Këshilla

[ramazan_it]

KËSHILLA

Selam alejkum we rahmetullahi we berekatuhu!

Këtë temë po e hap për me shkruar çdo besimtar këshilla prej Kur'anit, Sunnetit, sahabëve dhe dijetarëve..
Me qëllim që të përfitojmë në këshilla dhe ti përhapim ato këshilla edhe të tjerëve.

O robi i All-llahut, bëhu i kujdesshëm!

" Është e vërtetë se ai ( Kur'ani ) është fjalë që dallon - gjykon. Nuk është ai i parëndësishmi ( lojë e kotë )!" ( El- Gashije, ajeti 13-14 ).

All-llahu s.v.t., thjotë:

" E ti këshillo aty ku këshilla bën dobi. " ( El-A'la, ajeti 9 ).

"...ti këshillloje me këtë Kur'an atë që ka frikë kërcënimit Tim. " ( Kaf ).

Ibën Abasi r.a., këtë e komentoi kështu:

" U bën dobi robërve të All-llahut, por jo armiqve të All-llahut. "

" Do të këshillohet ai që ka frikë. " ( El-A'la ).


Ai i cili do ta pranojë këshillën, është ai i cili i frikësohet All-llahut s.v.t., nga zemra dhe e di se Ditën e Ringjalljes do ta takojë All-llahun s.v.t..

"E do t'i shmanget asaj, ai që është shumë i keq, e do të hyjë në zjarrin e madh. Dhe aty as n uk do të vdesë, as nuk do të jetojë. " ( El-A'la ).

Kjo do të thotë se ai nuk do të vdes, që të mos lirohet nga dhimbjet dhe ai nuk do të jetojë një jetë, e cila i sjell dobi, por ajo është një jetë që e dëmton, pasi ai gjendet në dënim dhe torturë. ( Kurtubi dhe Ibën Kethir. )

Selam Alejkum.

[ramazan_it]

Hadith:

“Këshillohuni ndërmjet veti që me gratë të silleni mirë, sepse ato janë në shërbim tek ju, ju nuk dispononi diç tjetër prej tyre pos kësaj (shërbimit), përpos nëse haptas bëjnë diç të pamoralshme, e nëse bëjnë – ndani nga shtrati dhe rrihni me një rrahje që nuk i dëmton (fizikisht). Nëse bëhen prapë të dëgjueshme, atëherë mos kërkoni mënyrë tjetër për t'i shtypur (ndaj tyre silluni mirë si më parë). Ju keni të drejta ndaj grave tuaja dhe gratë tuaja kanë të drejta ndaj jush. Gratë tuaja nuk guxojnë në shtratin tuaj ta pranojnë tjetërkënd, e as ta lejojnë në shtëpinë tuaj atë që ju nuk e doni.Kurse e drejta e tyre në ju është që të kujdeseni mirë për to, t'u jepni ushqim dhe t'i veshmbathni si ka hije.”

Hadith:

Një njeri i ka thënë Lajmëtarit a.s.:

“Më këshillo!” Lajmëtari a.s. i tha: “Mos u zemëro!” Njeriu këtë e përsëriti disa herë për këshillë, por Lajmëtari a.s. çdoherë ia përsëriste: “Mos u zemëro!”

Hadith:

“Banorë të Xhennetit janë tre persona: udhëheqësi i drejtë që u përmbahet këshillave, njeriu i mëshirshëm zemra e të cilit është e butë për çdo të afërm dhe për çdo musliman, si dhe njeriu i pastër e i ndershëm, i cili ka shumë fëmijë.”

Hadith:

“Lajmëtari a.s. na mbajti një këshillë prej së cilës u dridhën zemrat dhe lotuan sytë.” “Ju porosis t'i druani All-llahut, ta dëgjoni dhe t'i nënshroheni edhe nëse përpiqet t'u mashtrojë njeri. Ai që prej jush do të jetojë (më gjatë) do të shohë kundërshtime të shumta. Andaj ju përmbajuni sunnetit tim dhe sunnetit të hulefai rashidinëve të cilët u udhëzojnë ngase janë të udhëzuar. Shtrëngone atë (sunnetin) me dhëmballat tuaja e (mos e lëshoni). Ruanu nga shpikja e gjërave (në fe) ngase çdo shpikje është lajthim.”

Selam alejkum!

[ramazan_it]

Gjashtë këshilla të dobishme

Një herë një njeri shkoi te dijetari dhe kërkoi këshillë nga ai. Dijetari i tha: “Po të t’i bësh këto gjashtë gjëra asnjë njeri nuk mund të të bëj keq ty”.

- Kur të bësh gjynah mos ha nga risku i Atij (Allahut)! A është e drejtë të hash nga riskun i Tij e pastaj të bësh padrejtësi?

- Po deshe ta kundërshtosh Atë, dil jashtë mbretërisë së Tij! A është e drejtë të jetosh në mbretërinë e Tij e më pas ta kundërshtosh Atë.

- Po deshe ta kundërshtosh Atë, mos bëj gjynahe në vende ku mund të të shohë Ai! Bëj gjynahe aty ku nuk të sheh dot! Nuk është e drejtë të jetosh në mbretërinë e Tij, të hash nga risku i Tij dhe të bësh gjynahe aty ku mund të të shoh Ai.

- Kur të vijë meleku që merr shpirtra, kërkoi atij leje derisa të bësh teube (pendohesh)! Atë melek nuk mund ta dëbosh dot, prandaj bëj teube para se të vij ai! Koha e duhur për të bërë teube është ky moment, sepse meleku që merr shpirtra vjen papritur.

- Kur të vijnë në varr dy melekët, Munkeri dhe Nekiri, për të të marrë në pyetje, dëboi ato që të mos marrin në pyetje! Njeriu që kërkoi këshillë tha: “Kjo gjë është e pamundur”. E dijetari tha: “Atëherë përgatiti që tani përgjigjet e pyetjeve të tyre”.

- Në Ditën e Kiametit kur Allahu xh.sh. të urdhërojë: “Ata që kanë bërë gjynahe të hyjnë në Xhehennem!” ti mos prano të shkosh! Burri tha: “Po atje nuk do të ma dëgjojnë fjalën”, pas kësaj njeriu e kuptoi menjëherë se çfarë donte t’i shpjegonte dijetari, menjëherë bëri teube dhe nuk doli nga fjala derisa ndërroi jetë.


Selam alejkum!

[ramazan_it]

PESË GJËRAT QË E SHKATËROJNË ZEMRËN!

