Poezi per mikun Toni Bler

[Andi Ballshi]

Ejup Ceraja: Do të thadrohesh në kujtesën tonë

E Enjte, 08-07-2010, 09:42pm (GMT+1), te Zemra Shqiptare

Këtu Andi Ballshi

Ejup CERAJA

DO TË THADROHESH NË KUJTESËN TONË
(Toni Blerit – ditën e largimit...)*

Me Ty e Bill Klintonin në ballë
Filloi një epokë e re
Lindën shkëndijëza drite
Lindën rreze edhe për ne.

Ti ishe i buzëqeshur
Ngado shkoje e veje
Me sjelljet tua
Shpirtin na ushqeje.

Ashtu sikur bletët
Që e mbledhin nektarin
Ashtu na e thadrove
Në shpirt e zemër zarin.

Ti e mbrojte kauzën tonë
Në mënyrën më fisnike
Si malësorët tanë besën
Në bjeshkët tona epike.

Veprën Tënde madhore
Në zemër e kemi ndry
Do të na rëndojë plumb
Kujtimi ynë për Ty.

Ti për Anglinë tënde
Kudo i prive namit
O, stërnipi i Bajronit
Dhe i Mis Edit Durhamit!

Për Ty ne të gjithëve
Do të na ndizen xixa stralli
Gurë mulliri në zemër
Në shpirt male malli.

Vepra Jote dhe e Bill Klintonit
Zemrat si eshka na i ndezi
Do t’Ju jemi mirënjohës
Për jetë brez pas brezi.
27 qershor 2007
_______________________
(* Për nder të vizitës së dytë Republikës së Kosovës të të Nderuarit Toni Bler, e enjte 8 korrik 2010