Wikileaks

[ximi_abedini]

në intervistën dhënë revistës gjermane, Der Spiegel, menjëherë pas publikimit të 92 mijë dosjeve të fshehta të luftës në Afganistan, krijuesi i sajtit “Wikileaks”, Julian Asange, 39 vjeç, rrëfen për baraspeshën e vështirë mes interesit publik dhe nevojës për fshehtësi shtetërore dhe përse ai është i mendimit se njerëzit që gjenerojnë luftë janë shumë herë më të rrezikshëm, se ai që nxjerr fshehtësitë e luftës.

E diel 1 Gusht 2010 9:31

*Cili është motivi kryesor që ju bëri të publikonit gjithë ato dokumente sekrete për luftën në Afganistan?

Asange: Këto dokumente janë përshkrimi më gjithëpërfshirës për luftën i bërë ndonjëherë, e cila nuk ka përfunduar. Me fjalë të tjera, ata kanë ende shansin që t’i ndreqin gjërat. Janë dokumente që mbulojnë mbi 90 mijë incidente të ndryshme dhe në to jepen edhe vendndodhjet e sakta gjeografike të tyre. Është një informacion që vjen i gjithi i përmbledhur dhe që eklipson gjithë sa është thënë deri më tani për Afganistanin dhe luftën që po zgjat në këtë vend që prej nëntë vitesh. Janë dokumente që do të ndryshojnë këndvështrimin tonë për këtë luftë, jo vetëm në aspektin e luftës, por në tërësi për sa i përket të gjitha luftërave të kohëve moderne, në të cilat po jetojmë.

*A mendoni se publikimi i këtyre materialeve do të ketë ndikim në politikë-bërjen dhe marrjen e vendimeve për sa i përket luftës?

Asange: Po. Ky material hedh dritë mbi brutalitetin e përditshëm dhe ndyrësitë e luftës. Ky arkiv do të ndryshojë edhe qëndrimin e opinionit publik dhe opinionin e atyre që janë në qeverisje dhe kanë ndikim diplomatik.

*A mos vallë prisni më shumë nga ç’duhet?

Asange: Në fakt, ekziston një frymë për t’i dhënë fund luftës në Afganistan. Ky informacion nuk është i vetmi që do të ketë ndikim për sa i përket përfundimit të luftës dhe sigurisht që nuk mund ta ndryshojë situatën i vetëm, por me siguri që do të ndikojë në ndryshimin e gjërave në një mënyrë të ndjeshme.

*Materialet përmbajnë fshehtësi ushtarake dhe emra të burimeve. Mendoni se publikimi i tyre do të vërë në rrezik jetë njerëzish, atë të trupave ndërkombëtare që ndodhen në terren dhe kryejnë ende misionin e tyre?

Asange: Dosjet e Kabulit nuk përmbajnë informacione për lëvizjen aktuale të trupave në terren. Burimi nga i cili i morëm, kreu një kontroll paraprak dhe më pas edhe ne, para se t’i publikonim materialet, jemi siguruar që ato nuk shkaktojnë asnjë dëm apo ndikim negativ. Ne e kuptojmë rëndësinë e mbrojtjes së burimeve të besueshme dhe e kuptojmë edhe rëndësinë e mbrojtjes së burimeve të trupave amerikane dhe atyre të koalicionit.

*Çfarë keni bërë specifikisht për të minimizuar një dëm të mundshëm?

Asange: Kemi identifikuar rastet kur një material, nëse publikohej, mund të dëmtonte persona, apo veprime të caktuara në terren. Të gjitha dokumentet janë parë një për një me këtë sy dhe gjithçka është e regjistruar dhe dokumentuar.

*A ka në këto dokumente ndonjë fakt që ju e konsideroni si sekret shtetëror?

