Serbia paraqiti rezolutën për Kosovën në OKB

[ARIANI_TB]

Beograd, 28 korrik – Serbia i ka dorëzuar sot Asamblesë së Përgjithshme të OKB-së tekstin e rezolutës së re për Kosovën, me të cilën synon negociata të reja rreth statusit të këtij vendi, pohon “Blic”. Në tekstin e saj, sipas kësaj gazete nuk përmenden negociatat për statusin, por theksohet se secesioni është mënyrë e papranueshme për të fituar Kosova sovranitetin territorial.

Me rezolutë Asamblesë i propozohet konkluzioni rreth mendimit këshillëdhënës të GJND-së, ka njoftuar Ministria e Punëve të Jashtme të Serbisë, duke shtuar se ministri Vuk Jeremiq tashmë ka udhëtuar për në New York, për të biseduar me sekretarin e Përgjithshëm të KB, Ban Ki Moon.

Duke pasur parasysh faktin se Gjykata Ndërkombëtare e Drejtësisë nuk ka konfirmuar të drejtën e shqiptarëve të Kosovës për shkëputje nga Serbia, thuhet në komunikatë, në Rezolutë theksohet qartë se secesioni i njëanshëm është mënyrë e papranueshme për zgjidhjen e çështjeve territoriale.

Po ashtu, Rezoluta e Serbisë përmban thirrje që përmes dialogut të arrihet një zgjidhje e pranueshme reciprokisht për të gjitha çështjet e hapura, shton komunikata.

Rezoluta është dorëzuar pasi janë bërë konsultime me një rreth të gjerë faktorësh ndërkombëtarë, duke përfshirë edhe të gjitha vendet anëtare të Këshillit të Sigurimit të KB, njofton Blic.

Kjo gazetë njofton se gjatë qëndrimit në New York, ministri i Jashtëm Jeremiq do t’i drejtohet forumit të Lëvizjes së të Painkuadruarve dhe do të zhvillojë një numër të madh takimesh me ambasadorët e KB-së.

Mediet e Beogradit thonë se Jeremiq do t’ua bëjë të ditur bashkëbiseduesve të vet pozicionin e Serbisë pas publikimit të Mendimit këshillëdhënës të GJND-së, duke u bërë thirrje që të mbështesin Rezolutën e Serbisë dhe të refuzojnë njohjen e pavarësisë së Kosovës.

Ky është, sipas “Blicit”, teksti integral i Rezolutës së Republikës së Serbisë për KB:

“Në lidhje me pikën 77 të rendit të ditës së sesionit 64 të Asamblesë së Përgjithshme të KB-së: ‘Kërkesa që Gjykata Ndërkombëtare e Drejtësisë të miratojë Mendimin këshillëdhënës rreth asaj nëse shpallja e njëanshme e pavarësisë së Kosovës është në përputhje me të drejtën ndërkombëtare’
Asambleja e Përgjithshme,
Duke u udhëhequr nga parime që përmban Karta e Kombeve të Bashkuara,
Duke pasur parasysh funksionet dhe autorizimet e veta në bazë të Kartës së Kombeve të Bashkuara,
Duke rikujtuar rezolutën e vet 63/3 nga 8 tetori i vitit 2008,
E ndërgjegjshme se nuk është arritur ujdia ndërmjet palëve mbi pasojat e shpalljes së njëanshme të pavarësisë së Kosovës nga Serbia,
Duke pasur kujdes për faktin se secesioni i njëanshëm nuk mund të jetë mënyrë e pranueshme për zgjidhjen e çështjeve territoriale,
1. Merr në dijeni Mendimin këshillëdhënës të GJND-së, të miratuar më 22 korrik 2010 rreth asaj nëse shpallja e njëanshme e pavarësisë së Kosovës është në pajtim me të drejtën ndërkombëtare,
2. Fton palët të gjejnë zgjidhje të pranueshme reciprokisht për të gjitha çështjet e hapura përmes dialogut paqësor, në interes të paqes, sigurisë dhe bashkëpunimit në rajon,
3. Vendos të përfshijë në rendin e përkohshëm të ditës të sesionit 66 pikën me titull: “Aktiviteti i mëtejshëm pas miratimit të Mendimit këshillëdhënës të GJND-së rreth asaj se a është shpallja e njëanshme e pavarësisë së Kosovës në përputhje me të drejtën ndërkombëtare”.

[Fishtani1]

Edhe nje autogoll tjeter haha

[Disa]

Tash po don me ja be 10 - 0.

