Letërsia humoristike shkodrane!...

[Agim Doçi]

LETËRSI HUMORISTIKE SHKODRANE NË VARGJE

Shkodër loce, mirë se të gjeta!
Djep kulture dhe humorit.
T'i kam bà dhe unë do bejta
Për problemet e humorit!...

Eh moj Shkodra e Kol Tivarit
Që n'humor digjet si prushi.
Ti ke lindur Hasan Smajën
Dem Kastratin e Tef Palushin!
Numër 1 Tano Banushin!
Paulin Prekën dhe Zef Dedën
Mërgim Mujën humor - specin...
Paulin Prekën e Pavdeshëm
Mark Kaftallin prej Serreqit.
E n'qytet Njazi Burgija
E n'kitarrë Gjosho Vasija!!!

Brez mbas brezi rrjedh humori
N'Shkodër ke humor çdo hap.
gazin n'Shkodër ne e korrim
Sidomos kur pjekim krap!...

Dhe Molieri Madhështor
Kur fillojn t'i fikej jeta
zanin Shkodrës sa i ndigjoj
gati i dogj Veprat e veta!

Sa Gezim Kruja i Zallit të Kirit
dhe djal axhet i Skënderit
si artist ndër ta ma i miri
asnjë fjalë...për çështje Nderit

I pat thanë dhe Simon Pepës
Paulin Palit e Primo Shllakut
Mos lakmoni gjetht e qepës!
Se jemi balli i bajrakut!...

Sepse ka hibrid me kokra
kallamoq me fije të barit...
Origjinë përgjys' nga Shkodra
rrah me uthull e hu Bazhdarit!...

SI KA DALË "VLLAZNIJA" KAMPION BOTE!!!

Në Shqypni e nise e para
lojën e bukur top e kamë (kambë)
Prej Serreqit në Arrën e Madhe
Në lagjen Ndocaj e n' Tophanë!

Ke nxjerr Yje të pa harrum
Si Boriçin Zot i Zotit!
Ndéj beqar i stazhionum
Ia dha jetën...komplet topit!

Muhamet Dibrën, Xhelal Jukën
Prek Gjeloshin - Kapidan!
Xhod Shaqirin, që krejt Pukën
e pat rréjt veç me nji kamb'

Simon Dedën - bombardjer
Që kish "predha" si mortaja
Dhe Lin Shllakun - "brigadier"
Motorr lojet - Kolec Kraja

E dorzove dorë më dor'
nga nji brez në brez stafetën
Sabah bizin centërfor
Mjeshtër sulmi - Mehdin Zhegën!...

Zan Rragamin - sa nji plep.
Me vrapim, si vrap kaprollit
çapalikun - hallagrep...
si me kenë taroç Stambollit!

Me Kol Gjonin, Koçobashin
Moj "Vllazni" pate lan' nam'
se nga një herë lojën e bajshin:
"O merr topin, o thé ndoi kamë!"

Sa dhe Mali i Taraboshit
po t'ish Mal bamë me allçi
S'do ia dilte Koçobashit
me njit kocat që ka thy...

Elegancë? - Esta Rakiqi
I ka dhan' lojës lezet!
kaq e dridhte bukur shtatin
Thu' se ishte mbrend në balet¨

Ismet Hoxha e Halil Puka
Paulin Ndoja që t'shtoj namin
Kapiten - t'qoft hallal buka!!!
80 muaj - Selami Danin!!!

Nxorre n'fushë, gjith kto djelmoça
Moj "Vllazni" t'i puthsha sytë
Në 68-ën kto taroça
të rrshtun n'kategori t'dytë!...

Po ti u ngrite mbas 1 viti
si Anté që e puth Tokën!
dhe me Forcë të Kolektivit
E çudite komplet Botën!

Po besa mos u çuditni
që "Vllaznija" figuron
Në 69-ën e në 71-shin
për gjithë Globin si Kampion!!!

