Status i veçantë për veriun e Kosovës?

[ARIANI_TB]

Bruksel, 7 korrik – Bashkimi Evropian është i gatshëm për bisedime rreth statusit të veçantë për veriun e Kosovës në përpjekjet për të gjetur një kompromis përfundimtar ndërmjet Beogradit e Prishtinës, shkruan “EU Observer”, të cilin e transmetojnë mediet e Beogradit. Bisedimet rreth kësaj çështje do të mund të fillonin posa të marr vendimin Gjykata Ndërkombëtare e Drejtësisë mbi legalitetin e shpalljes së pavarësisë së Kosovës.

Zgjidhja e problemit në veriun e Kosovës, për cilin angazhohen diplomatët evropianë, do t’u bënte të mundur serbëve të atjeshëm një lloj statusi special, të ngjashëm me atë të aplikuar në Tirolin Jugor, dhe në Irlandën Veriore, por pa hapur negociatat rreth statusit ose ndarjes së Kosovës.

“Autoritetet në Beograd do të duhej të demonstronin qëndrim konstruktiv ndaj Kosovës, por pa detyrimin të njohin pavarësinë”, shkruan “EU Observer”, duke theksuar se veriu i Kosovës, përkatësisht rreth 10 % e territorit në veri të Ibrit, nuk do të ndahej plotësisht ashtu siç është ndarë Republika Srpska në BeH.

Megjithatë, serbët në veri të Kosovës do të gëzonin autonomi të plotë, më të madhe nga ajo e paraparë me planin që e ka hartuar ish-presidenti finlandez Marti Ahtisari, kurse garantues të asaj autonomie do të ishin Prishtina dhe Beogradi.

Në matematikën e komplikuar, që e kanë prezantuar diplomatët perëndimorë, Serbia nuk do të ishte e detyruar të njoh pavarësinë e Kosovës, por do të duhej të mbante qëndrim konstruktiv ndaj pjesëmarrjes së Prishtinës në organizatat rajonale, tregti...si kundërshpërblim Serbisë do t’i ofrohej rrugë e lehtësuar për anëtarësim në BE.

“EU Observer” thekson se Gjermania, Franca dhe Britania e Madhe tashmë ia kanë tërhequr vërejtjen Serbisë se përpjekjet që të rifillojnë negociatat mbi statusin e Kosovës nuk do të hasin në përkrahje, duke propozuar që Beogradi dhe anëtarët e BE-së të hartojnë një projektrezolutë të përbashkët pasi të publikohet mendimi i Gjykatës Ndërkombëtare të Drejtësisë mbi legalitetin e pavarësisë së Kosovës.

“Pala serbe e ka hedhur poshtë këtë propozim dhe ka vendosur të hartojë vet projektrezolutën, të cilën në shtator do ta prezantojë para Asamblesë së Përgjithshme të KB”, shkruan “EU Observer”, duke theksuar se anëtarët e BE-së ia kanë tërhequr vërejtjen Beogradit se “fushata në Asamblenë e Përgjithshme të KB kundër BE-së për Kosovën do të kenë pasoja të pashmangshme për fatin e aplikimit të Serbisë për anëtarësim në BE”.

Mirëpo, nëse Serbia nuk do të lobojë me agresivitet dhe të shmangë fushata të zjarrta, dhe nëse toni i rezolutës do të jetë i pranueshëm për anëtaret e BE-së, Londra, Parisi dhe Berlini janë të gatshme që në tetor të nisin procedurën e kandidimit të Serbisë për anëtarësim në BE, përfundon shkrimi.

[ARIANI_TB]

EU Observer: BE, e gatshme për status special për veriun


Nga Express më 07.07.2010 në ora 19:42
Në përpjekje për të gjetur një kompromis përfundimtar ndërmjet Beogradit dhe Prishtinës, Bashkimi Evropian është i gatshëm për bisedime rreth statusit të veçantë të veriut të Kosovës, shkruan EU Observer.

Bisedimet rreth kësaj çështjeje do të mund të fillonin pas mendimit këshillëdhënës të Gjykatës Ndërkombëtare të Drejtësisë në Hagë.

Zgjidhja e problemit në veriun e Kosovës do t’iu mundësonte serbëve të atjeshëm një lloj statusi special të ngjashëm me atë të aplikuar në Tirolin Jugor dhe Irlandën e Veriut, por pa hapur negociatat rreth statusit ose ndarjes së Kosovës.

Autoritetet në Beograd do të duhej të demonstronin qëndrim konstruktiv ndaj Kosovës, por pa detyrim që ta njohin pavarësinë e Kosovës, shkruan EU Observer.

Sipas EU Observer, veriu i Kosovës nuk do të ndahej plotësisht, por serbët e asaj pjese do të kërkonin autonomi më të madhe nga ajo e paraparë me planin e ish-ndërmjetësit Marti Ahtisari, kurse garantues të asaj autonomie do të ishin Prishtina dhe Beogradi.

Gjermania, Franca dhe Britania e Madhe, sipas EU Observer, tashmë ia kanë tërhequr vërejtjen Serbisë se përpjekjet që të fillojnë negociatat për statusin e Kosovës nuk do të gjejnë përkrahje, duke propozuar që Beogradi dhe anëtarët e BE-së ta hartojnë një projekt-rezolutë të përbashkët pasi të publikohej mendimi i GJND-së.

Por, propozimi është kundërshtuar nga Beogradi zyrtar, i cili ka vendosur ta hartojë vetë projekt-rezolutën, të cilën në shtator do ta prezantojë para Asamblesë së Përgjithshme të Kombeve të Bashkuara.

