtohet , e mira prej dhjetë deri në shtatëqindë herë. Zoti i Madhëruar thotë: "Përveç agjërimit, sepse ai është për Mua dhe unë e shpërblej, sepse ai braktis kënaqësine dhe ushqimin për Mua. Për agjëruesin ka dy gëzime: gëzimi i parë në iftar, kurse i dyti në takimin me Zotin e tij. Era e keqe nga goja e agjëruesit është më e mirë te Zoti se aroma e miskut." ( Bukhari & Muslim )

Transmetohet nga Ibn Mes’ud el Gafari se Muhammedi a.s. ka thënë:

"Sikur ta dinë njerëzit vlerën e Ramazanit do të dëshironin të jetë i gjithë viti Ramadan." (Ibn Humejze)

Trasmetohet nga Ebu Hurejra se Muhammedi a.s. ka thënë:

"Tre personave u pranohet lutjet:
1.Argjëruesit deri në iftar;
2.Udheheqësit (prijësit) të drejtë;
3.Lutja e të dëmtuarit (të keqtrajtuarit) ngrihet lartë, i hapen dyert e qiellit dhe Zoti i thotë: Pasha fuqine time, do të ndihmoj, qoftë edhe pas një kohe." (Ahmedi dhe Tirmidhiu)



Nata e Kadrit

Trasmetohet nga Ebu Hurejre se Muhammedi a.s. ka thënë:

"Kush ngrihet (lutet) Natën e Kadrit, me bindje e kënaqësi, i falen mëkatet e bëra." (Buahriu dhe Muslimi)

Trasmetohet nga Enes ibn Maliku se me ardhjen e Muajit te Ramazanit, Muahammedi a.s. ka thënë:

"U erdhi ky muaj, i cili ka vlerë më shumë se një mijë muaj e atij që i ndalohet, i është ndaluar gjithë miresia. Të mirën e tij e refuzon vetëm i mallkuari." (Ibn Maxhe)

Trasmetohet nga Ubade ibn Samit se Muhammedi a.s. për Natën e Kadrit ka thënë:

"Kjo natë është në Ramazan, në dhjetë ditët e fundit, (gjegjësisht) në ditën e njëzet e një, njëzet e tre, njëzet e pestë, njëzet e shtatë, njëzet e nëntë ose natën e fundit. Kush lutet në atë natë me kënaqësi, i falen mëkatet e kaluara dhe të ardhshme." (Ahmedi)



Prishja e agjerimit te Ramadanit pa arsye

Transmetohet nga Ebu Hurejre se Muhammedi a.s ka thënë:

"Kush e prishë një ditë agjërimi në Ramazan pa arsye e pa sëmundje, nuk mund ta kompesoje as me agjërim shekullor."



Lejimet e prishjes se agjerimit

Transmetohet nga Xhabiri se Muhammedi a.s.;

" Ka kaluar në Meke në vitin e çlirimit dhe atë në Ramazan derisa ka arritur në vendin Kara'e el-Gamim (pesë kilometra afër Afsanit ndërmjet Mekës dhe Medines). Ai aty ka agjëruar së bashku me njerëzit e tjerë pastaj ka kërkuar ujë, e ka ngritur lart gotën derisa e kanë parë njerëzit dhe e ka pirë ujin. Kur është informuar se disa kanë vazhduar agjërimin, ka thënë:"Ata janë mëkatarë, ata janë mëkatarë..." (Buhariu dhe Muslimi)

Transmetohet nga Xabiri se Muhammedi a.s.;

" Gjatë një udhëtimi të tij ka vrejtur një njeri rreth të cilit janë tubuar njerëz. Është afruar dhe i ka pyetur: "Ç'ka ai?" Ata i janë përgjigjur: "Agjëron",kurse Muhammedi a.s., atëhere u përgjigj: "Nuk është mirësi të agjëroni gjatë udhëtimit". (Buhariu dhe Muslimi)

Transmetohet nga Aishja se Hamza ibn Amr el-Eslemije ka pyetur Muhammedin a.s.;

" Për agjërimin në udhëtim (ka agjëruar shumë), kurse Muhammedi a.s. i është përgjigjur: "Nëse dëshiron agjëro, e nëse dëshiron ha." (Buhariu dhe Muslimi)

Transmetohet nga një njeri i Beni Abdilas ibn Ka'b ibn Malikut, i quajtur Enes ibn Malik, se Muhammedi a.s. ka thënë:

"Zoti i Madhëruar i'a ka shkurtuar namazin udhëtarit dhe i'a ka lejuar prishjen e agjërimit. Ai gjithashtu i'a ka mundësuar gruas që i jep gji fëmijës dhe asaj që është me barrë për shkak të mëshirës ndaj fëmijëve të saj." (Përmbledhësit e Syneteve)

Transmetohet nga Muadh ibn Xhebeli se kur u shpall ajeti:

