Ish anetare te UCK-se, perfshire Fatmir Limaj, te kerkuar nga Gjykata e Hages

[AsgjëSikurDielli]

Drini, pershendetje.

Kur futem ne diskutime politike, une futem si nje anetar i thjeshte e jo si Super Moderator. Kjo ndodh keshtu per shkak se si Super Moderator, kam disa detyra tjera e si anetar i thjeshte kam bindjet e mia politike patjeter.

Nese ti e vlereson shqiptar, ate qe i ndihmoi serbit (shkaut) te vriste shqiptare e te masakronte, qe i bente konak e qe i perdhunonte nenat, motrat, e bijat tona e me bajoneta ua shponte barkun shtatezene, atehere une gabim e paskam kuptuar konceptin e Shqiptarizmit.

Asnje njeri ne bote nuk eshte ideal, me kete asnje komb, e me kete as ai shqiptar pra. Une nuk pretendoj te jene shqiptaret ideale, apo modele te tjereve. Ajo qe une dua ta them eshte kjo "Tradhetari eshte tradhetar".

Nuk e di se si e kupton ti kete fjali, por une ta them troc : Ate njeri qe e shiti emrin, token e ballin e tij per ti ndihmuar barbarit, une nuk e konsideroj shqiptar. Ky eshte vetem mendimi im, qofte i gabueshem apo i drejte.

Dhe ne kete rast, si dhe me pare, une flas sikur anetari i thjeshte AsgjëSikurDielli, e jo sikur Super Moderator AsgjëSikurDielli.

Se a jane keto vrasje te arsyetueshme eshte veshtire te thuhet. Provo ti t'i thuash nje nene apo nje babai te cilit/es ia kane vrare e prere femiun ne djep, se duhet falur armikun, apo "shqiptarin" qe i dha armikut thiken ne dore.

Plaget ende jane te fresketa, dhe disa gjera nuk harrohen. Por, megjithate me mire kishte qene po t'i ishin lene drejtesise keto gjera.

Krejt kjo, NESE jane kryer ato vrasje, e NESE jane bere ato malltretime.

Pershendetje

[AsgjëSikurDielli]

Postuar më parë nga Zanë Kosove
ASD,

te flasim tani pa hile! Me siguri e din fort mire se shume serbë jo te gjithe kuptohet them serbë te Kosovës i ndihmuan shqiptarët te ikin, i derguan me makinat e tyre deri ne kufij te Shqiprisë e Maqedonisë, sips teje ASD ata serbë duhej te vriteshin sepse ndihmuan shqiptaret? Kam degjue rastin, kur ne nje vend jane kthyer turme e madhe e njerezve qe kishin marre rrugen per te dale ne Shqipri pa urdherin e dhene nga armata apo paramil. apo policia serbe, dhe i kthyen ne nje fshat afer Gjakoves, per 6 dite sa kane qendruar aty, serbët kuptohet nga Kosova disa i kishin mbajte me ushqim edhe ate edhe me cigare dhe duke ju thene se zoti ju ndihmovte dhe keta keta jane ata qe po bejne dhe po urdherojne.....
ASD edhe keta serbë duhej te vriteshin sepse te pakten 8000 veta i shpetuan?!

Eshte dashte ti lihen ligjit dhe drejtesis te punoj me ta e jo ASD te vriten, te pakten neve qe pame se cfare don te thot ligji dhe demokracia.
Te mirret jeta e dikujt eshte krim i madh oooooo ASD!
Te gjithe kane mbijetue diqysh, ose vdisnin urie.Ne rast se ka pase nje dyqan njeriu dhe i ka paguar taxat shtetit serb nuk do te thot se ka qene spiun.

ps: ASD, ato dy thenjet e bold-uara theksohen po te ishim 100% te binduar dhe me fakte se te gjithe ata shqiptaret e vrare ishin "spiun" te serbise. ASD, ne Kosove dikur vriteshin per nje fije kashtë..................

dhashte zoti e mos t'jene te verteta se keta jane urdherues dhe zbatues te vrasjeve shqiptare!

