Aplikim për vizë në SHBA

[Anesti_55]

Kerkoj te bej nje aplikim per vize ne SHBA, por shoh qe na faqen e ambasades nuk ka data te lira e kjo dhe nje muaj me pare.Si shpjegohet .Si mund te merret qofte dhe nje informacion?

[BOKE]

Ndryshojnë tarifat për vizë në Ambasadën Amerikane


Duke filluar nga data 13 korrik, thuajse të gjitha tarifat në zyrat konsullore amerikane në vende të ndryshme të botës kanë ndryshuar. Një pjesë e madhe e çmimeve që do të duhet të paguajnë qytetarët, përfshirë edhe shtetasit shqiptarë, janë rritur. Burimet zyrtare të Departamentit Amerikan të Shtetit publikuan dy ditë më parë tarifat e reja, të cilat kanë hyrë në fuqi. Sipas tyre, rritje kanë pësuar disa kategori të vizave jo-emigruese, por tarifat janë rritur ndjeshëm për vizat për punësim dhe për vizat që u jepen disa kategori qytetarësh, përfshirë edhe biznesmenët. Në tarifat e reja që kanë nisur të aplikohen ka edhe disa lloje vizash që kanë pësuar ulje, si vizat për emigrimin familjar.

Ndryshimi i tarifave
Departamenti Amerikan i Shtetit ka ndryshuar tarifat për shërbimet konsullore në 301 zyra në mbarë botën, por edhe agjencitë brenda vendit. Nga ky ndryshim preken një sërë shërbimesh, si procedura e pajisjes me viza, marrja e pasaportës, shërbimet e dokumentacionit (noterizim, certifikim me kopjen e vërtetë, shërbimet gjyqësore dhe shërbimet administrative). Të njëjtat tarifa do të aplikohen nga Ambasada Amerikane në Tiranë edhe për shtetasit shqiptarë, të cilët aplikojnë për vizë. Në tabelën që jepet bashkëngjitur janë të gjitha tarifat e reja, ndërsa për kategoritë e shërbimeve të tjera për viza apo dokumente të tjera, tarifat mbeten ato që kanë qenë. Tarifat e reja jepen në gjuhën angleze, me disa sqarime në shënimet e mëposhtme, qoftë për shërbimet konsullore, qoftë për pajisjen me pasaportë amerikane.

Çmimet që aplikohen
Nga rritja e çmimeve janë prekur të gjitha vizat për personat që nuk duan të emigrojnë. Për disa kategori, si për biznesin, ato janë disafishuar. Ndërsa kanë pësuar një rritje të lehtë vizat për punonjësit e përkohshëm. Edhe vizat për shtetasit shqiptarë që fitojnë lotarinë amerikane (janë pjesëmarrës në Programin e Vizave të Diversitetit), kësaj radhe do të duhet që të paguajnë më shumë.


SQARIM
Llojet e vizave të përkohshme (jo-emigruese)

• Diplomatët dhe zyrtarët e qeverisë së huaj (Vizat A)
• Punonjësit e organizatave ndërkombëtare dhe NATO-s (Vizat G dhe NATO)
• Biznes, turizëm, vizitor dhe mjekim (Vizat B1/B2)
• Viza studentore (Vizat F dhe M)
• Vizitorët e Programit të Shkëmbit (Vizat J)
• Punonjësit e përkohshëm (Vizat H, L, O, P dhe Q)
• Punonjësit e përkohshëm fetarë (Vizat R)
• Tregtarët dhe investitorët me bazë traktati midis dy vendeve (Vizat E-1 dhe E-2)
• Media e huaj (Vizat I)


APLIKIMI
Ambasada, udhëzimet për pagesën nëpërmjet bankës

Duke filluar nga data 1 korrik 2010, të gjitha tarifat e vizave jo-emigruese do të mblidhen nëpërmjet bankës për t’u shërbyer sa më mirë aplikantëve tanë dhe për të ulur kohën e procesit. Tarifat tani do të paguhen në paradhënie, pa ndonjë shtesë, në çdo degë të Bankës Intesa Sanpaolo. Çdo aplikant duhet të paguajë tarifën individuale përpara se të aplikojnë dhe duhet të paraqesin faturën në zyrën konsullore si provë të pagesës.

Për takimet e korrikut 2010, Ambasada Amerikane do të vazhdojë të pranojë tarifat si pjesë e procesit të intervistës, por aplikantët janë të inkurajuar të paguajnë përpara datës së intervistës në njërën prej degëve të Bankës Intesa Sanpaolo në mënyrë që të përfitojnë kohë ditën e intervistës së tyre. Duke filluar nga data 1 gusht 2010, të gjithë aplikantëve do t'u kërkohet të paraqesin një faturë të Intesa Sanpaolo në kohën e intervistës.

