Tash tenderi !!!!

[ARIANI_TB]

Qeveria miratoi draft-propozimin e Komitetit për Kosovën e Re. Ministrja Justina Pula tha se kanë mbetur vetëm edhe disa çështje për t`u diskutuar. Pas një jave, Qeveria do t`ua dërgojë katër kompanive të kualifikuara draftpropozimin, të cilat do të kenë 45 ditë afat për t`i dërguar ofertat e tyre për ndërtimin e projektit më të madh kosovar – Kosovën e Re


Nga Arben Hyseni më 10.08.2010 në ora 8:16

Procesi pesë vjetësh për të nisur ndërtimin e projektit Kosova e Re, tash po futet në fazën finale. Draftpropozimin për ndërtimin e këtij projekti e ka përfunduar Komiteti Drejtues për ndërtimin e projektit Kosova e Re, i cili u miratua të hënën nga Qeveria e Kosovës. Kryeministri Hashim Thaçi lajmëroi se shumë shpejt edhe do të shpallet fituesi për realizimin e projektit Kosova e Re. Ai paraqiti të gjitha të mirat e termocentralit të ri 600 megavatesh.

“Ky projekt do të garantojë që Kosova të ketë 24 orë rrymë dhe do të hapë perspektivë për zhvillimin ekonomik, për zhvillimin e bizneseve, si dhe vende të reja pune”, tha Thaçi. Projekti është nacional, nga i cili Kosova do të ketë përfitime të mëdha në zhvillimin e gjitha segmenteve ekonomike.

Në anën tjetër, ministrja e Energjisë dhe Minierave, Justina Pula, tregoi se draftpropozimi tregon thuajse në detaje projektin. Ajo tha se kanë mbetur vetëm edhe disa çështje të rëndësishme për t`u vendosur.

“Ato çështje do të kryhen shumë shpejt, posa të mblidhet krejt Komiteti”, tha ajo.

Pas përfundimit të këtyre çështjeve, Qeveria do t`iu dërgojë katër kompanive të kualifikuara draftpropozimin. Ato janë konzorciumi Adani Power nga India, Konzorciumi AES Electric Ltd nga SHBA dhe Turqia, Park Holding nga Turqia dhe PPC / ContourGlobal LLP nga Greqia dhe Anglia/SHBA. Do të kenë një afat prej 45 ditësh për të dërguar ofertat e tyre në Qeveri.

“Besoj se shumë shpejt do të hapet mundësia për konkurrim”, tha Pula.

“Kemi pasur analiza të shumta dhe ndikime nga institucionet ndërkombëtare rreth konceptit dhe zhvillimit të këtij projekti dhe në fund kemi ardhur deri te përfundimi i draftmarrëveshjes ku mbesin ende për diskutim dhe analizë disa prej çështjeve shumë të rëndësishme”.

Ajo lajmëroi se po shqyrtohen edhe opsionet e pjesëmarrjes së Kosovës B në kompaninë e gjenerimit të energjisë dhe pjesëmarrjen e Kosovës në kompaninë e minierave.

“Pjesëmarrja në TC e gjenerimit “Gjen co” mund të jetë 25 për deri në 30 për qind, mirëpo me kusht që të jetë çmimi minimal i mundshëm”.

Momentalisht, shtoi ajo, si kusht është të jetë 25 për qind me çmimin 24 euro, e cila ekziston tani, apo 30 për qind deri në 26 euro. Nëse ofertuesit kërkojnë që të rritet çmimi i energjisë, të cilën ata do ta prodhojnë, automatikisht do të vijë edhe te ngritja e pjesëmarrjes së Qeverisë në këtë kompani.

“Ndërsa pjesëmarrja e Qeverisë në kompanisë e thëngjillit është propozuar të jetë 40, ndërsa ne si qeveri kemi kërkuar që ajo të jetë 49”, ka thënë ajo.

Përfitimet kyçe ekonomike të Kosovës nga projekti i termocentralit Kosova e Re, sipas kryeministrit Thaci, janë furnizimi i qëndrueshëm dhe i sigurt 24 orë me rrymë.

“Kosova si shtet do të përfitojë nga furnizimi me çmim të arsyeshëm, të qëndrueshëm dhe të besueshëm me energji elektrike për qytetarët dhe bizneset për shumë vite në të ardhmen”, ka thënë ai.