Oj Zane,

po te fillojme me te "degjuara" edhe boshnjaket i kishin vrare serbet ne Srebrenice. Kete e degjova nga nje "viktime" serbe. Ne ketu ti parashtrojme faktet, e jo te "degjuarat".

Une nuk njoh asnje rast direkt ku shqiptaret te jene ndihmuar nga serbet. Te jene vrare, plackitur e dhunuar, po se po. Kete e vertetojne edhe vete agjencite boterore dhe statistikat e NATO-se qe tregojne se sa civile serbe jane aktivizuar si "paramilitare" ne Kosove.

Ne mos t'i rrokemi shume serbeve dhe veprave te tyre "humane" sepse sot pas 4 vjetesh, asnje serb nuk doli te kerkoje falje per ato qe i ka bere.

ASNJE. ZERO.

Mua nuk me intereson "hallku" po faktet. Sa serbe i ke sot ne Prishtine? 1? 2?18?...

E di pse? Sepse une i njoh shume mire, me syte e mij i kam pare ata qe i njihja si njerez te thjeshte ti benin ato masakra...

E sot ku gjinden? Ne "nenen" Serbi! Pse, thua valle? Kane frike se do gjykohen e vriten? E pse valle?

Kane kryer krime moter!

Neqofte se kane vrare civile serbe, qe nuk kane patur asnje lidhje me krimet dhe me luften, atehere jazek ju qofte. Nese kane vrare paramilitare, njerez qe ishin trajnuar dhe ndihmuar me ane te drogave te kryejne gjenocidin mbi ne, atehere ju lumte dora! Aq kam sa per serbet!

E sa per shqiptaret, vete si shqiptare qe jam, me mire e kisha vrare veten time se sa ta kisha damgen e madhe ne ball...


T R A DH E T A R.

Gjithmone po flasim per shqiptaret spiune te UDB-se e Serbise. Njerezit e pafajshem nuk po i fus ketu. Krimineli eshte kriminel dhe e meriton burgun.

Qofte ky Fatmir, Hysen, a Hasan.

Pershendetje

[Zanë Kosove]

Postuar më parë nga Llapi
Nder te tjerat Zane Kosove shkruan:
---------------------------------
*Pse i kane hudhe aktakuzen per dy gjera perdorim i tortures dhe vrasjes se Shqiptareve dhe serbëve? Ah, Karla, Karla mire po ju grah "detyrave"....*
---------------------------------

E dime mori Zane qe mier po ju grah detyrave qe ja ka ndihmue me listen se kush duhet te burgoset QOVIQI dhe RUGOVINA

Zane vetem deshta te gezoi me nji informat qe sipas burimeve serbe te QOVIQIT e RUGOVANIT se shpejti do te ngritet nji aktakuz kunder edhe te 23 ishe pjestarve e udheheqsve te UÇK-se gezohu qysh tash e mos e le per me vone.

për Llapin,

sa i cekët që jeni, nuk është punë gëzimi ore zuzar,këtu është punë vaji sepse u tund e ardhmja e Kosovës!
Nuk do bëhem më e gjatë sespse lezetin e drejtësis e shef në fjalët e Brarit
Akuzën ndaj shkive do u hedhin poshtë(jo fakte) dhe do dënohen për vrasjet e shqiptarëve Ooooooo ec e mos piskatë o Llap!

/Leri ofendimet ndaj anetareve, dhe mos i shtrembero emrat. /ASD/

sorry supermoderator * AsgjëSikurDielli, nuk e dita që ke ndërhye dhe përmiresova!!!!!