Asange: Sekreti shtetëror mbështetet mbi një ligjshmëri të caktuar dhe mbi të njëjtën ligjshmëri duhet të mbështetet edhe e drejta e informimit të publikut dhe transparenca e fakteve. Për fat të keq, ata që kryejnë abuzime ndaj njerëzimit ose shkelin ligjin e gjejnë shumë lehtë legjitimitetin për të fshehur krimet e tyre përmes fasadës së “sekretit të shtetit”. Njerëzit që i përkasin së mirës dhe që kanë një ndërgjegje, i kanë demaskuar gjithmonë abuzimet edhe duke vënë në rrezik gjëra personale. Nuk është sajti im, pra “Wikileaks”, që vendosi rrëfimin e së vërtetës të hidhur të luftës, por është një disident, apo kundërshtar që pati kurajën ta bëjë një gjë të tillë. Puna jonë ishte që ky individ të mbrohej dhe të mbrohet për guximin që pati dhe ndërkohë publiku të informohet dhe historia të mos shtrembërohet.

*Por në fund është gjithmonë dikush që merr vendimin përfundimtar për publikimin apo jo të një materiali. Kush vendos për këto kritere. “Wikileaks” e konsideron veten një mjet të së vërtetës dhe lirisë së informimit, por nga ana tjetër, nuk është transparente në lidhje me vendimet e saj për sa i përket publikimit...

Asange: Kjo është qesharake. Ne jemi mjaftueshëm të qartë për atë që duhet të publikojmë dhe për atë që nuk duhet. Ne i botojmë artikujt tanë ashtu siç na vijnë nga burimi. Ku keni dëgjuar për transparenca të plota edhe në organe dhe organizata të tjera mediatike? Mendoj se ne jemi shumë përpara medieve të tjera dhe të tjerët duhet të marrin shembull.

*Çështja ka të bëjë se është shumë e vështirë që t’i kërkosh llogari “Wikileaks”, apo ta bësh përgjegjëse. Ju operoni me një sistem serverësh që ndodhen në shumë vende të botës që ju ofrojnë mbrojtje. A mos vallë e konsideroni veten që qëndroni mbi ligjin?

Asange: “Wikileaks” nuk ekziston në hapësirë. Ne jemi të gjithë njerëz që gjendemi në tokë, në vende të caktuara, që kanë ligje të caktuara. Jemi sfiduar ligjërisht në shumë vende dhe kemi dalë fitimtarë ndaj çdo sfide. Janë gjykatat ato që vendosin për ligjin, jo korporatat apo gjeneralët. Ligji, siç shprehet nga Kushtetuta dhe gjykatat, ka qenë gjithmonë në anën tonë.

*Ju keni thënë se ka një lidhje mes transparencës për të cilën ju luftoni dhe një shoqërie të drejtë. Çfarë nënkuptoni më qartësisht me këtë?

Asange: Reforma ndodh vetëm kur padrejtësitë pasqyrohen dhe bëhen publike. Për të kundërshtuar një plan të padrejtë, para se ai të zbatohet, kjo është një nga masat më efikase për t’i shërbyer drejtësisë.

*Gjatë luftës së Vietnamit, Presidenti amerikan, Nixon e quajti një herë Daniel Elsberg, personin që nxori dokumentet komprometuese nga Pengatoni, si njeriun më të rrezikshëm në Shtetet e Bashkuara. Ju sot jeni më i rrezikshmi, apo më i rrezikuari njeri në planet?

Asange: Njerëzit më të rrezikshëm janë ata që marrin vendimin për hapjen e luftërave dhe ata duhen ndaluar. Nëse puna që bëj për t’i ndaluar më bën të rrezikshëm në sytë e tyre, atëherë ky është problemi i tyre.

*Ju keni nisur një kompani në “Silicon Valley” dhe keni jetuar në një shtëpi në Palo Alto me pishinë. Përse vendosët që t’i përkushtoheshit projektit të “Wikileaks”?

Asange: Të gjithëve ne na jepet veç një jetë, ndaj kemi për detyrë që ta përdorim çdo sekondë të saj me diçka të dobishme dhe të kënaqshme. Puna me të cilën merrem është e dobishme dhe më jep kënaqësi. Ky është temperamenti im. Më pëlqen të krijoj sisteme të mëdha dhe të ndihmoj njerëzit e pambrojtur. Më pëlqen tua shtyp kokën bastardëve. /Der Spiegel/express/

[ximi_abedini]

SHBA-të kërkojnë që Wikileaks t'i kthejë arkivat sekrete

Pentagoni i kërkoi faqes informative të internetit Wikileaks "t'i kthejë menjëherë" mijëra dokumentet sekrete për Afganistanin që ka siguruar dhe t'i heqë ato prej saj, njoftoi zëdhënësi i saj Geoff Morrell.

