A duhet te vazhdoje bashkpunimi ne fushen e sigurise me Rusine?!

[sabah08]

Koha dhe historia ka treguar se Rusia eshte nje nga armiqte e shumte te kombit shqiptar.Si per cudi edhe pas shembjes se sistemit komunist ne shqiperi por edhe ne shumicen e vendeve te botes vazhdon bashkpunimi i ngushte i strukturave shteterore shqiptare me Rusine ne shume fusha,sidomos ne pergatitjen e diplomateve shqiptar dhe me absurdja qe mund te ekzistoje edhe ne fushen e sigurise.Kjo ndodh edhe sot qe shqiperia eshte antare e paktit te
Atlantikut verior NATO.Se cilat jane pasojat e ketij bashkepunimi cdo kush mund ta vleresoje sipas kendveshtrimit te tij.Por pas deklarates se ambasadorit shqiptar në Federatën Ruse, Sokol Gjoka ka pasur reagime deri edhe nga strukturat drejtuese te NATO-s,per rrjedhje informacioni sekret.Pritet te dalin dekonspiruesit e ketyre informacioneve .Per mendimin tim qeveria shqiptare dhe strukturat e saj duhet qe te rishikojne te gjitha marveshjet me qeverine Ruse,aq me teper qe ajo eshte nje nga kundershtaret e njohjes se Kosoves dhe mbeshtetesi kryesor i Serbise ne kete lufte diplomatike dhe me gjere.Per me shume informacion eshte artikulli ne vijim:

"TIRANE- Ambasadori shqiptar në Federatën Ruse, Sokol Gjoka ka deklaruar gjatë një takimi në Moskë se një pjesë e mirë e diplomatëve shqiptarë trajnohen në Rusi. Gjoka ka folur gjatë një tryeze në universitetin MGIMO në datën 25 shkurt të këtij viti. Në këtë takim, Gjoka pohoi edhe bashkëpunimin Shqipëri-Rusi në fushën e sigurisë dhe të shërbimeve sekrete. “Në Shqipëri është krijuar një traditë e mirë, që i dërgojnë diplomatët e ardhshëm për mësim në MGIMO, dhe keta diplomatë janë sot disa ambasadorë shqiptarë në vende të ndryshme”, tha Gjoka gjatë takimit me studentë dhe diplomatë në Universitetin MGIMO të Ministrisë së Jashtme Ruse.

Nuk dihet se në ç’fusha është shtrirë bashkëpunimi mes dy qeverive dhe trajnimi i diplomatëve shqiptarë, por ambasadori Gjoka ka deklaruar se marrëdhëniet mes dy vendeve janë të qëndrueshme. Në të njëjtin takim Gjoka lëshoi deklaratën “bombë” se Shqipëria dhe Rusia bashkëpunojnë në fushën e shërbimeve sekrete. Ambasadori pohoi madje se ka patur edhe veprime operacionale të përbashkëta, por pa e specifikuar se cilat ishin këto operacione. “Një nga drejtimet e bashkëpunimit aktiv ndërkombëtar të Shqipërisë, dhe me Federatën Ruse, përfshin kooperimin e shërbimeve inteligjente, shkëmbimin e informacionit dhe veprimet operative konkrete”, deklaroi ai para studentëve dhe zyrtarëve të MPJ-së ruse. Dihet që kjo deklaratë shkaktoi një furtunë në Tiranë, por jo vetëm.

Qëndrimi i ambasadorit u publikua në momentin kur në qarqet politike flitet se diplomatë të caktuar i kanë shitur informacione sekrete të NATO-s, vendeve jo anëtare të organizatës. 24 orë pas publikimit të deklaratave të Gjokës, ambasadori shqiptar pranë NATO-s në Bruksel, Artur Kuko, ka telefonuar menjëherë në qeveri, pikërisht në Drejtorinë e Sigurimit të Informacionit të Klasifikuar (DSIK). Burime nga DSIK pohojnë për “GSH” se ambasadori shqiptar ka kërkuar informacione të qarta, të kërkuara prej tij nga partnerët e NATO-s, nëse vërtet pohimi i ambasadorit shqiptar në Rusi për operacione të përbashkëta dhe veprime konkrete mes dy shërbimeve informative, kanë qenë ose jo të vërteta. Menjëherë pas kësaj, nga DSIK është nisur një shkresë urgjente në zyrat e Shërbimit Informativ të Shtetit (SHIK). Brenda 24 orëve të ardhshme Shërbimi Informativ Shtetëror i ktheu përgjigje DSIK-së se vperime të përbashkëta me Rusinë ka patur, por asnjë institucion nuk ka deklaruar se dyshon për rrjedhje informacioni sekret. Letra, me firmën dhe vulën e SHISH-it, është përcjellë me vula dhe firma të tjera të DSIK-së, në zyrat shqiptare të NATO-s në Bruksel, për t’u informuar më pas partnerët e NATO-s. Ajo që tashmë dihet me siguri, është se deklarata e ambasadorit shqiptar në Rusi, Sokol Gjoka, ka zgjuar edhe njëherë vëmendjen e partnerëve ndërkombëtarë.
(BalkanWeb)"



Mendimi juaj per kete ceshtje.