[Zanë Kosove]

Oooooooooo ASD,

kur të vish në Ca, po erdhe ndojhere do të takoj me personin të cilit shkjau i dergoi fmijët ke kufiri Shqiptarë dhe të gjitha rraqkat e shtëpisë, pa t'jatin dhe t'ëmën!
Ai shkau do mund ta bente edhe atë, ti vriste ata fëmijë apo edhe të marrte rrugën drejtë e në serbi, por jo o yll mbajti fjalën e nderin e kojshisë!
ASD, te takoj me personin tjeter qe kojshia i parë që ishte rritur bashkë me djalin e kësaj grueje, pa asnjë fjalë goje ishte futur në shtëpin e tyre dhe kishte vra djalin e saj dmth shokun e gjenerates dhe te lojës!
Se a i kane bërë të gjitha ato te ligat që i paske cekë më lart, shkiet i kanë bërë, nuk ka dyshim, panë dhe u drithërua e tërë bota ;mirëpo edhe pse nuk kishin pas vra shqiptarët vet shqiptarët, kot gënjehemi në rast se themi JO!
Nuk i kam ditë këto ftyrat e Fatmirit dhe një të akuzuarit tjetër, mirëpo i pashë këtu i kishte atashuar nuk e di se cili, vetëm se një ta thotë Zana se feature e të dyve t'jep me kuptua shumë!!!!!!!!!!

I nderuar ASD, mos ma merr per t'keq kete ndrrim fjalesh , te them keshtu duke pas parasysh se ASD njef gjerat mire dhe eshte i theksuar....!

ps: më mirë do ishte sikur te akuzoheshin vetëm për vrasjet e shkive dhe do kishim arsyen te luftojmë apo edhe mos dorezimin e tyre, sepse mbrojten pragun e shtepisë, mirëpo në këtë mënyrë asnjë antarë i familjes së atyre shqiptareve te vrare nuk do heq dorë nga aktakuza( ndoshta edhe femijet e djepit te tyre janë "spiun").......masnej derisa lexova Drinin...për besën e zotit keq more keq.....!!!!
Shif anen e shkive,hej....e di sa kriminelët i ke atje , mirëpo asnjë s'dorëzohet e pse lum ASD, sepse ata nuk vranë shkie, vrane kroat, boshnjak dhe shqiptare......andaj edhe nuk dorezohen?!!!

prap po lutem me inshalla nuk denohen per vrasje të shqiptareve!

[dodoni]

Eshte nje problem goxha i thelle ky dhe eshte shume mire qe diskutohet, por te mos kalohet ne ekstremizma nen nje,dhe te mos flitet paushalle, sikur jane duke bere shume ketu.
Zoti Fatmir Limaj shquhet per veprimtarine e tij atdhetare, dhe kete nuk mund ta mohoj askushi fare, dhe qe te gjithe duhet te perkulen para kesaj, por edhe ne te njejten kohe ka pergjegjesi para shqiptareve qe ta ruaj respektin qe ka ne popull, te demantoje ato fakte qe Haga ka sjelle per vrasjen e shqiptareve, dhe nese me te vertete jane bere ato, atehere ai duhet te jape pergjegjesine per to para popullit te tij, te shpjegoj rastin, kjo eshte ne interes te tijin dhe te cdo shqiptari.
Zoti Fatmir Limaj, ne Hage nuk perfaqeson popullin shqiptar sepse nuk eshte populli shqiptar i akuzuar ne Hage por zoti Limaj, si dhe nuk perfaqeson UCK-ne atje, dhe as luften e UCK-se per liri, ai atje para asaj gjykate perfaqeson vetem veten e tij dhe aske tjeter, sepse vetem ai eshte gjykuar dhe jo kombi yne, UCK-ja etj etj. Pra, edhe ai , e edhe te gjithe te tjeret, nuk duhet te rreshqasin ne gabime te tilla, qe ne banken e te akuzuarve te paraqesin jo veten e tyre (qe me te vertete edhe jane) por kombin apo UCK-ne, ashtu sic edhe deklaroj zoti Limaj se aty eshte per te mbrojtur luften dhe UCK-ne, e githe kombin shqiptar, aty eshte per te mbrojtur veten e tij zoti Limaj, sepse ne aktakuze nuk thuhet se eshte i akuzuar kombi, lufta apo UCK-ja por zoti Limaj.
Edhe njehere uroj, shpresoj, dhe besoj ne pafajesine e zotit Limaj, por mendoj se eshte me se e nevojshme qe para kombit te dilet me nje shpjegim, sqarim lidhur me rastin e shqiptareve te vrare, e atehere nese me te vertete zoti Limaj eshte i pafajshem ne lidhje me vrasjen e tyre atehere edhe gjithe kombi yne, do te kete hala me shume respekt per zotin Limaj ne rradhe te pare por edhe te te gjithe te tjereve e edhe UCK-se, dhe do te beje cmos gjithe qe mund te bej per mbrojtjen e tij.
Pershendetje
Shpresoj ne mirekuptim
Rrofshin Shqiptaret e Bashkuar dhe Shqiperia e Bashkuar