"Departamenti i Mbrojtjes kërkon që Wikileaks t'i kthejë menjëherë qeverisë amerikane të gjitha dokumentet e marra drejtpërdrejt dhe në mënyrë të tërthortë nga baza të dhënash të Departamentit të Mbrojtjes dhe t'i fshijë ato nga faqet, kompjuterët dhe arkivat e saj", bëri të ditur ai në një konferencë shtypi.

"Publikimi nga Wikileaks i një numri të madh të dokumenteve tona i ka vënë tashmë në rrezik trupat tona, trupat aleate dhe qytetarët afganë që punojnë me ne dhe publikimi i informacioneve të tjera sekrete vetëm sa mund ta keqësojë situatën", shtoi ai, ndërkohë që faqja e internetit njoftoi se parashikon të publikojë 15 000 dokumente të tjera.

Faqja e internetit Wikileaks, e krijuar në vitin 2006 dhe e specializuar për zbulimin, ka publikuar tashmë përpara rreth 10 ditëve afro 92 000 arkiva sekrete që japin më tepër të dhëna rreth luftës në Afganistan, me të dhëna rreth viktimave civile dhe rreth lidhjeve të supozuara mes Pakistanit dhe rebelëve.

Publikimi i këtyre dokumenteve ka sjellë kritika të ashpra nga Shtëpia e Bardhë, Pentagoni dhe nga Presidenti afgan Hamid Karzai.

[Muhamer]

Wikileaks trondit Uashingtonin - Dokumenta të reja sekrete gati për botim në faqen e internetit
Qeveria amerikane është e shqetësuar shumë për mundësinë e botimit të dokumentave të reja sekrete në Wikileaks. Wikileaks ka paralajmëruar kësaj here botimin e dokumentave për Ministrinë e Jashtme Amerikane.


E premte 26 Nëntore 2010 22:51

Në Uashington po mbretëron nervozizëm i madh, sepse sipas parashikimeve të qeverisë amerikane të premten (26.11.) pritet të botohen dokumente të tjera sekrete në faqen e internetit "Wikileaks". Rreth 100.000 dokumenta të reja sekrete. Kësaj radhe fjala është për dokumenta që kanë të bëjnë me punën e rreth 300 ambasadave amerikane në mbarë botën dhe në radhë të parë për ato në Evropë. Qeveria e Obamës ka frikë se do të botohen dokumente për bisedat e besueshme me diplomatët evropianë dhe të tjerë.

Thirrja - "Irresponsible!" - "E papërgjegjshme!"

Kështu thërrasin përfaqësues të qeverisë amerikane, ende pa u botuar këto dokumente. Ata kanë frikë se botimi i të dhënave nga "Wikileaks" do të shkaktojë tendosje në raportet mes amerikanëve dhe aleatëve. Përveç kësaj, në Ministrinë e Jashtme kanë frikë se diplomatët amerikanë do të përballen me probleme të shumta, ndërkohë që punëtorët e shërbimeve sekrete në ambasada mund të dëbohen nga këto vende.

Rrjeti televiziv CNN njofton se bashkëpunëtorë të ministres Hillary Clinton nga ambasadat në të gjitha vendet e botës kanë kërkuar që komunikimi i tyre elektronik me Uashingtonin në periudhën prej vitit 2006 deri 2009 të pastrohet nga përmbajtja sekrete, në mënyrë që këto të dhëna eventualisht të mos botohen në "Wikileaks". Qeveria më parë duhet vetë të njoftojë aleatët për këto të dhëna, para se të bëhen publike në këtë faqe interneti.

Frika ka një shkak shumë konkret, sepse në gjashtë muajt e fundit autoritetet amerikane kanë marrë në pyetje në bazën ushtarake në Virginia njeriun për të cilin mendojnë se është informanti kryesor i "Wikileaks-it", specialistin e kompjuterave në ushtrinë amerikane Bradley Manning. Nga këto bisedime mund të paramendohet se çfarë do të botohen.