Pesë gjërat, që e shkatërrojnë zemrën janë:

1. Ndejat e shumta me njerëz,

2. Shpresa,

3. Të lidhurit ngushtë me dikë tjetër, pos Allahut,

4. Të ngopurit nga ushqimi dhe

5. Gjumi.

Këto pesë gjëra janë prej gjërave më shkatërruese të zemrës.



1. Ndejat e shumta me njerëz



Pasojat që lë të ndenjurit e shumtë me njerëz, janë mbushja e zemrës me avullin e frymëmarrjeve të njerëzve, derisa ajo të nxihet. Kështu, ajo e obligon një person të tillë në ndonjë ndasi, përçarje, brengë, hall, dobësim si dhe bartjen e ndonjë gjëje, që është i paaftë ta bartë prej lodhjes që ka nga shoqëria e keqe. Obligon, po ashtu, në humbjen e interesave të tij dhe nuk do të ketë kohë të merret me to, për shkak të angazhimit të tij me ta dhe me problemet e tyre. Kështu që ideali i tij do të në kërkesat dhe në dëshirat e tyre. Atëherë një
njeri i tillë, çfarë i mbetet të veprojë për Allahun dhe botën e Ahiretit?! Përveç kësaj, sa të ligë ka sjellë ndenja e shumtë me njerëz, dhe sa dhunti ka larguar? Sa sprova ka sjellë e sa të mira ka zhvlerësuar? Sa goditje ka sjellë dhe në sa sprova ka hedhur? A thua vallë, kush është epidemia e njerëzve përveç njerëzve?! Ndjenjat, që bëhen në formë të dashurisë reciproke në këtë botë, dhe në formë të plotësimit të nevojave njëri me tjetrin, kur të dalin në shesh të vërtetat Ditën e Gjykimit, shndërrohen në armiqësi dhe, nga ndjenja e madhe për pendim, një personi i tillë do të kafshojë duart, ashtu siç paralajmëron Allahu i Madhërishëm:


“Atë ditë zullumqari do t’i kafshojë duart e veta dhe do të thotë:“I mjeri unë, ta kasha marrë rrugën e Pejgamberit!” O shkatërrimi im, ah të mos e kasha bërë filanin mik! Në të vërtetë, pasi e gjeta rrugën e drejtë, ai më largoi mua prej asaj, e djalli është ai që njeriun e humb dhe e lë të vetmuar.” (El Furkan, 27,28 dhe 29)

Allahu po ashtu thotë:

“Atë ditë shokët e ngushtë do të jenë armiq të njëri-tjetrit, përveç atyre që ishin të sinqertë në miqësi.” (Ez Zuhruf, 67)

Ibrahimi, alejhis selam, I tha popullit të vet:

“Ju përqafuat, veç Allahut, idhuj vetëm sa për bashkëjetesë mes jush në jetën e kësaj bote, e në ditën e kiametit (ndryshon gjendja) ju do të refuzoni njëri-tjetrin dhe do të mallkoni njëritjetrin; fundi juaj është zjarri, për ju nuk do të ketë ndihmëtarë.” (Ankebut, 25)

Kështu qëndron çështja me të gjithë ata që marrin pjesë me ty në një çështje apo interes. Kanë dashuri reciproke, përderisa ndihmojnë njëri-tjetrin në realizimin e atij interesi. Me të përfunduar procesi i atij interesi, vjen pendimi, dëshpërimi, dhembja etj., dhe dashuria e mëhershme shndërrohet në urrejtje, mallkim, dhe përçmim ndaj njëritjetrit. Kriteri i dobishëm në çështjen e ndejave është të rrish me njerëz në raste mirësie si në namazin e xhumasë, namazet me xhematë, nëpër bajrame, në Haxhillëk, në tubimet e kërkimit të diturisë, në xhihad, në këshillime etj. Dhe duhet të distancohesh nga njerëzit në çështje të këqija si dhe kureshtje të panevojshme. Nëse e kërkon nevoja që patjetër të përzihesh me njerëz në çështje të pandershme dhe nuk ke fare mundësi që të distancohesh, të kesh shumë kujdes e të mos pajtohesh me ta dhe të kesh durim për mundimin që ta bëjnë, sepse ata patjetër do të mundojnë, pasi ti nuk ke fuqi dhe nuk je ndihmës. Mirëpo ky mundim do të sjellë pas vetes krenari dhe dashuri për ty. Do të madhërojnë dhe do të kesh lëvdata prej tyre, prej besimtarëve dhe prej Zotit të botëve. Në të kundërt, pëlqimi yt me ta do të sjellë përulje dhe urrejtje për ty. Do t’i humbasë vlerat tua dhe do të kesh përçmim prej tyre, prej besimtarëve dhe prej Zotit të botëve. Pra, durimi në mundimet e tyre është më i mirë, ka të ardhme më të mirë dhe pasuri më të vlefshme. Ndërsa, nëse e kërkon nevoja që të rrish me njerëz për çështje asnjanëse e të lira, orvatu me zell, që tubimin ta shndërrosh, nëse ke mundësi, në tubim ku respektohet Allahu.



2. Shkatërruesi i dytë, udhëtimi nëpër detin e shpresës



Deti i shpresës është një det pa bregdet. Det, në të cilin udhëtojnë njerëzit e dështuar. Siç thuhet, “shpresa padyshim është kapitali i të falimentuarve”. Valët e shpresave të rrejshme dhe iluzioneve të kota, luajnë vazhdimisht me lundruesin e tyre, ashtu siç luan qeni me cofëtinën. Shpresa është malli i çdo shpirti të ligë dhe të ulët, i cili nuk ka vendosje të saktë që me te t’i arrijë realitetet e jashtme. Përkundrazi, e ka zëvendësuar atë vendosje me shpresa iluzioni, dhe secili sipas gjendjes, të cilën e shpreson. Dikush shpreson forcën dhe pushtetin, dikush shpreson të shëtisë dhe të bëjë turizëm nëpër vende të ndryshme, dikush shpreson pasuri dhe gjëra të vlefshme, dikush tjetër shpreson në femra etj. Dhe kështu, shpresuesi krijon një pamje që e kërkon në veten e tij, dhe arrin ta realizojë atë duke ndier kënaqësi me fitimin e saj. Përderisa ai është në këtë gjendje, kur të gdhihet nga gjumi I mashtrimit, i gjen duart e tij të “mbushura” me kashtë (kot). Ndërsa, ai që ka vendosmërinë të lartë, shpresat e tij qëndrojnë rreth diturisë, besimit dhe veprës që të afron te Allahu. Shpresat e këtij të fundit janë besim, dritë dhe urtësi, kurse shpresat e atyre të tjerëve janë tradhti dhe mashtrim. Pejgamberi, lavdërimi dhe shpëtimi I Allahut qofshin mbi të, i ka lavdëruar shpresuesit e gjërave të mira, e në disa raste e ka krahasuar shpërblimin e tyre me shpërblimin e praktikuesve të atyre shpresave.