[dodoni]

Flet kreu i PDK-së, i cili ndodhej bashkë me Limajn në Slloveni, para se ai të dorëzohej

Thaçi: Limaj është në Hagë për shkak të shpifjeve

Faton Osmani
PRISHTINË – Kreu i Partisë Demokratike të Kosovës, Hashim Thaçi kërkoi dje nga Gjykata e Hagës që Fatmir Limaj të trajtohet si i vetëdorëzuar dhe së bashku me tre të akuzuarit e tjerë t'u mundësohet që të mbrohen në liri. Thaçi tha për gazetarët se arrestimet që po ndodhin, po i dëmtojnë proceset politike në Kosovë, ndërkohë që për ish-bashkëluftëtarin e tij, Limajn thotë se ai ndodhet në Hagë, jo për shkak të veprimeve të tij, por për shkak të shpifjeve të ulëta ndaj tij. PDK e cila konsiderohet si strukturë e dalë nga UÇK-ja thotë se është krenare me të kaluarën dhe luftën dhe zotohet se do t’i mbrojë vlerat e kësaj lufte, sepse “nuk ka vepër më humane, se sa të luftohet policia, ushtria dhe aparati i Millosheviçit”. “PDK-ja do të angazhohet me tërë potencialin e vet që t’i mbrojë dhe t’i çojë përpara vlerat e luftës çlirimtare të popullit të Kosovës. UÇK-ja nuk ka bërë krime, ajo ka luftuar krimin dhe fashizmin e Milosheviçit”, - theksoi Hashim Thaçi, në një prononcim për median, dy ditë pas arrestimit të bashkëpunëtorit të tij të ngushtë nga Gjykata e Hagës, nën akuzën për krime lufte. Krimet në Kosovë, sipas tij janë udhëhequr dhe kryer nga regjimi i Beogradit, nga strukturat politike, policore, ushtarake të Serbisë. Ndërkohë që “UÇK ka zbatuar të gjitha rregullat e luftës konform konventave ndërkombëtare mbi luftën”. Megjithëse partia e dytë politike në Kosovë pranon juridiksionin e Gjykatës së Hagës mbi krimet e luftës në Kosovë, tërheq vërejtjen se “kjo nuk nënkupton që njeh edhe metodologjinë e udhëhequr nga logjika e denoncuesve”. Thaçi tha se periudha që po kalon Kosova i kujton kohën e fëmijërisë së tij, sepse edhe atëherë ndodhnin gjykime të njëpasnjëshme të njerëzve atdhetarë, të devotshëm, të sakrificës dhe që luftonin e punonin për çlirimin e vendit. Megjithatë Thaçi shtoi se partia që ai drejton është e vendosur për partneritet me bashkësinë ndërkombëtare. “Askush të mos mendojë se mund t’i ndalë apo bllokojë proceset, e as të armiqësojë raportet tona te brendshme apo me faktorin ndërkombëtar”. Kryetari i PDK-së, i cili ndodhej së bashku me Limajn të martën në Slloveni, kur ky i fundit iu dorëzua autoriteteve të atjeshme të policisë, pasi kuptoi se Gjykata e Hagës ka ngritur aktakuzën kundër tij, sqaroi për opinionin se as që është diskutuar ndonjë tentativë arratisje. “Unë kam qenë bashkë me Limajn. Ai në momentin që ka dëgjuar për ngritjen e aktakuzës nga del Ponte ka treguar gatishmërinë për t’iu dorëzuar organeve sllovene, menjëherë rreth orës 18.00…Ai është larguar ligjërsht prej aeroportit të Prishtinës e ka hyrë legalisht në aeroportin e Lubjanës”, - tha ai i pyetur nga gazetarët, në selinë e partisë në Prishtinë. Limaj ndodhet ende në Lubjanë për shkak të procedurave shtetërore të këtij vendi. Ndërkohë që është në procedurë e sipër, të marrë avokatët që do ta mbrojnë në Gjykatën e Hagës. “Askush nuk frikësohet prej drejtësisë dhe e drejta ka qenë dhe mbetet në anën e çlirimtarëve”, - tha Thaçi, i pyetur nëse frikësohet që edhe ai mund të akuzohet nga Gjykata, si njëri nga udhëheqësit kryesorë të UÇK-së.