[Llapi]

BE godet me Rezolutë


Bashkimi Europian i është kundërpërgjigjur Rezolutës së Serbisë. Catherine Ashton ka qarkulluar një Rezolutë tek të gjitha shtetet anëtare të BE’së. Aty kërkohet që Asambleja e Përgjithshme e OKB’së ta pranojë vendimin e GJND’së. Rezoluta europiane inkurajon palët për bisedime, pa asnjë referencë ndaj statusit të Kosovës. Express sjell tekstin e Rezolutës.

Nga Bekim Greiçevci më 30.07.2010 në ora 8:05
Ende pa u mbushur një javë nga shpallja e opinionit të GJND’së për Kosovën, janë shkrepur të shtënat e para në betejën diplomatike rreth Rezolutës që pritet të aprovohet në Asamblenë e Përgjithshme të OKB’së, në shtator ose në fillim të tetorit.

Goditja e parë ka ardhur nga Serbia, e cila ka befasuar Bashkimin Europian, me deponimin e draftrezolutës së saj, të enjten.

Lëvizjes serbe i është kundërpërgjigjur të njëjtën ditë Bashkimi Europian.

Burime të gazetës Express kanë konfirmuar se nga Zyra e Përfaqësueses së Lartë të BE’së, Catherine Ashton, është qarkulluar Draftrezoluta për Kosovën te të gjitha misionet diplomatike të shteteve të BE’së në New York.
Për këtë aksion të Brukselit është njoftuar edhe Qeveria e SHBA’së.

Express ka siguruar një kopje të rezolutës evropiane, përmbajtja e të cilës dallon shumë nga rezoluta serbe.

Bashkimi Europian propozon që Asambleja e Përgjithshme të aprovojë opinionin e GJND’së që thotë se shpallja e pavarësisë së Kosovës nuk ka qenë në kundërshtim me të drejtën ndërkombëtare.

“E pranon me respekt opinionin këshillëdhënës të Gjykatës Ndërkombëtare të Drejtësisë, të datës 22 korrik 2010, lidhur me përputhjen e së drejtës ndërkombëtare me deklaratën e njëanshme të pavarësisë nga institucionet e përkohshme vetëqeverisëse të Kosovës, që është përgjigje ndaj kërkesës së Asamblesë së Përgjithshme”, thuhet në pikën e parë të Rezolutës.

Në pikën 2 të kësaj rezolute, në mënyrë të tërthortë inkurajohen Kosova dhe Serbia që të bisedojnë për të avancuar bashkëpunimin rajonal, ekonomik, zhvillimin demokratik, stabilitetin rajonal në përputhje me të ardhmen e tyre evropiane, por askund nuk aludohet në statusin e Kosovës.

“(Asambleja e Përgjithshme) Mirëpret synimin e palëve që të vazhdojnë progresin lidhur me bashkëpunimin rajonal, ekonomik dhe demokratik si dhe stabilitetin afatgjatë rajonal, në përputhje me perspektivën e tyre europiane”, përfundon Rezoluta e BE’së.

Burime diplomatike kanë thënë se misioneve të përhershme të shteteve të BE’së në Kombet e Bashkuara u janë dhënë disa ditë kohë që të deklarohen se a pajtohen me përmbajtjen e rezolutës.

Megjithëkëtë, të njëjtat burime vlerësojnë se një formulim i tillë i rezolutës nuk duhet të jetë problem as për pesë shtetet e BE’së që ende nuk e kanë njohur Kosovën.

Ndërkaq, sa i përket tekstit të rezolutës serbe, që në mënyrë të tërthortë bën thirrje për bisedime për statusin e Kosovës, mediat në Beograd kanë raportuar se diplomacia evropiane i ka bërë të ditur Serbisë se kjo rezolutë është plotësisht e papranueshme.

Për më tepër, e përditshmja “Blic” shkruan se Britania e Madhe i ka kërkuar Beogradit që të tërheqë rezolutën.

Sidoqoftë, gjërat pritet të ndryshojnë. Pavarësisht se edhe BE’ja, edhe Beogradi tashmë janë pozicionuar, askush nuk pret që Serbia do të përballojë presionin evropian gjatë dy muajve të ardhshëm. Brukseli do të dëshironte që Serbia të heqë dorë nga rezoluta e vet dhe të mbështesë rezolutën e BE’së.

Beteja diplomatike rreth rezolutës që bazohet në verdiktin e GJND’së për Kosovën mund të zgjasë më së shumti dy muaj. Fituesi do të dihet në gjysmën e dytë të shtatorit ose më së largu në fillim të tetorit.

