Autobusi bie në lumin Fan, 6 të vdekur dhe mbi 20 të plagosur

[gimche]

Autobusi bie në lumin Fan, 6 të vdekur dhe mbi 20 të plagosur

Rrëshen, 17 korrik (E plotësuar) - Një ngjarje e rëndë ka ndodhur sot rreth orës 17:00 në aksin Rrëshen-Fushë Arrëz, në Shqipëri, ku një autobus ka dalë nga rruga dhe ka rënë rreth 400-500 metra në një greminë, ka njoftuar media shqiptare.
Sipas informacioneve paraprake, dyshohet për 6 persona të vdekur mes të cilëve edhe fëmijë, dhe mbi 20 të plagosur. Mirëpo, nuk dihet ende numri i saktë i pasagjerëve që ndodheshin ne automjetin e aksidentuar.
Sipas BalkanWeb, autobusi ishte nisur nga Tirana drejt Fushë Arrëzit dhe ka rënë në lumin Fan i Madh në komunën e Gjegjanit (në foto shihet vendi ka është shkaktuar aksidenti tragjik).
Të gjitha autoambulancat e Rrëshenit janë angazhuar për të transportuar të plagosurit në spital, ndërsa Ministria e Shëndetësisë ka vënë në dispozicion mjete për transportimin drejt Tiranës të atyre që paraqiten në gjendje të rëndë.
Ndërkohë janë angazhuar edhe automjete civile për transportimin e të plagosurve drejt spitalit të Rrëshenit dhe Pukës.
Dëshmitarë nga vendngjarja bëjnë të ditur se banorët e fshatit dhe autoritetet janë vënë në lëvizje për të nxjerrë të plagosurit nga gremina ndërsa sipas dëshimve në News24 numri i viktimave pritet të rritet. Pasagjerët kanë dalë nga dritaret gjatë momentit të rënies, ndërsa numri i personave që udhëtonin në autobus nuk bëhet ende i ditur.
Policia ka mbërritur menjëherë në vendngjarje dhe ka nisur hetimet për shkaqet e këtij aksidenti të rëndë. Ndërkohë me urdhër të ministrit të Brendshëm, Lulëzim Basha është ngritur një shtab emergjence për ngjarjen e rëndë. Kreu i policisë së shtetit, Hysni Burgaj, zv.ministri i Brendshëm, Avenir Peka dhe forca të shumta të RENEA-s kanë udhëtuar drejt komunës Gjegjan. /koha/

[Ksanthi]

Lajm vertet i hidhur .

[Marinari]

Tragjedi e madhe!

Ngushellime familjeve.

[Station]

Lajm shum i hidhur dhe trondites.
Viktimat jane 7 (shtate) deri ne 10 (dhjete) por numri i viktimave pritet te rritet sepse ka edhe shume te plagosur rende.
Ngushellime familjeve te viktimave.

[Jack Watson]

Tani e degjova në lajme: zyrtare 12 të vdekur dhe 26 të plagosur, shumë prej tyre në gjendje të rëndë.

Shpresojmë që të mos ketë shtim të viktimave.

[USA NR1]

me te vertete lajm i hidhur

[aMLe]

Sa gjynah......kete po degjoja dhe une tani.8 persona te plagosur rende jane sjelle ne Tirane.
Ngushellime familjareve per personat qe kane humbur jeten dhe sherim sa me te shpejte te plagosurve

[Xhuxhumaku]

ngushellime,

dhe jo autobusa ktyre shoferave te laq, bruqit,

se gjtihnji kane qene dhe jane tmerr i shoferave te tjere, i marrin kthesat ngushte fare.

te mjeret banoret e atyre zonave qe detyrohen te hypin nen te tille shofere.

[Shpirt Njeriu]

Shume gjynoh,jane 14 te vdekur.

Ngushellimet e mija me te vertet nje tragjedi e pa menduar.

[Shpirt Njeriu]

Aksidenti në Fushë Arrëz, 14 të vdekur. Qeveria: 18 korriku ditë zie

Qeveria e Shqipërisë shpalli 18 korrikun 2010 ditë zie kombëtare pas

aksidentit të rëndë të ndodhur sot në afërsi të Fushë Arrësit ku autobusi i linjës doli nga rruga duke shkaktuar deri tani 14 persona të vdekur dhe dhjetëra të plagosur.
Kryeministri Sali Berisha gjatë një vizite tek të plagosurit në spitalin ushtarak tha se ka një angazhim maksimal në operacionin e shpërtimit ndërsa ngushëlloi të afërmit e viktimave. Ai u uroi shërbim të shpejtë personave të plagosur.
Ndërkohë në spitalin ushtarak në Tiranë ku ndodhen të plagosurit ka mbërritur edhe presidenti Bamir Topi.
Ndihem shumë i lënduar për këtë aksident që mori përmasa tragjike. Jam pranë tyre në këto momente të vështira, uroj që të gjithë të plagosurit të dalin nga gjendja e tyre kritike”, tha kreu I shtetit. Ai nënvizoi se e rëndëishme është të thuhet se ka pasur një organizim dhe një solidaritet njerëzor për ngjarjen.
Të plagosurit janë vizituar në spitalin ushtarak edhe nga kryetari i Partisë Socialiste Edi Rama i cili e konsideroi ngjarjen si një moment të vështirë për të gjithë.
Drejtori i përgjithshëm i policisë Hysni Burgaj ka konfirmuar se numri i të vdekurve nga aksidenti ka shkuar në 14.