Print Email




Copyright 2002 Shekulli

Kjo eshte shume deklarate me vend e zotit Thaci, se zoti Limaj eshte atje per shkak te shpifjeve, por neqoftese keta do te dilnin me te dhenat lidhur me vrasjen e atyre shqiptareve atehere edhe nuk do ti lene vend kritikave fajesuese ne adrese te zotit Limaj dhe te nje pjese te stafit te ish-udheheqesve te luftes clirimtare, pra se pari do te cfajesoheshin para nje pjese te popullit te vet qe eshte poashtu duke bere pergjegjes keta udheheqes per vrasjen e atyre shqiptareve , dhe pastaj qe te gjithe se bashku edhe do te benim mbrojtjen, ky eshte mendim imi.
Urojme, shpresojme dhe besojme qe sa me shpejte te deshmohet pafajesia e te gjithe luftetareve te akuzuar,e edhe e zotit Limaj si nje legjende e gjalle e luftes shqiptare per clirim te Dardanise dhe bashkim kombetar.
Pershendetje
Rrofshin Shqiptaret e Bashkuar dhe Shqiperia e Bashkuar

[dodoni]

Surroi: Ku gaboi Haga me dosjen "Limaj"
Publicisti Veton Surroi u shpreh dje se arrestimet e fundit ne Kosove, si dhe ai i Fatmir Limajt, me urdher te Gjykates Nderkombetare te Hages, provojne se nuk ka rregull e rend ne trajtimin e qytetareve. Ai po ashtu vlereson se strategjia serbe per Kosoven eshte e gjykuar per deshtim, sepse synon territorializimin etnik, kurse pala shqiptare duhet te punoje me mend per pergatitjen e platformes se bisedimeve te ardhshme per statusin perfundimtar.

Si i komentoni zhvillimet e fundit ne Kosove?

Mendoj se jane dy gjera te cilat duhen cekur. E para eshte qe gjithesesi si shoqeri, mendoj per partite politike, luftetaret dhe te tjeret, jemi percaktuar qe do te bashkepunojme me te gjitha institucionet nderkombetare, pra edhe me Gjykaten Nderkombetare te Hages. Brenda kesaj hyn natyrisht nje proces i teresishem i ndertimit te shoqerise, neper te cilin doemos duhet te kalojme, edhe neper rishikimin e se kaluares dhe spastrimin e krimeve eventuale te cilat jane bere individualisht, por per te cilat ekziston nje lloj kategorizimi kolektiv. Do te thote krimet kane qene individuale, por per ato akuzohet e te UCK-ja. Prandaj duhet kaluar edhe neper kete faze. Por ceshtja e dyte, e cila mua me ka brengosur dhe te cilen e kam shprehur edhe publikisht eshte se duhet te ekzistoje nje rend dhe rregull ne trajtimin e qytetareve kosovare, pra posacerisht edhe ne trajtimin e atyre te cilet kane qene luftetare te UCK-se apo jane sot deputete te Parlamentit te Kosoves, sic eshte rasti me zotin Limaj.

Mund te jeni me konkrete, per cfare trajtimi e keni fjalen?

Mendoj se ne vend te arrestimit te njerezve me urdhera te fshehte e sekrete do te duhej te ekzistonte nje procedure normale ku Gjykata Nderkombetare e Hages do te duhej t'i adresohej Parlamentit te Kosoves apo nepermjet UNMIK-ut, t'i adresohej drejtpersedrejti zotit Limaj dhe t'i thuhej se Gjykata e fton ate, se ai eshte i akuzuar dhe se duhet te kaloje neper nje proces gjyqesor. Zoti Limaj ne asnje forme nuk ka fshehur gatishmerine e tij, por perkundrazi ka shprehur vullnetin e tij per te bashkepunuar dhe nuk di pse do te duhej dyshuar ne kete.

