Kosova fiton ne Hage

[Llapi]

Thaçi: Pavarësisë së mbikëqyrur po i vjen fundi

Nga Express më 25.07.2010 në ora 14:33
(E plotësuar) Asnjë shtet i botës tani pas vendimit të Gjykatës Ndërkombëtare të Drejtësisë nuk ka arsye që mos ta njoh pavarësinë e Kosovës, ka thënë kryeministri i Kosovës Hashim Thaçi në një konferencë për media në Aeroportin e Prishtinës pas kthimit nga vizita disaditëshe në Uashington. Me këtë rast Thaçi ka thënë se pas vendimit të GJND-së është hapur perspektiva euro-atlantike për Kosovën dhe se pavarësisë së mbikëqyrur suksesshëm po i vjen fundi.

“Pas vendimit të GJND-së është hapur perspektiva euro-atlantike për Kosovës dhe se pavarësisë së mbikëqyrur suksesshëm po i vjen fundi. Institucionet e Kosovës presin unifikim të BE-së dhe njohje edhe nga 5 shtetet që ende nuk e kanë bërë njohjen”, ka thënë ai, transmeton Kosovapress.

Ditët e fundit, kryeministri Thaçi i ka quajtur historike për Kosovën, duke thënë se opinioni i GJND-së ishte i drejtë, në përputhshmëri me vullnetin e qytetarëve të Kosovës, në përputhshmëri me institucionet për shpalljen shtet të pavarur dhe sovran dhe në përputhshmëri me të drejtën ndërkombëtare.

Kreu i ekzekutivit të vendit ka thënë se pret unifikim të Bashkimit Evropian, përkatësisht njohje edhe nga pesë vendet anëtare të BE-së që ende nuk e kanë njohur Kosovën, pasi që sipas tij, opinioni i GJND-së i ka marrë çdo vendi arsyen për të mos e njohur pavarësinë e Kosovës.

“Asnjë vend sot në botë nuk ka ndonjë arsye për të mos njohur pavarësinë e Kosovës. Opinioni pozitiv i Gjykatës Ndërkombëtare ishte përgjigja më e mirë për gjithë botën për çështjen e Kosovës. Prandaj kjo është një fitore e jashtëzakonshme e diplomacisë kosovare, e Qeverisë së Kosovës, e institucioneve të Kosovës, por mbi të gjitha e popullit të Kosovës. Opinioni i GJND-së ka fuqizuar rolin e shtetit të Kosovës në botë, do ta përshpejtojë edhe procesin e liberalizimin e vizave, të marrëdhënieve tregtare me Bashkimin Evropian, por edhe procesin e stabilizim asocimit. Opinioni i GJND-së do t’i ndihmojë edhe shtetet tjera për ta njohur Kosovën sa më shpejtë”, ka thënë Thaçi.

Sipas tij, ky opinion do të mund ta ndihmojë dhe qartësojë edhe Beogradin që në të ardhmen e afërt ta njeh pavarësinë e Kosovës, në mënyrë që të ndërtohen raporte të mira shtetërore.

Thaçi ka theksuar se me Serbinë do të ketë bashkëpunim, por asnjëherë nuk do të ketë dialog për çështjet që kanë të bëjnë me Kosovën.

“Opinioni i Gjykatës Ndërkombëtare do ta kthjellojë edhe lidershipin e Beogradit në raport me Kosovën, që të mos jetohet më në ëndrra, por që të rezonojë në kuptimin e vlerave euroatlantike dhe të bashkëpunimit ndërshtetëror. Tani Beogradi e ka të qartë statusin e Kosovës, e ka pasur edhe më herët, por tash njëherë e përgjithmonë e ka të qartë se Kosova është shtet i pavarur do të funksionojë përjetësisht kështu e në të njëjtën kohë zgjedhja më e mirë njohja sa më e shpejtë nga Serbia dhe për Kosovën në mënyrë që të integrohemi dhe ta ndihmojmë njëri tjetrin si shtete drejt integrimit evropian”, ka thënë Thaçi.

