Shkup, 26 korrik - Të martën vendet anëtare të BE-së do të fillojnë negociatat aderuese me shtetin e ri kandidat, Islandën. Ndërkaq, Maqedonia do të marrë kartonin e kuq të radhës. Asaj sërish i iku treni për në BE.
Kjo ditë për Maqedoninë mund të ishte historike, nëse qeverisja aktuale do të arrinte një zgjidhje kompromisi me Athinën për kontestin e emrit. Por edhe do të zbatonte reformat e parashtruara nga Komisioni Evropian. Analistët dhe njohësit e zhvillimeve në vend thonë se Maqedonia u tregua e shurdhër ndaj diplomatëve të huaj, të cilët sugjeronin zgjidhje urgjente për çështjen e emrit.
Emri pa dyshim do të jetë në rend të ditës së mbledhjes së nesërme, ndërsa presidenca belge do ta sqarojë Shkupin zyrtar se nuk mund ta bindë Greqinë të pranojë fillimin e negociatave me Maqedoninë pa zgjidhjen e emrit. Komisioni Evropian do t’i sqarojë Maqedonisë se shtyrja e kontestit të emrit e rrezikon edhe progresin e reformave.
Burime për agjencinë e lajmeve INA bëjnë të ditur se nëse do të vazhdojë ngecja e reformave, Maqedonia mund të humbë edhe rekomandimin e KE-së për negociataqë iu dha në tetor të vitit të kaluar.
Në lidhje me pritjet nga takimi i ardhshëm i Këshillit për stabilitet dhe asociim, zëvendëskryeministri i Maqedonisë, Vasko Naumovski tha se nga BE-ja pritet vlerësim objektiv dhe fer për të arriturat e vendit
Përgjigju Duke Cituar
Postuar më parë nga Apollyon
Krijoni Kontakt