Sa mund te ndikojne keto arrestime ne proceset politike ne Kosove?

Po ato doemos do te ndikojne ne proceset politike. Rrjedhen e ketyre proceseve edhe ashtu te nderlikuara nuk mund ta parashikojme per me tutje. Do te thote, sa do te mund te ndikoje te shpejtoje apo te kanalizoje proceset politike ky arrestim eshte veshtire te gjendet nje formule, e cila do ta maste tani, por une besoj qe doemos do te ndikoje qe te kete se paku nje nevoje kthjellimi tek faktori politik shqiptar dhe posacerisht tek institucionet kosovare.

Kohet e fundit po flitet gjithnje e me shume per nevojen e fillimit te bisedimeve rreth statusit perfundimtar te Kosoves dhe keto angazhime vijne si nga pala shqiptare, ashtu edhe ajo serbe. C'mendoni ju per kete?

Mendoj se doemos do te vije, gjithmone eshte ceshtja se kur te do te percaktohet data dhe ne cfare kornize. Mendoj se ngutja, e cila se pari filloi nga Beogradi ishte per qellime te caktuara: nuk ishte per te biseduar per status, por per te matur pulsin e faktorit politik shqiptar dhe une mendoj se reagimet kosovare kane qene te ngutura dhe te pa paramendura, sepse nuk mund te kete bisedime pa pranine e faktorit nderkombetar.

Kryeministri serb Xhinxhic thote se pala serbe ka strategjine per Kosoven!

Po, ka strategji, por ajo strategji eshte negative, dhe une mendoj qe ajo nuk i ndihmon pales serbe as te filloje e as te vazhdoje me ate strategji. Ajo strategji bazohet ne konceptin e territorializimit etnik, pra grumbullimin e serbeve brenda nje territori dhe angazhimin e atij territori qe te jete pike negociatore ne te ardhmen rreth statusit te Kosoves. Kete zoti Xhinxhic edhe e ka shprehur publikisht, duke thene se nese shqiptaret duan pavaresi te plote, atehere po ashtu edhe serbet do te kerkojne shkeputje nga ajo Kosove e pavarur. Ky eshte skenar i ndarjes dhe ky eshte skenari i cili faktikisht solli dhjete vjet luftera ne ish-Jugosllavi. Eshte fare i panevojshem dhe demton proceset e ndertimit te shteteve demokratike, si ne Kosove ashtu edhe ne Maqedoni, ne Bosnje e Hercegovine, por edhe ne vete Serbine. Serbia duhet te merret me punet e veta e jo te merret me ceshtje te copetimit te territoreve atje.

Cila eshte kunderpergjigja e pales shqiptare?

Po, pala shqiptare as ka menduar e aq me pak ka dhene mend ne reagimet e veta. Une mendoj qe pergjigja e pales shqiptare ne Kosove do te duhet te jete qe do te vije momenti i bisedimeve, te cilat duhet te pergatiten mire. Kornize per pergatitjen e tyre me prani nderkombetare, duhet te jene trendet e pergjithshme te zhvillimit te shoqerive demokratike ne Evrope dhe ne civilizimin perendimor. Edhe shqiptaret natyrisht sot mund te dalin faqebardhe edhe publikisht me keto koncepte, sepse ne mos per kurrgje tjeter, duke ruajtur me angazhimin e tyre integritetin e Maqedonise, jane duke e ruajtur integritetin e Kosoves. Dua te them se perpjekja politike shqiptare ne Ballkan nuk ka qene copetimi i territoreve ku banojne etni te tjera, marrja e territoreve te tjera, por ka qene nje proces i cili eshte bazuar ne njohjen e procesit te cintegrimit te ish Jugosllavise brenda kornizave juridike te cilat i kishte ajo federate.