Amerikanët në alarm

"Wikileaks" rrezikon jetën e amerikanëve dhe u jep kundërshtarëve të SHBA-së informata të rëndësishme." Kështu paralajmëronte admirali Mike Malln, pas botimit të dokumenteve të mëparshme. Ministria e Mbrojtjes ka dyfishuar numrin e ekspertëve të vet që merren me zbutjen e gjendjes rreth dokumenteve të botuara në "Wikileaks". Kjo sepse shumë spiunë të Pentagonit punojnë në sigurimin e ambasadave dhe kanë frikë që emrat e tyre të bëhen publik. Pentagoni bën të ditur se dokumentet e ardhshme do të mund të lexohen jo vetëm në "Wikileaks", por edhe në gazetat "Der Spiegel", "New York Times" dhe "Guardian". Këto gazeta kanë bashkëpunuar edhe me rastin e botimit të rreth 400.000 protokoleve të ndryshme për luftën në Irak, në qershor të këtij viti./dw/

[EDLIN]

Wikileaks, përfshihet edhe Shqipëria27/11/2010 18:45

Në dokumentat sekrete të Wikileaks që parashikohet të publikohen së shpejti përfshihet edhe Shqipëria, më saktësisht prapaskenat e marrëdhenieve diplomatike mes vendit tonë dhe Greqisë.
Lajmi njoftohet nga burime pranë Ministrisë së Jashtme greke sipas të cilave ambasadori helen në Uashington ka paralajmëruar Ministrin e Jashtëm grek, Drucas për rrjedhjen e këtyre dokumenteve të cilësuara si të klasifikuara.

Dokumentet pritet të nxjerrin në pah fakte tronditëse në lidhje me marrëdheniet mes Tiranës dhe Athinës, për rolin e Greqisë në jug të Shqipërisë dhe për paktin ujor mes dy vendeve që u rrëzua pak muaj më parë nga Gjykata Kushtetuese në Tiranë.

Në dokumenta përfshihen edhe dosjet sekrete të marrëdhenieve mes Greqisë dhe disa shteteve të tjera.

Ndërkohë, Ministri i Jashtëm grek, Drucas ka kërkuar sqarime se si kanë përfunduar në duart e SHBA-së informacione të klasifikuara si “top secret” nga qeveria greke.

http://www.top-channel.tv/artikull.p...8688&ref=lajme

[logjik]

Në dokumentet sekrete të Wikileaks, që parashikohet të publikohen së shpejti, përfshihet edhe Shqipëria, më saktësisht prapaskenat e marrëdhënieve diplomatike mes Shqipërisë dhe Greqisë.
Lajmi njoftohet nga burime pranë Ministrisë së Jashtme të Greqisë, sipas të cilave, ambasadori grek në Washington ka paralajmëruar ministrin e jashtëm grek, Dimitros Drucas për rrjedhjen e këtyre dokumenteve të cilësuara si të klasifikuara, njoftoi Top Channel.

Dokumentet pritet të nxjerrin në pah fakte tronditëse në lidhje me marrëdhëniet mes Tiranës dhe Athinës, për rolin e Greqisë në jug të Shqipërisë dhe për paktin ujor mes dy vendeve që u rrëzua pak muaj më parë nga Gjykata Kushtetuese në Tiranë.

Në dokumente përfshihen edhe dosjet sekrete të marrëdhënieve mes Greqisë dhe disa shteteve të tjera.

Ndërkohë, ministri i jashtëm grek, Drucas ka kërkuar sqarime se si kanë përfunduar në duart e SHBA-ve informacione të klasifikuara si “top secret” nga qeveria greke. /Telegrafi/

[MafiaWarz]

Wikileaks, përfshihet edhe Shqipëria27/11/2010 18:45

Në dokumentat sekrete të Wikileaks që parashikohet të publikohen së shpejti përfshihet edhe Shqipëria, më saktësisht prapaskenat e marrëdhenieve diplomatike mes vendit tonë dhe Greqisë.
Lajmi njoftohet nga burime pranë Ministrisë së Jashtme greke sipas të cilave ambasadori helen në Uashington ka paralajmëruar Ministrin e Jashtëm grek, Drucas për rrjedhjen e këtyre dokumenteve të cilësuara si të klasifikuara.