Për më shumë informacion në lidhje me vendndodhjen dhe oraret, ju lutemi konsultoni faqen e Internetit të Bankës Intesa Sanpaolo: http://www.intesasanpaolobank.al/. Shënim: Tarifa e aplikimit për vizë momentalisht është 140 dollarë, dhe kursi i këmbimit momental është 120 lekë për 1 dollar. Kjo tarifë dhe ky kurs këmbimi janë subjekt për të ndryshuar.
(Burimi: Ambasada e SHBA në Tiranë)


"Albania"
15 Korrik 2010

[BOKE]

Procedurat për marrjen e vizës për studim në Ambasadën Amerikane


Laureta Rryçi - Të gjithë aplikantët për studime dhe shkëmbim kulturor duhet të përgatiten të paraqesin dokumentacionin shtesë si më poshtë: formularin I-20A-B, Certifikatë Pranueshmërie për Statusin e Studentit Joemigrant (F-1) për Studentë Akademik dhe të Gjuhës ose formularin I-20M-N, Certifikatë Pranueshmërie për Statusin e Studentit JoEmigrant (M-1) për studentët profesional. Ju duhet të paraqisni një formular të nxjerrë nga sistemi SEVIS, I-20, i cili sigurohet nga shkolla ku jeni regjistruar. Ju dhe zyrtari i shkollës duhet të firmosni formularin I-20. Të gjithë studentët, ashtu dhe bashkëshortët e tyre dhe vartësit duhet të regjistrohen në Sistemin e Informacionit të Vizitorit Shkëmbyes dhe Studentor (SEVIS), një sistem i bazuar në internet që mban informacion aktual dhe të saktë mbi vizitorët shkëmbyes dhe studentor si dhe vartësve të tyre (mbajtësit e vizave F/M-2). Shkolla juaj është përgjegjëse për të regjistruar informacionin e formularit I-20 në sistemin SEVIS. Studentit do t’i duhet gjithashtu të paguajnë taksën e SEVIS I-901 për çdo program studimi. Të gjithës aplikantët për studentë duhet të kenë një formular I-20 të nxjerrë nga sistemi SEVIS i lëshuar nga një institucion edukimi dhe i aprovuar nga Departamenti Amerikan i Sigurisë Kombëtare (DSK), të cilin ata e dorëzojnë kur aplikojnë për vizën e tyre të studentit.

Verifikimi
Zyrtari konsullor do t’i duhet të verifikojë të dhënat e I-20 elektronikisht nëpërmjet sistemit SEVIS, në mënyrë që të procesojë aplikimin e tyre për vizë studentore. Përveçse në rastet kur përjashtohet, të gjithë pjesëmarrësit që kanë një SEVIS I-20 të lëshuar në ose mbas datës 1 shtator 2004, duhet të paguajnë taksën SEVIS I-901 me DSK për çdo program individual. Taksa mund të paguhet nëpërmjet internetit ose me “Ëestern Union”. Përveç pagesës së aplikimit, studentët duhet paguajnë dhe të sjellin një faturë të veçantë që kanë paguar edhe taksën për SEVIS I-901. Ndërsa të gjithë aplikantët e vizës F duhet të paguajnë takën e aplikimit, duke përfshirë vartësit, vetëm aplikanti kryesor duhet të paguajë taksën SEVIS. Nëse taksa SEVIS nuk është paguar aplikanti nuk do të intervistohet. Më tej kërkohet DS-2019, Certifikatë Pranueshmërie për Statusin e Vizitorëve Shkëmbyes.

Formulari
Ju duhet të paraqisni një formular të nxjerrë nga sistemi SEVIS, DS-2019, i cili u është dhënë nga sponsori juaj i programit. Të gjithës studentët, ashtu dhe bashkëshortët e tyre dhe vartësit duhet të regjistrohen në Sistemin e Informacionit të Vizitorit Shkëmbyes dhe Studentor (SEVIS), një sistem i bazuar në internet që mban informacion aktual dhe të saktë mbi vizitorët shkëmbyes dhe studentor si dhe vartësve të tyre (mbajtësit e vizave J-2). Sponsori juaj i programit është përgjegjës për të regjistruar informacionin e formularit DS-2019 në sistemin SEVIS. Vizitorët shkëmbyes që nuk bëjnë pjesë në programet e sponsorizuara nga qeveria amerikane do t’u duhet gjithashtu të paguajnë taksën e SEVIS I-901 për çdo program. Pyetjet përsa i përket programit tuaj shkëmbyes duhet t’i drejtohen sponsorit tuaj të programit. Së fundi, nevojitet DS-7002, Plan Vendosje për Trajnim/Praktikën. Të gjithë vizitorët shkëmbyes (vizat J) aplikantët e vizave për stazhier ose praktikantë me formularin DS-2019, të lëshuar në ose mbas datës 19 korrik 2007 (bazuar në kutinë 7 të formularit) duhet gjithashtu të paraqesin Plan Vendosjen për Trajnimin/Praktikën, formularin DS-7002 kur të aplikojnë për vizën. Nëse formulari DS-2019 është lëshuar përpara datës 19 korrik 2007, formulari DS-7002 nuk duhet. Për më shumë informacion rreth rregullave të reja për programet e stazhierëve dhe praktikantëve, lexoni Programet e Sektorit Privat, në Programin e Vizitorëve Shkëmbyes të Byrosë së Çështjeve Arsimore dhe Kulturore.