Fituesi i projektit Kosova e Re do të nënshkruajë një marrëveshje afatgjate për blerje të rrymës me kompaninë e distribucionit të energjisë elektrike në Kosovë, për të siguruar që termocentrali i ri do t’i përmbushë kërkesat e Kosovës për energji elektrike.

Qeveria ka filluar të përshpejtojë punën në realizimin e projektit Kosova e Re për shkak se nga Komisioni Evropian ka kërkuar mbylljen e termocentrali Kosova A për shkak të ndotjes së ambientit.

Cilat janë 4 kompanitë e kualifikuara:
1 - Adani Poër Limited/ P.T Adani Global - Konglomerat nga India/Singapori, e mbështetur nga Adani Enterprises Limited, biznes me qarkullim prej 4.2 bilionë euro dhe asete të përgjithshme prej rreth 3 bilionë euro. Historiat të suksesshëm në aranzhimin e financimit dhe zhvillimin e termocentraleve të mëdha dhe projekteve të minierave.

2 - AES Electric Poëer/Demir Export A.S - Konsorcium nga SHBA / Turqia me qarkullim prej mbi 11 bilionë euro dhe asete të përgjithshme prej mbi 25 bilionë euro
Konzorciumi udhëhiqet dhe mbështetet nga ofertuesi i mëparshëm i kualifikuar AES Corp, zhvilluesi më i madh i prodhuesve të pavarur të energjisë në botë.

3 – Park Holding A. S - Konglomerat turk me qarkullim mbi 350 milionë euro dhe asete të përgjithshme mbi 1 bilionë euro. Historiat të suksesshëm në aranzhimin e financimit dhe zhvillimin e termocentraleve dhe projekteve të minierave. Programi i vazhdueshëm i zhvillimit përfshin minierën e linjitit Collolar që ka kapacitet maksimal prej 17 tonë për vit.

4 – PPC/ContourGlobal LLP - Konsorciumi nga Greqia / SHBA me qarkullim prej mbi 5 bilionë euro dhe asete mbi 14 bilionë euro. Ofertues i mëparshëm i kualifikuar. Historiat të suksesshëm në aranzhimin e financimit dhe zhvillimin e termocentraleve dhe projekteve të minierave, duke përfshirë termocentralin Sochagota në Kolumbi dhe minierën Kardia në Greqi me kapacitet prej 12.4 tonë linjit në vit.

[SERAFIM DILO]

Tender.Sa fjal e bukur per ne shqiptaret....Eshte fjal,qe ngjan shum me fjalen vjedhje.

Pastaj se kush e fiton tenderin;eshte shume e thjesht per ta gjet.

[Llapi]

Me ket projekt Kosova e Re vetem sa vertetohet se Kryeministri e Kryeçlirimtari Thaçi i mban premtimet
si me rrug te reja si me autostrada si me shkolla si me hidrocentrale si me luft kunder korrupcionit
si me pun shembullor qe po e dergon Kosoven drejt europes NATO-s
e OKB-se e shum e shum te mira te tjera

[drenicaku]

O vallahi nuk ka kush qe i pret prej tenderave,le te bin qfar do ligji,po hajnat mbesin hajna,ani me ban me i qillu edhe populli budall ata hiq nuk i zhdrypin

[Llapi]

O vallahi nuk ka kush qe i pret prej tenderave,le te bin qfar do ligji,po hajnat mbesin hajna,ani me ban me i qillu edhe populli budall ata hiq nuk i zhdrypin

haaaaaaaaaaaaaaa
ti veq nga lart atje do te ndegjosh per tendere ndersa une jam ne vend e edhe mua po me bjen hise naj tender haaaaaaa kup Xh. B krejt kup e plas nga inati

[illyrian rex]

Ekrem Hoxhen e morren nga pozita e drejtorit i BERZh-it (banka europiane per rindertim dhe zhvillim) dhe e emeruan drejtor te ART (autoriteti rregullator i komunikacionit).

Athu cka e shtyri kete person te punoje per nje rroge 5 fish me te vogel!?...ndoshta privatizimi i PTK-se...

U prish kjo dynja. Nuk mbet kush pa u korruptu.