[ardiana luzha]

[QUOTE=Llapi;2810413]

BE godet me Rezolutë

Bashkimi Europian propozon që Asambleja e Përgjithshme të aprovojë opinionin e GJND’së që thotë se shpallja e pavarësisë së Kosovës nuk ka qenë në kundërshtim me të drejtën ndërkombëtare.
.....Kalaveshta smarrin vesh po skan ku shkojn kane me u derzu eshe kta m...a(Serbia)

[Llapi]

Tadiq: U ngutëm ta dorëzojmë rezolutën para Kosovës

Nga Express më 30.07.2010 në ora 19:09
Presidenti serb, Boris Tadiq, ka thënë se për rezolutën për Kosovën, të cilën Beogradi zyrtar ia ka propozuar Asamblesë së Përgjithshme të KB-së, janë konsultuar me Bashkimin Evropian.

Ai ka shpalosur se Serbia është ngutur ta dorëzojë draft-rezolutën, pasi kishin informacione se edhe pala kosovare po tentonte t’ia dorëzojë rezolutën e saj Asamblesë së Përgjithshme.

“Kishte informacione se pala shqiptare ka për qëllim t’ia paraqesë rezolutën e saj Asamblesë së Përgjithshme dhe ne nuk guxuam të marrin rrezikun mbi vete të jemi propozuesit e dytë, sepse në qoftë se miratohet rezoluta e parë, atëherë nuk votohet për të tjerat. Kështu që nuk mundëm t’ia lejonin vetes që teksti ynë të mos jetë fare objekti i diskutimit”, ka deklaruar presidenti serb, për mediat serbe.

Tadiqi ka thënë se Serbia gjatë përpilimit të rezolutës ka bërë konsultime me partnerët evropianë lidhur me përmbajtjen e këtij dokumenti, dhe se me tekstin është dakord edhe Komisioni Evropian, si dhe shumica e madhe e vendeve anëtare të BE-së.

“Serbia nuk ka ndërmend, dhe nuk ka interes të vijë në konflikt me bashkësinë ndërkombëtare, por ka, si çdo shtet tjetër, linjat e saja të kuqe, dhe mendoj se kjo linja jonë e fundit është në përputhje me interesat e bashkësisë ndërkombëtare”.

Ministria e Jashtme e Serbisë, ka bërë të ditur se e ka dorëzuar një propozim-rezolutë në Asamblenë e Përgjithshme të OKB-së, ndërsa ka kërkuar nga Kombet e Bashkuara të mbështesin bisedime të reja për Kosovën, megjithë opinionin e dhënë nga GJND-ja më 22 korrik.

Në propozim-rezolutën e Serbisë thuhet se shkëputja e njëanshme nuk është një rrugë e pranueshme për zgjidhjen e mosmarrëveshjeve territoriale.
Tadiqi ka thënë se duhet të gjendet një zgjidhje që do të kënaqte edhe serbët në Kosovë.

“Ne jemi, natyrisht, të vetëdijshëm për faktin se ndoshta dy milionë shqiptarë të Kosovës nuk duan të pranojnë rendin kushtetues të Serbisë. Në anën tjetër, bota duhet të jetë e vetëdijshme për faktin se serbët në Kosovë nuk duan të jetojnë nën çatinë e të ashtuquajturit shtet sovran i Kosovës. Brenda këtij kuadri duhet të kërkohet një zgjidhje që do të sigurojnë paqen dhe zhvillimin”, është shprehur presidenti serb.

Por, ai e ka pranuar se miratimi i rezolutës në Asamblenë e Përgjithshme të KB-së nuk do të jetë fare punë e lehtë.

[Llapi]

Zv.ministrja e Punëve të Jashtme, Vlora Çitaku

Prishtinë, 31 korrik - Zyrtarë të Qeverisë së Kosovës konfirmojnë se janë duke i koordinuar veprimet me shtetet aleate lidhur me sesionin e ri të Asamblesë së OKB’së. Zv.ministrja e Punëve të Jashtme, Vlora Çitaku, i ka thënë Express-it se pas GJND-së, Asambleja e Përgjithshme si organ që ka deponuar pyetjen në GJND, duhet të miratojë edhe një rezolutë për përmbylljen e atij procesi në Gjykatë. “Ne po i koordinojmë veprimet tona me partnerët tanë ndërkombëtarë që rezoluta e cila do të miratohet nga ana e Asamblesë së Përgjithshme, të reflektojë të vërtetën dhe përmbajtjen e opinionit të GJND’së, e jo ëndrrat e së kaluarës që fatkeqësisht vazhdojnë të jetojnë në Serbi”, ka thënë Çitaku. (Foto: Petrit Prahmani)