Nga opinionet që ka nga miqtë ndërkombëtarë, Thaçi thekson se në Beograd ka filluar të ndryshojë qëndrimi për Kosovën, pavarësisht deklarimeve publike në raport me Kosovën.

Ai nuk ka dashur të flas me numra, por ka garantuar se do të ketë njohje të reja dhe besimin e tij, ai e ka mbështetur edhe në përkrahjen e madhe që ka marrë nga Shtetet e Bashkuara të Amerikës.

Lidhur me arrestimet e fundit, përkatësisht të guvernatorit të Bankës Qendrore të Kosovës, Thaçi e ka shprehur edhe një herë përkushtimin e Qeverisë dhe institucioneve tjera për barazinë e secilit para drejtësisë.

“Të gjithë janë të barabartë para drejtësisë, duhet ndarë drejtësia nga politika. Unë kam theksuar se do të vazhdojmë të jemi në ballë të luftës kundër korrupsionit, do të jemi të pakompromis me moton ‘zero tolerancë ndaj korrupsioni’. Fenomenet nuk duhet ndërlidhur me individë”, ka thënë ai.

[ARIANI_TB]

Gligorov: Serbia ta njohë pavarësinë e Kosovës
Pas GJND-së, në opinionin serb janë paraqitur zëra që thonë se Beogradi duhet ta njohë pavarësinë e Kosovës.

Nga Express më 25.07.2010 në ora 18:48
Edhe pas vendimit shumë të qartë të Gjykatës Ndërkombëtare të Drejtësisë për Kosovën, që shënoi dështim të madh të diplomacisë serbe, përfaqësuesit e saj në Beograd thonë se nuk do të heqin dorë nga qëllimet e mëhershme.

Kjo do të thotë se do të dërgojnë 50 emisarë në vende të ndryshme, në përpjekje për t’i pamundësuar njohjet e reja për Kosovën dhe për të siguruar shumicën në Asamblenë e Përgjithshme të Kombeve të Bashkuara, për miratim të një rezolute me të cilën do të kërkoheshin bisedime për statusin e Kosovës.

Por, në Beograd ka zëra që thonë se politika e deritashme e Tadiqit dhe Jeremiqit për Kosovën ka dështuar dhe se dikush duhet të bartë përgjegjësi për këtë.

Rrjedhimisht shtrohet pyetja - çfarë do të duhej bërë Qeveria serbe pas debaklit diplomatik të përjetuar në Gjykatën Ndërkombëtare të Drejtësisë?

Vladimir Gligorov, nga Instituti i Vjenës për studime ekonomike, në këtë temë për Radion Evropa e Lirë thotë:

“Objektivisht do të ishte më së miri nëse Qeveria, përkatësisht presidenti Tadiq, do të ishin në gjendje që në këtë çast të ndryshonin ekipin e politikës së jashtme, para së gjithash ministrin e Punëve të Jashtme”.

Ngjashëm mendon edhe Vladimir Paviqeviq, nga Fakulteti i Shkencave Politike në Beograd.

“Ky është rast i mirë që të hapet çështja e përgjegjësisë së bartësve të politikës së dështuar. Tash 18 muaj kemi qenë të bombarduar me informata për sukseset e mëdha të diplomacisë sonë dhe veçanërisht për faktin që kishin arritur që çështjen e Kosovës ta bartnin nga terreni politik në atë juridik”.

“GJND-ja dëshmoi se si rezultat i kësaj politike, tash edhe në planin juridik kjo politikë nuk solli asnjë sukses”, thotë Paviqeviq.

Gligorov dhe Paviqeviq angazhohen për ndryshime të politikës. Por, ç’do të thotë kjo? A do të thotë kjo njohje e pavarësisë së Kosovës?

