Dell nuk e përjashton një autonomi për serbët në veri të Kosovës

[ARIANI_TB]

Prishtinë, 26 korrik 2010 - Ndonëse ideja e shprehur kohëve të fundit për t'i dhënë një autonomi apo status special veriut të Kosovës është kundërshtuar nga qeveritarët dhe opozita, ambasadori amerikan në Prishtinë, Cristopher Dell, pohon të kundërtën. Pas vendimit të GJND-së pro pavarësisë së Kosovës, gjatë një brifingu në Washington, Dell nuk ka përjashtuar mundësinë që Beogradi dhe Prishtina të diskutojnë një autonomi eventuale për serbët në veri të Kosovës. Kryeministri i Kosovës, Hashim Thaçi, sipas gazetarëve, gjatë qëndrimit në Washington ka hedhur poshtë një mundësi të tillë. "E kam dëgjuar kryeministrin Thaçi, së paku njëherë publikisht, por shumë herë në biseda private, të thotë se është i gatshëm që “kreativisht" të shqyrtojë mënyrat në të cilat mund të respektohet natyra speciale e veriut të Kosovës, në kufijtë e vetë shtetit të Kosovës, duke pasur parasysh se në Evropën e shekullit 21 ka vend për një status special, përkatësisht, ndoshta statusi është fjalë e gabuar - për natyrën e posaçme të rajonit brenda shteteve të pavarura. Që të jem më pak enigmatik, këtu mendojmë në rregullimet rajonale çfarë ekzistojnë në Belgjikë, Tirolin Jugor dhe në shumë zona të Evropës. Mirëpo, nuk jam në pozicion që të përgjigjem në emër të Prishtinës dhe Beogradit, dhe kjo është çështje për përfaqësuesit e këtyre vendeve", është shprehur Dell para gazetarëve në Washington, transmeton "Zëri i Ameirikës" në serbisht.

[ARIANI_TB]

http://fpc.state.gov/145040.htm

[ARIANI_TB]

http://www.state.gov/video/?videoid=207638641001

[xani1]

Të shpresojmë se ky nuk është qëndrim i Amerikës zyrtare, anipse unë mendoj se Dell nuk flet krye më vete.

[ARIANI_TB]

Ne coftese ne te vertete do ndodhte nje gje e tille, pra nese e tera kjo eshte e vertete, athere del qe GJND-ja nuk ishte ne favor te Kosoves 10 - 4, por me nje fjale na kane bere 8 - 2.

Autonomia speciale per serbet ne pjesen veriore te Mitrovices, d.m.th ndarje e Kosoves, ashtu edhe sic vete Beogradi ka kerkuar.

[xani1]

Sa lehtë e shpejt na rrok euforia neve.

[ARIANI_TB]

Xani1,

Pse, a nuk eshte e vertete ajo qe autonomi speciale per minoritetin serb ne veri te Mitrovices, d.m.th ndarje e Kosoves, ndoshta jo ndarje e menjehershme por mesiguri do jete ndarje e cila do vijoj pas ca vite.

[Llapi]

Kundër statusit special për veriun
Fadil Sertolli | 26-07-2010 20:14 CET

Prishtinë. Ideja e shfaqur së fundi në opinion për t’i dhënë status special pjesës veriorë të Kosovës konsiderohet si opsion i papranueshëm për institucionet e vendit.

Madje sipas tyre, ky opsion as që është diskutuar ndonjëherë, e as që do të diskutohet në të ardhmen. Ndërkohë, sipas analistëve, ideja për t’i dhënë status special pjesës veriore të vendit ka ardhur si rezultat direkt i përfshirjes se politikanëve kosovarë në korrupsion dhe krim të organizuar.

Njeriu i dytë i ekzekutivit kosovar, Hajredin Kuçi thotë se ata si qeveri nuk janë të njoftuar me këtë ide, dhe se nuk kanë diskutuar dhe as që do të diskutojnë ndonjëherë për këtë ide. Sipas tij, Pakoja e Ahtisarit është e drejtë plotësuese për minoritetin serb dhe shumë më e madhe sesa të drejtat e minoriteteve në cilindo vend anëtar të BE-së.

