Ministri i Ekonomisë, Dritan Prifti hodhi poshtë dje si shpifje dhe trillime pretendimet e ngritura disa herë publikisht nga opozita lidhur me deklarimin e pasurisë së tij. Në seancën e djeshme plenare, ministri Prifti kërkoi hetimin e çdo qindarke të pasurisë së kreut të PS, Edi Rama, që nga vila që ka në Durrës, me emrat e biznesmenëve të vet, deri te Vila në Shkodër dhe qindra apartamente në Tiranë. Prifti tha se mashtrimet e Ramës lidhur me deklarimin varfanjak të pasurisë së tij janë absurde, ndërsa theksoi se, "ai njeri thotë është i pastrehë. Ai njeri thotë që ka vetëm tre mijë euro pasuri në bankë. Unë po iu them që tre mijë euro bën vetëm substanca që ai thith me hundë çdo ditë. Vlera e një dite e substancës që Edi Rama thith me hundën e vet bën më shumë se sa tre mijë euro". Më tej Prifti ka lëshuar një sërë akuzash, sipas të cilave, Rama jo vetëm që është i pastrehë, por sipas fakteve të dhëna nga vet ndërtuesit, kreu i PS disponon mbi 200 apartamente në kryeqytet të përfituara nga aferat korruptive në Bashkinë e Tiranës. "Këta abuzojnë mbi sinqeritetin e një deklarimi që kam bërë unë dhe familja ime. Unë dhe familja ime, në ndryshim nga shefi i tyre, Edi Rama, deklarojmë çdo gjë ashtu siç është. A ka shqiptar, kolegë deputetë, që beson se zoti Edi Rama është i pastrehë? Ai në deklaratën e tij të pasurisë thotë që është i pastrehë dhe ne të gjithë e dimë që Edi Rama është pronar i fshehtë i mbi 200 apartamenteve në Tiranë, sepse flasin ndërtuesit. Taksa e tij e jashtëligjshme është 30 euro metër katror për çdo leje ndërtimi që ka dhënë nga viti 2000 e deri sot. A ka shqiptar që e beson këtë gjë qesharake, që Edi Rama nuk ka shtëpi, që jeton me nënën e vet? Dallimi mes tij dhe meje është që unë dhe familja ime deklarojmë çdo qindarkë që kemi bërë në mënyrë të ndershme dhe të ligjshme", u shpreh ministri Prifti. Në vijim, ai ftoi ILDKP që të nisë hetimin e pasurisë së tij, por edhe të Edi Ramës, pasuria e të cilit nis me vilat në Durrës, Tiranë e deri në Shkodër. Gjithashtu, Prifti theksoi se Rama përveçse fsheh pasurinë marramendëse të tij, i fsheh publikut shqiptar edhe orientimin e tij seksual. "Me një klloun, me një karagjoz, i cili nga mëngjesi deri në darkë abuzon, i cili nga mëngjesi deri në darkë nuk është normal, nuk mund të merret ai me akuza, shpifje dhe manipulime. A ka shqiptar që ta besojë? Vetëm me hundë thith tre mijë euro Edi Rama. A ka shqiptar që e beson këtë njeri se ka tre mijë euro në bankë. E ftoj këtu para jush Inspektoratin e Lartë të Deklarimit dhe Kontrollit të Pasurive dhe çdo institucion hetimesh në vend të hetojë çdo qindarkë të pasurisë sime, duke filluar që sot. Të hetojnë çdo qindarkë të pasurisë sime dhe të hetojnë çdo qindarkë të pasurisë së Edi Ramës, që nga vila që ka në Durrës, me emrat e biznesmenëve të vet, deri te vila në Shkodër dhe qindra apartamente në Tiranë. Një njeri që fsheh gjërat e rëndësishme. Ai njeri nuk thotë është burrë apo grua, apo jo? I fsheh popullit të vet orientimin e vet seksual. Është turp i madh", tha ndër të tjera ministri i Ekonomisë.
RD
Përgjigju Duke Cituar
Postuar më parë nga EAvdyli
Krijoni Kontakt