Vladimir Gligorov përgjigjet:

“Si epilog i fundit, po. Njohja e pavarësisë së Kosovës nuk do të ishte hapi i parë, por si rezultat përfundimtar i normalizimit të marrëdhënieve Beograd – Prishtinë, do të duhej të pasonte njohja reciproke”, pohon Vladimir Gligorov në prononcimin e tij për Radion Evropa e Lirë.

Çfarë thotë bashkëbiseduesi tjetër Vladimir Paviqeviq në këtë temë...

“Çështjen e Kosovës duhet hequr nga lista e prioriteteve. Duhet bartur në nivelin e zgjidhjes së çështjeve praktike që kanë të bëjnë me jetën e njerëzve në Kosovë. Politikën e jashtme të Serbisë duhet transformuar drejt realizimit të qëllimeve parësore, siç janë: Bashkimi Evropian, integrimet euroatlantike dhe marrëdhëniet e fqinjësisë së mirë”, konsideron Vladimir Paviqeviq.

Të pyetur nëse pushteti i tashëm në Beograd mund të heqë dorë nga retorika e deritashme për Kosovën dhe të pajtohet për normalizim të raporteve me Kosovën, pa vënë në rrezik legjitimitetin e vet, Gligorov thotë:

“Personalisht mendoj se opinioni dhe populli në Serbi janë më të mençur se politikanët dhe se ata do ta mbështetnin një gjë të tillë”, pohon Gligorov, ndërsa Paviqeviq thekson:

“Kam bindjen se qytetarëve nuk u intereson ky realitet paralel. Në Mitrovicë kanë hequr dorë nga mitingu. Mendoj se porosia është e qartë – duhen ndryshime”, konkludon Vladimir Paviqeviq. /rel/

[ARIANI_TB]

Koshtunica kërkon dorëheqjen e Qeverisë serbe


Nga Express më 25.07.2010 në ora 14:46
Kryetari i Partisë Demokratike të Serbisë, Vojisllav Koshtunica, ka deklaruar se është “plotësisht e pakuptimtë” që pas mendimit negativ të Gjykatës Ndërkombëtare të Drejtësisë, Serbia të paraqesë rezolutën për Kosovën në Kombet e Bashkuara.

Një gjë e tillë, sipas tij, do të mund të sillte humbje më të rënda dhe pasoja të paparashikueshme.

“Në vend se ta shtyjnë Serbinë në humbje të tjera, për shkak të politikave shkatërruese, zyrtarët më të lartë dhe më përgjegjës të qeverisë duhet të japin dorëheqje”, ka thënë Koshtunica, transmeton Evropa e Lirë.

[ARIANI_TB]

Engel i shkruan Obamas për Kosovën
Anëtari i Kongresit amerikan, Eliot Engel kërkon nga Qeveria e SHBA’ve që të dyfishoj përpjekjet për të nxitur vendet nga të gjitha anët e botës që të njohin pavarësinë e Kosovës


Nga Express më 25.07.2010 në ora 17:38
Kongresisti Elion Engel i është drejtuar me një letër Presidentit të SHBA’ve Barack Obama, me të cilën kërkon që administrata amerikane të dyfishoj përpjekjet e saj për të nxitur vendet e tjera në të gjitha pjesët e globit për të njohur Republikën e Kosovës, dhe të kërkojë nga miqtë dhe aleatët amerikan për të bërë të njëjtën gjë, ka raportuar agjencia e lajmeve INA.

Kongresisti Engel është shprehur se “opinionin këshillues i GJND-së, për pavarësinë e Kosovës, është një fitore e madhe dhe historike për Kosovën”.

Ai argumenton se “tani shumë vende të botës mund të ndjehen mjaft më komode dhe rehat në hapat e bërë me njohjen e Kosovës”.
Engel ka thënë se është koha që vendet nëpër botë, plotësisht të vlerësojnë se në gjirin e tyre tash kanë një shtet të ri në Evropë dhe të njohin dhe vendosin marrëdhënie diplomatike me Kosovën.

