Hadithe të zgjedhura

[ramazan_it]

Ebu Musa tregon: Pejgamberi ( salallahu alejhi we selem ) ka thënë:

"Shembulli i muslimanëve, çifutëve dhe i të krishterëve është si shembulli i një njeriu, i cili mori në punë punëtorë që të punojnë për të nga mëngjesi e deri në mbrëmje për një punë të caktuar. Ata punuan deri në mesditë dhe pastaj thanë:

'Ne nuk i duam paratë e tua që i kishe caktuar për ne dhe ajo që kemi bërë, le të shkojë kot.'

Njeriu u tha atyre:

'Mos e ndërprisni punën, por plotësojeni atë që ka mbetur prej saj dhe merrni pagesën tuaj të plotë'.

Por ata nuk pranuan dhe ikën (si çifutët të cilët nuk pranuan të besojnë në mesazhin e Isait [alejhi we selem] ).

Njeriu mori në punë një grup tjetër pas tyre dhe u tha:

'Plotësoni (duke punuar) pjesën e ditës që ka mbetur dhe ju do të keni pagesën e caktuar për grupin e parë.

Kështu, ata punuan deri në kohën e pasdites e pastaj thanë:

'Le të shkojë kot ajo që kemi bërë dhe mbaje për vete pagesën e caktuar për ne'

Njeriu u tha:

Plotësoni pjesën e mbetur të punës, pasi vetëm fare pak ka mbetur nga dita, por ata nuk pranuan (ashtu si të krishterët, që nuk pranuan të besojnë në mesazhin e Muhamedit ( salallahu alejhi we selem ). Pas kësaj, ai zuri në punë një grup tjetër për të punuar për pjesën tjetër të ditës deri në perëndim të diellit dhe ata morën shpërblimin e dy grupeve të parë. Kështu është shembulli i këtyre njerëzve (muslimanëve) dhe shembulli i kësaj Drite. (Besimi i pastër Islam në Një Zot të Vetëm, Kurani dhe Suneti - rruga e Pejgamberit ( salallahu alejhi we selem ) në vënien në jetë të kësaj feje dhe udhëzimi në të), të cilën ata e kanë përqafuar me vullnet.

[ramazan_it]

Abdullah Ibn Mesudi ( radiallahu anhu ) tregon:

"Kur zbriti ajeti: 'Sa për ata që besojnë dhe nuk e njollosin besimin e tyre me padrejtësi, pikërisht atyre u takon siguria dhe ata janë të udhëzuar. (Kuran, v. 6:82), shokët e të Dërguarit të Allahut a.s. thanë: 'Kush është ai prej nesh që nuk ka bërë padrejtësi?!' Atëherë Allahu shpalli: 'Pa dyshim, idhujtaria është, vërtet, një padrejtësi shumë e madhe'." (Kuran, 31:13)

[ramazan_it]

Ebu Hurejra ( radijallahu anhu ) tregon se Pejgamberi ( salAllahu alejhi ve selem ) ka thënë:

"Feja është shumë e thjeshtë, prandaj, kushdo që e stërmundon veten në fenë e vet, nuk do të mundet ta vazhdojë në atë mënyrë. Kështu pra, të mos jeni ekstremistë, por mundohuni të jeni afër përsosurisë dhe gëzohuni për shpërblimin që do të keni, forcohuni duke kryer rregullisht faljen e namazit në mëngjes e pasdite dhe gjatë orëve të fundit të natës."

[ramazan_it]

Ebu Hurejra ( radijAllahu anhu ) tregon se kur i zbriti ajeti i Kuranit:

"Dhe këshilloje farefisin tënd të afërm (o Muhamed )", (Kuran 26: 214), i Dërguari i Allahut ( salAllahu alejhi ve selem ) u ngrit dhe thirri: "O ju kurejshë! Blini shpirtrat tuaj ( shpëtojeni veten nga Zjarri i Xhehenemit) , sepse unë nuk mund t'ju shpëtoj nga ndëshkimi i Allahut! O Beni Abdul- Menaf! Unë nuk mund t'ju shpëtoj nga ndëshkimi i Allahut! O Abbas bin Abdul-Muttalib! Unë nuk mund të të shpëtoj nga ndëshkimi i Allahut! O Safije, halla e të Dërguarit të Allahut! Unë nuk mund të të shpëtoj nga ndëshkimi i Allahut! O Fatime, bija e Muhamedit! Më kërko ç'të duash nga pasuria ime, por unë nuk mund të të shpëtoj nga Ndëshkimi i Allahut!"

