Wikileaks

[Qyfyre]

Nuk mundemi me dit se per c'fare arsye na ndihmoi ne shpalljen e pavarsis.
Ku me dit se c'fare perfitimi ka prej pavarsis, hajt t'iiiiiii...

Nese kishit hall se Amerika do prfitonte dicka, i duhej thene NUK DUAM NDIHME qe atehere. Nuk pranohet ndihma dhe pastaj i thuhet atij qe te ndihmoi, qe na ndihmove per interesin tend.

[Qyfyre]

Ka dale ndonje dokument tjeter inetersant?

[bindi]

Wikileaks: Ja objektet vitale për sigurinë amerikane
06/12/2010 12:00

Një listë e gjatë objektesh të rëndësishme në të gjithë botën qe konsiderohen vitale për sigurinë kombëtare të Shteteve të Bashkuara u publikua nga Wikileaks.

Sipas dokumenteve të fundit humbja e tyre do të ketë një ndikim të fortë në shendetin publik, sigurinë ekonomike dhe atë kombëtare. Në këtë liste përfshihen pika strategjike te infrastruktures, naftësjelles, miniera e kobaltit në Kongo, fabrika e prodhimit të antihelmit të gjarprit në Australi apo ndërmarrja e prodhimit të insulinës në Danimarkë.

Sipas ekspertëve ky përbën një prej dokumenteve me të debatueshem të bërë publike nga organizata e themeluar prej Julian Assange.Në këtë listë janë rreshtuar edhe disa objekte të rëndësishme në Britaninë e Madhe, perfshire edhe vende te komunikimit të sateliteve.

Për këtë arsye gazeta britanike “Times” në Londër publikoi raportin “Wikileaks, radhit objektivet per terrorin kundër Shteteve te Bashkuara”. Nyja e gazjellesit Nadym në perendim të Siberisë është përshkruar si impianti i gazit me i rendesishem ne bote. Eshte nje pike e kalimit të gazit rus drejt vendeve të Europës Perendimore. Gazeta britanike ngre pyetje: A mos eshte kjo nje liste e objektivëve potencial qe mund te perdoret nga terroriste?. Kabllogramat e Ëikileaks, ne te shumten e rasteve, permendin qytetet dhe jo adresat e rrugeve. Nuk jepen detaje te masave te sigurise ne keto objekte. Kjo, natyrisht, nuk pengon askend qe ka akses ne Internet, per te mesuar me shume. Per shume qeveri, publikimi i ketij dokumenti eshte nje zhvillim krejt i panevojshem. Per shume politikane dhe eksperte sben gje tjeter vecse u tregon terroristeve, thembren e Akilit, te Shteteve te Bashkuara.

[bindi]

Assange: Obama të japë dorëheqjen
06/12/2010 11:30

Krijuesi i Wikileaks, Julian Assange thote se gjeopolitika do të ndahet, në atë të para dhe pas “skandalit te kabllogrameve”. (UPDATE)

Në një interviste përmes internetit me gazetën spanjolle “El Pais”, ai thote se orët e fundit për të kanë qenë të rënda, të lodhshme. Një mori kërcënimesh që vijne nga njerezit prane ushtarakeve amerikane, jo vetem kunder tij por ndaj avokateve dhe femijeve, por keta te fundit, sic thote ai "nuk dua t’i permend per te mos inkurajuar askend".

Gjate kesaj interviste ai thote qe presidenti amerikan, Barak Obama duhet të jape doreheqjen.

“Ai duhet te pergjigjet nese ishte ne dijeni te ketij urdhri te paligjishem - thotë Assange.- Nëse ai nuk pranon apo ka fakte qe flasin per perfshirjen e tij, atehere, presidenti amerikan duhet te jape doreheqjen”.

Pyetjes nese ai do te dale ne publik dhe do te flase me autoritetet suedeze perfshire dhe prokuroret, themeluesi i Wikileaks nuk i jep nje pergjigje.Ai thote se organizata pavaresisht javes se veshtire, vazhdon te jete e forte dhe ka plot mbeshtetje ashtu sic ka dhe sulme ne forma te ndryshme, nje prej te cileve dhe ai elektronik.

‘Cable Gate’ apo ‘skandali i Kabllogrameve’, sipas tij, eshte rrjedhja me e madhe e informacionit te publikuar ndonjehere me 265 milione fjale.

“Eshte shume me domethenese se dokumentet e Pentagonit, - sic thote ai.

[PrisHtiNa-Lee]

Oh wikileaks i leshit, na sjell ndonje lajm interesant se me keto na mbytet fare.

[bindi]

Wikileaks zbulon planin për rajonin Balltik
07/12/2010 09:40

SHBA dhe NATO kanë hartuar një sërë planesh për të mbrojtur vendet e rajonit Balltik nga Rusia. Kështu thotë një dokument i fundit i publikuar nga Wikileaks.

Dokumentat, e publikuara në të përditshmen “The Guardian”, zbulojnë plane për të zgjeruar strategjinë e mbrojtjes duke përfshirë edhe Estoninë, Latvinë dhe Lituaninë.

Wikileaks vazhdon të publikojë qindra dokumente diplomatike, duke acaruar gjithmonë e më shumë qeverinë e Shteteve të Bashkuara.

Ndërkohë, një urdhër-arrest ndërkombëtar për Assange ka mbërritur sot në duart e autoriteteve në Britaninë e Madhe.

Themeluesi i faqes më të përfolur të internetit dyshohet se fshihet diku në Angli dhe se po përgatitet të bisedojë kokë më kokë me oficerët e Scotland Yard.