"Kosova ka bërë përparime të mëdha si një vend sovran, i pavarur. Ka mbajtur zgjedhjeve të suksesshme demokratike. Pas pavarësisë, Kosova ka miratuar ligje të rëndësishme për mbrojtjen e pakicave dhe për të nxitur zhvillimin ekonomik dhe krijimin e një situate të sigurt e paqësore, dhe ka kërkuar zhvillimin e marrëdhënieve produktive me fqinjët e saj”, ka theksuar Engel.

[Llapi]

Thaçi: Mendimi i GJND-së ka vulosur pavarësinë e Kosovës

Nga Express më 26.07.2010 në ora 11:59
Mungesën e kuorumit në fillim të seancën plenare, kryeministri Hashim Thaçi e ka shfrytëzuar për të paraqitur qëndrimin e Qeverisë së Kosovës për zhvillimet e fundit pas shpalljes së mendimit këshillëdhënës të Gjykatës Ndërkombëtare të Drejtësisë. Me këtë rast, kreu i ekzekutivit ka thënë se opinioni i GJND-së ka vulosur pavarësinë e Kosovës, ka respektuar vullnetin e qytetarëve dhe vendimin për shpalljen e pavarësisë më 17 shkurt 2008.

Thaçi ka thënë se opinioni i GJND-së ishte një fitore e madhe për shtetin e Kosovës, por edhe për gjithë rajonin.

“Opinioni i GJND-së ka vulosur pavarësinë e Kosovës, ka respektuar vullnetin e qytetarëve dhe vendimin për shpalljen e Kosovës shtet të pavarur dhe sovran. Po ashtu ka legjitimuar në gjithë botën pavarësinë e Kosovës. Ne kemi besuar gjithmonë në drejtësinë ndërkombëtare dhe çdo vendim e kemi marrë në përputhje me të drejtën ndërkombëtare”, ka theksuar Thaçi.

Ky vendim, sipas tij, nuk është kundër askujt, por është në dobi të paqes dhe stabilitetit dhe është një përgjigje e drejtë për gjithë botën për të drejtën e popullit të Kosovës për liri dhe shtet të pavarur.

Me prezantimin e opinionit të GJND-së, Thaçi ka theksuar se, Kosova u bë shteti më i legjitimuar në historinë e krijimit të shteteve, kurse vetë opinioni i GJND-së ishte i qartë, ashtu sikur që ishin përpjekjet e popullit të Kosovës për liri.

“Ky vendim ka prekur edhe kujtesat tona për gjithë ata njerëz që sakrifikuan për lirinë e shtetit tonë dhe ka forcuar bindjen se rruga jonë ishte e drejtë dhe se duhet të vazhdojmë me këtë bindje dhe këtë punë. Ky vendim ka forcuar bazamentin e të kaluarës sonë, por edhe ka hapur perspektivën tonë. Ky vendim rrit përgjegjësinë tonë për konsolidimin e shtetit, për sjellje serioze, andaj edhe ne zotohemi se do të vazhdojmë të angazhohemi që besimin i botës demokratike, legjitimimin i pavarësisë ta shndërrojmë në punë dhe kontribut permanent për paqen, stabilitetin për botën demokratike”, është shprehur Thaçi para ligjvënësve, duke shtuar se vendimi i GJJND-së po ashtu i ka hapur Kosovës rrugë edhe për procesin e liberalizimit të vizave dhe për integrim në NATO, BE dhe OKB.

Duke njoftuar ligjvënësit për vizitën e tij në SHBA, kreu i ekzekutivit të vendit ka thënë se në takimet që ka zhvilluar atje, është rikonfirmuar edhe njëherë mbështetja e SHBA-së për qeverisjen e mirë në Kosovë, për luftën kundër korrupsionit dhe për ndërtimin e shtetit demokratik dhe multietnik.