"E ata që i rëndon ai (nuk mund të agjërojnë), janë të obliguar për kompesim, ushqim (ditor) i një të varfëri", çdo kush që dëshironte ta prishte agjërimin, e prishte dhe e kompesonte, derisa Zoti e shpalli ajetin: "E kush e përjeton prej jush këtë muaj le të agjërojë." Në këtë mënyrë e caktoi Allahu agjërimin e vërtetë dhe i'a mundësoi mos agjërimin: të sëmurit, udhëtarit dhe plakut në moshë që s'mund të agjërojë." (Ahmedi)



Vlera etike e agjeruesit

Transmetohet nga Ebu Hurejera se Muhammedi a.s. ka thënë:

"Agjërimi mbron nga morali i keq sepse ai që agjëron nuk flet gjëra të turpshme dhe nuk bërtet. Nëse (eventualisht) e shan ndokush ose e sulmon, le të thotë: 'Une agjëroj, unë agjëroj'." (Buhariu dhe Muslimi)

Transmetohet nga Ebu Hurejre se Muhammedi a.s. ka thënë:

"Zoti nuk ka nevojë për njeriun që e braktis ushqimin e pirjen e nuk e braktis fjalën e keqe dhe veprën e ligë." (Buhariu)

Transmetohet nga Ebu Hurejre se Muhammedi a.s. ka thënë:

"Agjërimi nuk do të thotë të largohesh nga ngrënia pirja, por të largohesh nga fjala e keqe dhe vepra e shëmtuar. Nëse ndokush të provokon apo sillet si i marrë ndaj teje, atëhere thuaj: 'Unë agjëroj, unë agjëroj.'."



Prishja me harrese

Transmetohet nga Ebu Hurejre se Muhammedi a.s. ka thënë:

"Kush harron gjatë agjërimit dhe pin dhe han, le ta vazhdojë agjërimin, sepse Zoti e ka ushqyer dhe i ka dhënë të pijë." (Buhariu, Muslimi, Ebu Davudi, Tirmidhiu dhe Maliku)



Syfyri (sahuri)

Transmetohet nga Enes ibn Maliku se Muhammedi a.s ka thënë:

"Hani në syfyr sepse në të ka begati (bereqet)." (Inb Hibbani)

Transmetohet nga Se'id el-Hudrij se Muhammedi a.s. ka thënë:

"Bëni syfyr qoftë edhe me një pikë uje." (Ebu Duvudi dhe Tirmidhiu)



Iftari me hurma

Transmetohet nga Selman ibn Amir ed-Dibij se Muhmmedi a.s. ka thënë:

"Kur bën ndokush iftar, le të fillojë me hurme sepse ajo është begati, e nëse s'gjen dot, atëherë me ujë, sepse uji është i pastër." (Buahriu, Muskimi dhe te tjere)



Shpejtimi i Iftarit

Transmetohet nga Sehl ibn Sa'di se Muhammedi a.s. ka thënë:

"Njerëzit do të kenë mirësi derisa ta shpejtojnë iftarin." (Buhariu, Muslimi dhe Tirmidhiu)

Transmetohet nga Ebu Hurejre se Muhammedi a.s. ka thënë:

"Zoti xh.sh. thotë: "Më i dashuri prej robërve të mij është ai që shpejton më tepër iftarin". (Ahmedi dhe Tirmidhiu)


Vonimi i syfyrit

Transmetohet nga Ja'la ibn Murre se Muhammedi a.s. ka thënë:

"Zoti i do tri gjëra: shpejtimin e iftarit, vonimin e syfyrit dhe lidhjen e duarve njëra mbi tjetrën në namaz.". (Taberani ne Ewsat).



Të ushqyerit e agjëruesit

Transmetohet nga Zejd ibn Halid El-Xhuheni se Muhammedi a.s. ke thënë:

"Kush ushqen njeë agjërues, fiton shpërblimin sa të tij ashtu që nuk pakësohet as shpërblimi i agjëruesit" (Tirmidhiu dhe Nesa'iu)



Namazi i taravive

Transmetohet nga Ebu Hurejre se Muhammedi a.s.

" Dëshironte të lutet (falet) në Ramazan pa ndonjë urdhër specifik dhe thoshte: "Kush lutet (ngrihet e falet në Ramazan me bindje e kënaqesi, I falen mëkatet e bëra." (Trasmetimi I te gjitheve)

Transmetohet nga Aishja r.a. se Muhammedi a.s.;

" Është falur në xhami (namazin e taravive) dhe me të janë falur edhe disa njerëz. Kur është falur edhe natën e dytë, njerëzit janë shtuar edhe më tepër. Ata janë tubuar edhe natën e tretë dhe të katërt, mirëpo Muhammedi a.s. nuk ka dalur dhe kështu kur ka aguar mëngjesi ai u ka thënë: "Pashë atë që vepruat dhe nuk dola nga frika se mos po iu bëhet obligim, edhe atë në Ramazan" (Buhariu dhe Muslimi).

Transmetohet nga Aisha r.a. se Muhammedi a.s.;

" Nuk shkonte në Ramazan e as jashtë tij më shumë se njëmbëdhjetë rekate." (Buhariu dhe te tjeret)





Agjërim të pranuar e të lehtë të gjithëve!

Selam Alejkum ue Rahmetullahi ue Berekatuhu!