Mundi "Varnën" e Bullgarit!
që pat mujt midis Evropës
"Sporting Klubin" e Shtutgartit
nënkampioni i gjith botës!

"Sporting Klubi" mundi Juven
"Inter" club dhe Fiorentinën
Rrahu "Bryzhin" e Belgjikës
"Sent Etienin" dhe Argjentinën(!!!)

Ndaj zinxnhiri i krahasimit
N'Argjentin për bes mbaron
kështu "Vllazinja" - p¨rfundimit
në gjith Botën del Kampion!

Ky ekip asht far e hithit
(një shkodran e tha i pari...)
kët ekip sa ta kositish
mbas dy ditsh i del prap bari!

Se janë lagjet e shkodranvet
si minierat e futbollit
veç Shiroka dhe Kopliku
Rrahin skuadrat e Stambollit!!!

Lé ma Vraka e Vau Déjsi
që kan' bà ekip prej murit
me ju vesh fanellën e kuqe
rrahin skuadrën e Rud Gulit...


Të nderuar bashkëforumas!
E gjeta këtë humor poetik në "arkivat" e mija dhe thashë po u jap të gjithëve dhe veçanërisht dashamirëve të mij SHKODRANË - kënaqësinë e këtyre vargjeve që i kam shkruar në vitin 1976 në Zyrën e mikut tim J. Papingji!
E risolla për respekt dhe humor në forumin Letërsia, nëse moderatorët e shohin me vend le t'a transferojnë ku të duan!
Me respekt
LAVDI POETËVE TË PAHHARUESHËM SHKODRANË DHE LOJTARËVE QË KANË VESHUR FANELLËN E VLLAZNISË SË SHKODRËS!
Agimi

[Brari]

Ohh sa bukur..sa me vlere.. thx Agim !





Un tan qef i kam lexue
Ato vargje moll e ftue
Plot humor e histori
Dashuri e nostalgji
Per te bukren femini
Qe ti Gim e pate fat
Me kalu ne shkodren plak
Si nje film nder sy kaloj
Ajo lavdi qe na nderoj
Ato emra gdhend nder zemra
Rrofsh Agim e te knoft penda.




Flmn Mik !

[Agim Doçi]

ELEGJI
( në vend të CHAJUPIT)

Në ç’vend kemi lerë
Krenarë dhe të dhjerë !…
Në Shqipëri !…

Ku të hedhin më shumë baltë
Dhe fajdetë të grinë paratë ?
Në Shqipëri !…

Ku ka vlerë më shumë gomari
Se shkenctari apo shkrimtari
Në Shqipëri!…

Ku ka bakër, krom dhe ar’
Po s’ke ujë as për t’u lar’
Në Shqipëri!...

Ku jetojmë aq të gëzuar
Xhepat bosh – derën e blinduar
Në Shqipëri!...

Ku qeveria punon me banda
E na mban gjallë veç kontrabanda?
Në Shqipëri!…

Ku i veshin në kokë çorapet?
Ku kallashi lan hesapet
Në Shqipëri!…

Ku s’punojnë hiç Kombinatet
Ku hajdutë ngremë pallatet!?
Në Shqipëri!…

Ku pa punë fitohet leku?
Ku pëllcet kërrcet dyfeku?
Në Shqipëri!…

Ku hedh valle sërbi e greku
Ku të luan tepeleku!…
Në Shqipëri!

Ku spiuni bën transparentin
Ku vampiri bën Parlamentin
Në Shqipëri!…

Ku t’a vrasin Deputetin?
Ku s’e pjerdhin Presidentin !?
Në Shqipëri !

[Agim Doçi]

KU PO SHKON NENA SHQIPËRI?!…

Shkuan shekuj e shkuan mote
endé sot nuk din nga shkon.
Fatkeqsitë e kësaj Bote
Në Shqypni veç i takon.