3. Shkatërruesi i tretë, të lidhurit ngushtë me dikë tjetër, pos Allahut


Ky është absolutisht shkatërruesi më I madh i zemrës. Nuk ka për zemrën diç më i dëmshëm se ky dhe asgjë nuk e shkëput nga interesat dhe kënaqësia më shumë se ky shkatërrues. Kur njeriu lidhet ngushtë me dikë tjetër pos Allahut, Allahu e dorëzon atë njeri tek ai, me të cilin është lidhur dhe ia nënshtron atij. Në këtë mënyrë, një njeri i tillë, me lidhjen e tij dhe me përqendrimin e tij me dike tjetër pos Allahut, e ka humbur arritjen e synimit të tij prej Allahut. I tilli as fatin e tij prej Allahut e as shpresën e tij prej atij me të cilin është lidhur, nuk i ka arritur. Allahu ka thënë:

“Dhe ata në vend të Allahut adhuruan zota të tjerë për t’u krenuar me ta. Përkundrazi,ata (idhujt) do të tërhiqen prej adhurimit të atyre dhe do të bëhen armiq të tyre.” (Merjem, 81 dhe 82)

Allahu po ashtu thotë:

“Po, shkojnë e në vend të Allahut adhurojnë zota të tjerë me shpresë se do të ndihmohen prej tyre.Ata nuk mund t’u ndihmojnë atyre, por këta (idhujtarët) u janë bërë ushtri e gatshme e tyre.” (Jasinë, 74 dhe 75)

Pra, njerëzit më të poshtëruar janë ata që lidhen me dikë tjetër pos Allahut. Ajo që humb një njeri i tillë prej interesave, lumturisë dhe shpëtimit të tij është më shumë sesa ajo që e ka arritur prej atij, që është lidhur me te.Ajo që ka arritur bile, është e pambrojtur nga zhdukja dhe shkatërrimi. Ai që lidhet me dikë tjetër pos Allahut, i ngjason shembullit të atij që mbrohet nga vapa apo acari nën hijen e shtëpisë së merimangës, e cila është shtëpia më e dobët. Në përgjithësi, duhet ditur se baza e shirkut (rivalitetit të Allahut) dhe themeli mbi të cilin ngrihet, është të lidhurit me dikë tjetër pos Allahut. Qortimi dhe poshtërimi, i takojnë pastaj personit të tillë, siç thotë Allahu:

“E mos shoqëro me Allahun ndonjë zot tjetër, e të bëhesh i qortuar i pa përkrahur.” (El Israë, 22)

i qortuar, pra, d.m.th., të mos ketë kush që të lavdërojë, ndërsa i pa përkrahur, d.m.th., të mos ketë ndihmës për ty. Dikush nga njerëzit mund të jetë i pa përkrahur, por i lavdëruar, si p.sh. ai që është shtypur padrejtësisht. Dikush mund të jetë i qortuar, por i ndihmuar, si p.sh. ai që mbizotërohet mizorisht. Dikush pra, mund të jetë edhe i lavdëruar, po edhe I ndihmuar, si ai që ka arritur dhe zotëron vlera në mënyrë të ligjshme. Ndërsa, shirkbërësi, që lidhet me dikë tjetër pos Allahut, është në grupin e katërt, i cili është më i ulëti nga këta grupe, pra, as i lavdëruar e as i ndihmuar.



4. Shkatërruesi i katërt prej shkatërruesve të zemrës, ushqimi



Ky shkatërrues është dy llojesh:

1. Ushqim që shkatërron vetvetiu, siç janë gjërat e ndaluara haram.Të tillat po ashtu janë dy lloje: a) të ndaluarat për të drejtën e Allahut siç janë; cofëtina, gjaku, mishi i derrit, mishi i shtazëve dhëmbëmprehta etj. Dhe b) të ndaluarat për të drejtat e njerëzve, si p.sh. ushqimi i vjedhur, I uzurpuar, i plaçkitur, i marrë pa dëshirën e pronarit etj.

2. Ushqimi që shkatërron kur konsumohet me masë të tepruar, të ngopurit e tepërt etj. Ky ushqim i tepërt e pasivizon konsumuesin nga adhurimet dhe e angazhon në praktikën e konservimit të ushqimit në stomak derisa të “triumfojë”. Kur të triumfojë, do të angazhohet me shërimin e lëvizjes së asaj rezerve, me të mbrojturit nga dëmi i saj dhe me mundimin nga pesha e saj. Ai që lidhet me dike tjetër pos Allahut, I ngjason shembullit të atij që mbrohet nga vapa apo acari nën hijen e shtëpisë së merimangës, e cila është shtëpia më e dobët. 1 Që në esencë është i lejuar hallall.

Kjo gjë do t’ia forcojë materiet epasioneve dhe rrugët e qarkullimit të shejtanit dhe do t’i zgjerojë ato, sepse shejtani qarkullon në njeriun nëpër kapilarët e gjakut. Agjërimi ia ngushton rrugët shejtanit, e edhe ia mbyll, kurse të ngopurit ia shtron rrugët dhe ia zgjeron. Ai që ha shumë, ai edhe pi shumë. Ai që pi shumë pastaj edhe fle shumë. Një njeri i tillë humb edhe më tej shumë. Në hadithin e njohur I Dërguari, lavdërimi dhe shpëtimi I Allahut qofshin mbi të, ka thënë:

“Njeriu nuk mbush ndonjë enë më keq se që e mbush barkun e tij. Do t’i mjaftonin njeriut disa kafshata që ta mbajë kurrizin (trupin) e tij. E nëse duhet që patjetër të hajë më shumë,atëherë 1/3 le të jetë për ushqim, 1/3 për pije dhe 1/3 për frymëmarrjen e tij.”