[ARIANI_TB]

Opinioni i pritshëm i GjND-së
23 KORRIK 2010 - E Diel 14:34
Sot Gjykata Ndërkombëtare e Drejtësisë në Hagë dha opinionin e saj këshillëdhënës lidhur me kërkesën e Serbisë në formë padie nëse IPVQ-të kanë pasur të drejtë ta shpallin pavarësinë e Kosovës, e cila më pastaj u riformulua nga GjND-ja në ”A është shpallja e njëanshme e pavarësisë nga ana e IPVQ-ve në përputhje me të drejtën ndërkombëtare?”. Kjo pyetje iu parashtrua Gjykatës në dhjetor të vitit 2008.



Opinioni i GJND-së mund të përmblidhet në tri pika kryesore:



a) Shpallja e pavarësisë së Kosovës nuk e ka shkelë të drejtën ndërkombëtare.



b) Shpallja e pavarësisë së Kosovës nuk e shkelë Rezolutën 1244 të Këshillit të Sigurimit të OKB-së.



c) Kjo pavarësi nuk e shkelë Kornizën Kushtetuese për Vetëqeverisje të Përkohshme në Kosovë.



Sa i përket pikës së parë, pothuajse të gjithë analistët, politikanët e zyrtarët, e kanë interpretuar atë si bazë të ligjshmërisë së pavarësisë së Kosovës. Do të ishte mirë të ishte kështu, por kjo gjë fatkeqësisht nuk është e vërtetë. Gjykata vetëm ka shpjeguar se nuk ka norma pozitive të së drejtës ndërkombëtare të cilat e sanksionojnë shpalljen e pavarësive apo ndalimin e tyre. Konstatimi se ”shpallja e pavarësisë së Kosovës nuk e ka shkelë të drejtën ndërkombëtare”, nuk e implikon përfundimin se kjo shpallje është në përputhje me të drejtën ndërkombëtare, sepse e drejta ndërkombëtare në përgjithësi nuk i parasheh procedurat e ligjshme të krijimit të shteteve. Gjithsesi që një qëndrim i tillë është pozitiv në kuptimin e konceptimit të shtetit si fakt real. Por politikanët e Kosovës e konceptojnë shtetin vetëm si shpallje, prandaj kjo e rrezikon integritetin territorial dhe sovranitetin e Kosovës.



Pika e dytë po ashtu ka qenë e pritshme, meqë vetë pavarësia e mbikëqyrur e Kosovës sipas rekomandimit të Ahtisaarit është shpallur duke iu referuar Rezolutës 1244 të KS të OKB-së. Kjo ndodhi pasi që sponsorizuesit e rekomandimit të Ahtisaarit (ShBA-të, Britania e Madhe, Franca, Gjermania, Italia etj.) dështuan që gjatë verës së vitit 2007 ta nxirrnin një rezolutë tjetër për Kosovën, për shkak të përdorimit të vetos ruse në Këshillin e Sigurimit. Kështu që, meqë nuk arritën ta ndryshojnë, atëherë e shpallën pavarësinë e mbikëqyrur përbrenda Rezolutës 1244, duke arsyetuar se vetë kjo shpallje nuk e shkelte R1244.



Ky opinion i GjND-së do ta rikonfigurojë deri në njëfarë mase qasjen e Serbisë ndaj Kosovës. Tash Serbia nuk do të përqendrohet aq shumë në përpjekjet për rihapjen e statusit të Kosovës, megjithëse nuk do ta njoh atë, por në ndarjen e brendshme të Kosovës, ashtu sikurse në Bosnje. Kjo është arsyeja pse opinioni i GjND-së do të shfrytëzohet nga Serbia për konsolidimin e saj në veri dhe lindje të Kosovës si dhe në kërkesën e saj për negociata të reja, prej të cilave do të përpiqet fillimisht ta imponojë një status special për veriun si dhe ta krijojë një kanton autonom serb në lindje. Kosovës i kërcënohet ky rrezik real aq më tepër kur kemi në mendje udhëheqësit që e qeverisin Kosovën, të zhytur në korrupsion si dhe të shantazhueshëm nga qarqe të huaja.



Komiteti i VETËVENDOSJE!-s



për Politikë dhe Çështje Juridike