BBC




--------------------------------------------------------------------------------
22/02/2003
Marre nga korrieri
Pershendetje
Rrofshin Shqiptaret e Bashkuar dhe Shqiperia e Bashkuar

[dodoni]

Harnish: Përcaktimi i Limajt shenjë se ai respekton ligjin dhe rendin


Shefi i Zyrës amerikane në Prishtinë, Rino Harnish, ka shprehur përkrahje për vullnetin e Fatmir Limajt për vetëdorëzim në Gjykatës së Hagës, por edhe deklaratat e Thaçit në lidhje me këtë rast.
"SHBA-të mirëpritën dhe përkrahin deklaratat e Limaj dhe Thaçit. Limaj u përcaktua që të shkojë në gjyq, dhe kjo është një shenjë se ai përkrah dhe respekton ligjin dhe rendin, por njëkohësisht ai edhe do të

shkojë që ta mbrojë veten. SHBA beson se ky është një demonstrim i qartë, për përkrahjen e sudimit të ligjit nga Limaj, Thaçi dhe PDK-ja në përgjithësi",tha Rino Harnish, pa takimit që pati me kryetarin e PDK-së Hashim Thaçi.

Marre nga RTKLive

[dodoni]

Radio Televizioni i Kosovës




Harnish: Përcaktimi i Limajt shenjë se ai respekton ligjin dhe rendin


Shefi i Zyrës amerikane në Prishtinë, Rino Harnish, ka shprehur përkrahje për vullnetin e Fatmir Limajt për vetëdorëzim në Gjykatës së Hagës, por edhe deklaratat e Thaçit në lidhje me këtë rast.
"SHBA-të mirëpritën dhe përkrahin deklaratat e Limaj dhe Thaçit. Limaj u përcaktua që të shkojë në gjyq, dhe kjo është një shenjë se ai përkrah dhe respekton ligjin dhe rendin, por njëkohësisht ai edhe do të

shkojë që ta mbrojë veten. SHBA beson se ky është një demonstrim i qartë, për përkrahjen e sudimit të ligjit nga Limaj, Thaçi dhe PDK-ja në përgjithësi",tha Rino Harnish, pa takimit që pati me kryetarin e PDK-së Hashim Thaçi.

21 shkurt 2003, ora: 17:09 CET







Haga i bën kërkesë zyrtare Sllovenisë për ekstradimin e Limajt


Zyrtarët e Sllovenisë kanë marrë një kërkesë zyrtare nga Gjykata e Hagës për ekstradimin e Fatmir Limajt në Hagë.

21 shkurt 2003, ora: 15:57 CET







Vazhdon gjykimi i grupit të Llapit


Po vazhdon edhe sot gjykimi i katërshes nga ish-Zona e Pestë Operative e UÇK-së, në mesin e të cilëve është edhe ish-komandanti i kësaj zone, gjeneralmajor Rrustem Mustafa-Remi.
Akuza i ngarkon ata për rrëmbimin, torturimin dhe vrasjen e gjashtë shqiptarëve në vitet 1998 – 1999.

21 shkurt 2003, ora: 15:56 CET







Filloi konferenca “Vizioni i infermieres kosovare”


Me moton “Vizioni i infermieres kosovare”, hapi punimet konferenca e parë e këtij lloji me pjesëmarrës ndërkombëtarë.
“Është një ndër sfidat e mëdha të cilat ne tash po i kalojmë, shpresojmë se edhe në të ardhmen do ti kalojmë pa vështirësi të mëdha” theksuan zyrtar të këtij asociacioni.

21 shkurt 2003, ora: 15:56 CET







Batalioni i mjekësisë i TMK-së evakuon 2 pacientë në Gjermani


Batalioni i 40- të i mjekësisë së TMK-ës bëri transferimin e dy pacientëve për shërim të mëtutjeshëm në Gjermani.
Pacientët nga aeroporti i Prishtinës u transferuan me aeroplan special për evakuim ajror. Përmes të njejtin aeroplan TMK-së i ka arritur një donacion me vlerë të madhe me pajisje mjekësore të siguruara nga shoqata gjermane “Ndihmë viktimave të luftës”. Deri më tani në Batalionin e 40 të mjekësisë kanë aplikuar 113 pacientë prej të cilëve në Gjermani janë evakuar 18 persona.