Dokumentet pritet të nxjerrin në pah fakte tronditëse në lidhje me marrëdheniet mes Tiranës dhe Athinës, për rolin e Greqisë në jug të Shqipërisë dhe për paktin ujor mes dy vendeve që u rrëzua pak muaj më parë nga Gjykata Kushtetuese në Tiranë.

Në dokumenta përfshihen edhe dosjet sekrete të marrëdhenieve mes Greqisë dhe disa shteteve të tjera.

Ndërkohë, Ministri i Jashtëm grek, Drucas ka kërkuar sqarime se si kanë përfunduar në duart e SHBA-së informacione të klasifikuara si “top secret” nga qeveria greke.

http://www.top-channel.tv/artikull.p...8688&ref=lajme

Qoja ni sms tregoj qe si thojne Amerik asaj veq per shaka

[ximi_abedini]

Bien serverat e Wikileaksit
Në ditën kur Wikileaks, faqja e internetit që po trondit qeveritë më të mëdha në botë, njoftoi për publikimin e dokumenteve sekrete që tregojnë marrëdhëniet e “fshehta” mes qeverive të ndryshme, serverat e saj janë bërë të paarritshëm.

E diel 28 Nëntore 2010 20:37

Wikileaks zakonisht shkon off-line pak orë para publikimit të dokumenteve sekrete për t’u dhënë kohë ngarkimit të tyre. Por, ditën e sotme në internet qarkullojnë hipoteza të ndryshme, nga ajo e mbingarkesës për shkak të klikimeve të shumta e deri të ajo e një sulmi të mundshëm të hakerave, hipoteza këto që gjithsesi mbeten për t’u vërtetuar.

Ndërkohë, ende nuk dihet vendndodhja e themeluesit të Wikileaks, Julian Assange. Dalja e fundit e tij ka qenë me anë të një video-konference në Aman të Jordanisë.

“Nuk mund të jem aty me ju dhe jam i detyruar të adresoj këtë mesazh me anë të kësaj videoje. Jordania nuk është vendi perfekt kur ke CIA-n që të është vënë pas”, deklaroi Assange në videon e tij për gazetarët hetues në Jordani./koha/

[ximi_abedini]

WikiLeaks tha se është nën sulm të vazhdueshëm të faqes së internetit, por kjo nuk do ta pengojë në publikimin e dokumenteve amerikane të klasifikuara.

Mesazhi është dhënë përmes rrjetit social Twitter, vetëm disa orë para publikimit masiv të dokumenteve.

WikiLeaks ka insistuar se gazetat spanjolle, franceze, gjermane, britanike, por edhe amerikane, që kishin planifikuar të publikonin informacionet të dielën në mbrëmje, do ta bëjnë këtë, edhe nëse bie website i WikiLeaks.

“El Pais, Le Monde, Spiegel, Guardian dhe Neë York Times do të publikojnë shumë dokumente të ambasadave amerikane sot”, thuhet në mesazh.

Më herët, shefi i WikiLeaks, Julian Asange, tha se dokumentet do të mbulojnë çështje madhore të çdo vendi në botë.

Ndërkohë, Shtetet e Bashkuara të Amerikës përjashtuan bisedimet me WikiLeaks mbi publikimin e planifikuar të dokumenteve te klasifikuara amerikane.

[☆Angie☆]

wikileaks.org është vënë në 'heshtje'. Serveri është sulmuar.

Spiegel sapo ka botuar disa prej artikujve, në të cilët, ndër të tjerash, tregohet me ç'sy i sheh USA funksionarët e shtetit gjerman. Për kancelaren thuhet se 'është pak krative' dhe se 'shmang rreziqet'. Shefi i CSU-së, Horst Seehofer karakterizohet si ' i paparashikueshëm' kurse Ministri i Jashtëm, Guido Westerwelle si 'agresiv'

Interesante është edhe çfarë thuhet për Turqinë. Thuhet që 'Nën qeverisjen e Erdoganit dhe bandës së këshilltarëve të tij jokompetent , vendi gjendet në rrugën drejt një të ardhmeje islamike dhe është i humbur për Europën' .

Kush na siguron ndonjë raport që zbardh aferat e pista greko-shqiptare për ndarjen e ujrave detare?

[Bamba]

E pra, po ju zune syte nai llaf ku eshte Shqiperia mbrena, silleni!