5. Shkatërruesi i pestë, gjumi i tepërt



Gjumi i tepërt e vdes zemrën, e rëndon trupin, e humb kohën dhe sjell pakujdesi dhe përtaci të shumta. Ka gjumë që është shumë i urryer dhe ka që është i dëmshëm pa kurrfarë dobie. Gjumi më i dobishëm është kur nevoja për të është e madhe. Gjumi i fillimit të natës është më i lavdëruar dhe më i dobishëm se ai i fundit të saj. Gjumi i mesit të ditës është më i dobishëm se ai i dy skajeve të saj. Sa më afër mëngjesit apo mbrëmjes të bëhet gjumi, pakësohet dobia e tij dhe shtohet dëmi e sidomos gjumi në kohën e ikindisë dhe në fillim të ditës, përveç ai që nuk ka fjet natën. Urrehet gjumi në mes të namazit të sabahut dhe lindjes së diellit, sepse ajo është kohë e fitimeve. Sipas vlerësuesve të mirëfilltë të adhurimit, të bëhet adhurim në këtë kohë ka vlerë të madhe edhe ata që tërë natën e kanë kaluar me adhurim, nuk do t’i lejonin vetes të ulen deri sa të lindë dielli. Për shkak se kjo kohë është fillimi i ditës dhe çelësi i saj. Është koha e zbritjes së rrizkut, arritjes së hises sate si dhe ardhja e begatisë.Aty ndërtohet dita dhe me gjykimin e asaj pjese do të gjykohet e tërë dita. Andaj gjumi në atë kohë duhet të jetë si gjumi i të detyruarit. Në përgjithësi, gjumi më i drejtë dhe më i dobishëm është gjumi i gjysmës së parë të natës dhe pjesa 1/6 e fundit prej natës. Ky është gjumi më i drejtë sipas mjekëve. Çka shtohet mbi këtë masë apo mungohet, shkakton sipas tyre në natyrë devijime, varësisht sipas ndryshimeve të bëra. Prej gjumit, që gjithashtu nuk bën dobi është gjumi në fillim të natës, menjëherë pas perëndimit të diellit (pas namazit të akshamit) e deri sa të largohet e zeza e natës së plotë (pas jacisë). Pejgamberi, lavdërimi dhe shpëtimi i Allahut qofshin mbi të, e ka rrejtur gjumin në këtë kohë. Pra ky gjumë është i urryer nga aspekti i sheriatit dhe ai i natyrës. Prej Allahut kërkohet ndihmë!

Selam alejkum!

[ramazan_it]

Mësoje këtë emër të bukur,e gjithë bota do jetë e ytja!..

Kuptimi i emrit El-Fettah

Emri El-Fettah do të thotë:

„Dikush që hap“.

Që të hapësh, duhet të kesh dicka të mbyllur më parë. Nëse dera është e hapur, është e papranueshme të thuash:

„Po shkoj të hap derën.“

Emri i Zotit „El-Fettah“ ka tre kuptime:

-I pari është që të hapësh cdo gjë që është e mbyllur. Kështu, El-Fettah është Ai që hap cdo gjë që është e mbyllur dhe e pamundur. Ai largon brengat, zgjidh hallet, lehtëson vështirësitë... Nëse të mbyllen të gjitha dyert, o vëlla dhe oj motër, shko dhe kërkoji El-Fettahut të ndihmojë. Nëse të gjithë njerëzit të thonë se nuk ka më shpresë, nëse të errësohet bohta përreth, nëse halli që të ka rënë shtohet cdo cast, nëse lotët të rrjedhin pa pushim prej hallit që të ka rënë, nëse shpresat janë këputur... shko tek El-Fettahu. Nëse dicka e tillë ngulitet thellë në zemrën tënde, nëse e njeh Zotin me këtë emër, të siguroj se je njeriu më i fuqishëm dhe më i qetë në botë. Trokit në derën e Tij, përulu para Tij me përkushtim, lëre syrin të lotojë dhe i thuaj:

„O El-Fetta, tek Ti kam ardhur.“

Thotë Zoti i Madhërishëm në Kur'an:

„Atë që All-llahu ua dhuron njerëzve nga mëshira e Tij, nuk ka kush që mund ta pengojë, e atë që Ai e ndal, nuk ka kush që mund ta lirojë vec Tij; Ai është Ngadhënjyesi, i Gjithëdijshmi...“ (El-Fatir: 2)

Nëse Zoti t'i ka hapur dyert e të mirave, nuk ka mundësi që t'i mbyllë kush dhe e anasjellta. Kush mund ta hapë një derë që e ka mbyllur Zoti?! Dhe kush mund ta mbyllë një derë që e ka hapur Zoti për ty?!


Ai i sëmurë që vuan nga një sëmundje e pashërueshme, atij që doktorët ia kanë prerë shpresat për të jetuar, atij që i janë mbyllur dyert e shpresës..., le të shkojë tek El-Fettahu dhe t'i kërkojë shërim. Nëse shpresat për jetë t'i ka prerë doktori, dije se jeta është në dorën e El-Fettahut.


Profeti savs në betejën e Bedrit ishte shumë i shqetësuar. Muslimanët ishin vetëm treqind veta, ndërsa mekasit mbi një mijë. Muslimanët kishin vetëm dy kalorës, kurse mekasit mbi njëqind të tillë. Nëse do të thyeshin në këtë betejë, e ardhmja e Islamit dhe e muslimanëve do të ishte shumë e zymtë dhe e pashpresë. I gjendur para një situate të tillë, Profeti savs ngriti duart nga qielli, saqë i dukeshin edhe sqetullat, dhe filloi të lutej me përkushtim. Duke u lutur, atij i ra përtokë edhe xhybeja që kishte mbi supe. Ai lutej:

„O Zot! Të lutem mbaje premtimin që më ke dhënë!“

Ebu Bekri r.a. Kur e pa Profetin savs të shqetësuar dhe duke u lutur me gjithë shpirt, i erdhi keq dhe filloi ta qetësojë duke i thënë:

„Qetësohu, o i Dërguari i Zotit! Pa dyshim që Zoti do e mbajë premtimin që të ka bërë!“ Më pas, Profeti savs u tha luftëtarëve muslimanë:

„Gëzohuni, pasi shoh Xhibrilin a.s. Të hipur mbi kalë, që udhëheq një mijë melekë të tjerë. Ata kanë ardhur të luftojnë me ju sot.“

Kështu u erdhi ndihma dhe fitorja muslimanëve.

Këto fjalë ua themi atyre që hallet dhe problemete u kanë zënë frymën.

Tregohet se Ibnu Tejmije kur kishte për të gjykuar rreth një cështjeje me rëndësi, dilte në shkretëtirë, shtrihej përtokë, vendoste fytyrën për dheut dhe lutej gjatë që Zoti i Madhërishëm ta ndihmonte për t'i dhënë zgjidhje cështjes. Ai vetë tregon:

„Nuk kthehesha në shtëpi, pa m'u kujtuar zgjidhja e problemit.“

O vëlla dhe oj motër!

A e kujton se sa herë El-Fettahu t'i ka hapur dyert e mëshirës, kur hallet dhe telashet kishin arritur kulmin?

