Tjetër tragjedi në SHBA ku një 34 vjeçar u fut i armatosur në ambientet e punës duke vrarë 8 persona para se të qëllonte edhe veten e tij.
Ngjarja e rëndë u regjistrua në qytetin e Mançester në Konektikat, ku Omar Thornton, afro-amerikan i cili punonte si shofer në shoqërinë e shpërndarjes së birrës, "Hartford Distributors" ishte thërritur në një mbledhje disiplinore prej eprorëve të tij.
Thornton ka hyrë në ndërtesë në një orar ndërrimi turnesh duke hapur zjarr mbi punonjësit e tjerë. Të shtënat shkaktuan vdekjen e 8 personave dhe disa të plagosur, mes të cilëve edhe njëri prej aksionarëve të firmës së shpërndarjes së birrës, një nga më të mëdhatë ne SHBA.
Pas rrethimit nga policia 34-vjeçari ka shkrepur armën edhe mbi veten e tij duke përkeqësuar bilancin e viktimave në nëntë.
Agresori, sipas dëshmitarëve, i druhej shkarkimit nga puna pasi ai më parë akuzonte shoqërinë ku punonte për diskriminim racial dhe për këtë ishte ankuar edhe tek kryebashkiaku i Mançester dhe pasi nuk ka gjetur zgjidhje ligjore ka ndërmarrë veprimin i cili çoi në një tjetër tragjedi amerikane. /Top-Channel/
Përgjigju Duke Cituar
Postuar më parë nga blueton
Krijoni Kontakt