Autobusi bie në lumin Fan, 6 të vdekur dhe mbi 20 të plagosur

[strange]

Autobusi bie në lumin Fan, 14 të vdekur


Një ngjarje e rëndë ka ndodhur të shtunën rreth orës 17:00 në aksin Rrëshen-Fushë Arrëz, në Shqipëri, ku autobusi me targa PU 1330 ka dalë nga rruga dhe ka rënë rreth 400-500 metra në një greminë, njoftojnë mediat shqiptare. Sipas informacioneve 14 persona kanë vdekur, mes të cilëve edhe fëmijë, dhe mbi 20 të plagosur, shumë nga ta me gjendje shumë të rëndë shëndetësore.

Kryeministri i Shqipërisë, në një konferencë për shtypë, me rastin e këtij aksidenti shprehu ngushëllime familjarëve për vdekjet e më të dashurve.

Nuk dihet ende numri i saktë i pasagjerëve që ndodheshin ne automjetin e aksidentuar. Sipas BalkanWeb, autobusi i drejtuar nga shtetasi Zef Marku, ishte nisur nga Tirana drejt Fushë Arrëzit dhe ka rënë në lumin Fan i Madh në fshatin Dom të komunës së Gjegjanit (në foto shihet vendi ka është shkaktuar aksidenti tragjik).

Të gjitha autoambulancat e Rrëshenit janë angazhuar për të transportuar të plagosurit në spital, ndërsa Ministria e Shëndetësisë ka vënë në dispozicion mjete për transportimin drejt Tiranës të atyre që paraqiten në gjendje të rëndë. Ndërkohë janë angazhuar edhe automjete civile për transportimin e të plagosurve drejt spitalit të Rrëshenit dhe Pukës.
Dëshmitarë nga vendngjarja bëjnë të ditur se banorët e fshatit dhe autoritetet janë vënë në lëvizje për të nxjerrë të plagosurit nga gremina ndërsa numri i viktimave pritet të rritet.

Burime zyrtare nga Spitali Ushtarak bëjnë të ditur se pak minuta pasi ka mbërritur në spital, ka humbur jetën drejtuesi i autobusit, 48 vjecari Zef Gjergji. Numri zyrtar i viktima është 10, ndërsa flitet edhe për një tjetër të vdekur, që e çon në 14 numrin e të vdekurve në këtë aksident të rëndë që tronditi veriun e Shqipërisë pasditen e sotme. /Agjencitë/Telegrafi/

[Besoja]

Një lajm më se i hidhur.
Të plagosurit shpresoj të dalin nga ajo gjëndje dhe ngushëllime familjeve të viktimave!

[xani1]

Lajm i hidhur. Ngushëllime familjeve, shërim të shpejtë të plagosurve.

[ximi_abedini]

vertet nje ngjarje e rend e cila me preku dhe mu dhimbsen shum keta persona qe pesuan ket aksident
une lus zotin qe personat qe humben jeten ne ket aksident ti merr nen mbrojtjen e tij dhe me meshiren e tij te pakufishme ti meshiroj dhe ti ti fal dhe ti shperblej me parajs, te lenduarit sa me shpejt ti sheroj ,ndersa familjet e tyre dhe ata te cilet jan ne gjendje te rend psiqike per shkak te humbjes se ketyre personave inshalla zoti i ndihmon qe te behen te fort perball kesaj ngjarje te rend

[Explorer]

Aksident i rende ... !!!

Me vjen keq.....!!!!

Shqiperia ka nevoje ULTRA-Urgjente per rregullimin e rrugeve.

[e panjohura]

Ngushllime familjeve,e sherim te lenduarve,lutem te jete i fundit!

[PINK]

shume te frikshme jane ato rruget atje, me humnera, te zinte tmerri te udhetoje. Si nuk i bejne me betona apo ndonje gje tjeter anash. Gjynah, kane pare tmerr.

[illyrian rex]

Ngushllime familjarve....

[ardiana luzha]

Ngushllime edhe nga ana ime per te gjithe familjaret.

[gimche]

Populli i Kosovës solidarizohet me të prekurit nga aksidenti tragjik

Presidenti i Kosovës, Fatmir Sejdiu, i ka dërguar një telegram presidentit të Shqipërisë, Bamir Topi, me anë të të cilit ka shprehur ngushëllimet më të sinqerta për shuarjen e jetës së qytetarëve që pësuan të shtunën në aksidentin tragjik në aksin Rrëshen -Fushë Arrëz.

“Ky lajmi i kobshëm është përjetuar me pikëllim të thellë kudo në Kosovë. Prandaj, në këtë ditë zie për të gjithë ne, ritheksoj solidaritetin e plotë të popullit të Kosovës me të gjithë të prekurit nga kjo fatkeqësi e madhe, me familjarët e viktimave, me institucionet e shtetit dhe me mbarë popullin shqiptar”, thuhet në telegramin e Sejdiut.

Njëherit, presidenti ka uruar që të lënduarit të shërohen sa më shpejt dhe të kthehen në shtëpitë e tyre. /Telegrafi/