Sa herë të ka ndodhur kjo, edhe pse nuk e ke kërkuar?

Përse i ke harruar këto mirësi?

Kthehu pas dhe vështroje jetën tënde nga fillimi!

A i kujton problemet që ke hasur?

A e kujton sa herë je grindur me gruan tënde dhe gati jeni ndarë?

A e kujton që gati nuk u martove me një njeri të papërshtatshëm?

A i kujton problemet që kishe kur studioje në universitet?

A e kujton grindjen mes teje dhe babait tënd?

A e kujton se si e zgjidhi Zoti i Madhërishem?

Të gjitha këto probleme janë zgjidhur, edhe pse nuk ia kërkove El-Fettahut.

Po sikur t'ia kërkoje dhe t'i ishte lutur?

Kështu, shohim se kuptimi i parë i emrit „El-Fettah“ është kur problemi dhe halli të zgjidhet kur të janë mbyllur të gjitha dyert dhe i ke prerë të gjitha shpresat.

-Kuptimi i dytë i këtij emri është kur dyert e shpresës hapen që në fillimet e problemit. Nëse ti kërkon të hapësh një kompani, kërkon të martohesh..., të nevojitet një përkrahje dhe një ndihmë. Për këtë, të duhet ndihma dhe përkrahja e El-Fettahut, prandaj shko dhe trokit në dyert e Tij. Zoti është El-Fettah kur hallet dhe telashet ta kanë zënë frymën. Ai është El-Fettah edhe në fillim të halleve dhe problemeve. Cdo hall dhe shqetësim i ri, hyn tek cështjet e së fshehtës, të cilën nuk e di vetëm se Zoti:

„Ai ka celësat e së fshehtës, askush tjetër nuk i di perveë Atij.“ (El-En'am:59)

Nëse kërkon të martohesh me filanen, kërkoji El-Fettahut që të udhëzojë drejt asaj që është më e mirë për ty. Nëse ke përfunduar universitetin, dëshiron të punësohesh, por nuk ke gjetur akoma punë, drejtoi duart drejt qiellit dhe lute El-Fettahun.

Ditën që po përgatisja këtë temë, fala sabahun në Qabe dhe fillova të bëj tavaf. Gjatë gjithë kohës së tavafit, lutesha:

„O El-Fettah, na i hap dyert e suksesit dhe të mirave të Tua!“

Kur përfundova rrotullimin e shtatë, pashë se drita e agimit filloi të ndricojë dhe thashë me vete:

„Ndihma dhe hapja e dyerve të suksesit, po manifestohet me lindjen e agimit!“

Le të përpiqemi ta shohim gjithësine me sy tjetër, o vëllezer dhe motra. Thotë Zoti në Kur'an:

„A e shihni që nëse Zoti e bën ditën natë të errët deri në Ditën e Kijametit, kush është ai zot tjetër që mund t'ju sjellë dritë përvec All-llahut?“ (El-Kassas:71)


-Kuptimi i tretë i emrit El-Fettah shfaqet kur grindjet dhe zënkat mes teje dhe njerëzve të tjerë arrijnë kulmin, edhe pse je i pafajshëm.

Oj motër, nëse ty të është bërë padrejtësi, është shpifur për ty, të kanë përgojuar dhe njerëzit i kanë besuar, kërkoji El-Fettahut të ndihmojë. Kush tjetër, vec El-Fettahut, mund që ta ndihmojë dhe përkrahë të drejtën? Thotë Zoti në Kur'an:

„Zoti ynë, vendos mes nesh dhe mes popullit tonë gjykimin Tënd të drejtë, se Ti je më i miri Gjykatës.“ (El-A'raf:89)

„Thuaj: „Zoti ynë na tubon neve dhe juve, e pastaj me drejtësi gjykon mes nesh, se Ai është Gjykatës i Drejtë, i Dijshëm.“ (Es-Sebe:26)

Me kuptimin e tretë, Zoti i Madhërishëm e bën të drejtën të trijumfojë, sido që të jetë situata. Kurrë mos u mërzit, o vëlla dhe oj motër, edhe pse të gjithë flasin dhe shpifin kundër teje, edhe pse cështjen tënde e trajtojnë mediat..., pasi El-Fettahu do të qëndrojë perkrah teje. O vëlla që është shpifur kundër teje, është komplotuar kundër teje, je akuzuar pa të drejtë..., nëse je i pafajshëm dh enë të drejtë, mos u dëshpëro. Shko tek El-Fettahu, bjeri në sexhde dhe lutu:

„Zoti ynë, vendos mes nesh dhe mes popullit tonë gjykimin Tënd të drejtë, se Ti je më i miri Gjykatës.“

Aisheja r.a., gruaja e Profetit savs, u akuzua për cështje nderi padrejtësisht. Këtë akuzë e thurrën dhe e përhapën hipokritët. Për një muaj rresht, këto akuza u bënë objekt i bisedave të banorëve të Medines. Profeti savs i gjendur para një situate të ngatërruar, ku nuk kishte prova, u ngjit në minber dhe u tha muslimanëve:

„O ju njerëz! Kam dëgjuar se diuksh (Abdull-llah ibnu Ubej ibnu Seluli) më ka lënduar në familjen time. Deri sot nuk di për familjen time vec gjëra të mira dhe për këtë kanë dëshmuar edhe të tjerë...“

Kjo bëri që të fillojnë zënkat dhe grindjet me fjalë mes pjesëtarëve të fiseve Eus dhe Hazrexh. Cështja vetëm sa përkeqësohej dhe Profeti savs nuk dinte c'te bëjë. Kurse Aishja r.a. Tregon dhe thotë:

„Unë qaja ditë e natë.“

Një ditë Profeti savs shkon në shtëpinë e Ebu Bekrit r.a., ku qëndronte Aisheja r.a., dhe e pyet:

„Nëse ke vepruar dicka haram, kërkoji falje Zotit! Nëse je e pafajshme nga ajo që thonë, dije se Zoti do e shpallë pafajësinë tënde.“

Tregon Aishja r.a.:

„Unë nuk dija si t'u përgjigjesha. Nëse do t'u thoja se jam e pafajshme, ata nuk do të më besonin. Kurse, nëse do pranoja dicka që nuk e kam vepruar do e besonin. Shpresa ime e vetme ishte që Profeti savs të shihte një ëndërr ku t'i tregohej pafajësia ime.“

Por El-Fettahu e vërtetoi pafajësinë e saj me ajete kur'anore që lexohen deri Ditën e Kijametit.


El-Fettahu të ndihmon para se t'ia kërkosh.