[B.C.B]

shkoj mitrovica sherri i gllupav qe nuk dijn me udh`heq.
bojm shkijet referendum mas ni kohe edhe bashkohen me serbi e na mesim tu e ngu hashim kalin qka po na rren

[RinorZ]

Lere qe shkoi Mitrovica, kete gje e dime...

Por e shkreta Kosove pervece kesaj do t'a humb edhe Presheven., e me pas le te i shikojne ''politikuajte'' tane yjet gjate dites...

[Hidalgo]

Presheva eshte Mitrovica e jugut.

[Odi_fr]

Po qka dojn more ti bajn ksaj kosove te shkret sa e vogel ka mbet edhe Mitrovicen dojn te na marrin.Per tu ngritur pushk esht ne qoftse ndermirret diqka e till.

[ganimet]

Se di nese ua kom tregu nji mesele.me sa kujtoi me esht fshi nga adminet po nejse po e provoi edhe nji her del ku te del.Disa edhe e kan degju sigurisht e nese nuk u merzis jo jo kalojeni me mik mausin .Njani i kish pas do qe zabuna kish dal me nji are e ishte pak perpjeteze e sja ngrehshin -terheqshin qerren.Eh i ziu bujk kish ra ne telashe i lutke qet e besa edhe thuper thane i rrifte po kiet nuk degjoijshin i kishin pas lan vesht krejt. I nxjer do kallamboq e ua tregojke ata zgjatshin gjuhen po qerren se terhiqeshin,Njani duke kalu po e sheh ka kjametohet e po i thot oooooolarg larg... aj largohej e spo e kuptonte se ti u kishte qit tagji dimrit skish pas kso telashe i ngrati bujk. Edhe ne kemi pas me i da karrigat e fotelet e tash na i ndajn megjat zhuganat.
Bona hallall se ju merzita.

[B.C.B]

renin e kan qeta qe po e perkrahin qeverine e kta mutat e politikes me dal me mbrojte mitrovicen,e kta nuk jon qe dalin as para deres vet.

[perspektiva]

Cka ka lidhje le ta merr veriun .Cka i duhet Kosoves .Mjaft ka sa per te vjedhur dhe per ti pasuruar politikanet.
Serbia do Tokio

[Llapi]

BE përgatitet për GJND
Katër ditë pas shpalljes së vendimit të GJND’së për Kosovën, Bashkimi Europian do të deklarohet për këtë çështje. Brukseli po përgatitet për takimin. BE’ja pritet të bëjë thirrje për dialog mes Prishtinës dhe Beogradit, por në asnjë mënyrë për statusin, ka shkruar waz.euobserver.

Nga Express më 17.07.2010 në ora 9:47
Bashkimi Europian po përgatitet se si të reagojë pas shpalljes së opinionit këshillëdhënës të Gjykatës Ndërkombëtare të Drejtësisë në Hagë, më 22 korrik, ka shkruar waz.euobserver, në edicionin e saj në internet, të premten.

“Pritet që Kosova dhe opinioni i GJND’së do të diskutohen të hënën më 26 korrik dhe Bashkimi Europian do të mbështesë dialogun mes Kosovës dhe Serbisë, por kurrfarë negociatash për statusin. Madje edhe në këtë pikë duket se nuk ka konsensus mes shteteve anëtare të BE’së”, shkruan waz.euobserver.

Parlamenti Evropian ka aprovuar një rezolutë për Kosovën, javën e kaluar, duke kërkuar nga pesë shtetet të BE’së që ta njohin pavarësinë e shtetit të ri.
Autoritetet e Kosovës kanë thënë se Gjykata nuk mund të japë opinion që është kundër vullnetit të popullit të Kosovës për pavarësi. Ministri i Jashtëm, Skënder Hyseni pret që shumë shtete ta njohin pavarësinë e Kosovës.

Nga ana tjetër, Serbia shpreson që GJND’ja do të thotë se shpallja e pavarësisë së Kosovës nuk është në përputhje me të drejtën ndërkombëtare. “Ky do të jetë një moment i së vërtetës, një vërejtje për Prishtinën se me akte të njëanshme nuk mund të ndryshojë të drejtën ndërkombëtare”, ka thënë Ministri i Jashtëm serb, Vuk Jeremic.

Serbia beson se pas opinionit të GJND’së mund të iniciojë një debat në Asamblenë e Përgjithshme të OKB’së në përpjekje për të rihapur negociatat rreth statusit të Kosovës.

Sipas diplomatëve në BE’së, kjo lëvizje do ta përplasë Serbinë me shtete të mëdha perëndimore, të cilat e kanë njohur pavarësinë e Kosovës. Kjo mund të ketë ndikim negativ për aspiratat e Serbisë drejt integrimit në Bashkimin Europian.

Çfarëdo debati në Asamblenë e Përgjithshme të OKB’së rreth pavarësisë së Kosovës shihet si një rrezik tjetër për BE’në, sepse mund të dalë në shesh ndarja mes shteteve anëtare për një çështje të rëndësishme të politikës dhe sigurisë së përbashkët të BE’së.

“Nëse BE’ja nuk mund të flasë me një zë rreth Kosovës, e cila është pjesë e Evropës dhe ku BE’ja është e angazhuar në mënyrë masive, si në aspektin ekonomik, politik dhe me mision të sundimit të ligjit, atëherë politika e saj e jashtme do të jetë më pak kredibile në botë”, citohet të ketë thënë një diplomat i BE’së.