Pas prezantimit të opinionit të GJND-së, sipas Thaçit, definitivisht i ka ardhur fundi përmbylljes së suksesshme të pavarësisë së mbikëqyrur.

Në emër të Qeverisë së Kosovës, ai ka ftuar të gjitha vendet që ende nuk e kanë njohur Kosovën, ta marrin vendimin për njohjen e shtetit më të ri në botë.

E ndërkohë që kryeministri ka prezantuar në Kuvend qëndrimin e Qeverisë për zhvillimet e fundit, në seancën plenare është arritur kuorumi i nevojshëm për të vazhduar seancën me shqyrtimin e dytë Projektligjit për miniera dhe minerale, i cili është miratuar amandament pas amandamenti.

Në rend dite në seancën e sotme është edhe Projektligji për inspektoratin e tregut dhe mbikëqyrjen inspektuese dhe disa raporte të punës, sikur ai i Avokatit të Popullit, raporti i ART-së, raporti i Institutit Gjyqësor të Kosovës, raporti i auditimit për pasqyrat financiare të Kompanisë së ujësjellësit rajonal “Prishtina” dhe disa raporte të tjera të agjencioneve të pavarura dhe institucioneve tjera. /kosovapress/

[Rina_87]

George Washingtoni i Kosovës,Kryeçlirimtari Hashim Thaçi

Ueh, sa shume paska mrri Thaci!

------------------------------------------------------------------------------


SHBA: Të largohet Vuk Jeremiq

Kështu shkruan sot e përditshmja e Beogradit “Blic”, duke u thirrur në burime të saj të mirë informuara diplomatike.

Gazeta Express më 26.07.2010 në ora 10:41

Pas vendimit të Gjykatës së Drejtësisë në Hagë se deklarata për pavarësinë e Kosovës nuk është në kundërshtim me të drejtën ndërkombëtare, nga SHBA arrin porosia për Beogradin se është koha e duhur që të shkohet përpara dhe të arrihet marrëveshja, porse “kjo nuk është e mundur derisa tregimin për Kosovën e udhëheq ministri i Punëve të Jashtme të Serbisë, Vuk Jeremiq”.

Kështu shkruan sot e përditshmja e Beogradit “Blic”, duke u thirrur në burime të saj të mirë informuara diplomatike.

Sipas gazetës, pozicioni i Jeremiqit nuk ka mbetur më i mirë as në skenën e brendshme të Serbisë, pasi që partitë opozitare e akuzojnë se ka insistuar që në çështjen e Kosovës të shkohet para GJND-së dhe atje në fund ka humbur. ( cfare vetevrasje diplomatike a? )

Përveç kësaj, brenda Partisë Demokratike, Jeremiq nuk mund të llogarisë në mbështetje, meqë një krah i kësaj partie vendimin e Hagës e sheh si aktgjykim ndaj tij dhe se atë e shikon më përbuzje që nga koha kur flitej se ai mund të ishte Kryeministër, shkruan “Blic”.

Duke u thirrur në burime diplomatike të informuara mirë, “Blic” shkruan sot se SHBA-ja dhe BE-ja kërkojnë nga Serbia të mos këmbëngulë për rezolutë mbi Kosovën në Kombet e Bashkuara ose së paku në tekstin e tij të mos insistojë për negociata rreth statusit të Kosovës.

Nëse Serbia megjithatë vendosë të paraqes rezolutë, SHBA dhe Shqipëria do të paraqisnin rezolutën e tyre, shkruan “Blic”. Më poshtë, në artikull janë të përshkruara edhe hapat e fundit që Qeveria e Serbisë ka nisur të ndërmarrë pas vendimit të GJND-së, e njëri prej tyre është mbledhja e jashtëzakonshme e Kuvendit të Serbisë.

[Kavir]

Me e mira per Kosoven do ishte qe te vinte nje minister edhe me pro-rus se Jeremic.