Sa herë je akuzuar padrejtësisht dhe ka qenë Zoti Ai që ta gjidhi gjuhën dhe je mbrojtur denjësisht?

Sa herë të ka ndodhur që nuk ke ditur si ta mbrosh veten dhe dinjitetin tënd, ndërsa Zoti i Madhërishëm ka cuar dikë tjetër që të ka përkrahur?

Sa herë kanë folur në interesin tënd, pikërisht armiqtë e tu më të egër?

Sa herë t'i k ahapur dyert e suksesit El-Fettahu?

Sa herë ke qenë në halle dhe të ka nxjerrë prej tyre?

Sa herë të ka ardhur ndihma e Tij, në nismat dhe iniciativat e reja që ke ndërmarrë dhe sa herë suksesin që ke pasur ia ke atribuar vetes tënde?

Zoti është El-Fettah kur hallet, vështirësitë dhe telashet ta kanë zërë frymën.

Ai është El-Fettah që në fillim të cdo nisme të ndihmon dhe të përkrah.

Ai është El-Fettah kur të tjerët sillen padrejtësisht ndaj teje.

E gjithë jeta jonë është e lidhur me emrin El-Fettah.

A nuk e meriton që ta duam El-Fettahun tonë?

El-Fettah nuk është vetëm për zgjidhjen e halleve dhe problemeve.

El-Fettah është dhe për ata që kërkojnë të kryejnë Haxhin dhe nuk kanë mundësi ekonomike.

Nëse El-Fettahu dëshiron që të kryesh Haxhin këtë vit, kush është ai që mund të ta refuzojë vizën?

A është e vështirë për El-Fettahun që të ti sigurojë paratë e nevojshme?!

Si duhet t'i ndërtojmë lidhjet tona me emrin El-Fettah?

Cilat janë kushtet që të na vijë ndihma nga El-Fettahu?


-El-Fettahu kërkon prej teje të punosh për zgjidhjen e problemit deri në castet e fundit.

Kjo, pasi ti nuk e di kur do të vijë ndihma. El-Fettahu mund ta vonojë ndihmën e Tij, për të vënë në sprovë këmbënguljen, besimin dhe durimin tënd. Ai e vonon ndihmën, me qëllim që të sprovojë këmbënguljen tonë dhe adhurimin ndaj Tij. Shumë njerëz të thonë se u luta gjatë gjithë Ramazanit, lexova Kur'an, u fala shumë..., por zemrën e kam akoma të ashpër dhe të ngurtë. Ajo akoma nuk më është zbutur dhe akoma nuk më rrjedhin sytë lot nga përkushtimi për Zotin e Madhërishëm. Këtë Zoti e bën me qëllim që ti të vazhdosh ta lusësh dhe të shpresosh për një kohë të gjatë, me qëllim që të sprovojë këmbënguljen dhe sigurinë tënde. Dicka e tillë i ngjan zgjatjes së periudhës së kursit të makinës, më qëllim që të përfitosh sa më shumë.

Një i ditur thotë:

„Mos u largo nga dera e Zotit, edhe sikur të përzënë. Mos e ndërpre kërkimin e faljes, edhe sikur të mos ta pranojë. Nëse e hap derën për njerëzit e mirë, hyr edhe ti si i paftuar. Shtrija dorën dhe thuaji: „Jam një nevojtar që kërkon mëshirën Tënde.“

Shpeshëherë Zoti i Madhërishem e vonon pranimin e lutjes, pasi Ai dëshiron të të shohë duke pritur pranë ders së Tij.

Nëse një person i padëshiruar të con zile në telefon, ti nuk ia hap. Por nëse ai vazhdon të coje zile, ti patjeter që do të detyrohesh t'ia hapësh dhe t'i flasësh. Një derë që trokitet shpesh dhe me forcë, patjetër do të hapet. Nëse kjo ndodh me krijesat, c'mendon për Krijuesin El-Fettah?! Prandaj, qëndro pranë derës së Zotit të Madhërishem, lute, qaj, kërkoji ndihmë dhe mos u mërzit, edhe nëse ndihma të vonohet. Vazhdo tek dera e Tij, derisa lutjet të pranohen dhe ndihma të vijë.

Vetë emri El-Fettah të mbush me shpresë. Ku ka sëmundje që mund t'i rezistojë dëshirës së El-Fettahut për shërim?! Ku ka problem që nuk zgjithet për El-Fettahun?! El-Fettah përmban shpresën më të madhë. Nëse ke nevojë për pak besim dhe shpresë, kujto sa më shpesh emrin El-Fettah dhe lute me këtë emër.

O vëlla, kurrë mos i humb shpresat, sepse Zoti do e ndihmojë këtë umet.


El-Fettahu kërkon të punosh deri në castet e fundit, me qëllim që të sprovojë besimin dhe këmbënguljen tënde.


-El-Fettahu e sjell ndihmën në atë formë që ti nuk e imagjinoje dot.

Jusufi a.s. U burgos për nëntë vite rresht. Ishte pikërisht burgu nga ku i erdhi, më pas, ndihma e Zotit të Madhërishem. Nëse nuk do të ishte burgosur, ai nuk do të ishte takuar me shërbëtorin e mbretit, i cili do t'i tregonte mbretit mbi jusifin a.s. që komentonte ëndrra.

Nëse do të kishte dalë nga burgu më parë, ndoshta nuk do e gjente dot mbreti për t'i komentuar ëndrrën dhe nuk do të kishte mundësi të bëhej ministër. Shumë gjëra në jetën tonë i shohim si probleme, telashe, dobësi dhe vuajtje, ndërsa ato mund të jenë kulmi i ndihmës hyjnore.

-Ai u jep zgjidhje problemeve dhe halleve me gjërat më të thjeshta.

Të ndihmon me një fjalë, me një pikë loti, me një ajet Kur'ani, në një cast të vetëm...Mund ta lexosh një ajet prej njëzet vite rresht. Vjen një moment kur ti e lexon dhe të vijnë mendime dhe komentet që ndryshojnë jetën tënde.