Dokumentet shtesë sipas llojit të vizave

Punonjësit e përkohshëm (vizat H, L, O, P, Q)
Duhet numri i faturës që është i stampuar (printuar) në formularin e aprovuar, peticioni I-129. Gjatë intervistës, zyrtari konsullor do të përdorë numrin e faturës për të verifikuar aprovimin e peticionit, formularin I-129. Prandaj, formulari I-797 nuk përdoret më për të verifikuar aprovimin e peticionit dhe nuk duhet më kur të intervistoheni. Me përjashtim të vizave H-1 dhe L-1, aplikantët mund t’i duhet të tregojnë prova të lidhjeve detyruese me një rezidencë jashtë Shteteve të Bashkuara të cilën ata nuk kanë për qëllim të braktisin. Është e pamundur të specifikojmë llojin e saktë të kësaj dëshmie sepse rrethanat e aplikantëve ndryshojnë shumë.

E rëndësishme: rregullat për të caktuar takimin

Për të parandaluar prenotime të shumëfishta nga i njëjti person, Ambasada Amerikane në Tiranë rezervon të drejtën për të anuluar çdo takim që nuk i duket i vlefshëm. Për këtë ju duhet të shqiptoni emrin tuaj saktësisht. Mos përdorni germat “ç” dhe “ë”, por zëvendësojini me germat “c” dhe “e”. Emra të shumëllojshëm me të njëjtën numër pasaporte mund të jenë subjekt anulimi. Orari i takimit që është shënuar në faqen e konfirmimit tuaj është orari në të cilin do të hyni brenda në konsullatë. Nuk është orari i intervistimit tuaj. Letra juaj e takimit si dhe dokumentacioni i kërkuar do të kontrollohen dhe përzgjidhen sapo ju të paguani për aplikimin. Për këtë duhet të siguroheni që dokumentet të jenë sipas rashës. Intervista juaj do të zhvillohet sapo të grumbullohet dokumentacioni i nevojshëm për intervistim. Ju duhet të përgatiteni për të qëndruar në Ambasadë deri në orën 12:00 paradreke. Materiale të lexueshme lejohen t’i keni me vete, por pajisje elektronike (duke përfshirë celularët), ushqimet, pije të ndryshme dhe çanta të madha nuk do të lejohen në Ambasadë. Pajisjet elektronike mund të lihen në hyrje të Ambasadës/Konsullatës, gjithsesi, për të përshpejtuar hyrjen, mos i merrni ato me vete. Për shkak të hapësirës së limituar që Ambasada ka në dhomën e pritjes, vetëm njëri nga aplikantët (nëse aplikoni si familje ose shoqëri) do të lejohet brenda për të paraqitur dokumentacionin, me përjashtim të rasteve kur aplikanti shoqërohet me fëmijë nën moshën 16 vjeç, ose në raste të veçanta të tjera. Pjesëtarët e tjerë duke përfshirë të afërmit, shoqërinë, bashkëpunëtorët, avokatët, etj. nuk do të lejohen të hyjnë në ndërtesë, vetëm në rastet kur kërkohen nga zyrtarët konsullorë.

SHËNIM:
Diplomatët dhe zyrtarët e qeverisë së Shqipërisë, që udhëtojnë në Shtetet e Bashkuara në emër të qeverisë së tyre për t’u angazhuar vetëm në aktivitete zyrtare për atë qeveri, nuk kanë nevojë për të caktuar takim.Gjithashtu, edhe punonjësit e organizatave ndërkombëtare dhe NATO-s, nuk kanë nevojë për të caktuar një takim.


Llojet e vizave të përkohshme jo-emigruese
Diplomatët dhe zyrtarët e qeverisë së huaj (vizat A)
Punonjësit e organizatave ndërkombëtare dhe NATO-s (vizat G dhe NATO)
Biznes, turizëm, vizitor dhe mjekim (vizat B1/B2)
Viza studentore (vizat F dhe M)
Vizitorët e programit të shkëmbit (vizat J)
Punonjësit e përkohshëm (vizat H, L, O, P dhe Q)
Punonjësit e përkohshëm fetarë (vizat R)
Tregtarët dhe investitorët me bazë traktati midis dy vendeve (vizat E-1 dhe E-2)
Media e huaj (vizat I)

Albania

[Gordon Freeman]

ca u bo mërr kshu qe gjith duan të ikin nga vendi i tyre ne shba,europe..etj

kurse ne anën tjeter gati që të gjith themi se e duam atdheun!

...ne kete rast vlen kjo pyetja qe eshte hapur si teme diku : Të gjithë e duam atdheun,por pse jo të jetojme në të!?