Mesa kam lexuar dhe degjuar (nga gazetare) ne Serbi ka patur (dhe ka) dy rryma:
Tradicionalja, dmth vazhdimi i miqesise se ngushte me Rusine, dhe "Reformatoret", nese mund t`i quajme keshtu me ne krye Vuk Drashkovic qe kerkojne te lidhin Serbine me SHBA, dhe nepermjet mbeshtetjes amerikane te sigurojne sundimin mbi Kpspven, qofte edhe duke e njohur si "shtet te pavarur". Dmth Kosoves t`i jepet De Juro pavaresia dhe De Facto ta udheheqin njerezit e Beogradit (sic udhehiqnin Krahinen Autonome te Kosoves dhe Metohise njerezit e Titos).

Nderrimi i politikes serbe eshte edhe versioni me i frikshem per Kosoven. Kosoves dhe shqiptareve sot u intereson nje Serbi pro-ruse, mundesisht e udhehequr nga Radikalet e Sheshelit qe jane pro-ruse te cmendur, keshtuqe Amerika te vazhdoje te perkrahe shqiptaret.
Prandaj do me pelqente qe ne zgjedhjet e tjera ne Serbi te fitoje se paku Partia e Koshtunices.

[ardiana luzha]

Urime Kosove,i deshiroj popullit tone te mira dhe vetem te mira....George Washingtoni i Kosovës,Kryeçlirimtari Hashim Thaçi Kom. Gjarperi.Populli është me ty e ti me populline!!!

[Jam_Arber]

Urimet me te mira Kosoves!!!!! Hapi tjeter bashkimi me Shqiperine,,,nje komb,,,nje kulture,,,nje shtet...

[ARIANI_TB]

Dell nuk e përjashton një autonomi për serbët në veri të Kosovës

Publikuar: Sot, më 26 korrik 2010


Artikuj të ngjashëm

Edhe pas GJND-së, BE pa qëndrim unik
Për gjithçka mund të bisedohet pos për statusin Kosovës

Më së shumti ankesa ndaj sistemit gjyqësor
Ischinger & Rolofs: Kosova një rast prove për Evropën Prishtinë, 26 korrik 2010 - Ndonëse ideja e shprehur kohëve të fundit për t'i dhënë një autonomi apo status special veriut të Kosovës është kundërshtuar nga qeveritarët dhe opozita, ambasadori amerikan në Prishtinë, Cristopher Dell, pohon të kundërtën. Pas vendimit të GJND-së pro pavarësisë së Kosovës, gjatë një brifingu në Washington, Dell nuk ka përjashtuar mundësinë që Beogradi dhe Prishtina të diskutojnë një autonomi eventuale për serbët në veri të Kosovës. Kryeministri i Kosovës, Hashim Thaçi, sipas gazetarëve, gjatë qëndrimit në Washington ka hedhur poshtë një mundësi të tillë. "E kam dëgjuar kryeministrin Thaçi, së paku njëherë publikisht, por shumë herë në biseda private, të thotë se është i gatshëm që “kreativisht" të shqyrtojë mënyrat në të cilat mund të respektohet natyra speciale e veriut të Kosovës, në kufijtë e vetë shtetit të Kosovës, duke pasur parasysh se në Evropën e shekullit 21 ka vend për një status special, përkatësisht, ndoshta statusi është fjalë e gabuar - për natyrën e posaçme të rajonit brenda shteteve të pavarura. Që të jem më pak enigmatik, këtu mendojmë në rregullimet rajonale çfarë ekzistojnë në Belgjikë, Tirolin Jugor dhe në shumë zona të Evropës. Mirëpo, nuk jam në pozicion që të përgjigjem në emër të Prishtinës dhe Beogradit, dhe kjo është çështje për përfaqësuesit e këtyre vendeve", është shprehur Dell para gazetarëve në Washington, transmeton "Zëri i Ameirikës" në serbisht.