Tregon një njeri, i cili më parë nuk ka pasur asnjë lidhje me fenë. Një ditë – tregon ai – po shkoja në punë dhe, teksa kaloja pranë një kafeneje, dëgjova zërin e magnetofonit që këndonte Kur'an. Në ato caste, lexuesi i Kur'anit po lexonte ajetin:

„Kujtoni kur u thamë melekëve t'i përulen në sexhde Ademit. Të gjithë u përulën pervec Iblisit, i cili ishte nga xhindët dhe theu urdhërin e Zotit.“ (El-Kehf:50)

Unë vazhdova të ec, por pa i kushtuar vëmendje, pasi nuk më interesonte. Por, papritur, ajeti pasardhës më zgjoi nga harresa: „A e bëni atë dhe pasardhësit e tij miq tuaj, duke qenë se janë armiqtë tuaj?! Sa zgjedhje e keqe është kjo për të padrejtët!“ (El-Kehf:50)

Në ato caste, u ndala dhe fillova të mendohem rreth këtij ajeti. Si ka mundësi që unë gjatë gjithë këtyre viteve e kam bërë shejtanin mikun tim?! A ka zgjedhgje më të keqe se kjo?! Krejt papritur pashë se fillova të përsëris me vete:

„O Zot, pas kësaj dite, nuk do të ndërroj më me Iblisin!“


Një nga shokët e mi më të dashur, para se të udhëzohej në rrugë të drejtë, udhëtonte nga njëri shtet në tjetrin për të luajtir buxhoz dhe për të vepruar gjëra të ulëta. Një nga miqtë e tij, i thotë një ditë:

„O filan! Ke kaq kohë që udhëton për kënaqësitë e kësaj bote. Përse nuk bë një udhëtim për hatër të Zotit?!“ - „E ku duhet të udhëtoj?!“ - e pyeti i habitur. - „Shko dhe kryej një Umre!“ - iu përgjigj ai. Nga kjo fjalë, ai shkon dhe kryen Umren dhe praktis të gjitha gjynahet e mëparshme.


Kërkoji castet e ndihmës dhe zgjidhjes së El-Fettahut, o vëlla dhe oj motër!

Mos nënvleftëso asgjë, qoftë kjo edhe një fjalë pa rëndësi. Mos e nënvleftëso agjërimin, namazin, adhurimin..., qëndro gjithmonë i kujdesur.

-Kur u jep zgjidhje problemeve, e bën në mënyrë të qartë.

Nëse zgjidhja dhe ndihma është e zakonshme, njeriu mendon se dicka e tillë erdhe nga përpjekjet e tij. Kurse zdjihja dhe ndihma e El-Fettahut është e tillë, saqë nuk e përfytyroje:

„Ne të dhamë një fitore të qartë.“ (El-Fet'h:1)

Haxhereja u përpoq dhe u lodh duke kërkuar zgjidhje për hallin që i kishte rënë. Ajo u ngjit dhe zbriti në dy kodrat përreth shtatë herë. Ajo që kërkonte ishte pak ujë për djalin e saj, Ismailin a.s.. Kurse zgjidhja e El-Fettahut ishte e tillë që nga ky ujë do të pinin njerëzit deri në Diten e Kijametit. Për të vlerësuar përpjekjet e Hxheres, zgjidhja dhe ndihma e Zotit të Madhërishem erdhi dhe ishte një mrekulli. Ishte një zgjidhje jo vetëm për Haxheren dhe djalin e saj, por për të gjithë njerëzit që vizitojnë Qabenë deri në Ditën e Kijametit.


A e do tani El-Fettahun?

A je i sigurtë dhe i bindur në zgjidhjen e halleve prej Tij?

Cilat janë detyrat dhe obligimet tona kundrejt emrit El-Fettah?

-Përulje dhe përkushtim

-Shprese, besim, siguri dhe optimizëm në këtë emër.

O vëlla dhe oj motër, shpresoni fuqishëm se El-Fettahu do e ndihmojë këtë umet. Një ndihmë e tillë mund të jetë gjatë kësaj kohe, por që ne nuk e ndiejmë.

-Ji çelës për të mirën.

Ka shumë njerëz që janë celësa të së mirës dhe kycë të së keqes.

Bëhuni edhe ju, o vëlla dhe oj motër, nga këta njerëz.

Hapni të mirat dhe mundësitë që keni për t'i ndihmuar njerëzit, me qëllim që t'ju ndihmojë edhe juve El-Fettahu.

El-Fettahu nuk të ndihmon dhe nuk t'i zgjidh hallet që ke vetëm në këtë botë, por edhe në botën tjetër. Në çastet që do të hysh në varr, ke më shumë nevojë për ndihmën e El-Fettahut.

Nuk janë të gjithë varret errësirë dhe frikë. Nuk janë të gjithë varret gjarpërinj, akrepa dhe tmerr. Teksa robi shikon vendin e tij në Xhennet, ai fillon dhe e lut Zotin:

„ O Zot, afroje Ditën e Kijametit, me qëllim që të takohem me familjen dhe me të dashurit e mi.“

El-Fettahu është me ty në këtë botë dhe në botën tjetër. Eshtë me ty kur azkuzohesh pa të drejtë. Eshtë me ty kur të bëhet padrejtësi. Eshtë me ty kur telashet dhe hallet ta kanë zënë frymën. Eshtë me umetin musliman, edhe pse ai po përjeton gjendje dobësie.


Ky është Zoti ynë, El-Fettah.

Selam alejkum!

[ramazan_it]

Shtatë këshilla për përmirësimin e lidhjes sate me Kur’anin


A je ti prej atyre që, thuajse, asnjëherë nuk e prekin Kur’anin? Ose e lexon atë për çdo ditë, por nuk e ndjen se ka ndonjë ndikim në ty ashtu siç duhet të ketë? Cilido qoftë shkaku, ekzistojnë disa këshilla modeste të cilat mund të të ndihmojnë që të lidhesh me Kur’anin.

E para.

Para se ta prekësh atë, kontrolloje zemrën tënde. Që të kemi vërtetë dobi nga Kur’ani, para duhet kontrolluar zemrat tona, përgjithësisht, para se ta prekim Librin e Allahut. Sinqerisht, pyete veten, pse e lexon atë? A vetëm se të gjesh ndonjë informacion i cili më pas do të largohet nga koka? Kujto që të Dërguarin, Muhammedin, s.a.v.s., gruaja e tij e ka përshkruar si “Kur’ani që ec”, me fjalë të tjera, ai jo vetëm se e ka lexuar dhe recituar Kur’anin, por atë e ka gjallëruar.

E dyta.

Merr abdes. Marrja e abdesit është përgatitje e mirë mentale e fizike dhe do të ta kujtoj që ky nuk është libër i thjeshtë që ti e lexon. Do të komunikosh me Allahu, kurse pastërtia duhet të jetë prioritet kur komunikon me Të.

E treta.

