Jozefina Topalli nderohet me “Çmimin e Mesdheut”

[Nice_Boy]

Kryetarja e Kuvendit të Shqipërisë, Jozefina Topalli, është nderuar me "Çmimin e Mesdheut", nga Forumi Mesdhetar për Paqen, gjatë një ceremonie zhvilluar mesditën e sotme në Capri të Italisë.

Motivacioni i dhënies së këtij çmimi për kryeparlamentaren e Shqipërisë lidhet me karrierën e saj shumëdimensionale dhe akademike në Parlament që nga viti 1997.

Kryetare e Kuvendit të Shqipërisë që nga viti 2005, shumë aktive në mbrojtjen e të drejtave të grave dhe fëmijëve, Topalli është angazhuar dukshëm në përpjekjet që vendi ka bërë për anëtarësim në NATO dhe aktualisht në funksion të anëtarësimit në Bashkimin Evropian.

Kryetarja e Kuvendit të Shqipërisë tha se “ky çmim është për vendin tim".

Topalli është gruaja e dytë që e merr këtë çmim, pas kancelares së Gjermanisë, Angela Merkel. /Telegrafi/

[chino]

E meriton, eshte e perplote ne cdo aspekt ne poziten qe ka.
Paskan shije te mire italianet : D