Josipovic e zgjon Tadicin

[ARIANI_TB]

Nga Express më 04.08.2010 në ora 18:50
Përfaqësuesit më të lartë të Kroacisë, presidenti Josipovic dhe kryeministrja Kosor, ia përkujtuan presidentit serb se aksioni ‘Oluja’ (Stuhia) ishte legal dhe legjitim, ngase përmes tij Kroacia çliroi territorin e saj të okupuar.

Ndaj deklaratës së presidentit serb, Boris Tadic, sipas të cilit ‘Oluja’ ishte një krim që nuk guxon të harrohet kurrë, reagoi edhe vetë presidenti kroat, Ivo Josipovic.
„Aksioni ‘Oluja’ ishte legjitim dhe legal, ngase tij Kroacia çliroi territorin e aj të okupuar. Mbrojtësit, që morën pjesë në ‘Oluja’, e meritojnë respektin dhe mirënjohjen tonë. Pikërisht për këtë shkak, ne atë aksion e kujtojmë me krenari dhe respekt. Natyrisht krimi është karakteristikë e aksionit ‘Oluja’”, theksoi Josipovic.

Presidenti Josipovic po ashtu nënvizoi se karakteristika më e rëndësishme e aksionit ‘Oluja’ ishte vetë karakteri i tij çlirimtar, dhe fakti që përmes tij u ndalën vuajtjet e rënda.

“Kroacia i ishte ekspozuar shkatërrimeve, vrasjeve plaçkitjes së pasurisë kulturore dhe kërcënimeve të tjera, por ajo angazhohet për eliminimin e të gjitha pasojave të luftës dhe për dënimin e krimeve që ndodhën gjatë saj. Zgjidhja e çështjeve të hapura që i kemi me Serbinë paraqet interes për Kroacinë, por edhe për vetë Serbinë”, sqaroi Josipovic.

Ndërkohë, lidhur me deklaratat e presidenti serb reagoi edhe kryeministrja kroate, Jadranka Kosor.

“E dënoj këtë lloj tentimi për revidimin e historisë së vërtetë që ndërlidhet me aksionin çlirimtar ‘Oluja’, i cili ishte një prej aksioneve për çlirimin e territorit kroat. Por, ishte edhe një aksion përmes të cilit u mposht politika e Slobodan Milosevicit. Është koha që, në emër të ardhmërisë, të gjithë të lirohen nga trashëgimia e Milosevicit”, deklaroi kryeministrja Kosor. (Nga Agjencitë)

[derjansi]

i admiroj kroatet bravo u qoft

kisha deshir qe politikanet ton te ken te pakten 10% te trimnis dhe nacionalizmit qe kan kato kroat