Për cdo ditë lexo vetëm nga pesë minuta. Shpesh mendojmë se duhet të lexojmë, së paku, një orë nga Kur’ani. Nëse nuk je mësuar vazhdimisht të lexosh, atëherë kjo është e tepërt për ty. Fillo me nga pesë minuta në ditë. Nëse e bën hapin e parë, do të vëresh, nëse do Zoti, se ato pesë minuta do të shndërrohen në dhjetë, pastaj gjysmë ore, e pastaj një orë, por mund edhe më shumë.

E katërta.

Mundohu ta kuptosh atë që e lexon. Është mirë leximi pesë minutash i Kur’anit në gjuhën arabe, mirëpo duhet ta kuptosh atë që e lexon. Mundohu të gjesh një përkthim të mirë të Kur’anit në gjuhën të cilën më së miri e kupton. Bëre shprehi të përhershme që ta lexosh përkthimin e asaj që atë ditë e lexon.

E pesta.

Kujto se Kur’ani është më “interaktiv” prej CD-ve. Në kohën “interaktive” të CD romeve dhe programeve kompjuterike shumë njerëz mendojnë se më librat janë pasive dhe të bezdisshme. Mirëpo, Kur’ani nuk është i tillë. Kujto vetëm, kur lexon Kur’an, ti “komunikosh” me Allahun, xh.sh. Ai të drejtohet, prandaj ke kujdes.

E gjashta.

Mos e bën shprehi vetëm ta lexosh, por edhe ta dëgjosh. Sot ka audiokaseta dhe CD të shumta të cilat përmbajnë Kur’an, kurse pjesa dërmuese e tyre janë edhe të përkthyera. Kjo është e mirë për volkmenin, CD playerin ose kasetofonin tënd në veturë, gjersa je duke u vozitur për në punë ose kur të kthehesh prej saj. Shfrytëzoje këtë si shtesë të leximit të përditshëm të Kur’anit, e jo si zëvendësim për të.

E shtata. Bën dua. Gjatë leximit të Kur’anit lutju Allahut të të udhëzoj. Qëllimi yt duhet të jetë që, sinqerisht, për dashurinë ndaj Allahut, të komunikosh me Të gjatë leximit, t’i kuptosh dhe t’i zbatosh fjalët e Tij hyjnore. Lutju Allahut që, të të ndihmoj dhe të të udhëzoj, ndërsa Kur’anin e ke mjetin më të mirë që këtë ta arrish.

Selam alejkum!

[ramazan_it]

Ndal me veten o njeri !

Ndal me veten o njeri dhe llogarite mirë për lëshimet që i ka bërë në raport me All-llahun, Krijuesin e tij, dhe thuaj:

" O shpirti im! Pashë All-llahun pendohu para se të mos kesh mundësi për tu penduar…! Mjaftë më o shpirtë me ato epshe dhe mëkate…!"

NDALIM RRETHI - QARKU!

O musliman…Nisu për në rrugë kah All-llahu s.w.t duke u penduar dhe bërë mirë dhe mos u kthe pas që të humbësh pas udhëzimit, por, lute Allahun s.w.t., për pendim, vendosmëri në fe dhe ngulmëri në të vërtetën. Çdoherë përserite duanë:

" O Allahu im! O Rrotullues i zemrave dhe shiqimeve! M'a përforco zemrën time në fenë Tënde! "

NDALOHET HYRJA!

Mos hy në asnjë vend, i cili është shkak për t'i bërë All-llahut s.w.t. mëkat dhe mos vë hapa me këmbën tënde për t'i bërë mëkat Krijuesit tënd.

" Mos iu qas asaj për të cilën nuk ke njohuri, pse të dëgjuarit, të pamurit dhe zemra, për të gjitha këto ka përgjegjësi. " ( Isra 36)

Ditët sillen ndërsa vitet shkojnë…Bëhu kureshtar për shfrytëzimin e kohës në të mira, ibadetet dhe gjëra që të afrojne tek All-llahu, Zoti i qiejve dhe tokës…Shpeshto leximin e Kur'anit para se të jeshë histori për ata që vijnë pas teje, të cilët përveç emrit tënd dhe All-llahu e pastë meshiruar! ,nuk përmendin gjë tjetër .

KUJDES!

Kujdes…Sepse shejtani t'a zbukuron rrugën derisa të të shpie në humnerë …! Mbrohu me All-llahun s.w.t. dhe kërko ndihmë prej Tij nga djalli i mallkuar si dhe gurrëzoje atë me ajetet e ashpërta sepse kurthat e shejtanit janë të dobëta…!

VEND PËR LIDHJE-THIRRJE TELEFONIKE!

Çdoherë të jeshë në lidhje me All-llahun s.w.t., duke falur namazin, bërë dhikr ( përkujtuar All-llahun ) dhe duke bërë dua…apo çdo gje që i forcon lidhjet tua me Allahun s.w.t..
NËse të brengos diç, shpejto të lidhesh -jesh në kontakt me All-llahun s.w.t. (duke falur namaz) sepse Ai është Ndihmëtari më i mirë.

NDAL!

Ndalu para se t'a fillosh çdo punë dhe pyete veten:

A thua vallë është kjo më mire për mua? A është për hirë të All-llahut s.w.t? Apo bëhet për hire të njerëzve…!


PËRPARA KE RRUGE TË NGUSHTË!

Ke kujdes!...Përpara ke rrugë të ngushtë, nuk zë më shumë sesa një njeri me qefin…Lute All-llahun s.w.t., të jesh prej atyre që i'u zgjerohet vendi i tyre dhe pastrohen mëkatet e tyre me ujë, borë dhe akull dhe mundohu për këtë….Kërko mbrojtje nga All-llahu s.w.t., prej errësirës, ngushtimit…dhe puno për këtë vend që të të zgjerohet…!

KTHESË E DETYRUESHME!

Ti je i obliguar të ecësh rrugës së vepërmirëve, zbatuar fjalën e All-llahut s.w.t.:

" Ti (Muhammed) përqëndrohu vendosmërisht ashtu si je i urdhëruar, e bashkë me ty edhe ata që u penduan (prej idhujtarisë), e mos tejkaloni (kufijtë e caktuar), se më të vërtetë Ai është shikues i asaj që veproni."

KALIM KËMBËSORËSH!

Zgjidhe shokun tëndë në këtë udhëtim të dunjasë, sepse shoku është tërheqës ( për në zjarrë apo xhennet) dhe dije se miqtë do të jene armiq të njeri tjetrit përveç të devotshmëve.


" Dhe se kjo është rruga (feja) Ime e drejtë (që e caktova për ju), pra përmbajuni kësaj e mos ndiqni rrugë të tjera e t'ju ndajnë nga rruga e Tij. Këto janë porositë e Tij për ju, ashtu që të ruheni." (el-En’am, 153)

Selam alejkum.