21 shkurt 2003, ora: 15:54 CET







KEK –u i Gjilanit i pakënaqur me reduktimin e punëtorëve


Zyrtarët e KEK-ut në Gjilan shprehen të pakënaqur me reduktimin e numrit të punëtorëve, duke këmbëngulur se distribucioni i Gjlanit, ka nevojë për më tepër punëtorë.




21 shkurt 2003, ora: 15:52 CET







Thaçi takon Shtajnerin dhe Harnishin


Kryetari i PDK-së është takuar me kryeadministratorin e Kosovës Mihael Shtajner. Thaçi e Shtajner biseduan për situatën e krijuar pas arrestimeve të fundit. Thaçi takohet sot edhe me shefin e zyrës amerikane Rino Harnish, ndërsa është paralajmëruar se do të vizitojë edhe familjen Limaj në Banjë të Malishevës.





21 shkurt 2003, ora: 11:51 CET







Limaj dhe të tjerët do të dëshmojnë për vlerat e luftës


Kryetari i asociacionit të Komunave të Kosovës, Lutfi Haziri, ka deklaruar se Fatmir Limaj dhe të arrestuarit e tjerë do të dëshmojnë në Hagë për vlerat e luftës së ish Ushtrisë Çlirimtare të Kosovës.



Marre nga RTKLive
Pershendetje
Rrofshin Shqiptaret e Bashkuar dhe Shqiperia e Bashkuar

[dodoni]

Protestë në Vushtrri kundër arrestimit të të akuzuarve të Hagës: Zihet rruga, gurë mbi policinë


VUSHTRRI, 21 shkurt - Në shenjë revolte për arrestimin e Fatmir Limajt dhe tre bashkëluftëtarëve të tij nga Tribunali i Hagës, protestues të shumtë në Vushtrri bllokuan sot rrugën magjistrale Prishtinë-Mitrovicë për rreth 30 minuta. Në protestë u shënuan edhe incidente. Sipas protestuesve, arrestimet, burgosjet dhe dënimet e luftëtarëve më të devotshëm të luftës çlirimtare bëhen në bazë të akuzave të rrejshme dhe kanë prapavijë politike. Në emër të këshillit organizativ të protestës, Salih Salihu tha se këto burgosje janë të dirigjuara nga Beogradi dhe kanë për qëllim kthimin e Kosovës në Serbi. “Ne kurrë nuk do të lejojmë që nga asnjë forcë të nëpërkëmben vlerat e luftës çlirimtare dhe dinjiteti i prijësve të saj”, tha nga ana tjetër kryetari i Shoqatës së Veteranëve të Luftës të UÇK-së për Zonën Operative të Shalës, Hamit Muja. Sipas tij, arrestimi i pjesëtarëve të ish-Ushtrisë Çlirimtare të Kosovës është burgosje e krenarisë së popullit është burgosje e Kosovës. Protestuesit marshuan rrugës kryesore të qytetit të Vushtrrisë për të bllokuar më pas për rreth 30 minuata rrugën magjistrale Prishtinë-Mitrovicë. Megjithë përpjekjen e organizatorëve për të qetësuar turmën, disa prej protestuesve në shenjë revolte hodhën gurë mbi policinë. Me këtë rast u thyen xhamat e disa automjeteve të policisë së UNMIK-ut dhe të KFOR-it, ndërkohë që u shtuan masat e sigurisë, por pa reaguar ndaj sjelljes së disa protestuesëve.

Marre nga radio21
Mendoj se nuk duhet kaluar ne ekstremizem, si dhe nuk duhet marre kete si gjykim ndaj UCK-se, por ndaj nje eprori te saj, sepse atje nuk eshte duke u gjykuar UCK-ja.
Urojme, shpresojme dhe besojme ne pafajesine e zotit Limaj dhe lirimin sa me te shpejte te tij
Pershendetje
Rrofshin Shqiptaret e Bashkuar dhe Shqiperia e Bashkuar