[bindi]

Wikileaks, Medvedev: Publikimi i dokumentave dëshmon cinizmin e diplomacisë së SHBA

Presidenti rus Dimitri Medvedev i ka cilësuar kabllogramat e diplomacisë amerikane si cinike, por ka shtuar se kjo nuk do të dëmtojë seriozisht marrëdhëniet mes dy vendeve. Medvedev, i cili ishte përshkruar në një nga mesazhet si Robin, kur Batmanin e luan Putin, ka qortuar Shtetet e Bashkuara për katastrofën diplomatike të shkaktuar nga Wikileaks, por ka shmangur kritikat e ashpra.

Medvedev ka folur në krah të kryeministrit italian, Silvion Berluskoni në resortin jugor të Rusisë, Krasnaya Polyana. Ky i fundit, nga ana e tij, ka hedhur poshtë pohimet e Wikileaks për lidhjet e tij me Moskën dhe ka shtuar se ai personalisht asnjëherë nuk ka përfituar nga kontaktet e veta.

Berluskoni ka shtuar se kabllogramat nuk kanë ndonjë rëndësi të madhe dhe ka nënvizuar se ato nuk do të dëmtojnë marrëdheniet mes vendeve që përmenden.

Ndërkohë në takimin Berluskoni- Medvedev është vënë theksi në marrëveshjen e re për sigurinë europiane, dhe dy liderët kanë vënë në dukje nevojën e bashkëpunimit. Presidenti rus ka theksuar se nëse bisedimet për bashkëpunimin rajonal në fushën e mbrojtjes nuk do të nisin shpejt, mund të shkaktojnë probleme në të ardhmen.

[Drit7]

drejtuesin e wikileaks e kan kap per veshi sot policia Angleze dhe do dergohet ne Sweden per tu gjyku per perdhunim...e hongri kallinin..

[bindi]

Londër, Britania arreston Julian Assange

07.12.2010


LONDER- Themeluesi i Wikileaks, Julian Assange është arrestuar nga policia britanike në Londër bazuar mbi një urdhërarresti evropian. Assange akuzohet nga Suedia për krime seksuale, por vetë 39 vjecari nga Australia ka mohuar akuzat. Scotland Yard bëri të ditur se Assange u arrestua me një mandat arresti europian në një rajon policie të Londrës sot në mëngjes në orën 08 30. Ai do të dalë para gjykatës gjatë ditës.

Avokati i themeluesit të Wikileaks thotë se akuzat e ngritura ndaj klientit të tij janë sajesë për t’i mbyllur gojën Wikileaks e cila publikoi 250 mijë dokumente, apo korrespondenca, të shkëmbyera mes Departamentit Amerikan të Shtetit dhe 270 ambasadave amerikane në të gjithë botën.

[bindi]

Hackerat sulmojnë sitet anti-Wikileaks
07 .12. 2010

Tashmë përballjet kanë mbetur në duart e hackerave të të dyja palëve, pas sulmit që vijoi mbi faqen Wikileaks, e cila po publikonte raportet sekrete të Departamentit të Shtetit Amerikan, ka ardhur kundër reagimi i palës tjetër.
Një grup hackerash, në mbeshtetje të Julian Assange, ka organizuar një sulm informatik kundër PayPal dhe Postfinance, te cilët bllokuan mundësinë e financimeve që kryeshin online, në mbështetje të organizatës Wikileaks

Në një lajmërim të hackerave në faqen Twiter, ”Banka zviceriane (PostFinance) që ka mbyllur llogaritë e Wikileaks, u bllokua sot me anë të një sulmi DDOS attack (ky lloj sulmi mbingarkon me kërkesa serverin, i cili bllokohet dhe nuk funksionon dot, i njëjti sulm është bërë edhe kundër faqes Wikileaks gjatë gjithë kësaj kohe që është folur për informacionet që ajo zoteron)”.

Pak orë me parë, një tjetër sulm ishte kryer ndaj PayPal (Ky sistem mundëson pagesat dhe blerjet online). Sulmi u quajt “Operation Playback” (Operacioni Larje Hesapesh). Ndërkohë, që të dyja këto shoqëri nuk e kanë konfirmuar ende sulmin ndaj faqeve të tyre.

Në Twiter, grupi i hackerave kishte lajmëruar paraprakisht sulmin, duke ftuar të gjithë pjesëmarrësit e grupit, që të organizoheshin dhe të sulmonin në orën e caktuar, këto dy siteme.
Operation Playback (Operacioni Larje Hesapesh), është një grup hackerash të organizuar për mbrojtjen e piraterisë informatike, pra për rastet kur nuk lejohen shkarkimet me anë të “Torrent” dhe programeve të tjera P2P. Ata kanë dalë në mbrojtje të organizatës Wikileaks duke “denuar” keto dy shoqëri që bllokuan llogaritë e organizatës.

Ndërkohë një grup tjetër financiar, si ai i Mastercard, ka bllokuar mundësinë e transferimit të parave në mbështetje të organizatës Wikileaks. Kjo e fundit, për të mbajtur aktive dhurimet financiare që vijnë nga e gjithë bota dhe që i mundësojnë mbijetesën dhe shpenzimet ligjore për lirimin e krijuesit të saj, Julian Assange, ka dalë me një slogan të ri, ”Na mbani të fortë”.

Ne na mbetet të bejme analizat tona dhe të vështrojmë se si ka evoluuar “sheshi” i përballjeve. Tashmë komunikimi është kthyer në kode dhe kriptime, që sa do larg, kanë mbërthyer botën tonë.