Kuçi ka akuzuar Serbinë për gjendjen e rëndë në veri, por sipas tij, Prishtina zyrtare do t’ia dalë ta integrojë veriun. “Qëllimi i Serbisë ka qenë fillimisht ta bëjë një pastrim etnik në tërë Kosovën, pastaj të bëjë veprime gjenocidiale, ta ndalojë pavarësinë dhe tani po tenton ta bëjë jofunksionale një pjesë të pavarësisë dhe tërësisë territoriale”, tha Kuçi.

Nga ana tjetër, kryetari i LDD-së, Nexhat Daci ka shprehur qëndrimin e tij kundër statusit special për veriun e Mitrovicës. Duke iu referuar informatave në mediet ndërkombëtare rreth mundësisë së realizimit të një opsioni të tillë, Daci ka thënë se kjo do të thotë edhe njëherë se ekziston mundësia e copëtimit te pjesëve të territorit të Kosovës dhe të shqiptarëve në përgjithësi. “Shqetëson fakti se institucionet e Kosovës edhe me këtë rast sikur në rastet tjera po i kalojnë në heshtje këto çështje, që tregon jotransparencën e institucioneve të Kosovës ndaj shtetit, popullit dhe ndaj qytetareve të vet”, tha ai.

Sekretari i përgjithshëm i AAK-së, Burim Ramadani tha se çdo lloj
tentative për bisedime rreth ndarjes së Kosovës, apo statusi special për një pjesë të saj, për opozitën dhe për klasën politike në vend është e papranueshme.

“Është e papranueshme çfarëdo lloj varianti për aranzhime reja që kalojnë nivelin e Planit Ahtisari, që përcaktojnë ndarje të Kosovës, qoftë të jashtme, qoftë të brendshme. Nuk besoj se ndonjë politikan ose klasë politike në Kosovë mund të pranojë që Kosova të jetë jofunksionale”, tha Ramadani, sipas të cilit, çfarëdo lloj statusi special që i jepet ndonjë pjese të caktuar të territorit të Kosovës shkakton mosfunksionim të shtetit të tonë. “Për ne, një gjë e tillë është e papranueshme dhe si e tillë duhet të hiqet nga çfarëdo lloj bisede dhe çfarëdo lloj tavoline për këtë çështje”, ka qenë i prerë Ramadani.

Ndërsa udhëheqësi i organizatës “Çohu”, Avni Zogiani tha se politikanët tanë kanë bërë shumë për statusin special të serbëve në Mitrovicë. “Statusi special i Mitrovicës është rezultat direkt i përfshirjes se politikanëve kosovarë në korrupsion e krim të organizuar. Vetëm një politikan me dosje të trashë në duart e ndërkombëtarëve mund t'i thotë po asaj që po propozohet për vjeshtën që vjen”, tha Zogiani, duke shtuar se politikanët tanë janë të zënë peng nga bashkësia ndërkombëtare. Sipas tij, më status special për veriun i bie që veriu të funksionojë si njësi e Serbisë brenda Kosovës, e cila pastaj do t’i lidhë në një strukturë qeveritare komunat tjera serbe, duke e shndërruar Kosovën në një vend që nuk do të funksionojë kurrë.

Zogiani tha se në vjeshtë do përballohemi me kërkesën e serbëve për heqjen e juridiksionit territorial ndaj pjesëve të mëdha të territorit të kishave, që do të thotë shtrirjen e sovranitet serb në këto pjesë. “Unë nuk shoh çfarë mund të bëjnë politikanët që janë kapur peng me korrupsionin e tyre. Po shihet qartë që edhe EULEX-i nuk po i procedon rastet në mënyrë që ato të shërbejnë si një presion për kompromise të tilla politike”, tha ai.

[beni33]

se adote ket ndarje te veriut per ket duhet te jeni shum te sigurt se kjo dote ndodh siq kan ndodhur shum gjera me heret

[xani1]

Xani1,

Pse, a nuk eshte e vertete ajo qe autonomi speciale per minoritetin serb ne veri te Mitrovices, d.m.th ndarje e Kosoves, ndoshta jo ndarje e menjehershme por mesiguri do jete ndarje e cila do vijoj pas ca vite.

Mik i nderuar, unë thashë sa shpejt na rrokë euforia, pas vendimit të GJND-së, se sa për veriun e Kosovës, e di se që nga viti 1999 është më shumë se autonomi, por nuk po më pëlqen kur atë do ta pranojë zyrtarisht edhe Amerika.