[ramazan_it]

Enesi ( radijAllahu anhu ) tregon se Pejgamberi ( salAllahu alejhi ve selem ) ka thënë:

"Allahu do t'i thotë banorit të Zjarrit që do të ketë dënimin më të lehtë: 'Po të kishe gjithçka në Tokë, a do ta jepje si shpërblim për të liruar veten?' Ai do të thotë: 'Po'. Pastaj Allahu do t'i thotë: 'Kur ishe në Palcën e Ademit, Unë të kërkova shumë më pak se kaq: që të mos adhuroje asgjë e askënd tjetër, përveç Meje, por ti këmbëngule që të më bëje shok (në adhurim).' "

[nezir2007]

A ka mund te rreje ky Enesi se si i paska thane Pejgamberi mendoj se 100% eshte rrene ......
////////////////////////////////////////////////////////////////////////////////////////////////////////////////////
Enesi ( radijAllahu anhu ) tregon se Pejgamberi ( salAllahu alejhi ve selem ) ka thënë:

"Allahu do t'i thotë banorit të Zjarrit që do të ketë dënimin më të lehtë: 'Po të kishe gjithçka në Tokë, a do ta jepje si shpërblim për të liruar veten?' Ai do të thotë: 'Po'. Pastaj Allahu do t'i thotë: 'Kur ishe në Palcën e Ademit, Unë të kërkova shumë më pak se kaq: që të mos adhuroje asgjë e askënd tjetër, përveç Meje, por ti këmbëngule që të më bëje shok (në adhurim).' "

[ramazan_it]

O Nezir, të lutem jepi nji sy kësaj ma poshtë:


http://www.forumishqiptar.com/showthread.php?t=140728

[ramazan_it]

Ka thënë Pejgamberi i All-llahut ( salAllahu alejhi ve selem ):



“Kush jep sadaka së paku edhe një hurmë të cilën e ka fituar me hallall, se All-llahu nuk pranon përveç se të pastërtës (të mirën). Atë All-llahu e pranon me të djathtën pastaj e rritë sikur që e rritë ndonjëri prej jush mazën e tij, derisa të bëhet (hurmja të cilën e ka dhënë sadaka) sa një kodër ”.

(Transmetojnë Buhariu dhe Muslimi).

[ramazan_it]

Transmetohet nga Ebu Hurejre ( radijAllahu anhu ) se, i Dërguari i All-llahut ( salAllahu alejhi ve selem ) ka thënë:

“Për çdo nyje të njeriut, çdo ditë kur lind dielli, duhet dhënë sadaka. Nëse pajton dy veta - edhe kjo është sadaka, nëse dikujt i ndihmon që të hipën në kafshën e tij, ose i ndihmon që barrën ta ngarkojë në kafshën e tij (kalë ose deve) edhe kjo është sadaka, edhe fjala e mirë është sadaka, çdo hap të cilin e bën për të shkuar në namaz është sadaka, edhe largimi nga rruga i asaj që i pengon kalimtarët është sadaka”. (Muttefekun alejhi)

[ramazan_it]

Nga Ebi Abdus-selam, e ky nga Theubani:

Pejgamberi salAll-llahu alejhi ue selem thotë:

“Do të vërsulen armiqtë mbi umetin, ashtu sikur vërsulet egërsira mbi kope, dikush e pyeti: a pse ne jemi të pakët atëkohë? Tha: Përkundrazi do te jeni shumë, mirëpo jeni shumë sikur shkuma e detit, do ta heq All-llahu nga gjokset e pa besimtarëve frikën ndaj juve, dhe do ta hedhë në zëmrat e juaja ‘el-Uehn’! i thanë sahabët: O i Dërguar i All-llahut çfarë është ‘el-Uehn’? U përgjigj: është dashuria për këtë jetë dhe urrejtja e vdekjes”