Rrugë pa rrugë në Shqipëri
Benza, kurva, vijnë e shkojnë
Veç hajduta në Qeveri
pensionista që mallkojnë…

Vend që s’ka Ligje dhe Norma
(nga Athina erdh’ Kushtetuta)…
Vit për vit shpikin reforma(!)
“Dje m’a fute,…sot t’a futa!…”

Vend ku vidhet historija
Origjina e kombit tim!
Vend ku ngrihet qeverija
Të rrëzojë…Shqipërinë(?)

Vend ku vidhet edhe Vota
Vend ku FJALA vetë ka vdekur
Vend që nuk e qas as Bota
Vend me pleq që nuk jane pjekur…

Vend ku Lajmi i gënjeshtër
Qarkullon si i vërtetë…
Vend ku qelbet kërmë e vjetër
Vend pa Rend, pa Dritë, pa Jetë…

Vend ku çezma e pallatit
Nuk nxjerr ujë por lang fekalesh…
Vend ku vjen hajduti i fshatit
Dhe blegrin me jehon malesh.

Vend ku vjen Cjapi me Zile
Dhe mbush rrugët me kakërdhi
Vend ku shitet krimi me kile
Ku nuk thuret një poezi…

Ku gjëmojnë kangët jevgjite
Herë me dajre herë me buzuq
“Moj rrospi sa shpejt m’u rrite!
Pse m’i lyve thonjt e kuq?…”

Rri pa gjumë me netë të tëra
Psherëtij në pafundsi…
Të shoh ZONJË i fal të tëra
Ku po shkon Nëna Shqipëri?!

[Agim Doçi]

PARODI PËR SHQIPËRI!!!

Bir Selman i nënës, kë të qaj më parë?

Hap televizorin, lajme Shqipërije:
„Qeveri e tjerrur veç me lesh Mafije!“
Nis lexoj gazetat, e gjith globit mbarë:
Bir Selman i nënës, kë të qaj më parë?

Bijen qeveritë në çdo anë të globit
Veç në Shqipëri kodoshat e kombit,
hypin edhe zbresin, i vërsulen „thelës“
Vendit po ia fusin, krejt si Kau Pelës(!)

Jugu plot me skafë me trafik kanabis
Tosi mjekërkuqi çirret për „katarsis“!
Në veri veç banda, sherre dhe tritol!
Prap Sali Berisha bëri Autogol…!

A nuk të mjaftuan njëqindmijë akuza?
Thirri mëndjes Salo, se na plasi buza!
Dil nga Zyra tënde, merri Sheshet prapë.
Të tjerët bymehen, ti tkurresh në vapë(?)

Mblidhet parlamenti, bëhen aleanca
Tosi vjedh Atdheun, Sala rruan planca!
Hiç mos u mërzitni, vëllezër shqipëtar
Këndoni refrenin: „Kë të qaj më parë!?“

Ku je moj Nafije, „që rrahe dybekun“
Nder i madh për neve – u lidhëm me grekun!…
Bëhen qeveritë dhe e hamë pas shpinës
Se ky është qëllimi i Teze Athinës!…..

Erdhi Nikollaqi, qirje Gaxojanis:
„Jasu skipetaris, erdha unë rrufjanis!“
Mister Geijxh ti erdhe,po vallë kush të solli?
Me rrufjanët tanë, belaja na polli!

Njëri i bjen gozhdës, tjetri rreh patkuan
Mafia mbretëron, populli po vuan
Ku të vejë i ngrati, popull i bekuar
Nga qeveritarët – milet i mallkuar!

[shkodrane82]

Ty te lumte dora zt Agim
se na mbushe me permallim.
Per njat Shkoder ti ke shkru
qe rinia jeme njatje me ka shku.
Me mall ne zemer, e dashni ne shpirt
per nje Shkoder ylle e drite
rri e pyes une perdite.
E kur lexon rreshta si keto
me krah bahesh e fluturon.
Te falemnders o miku i jone
ne Shkoder ke vend si gjithmone.....!

[Agim Doçi]

Nga kto halle s'di si delet
perveë mallit s'kam asgja
Sot jeton ujku me delen
Vatha qingja ma nuk ka...