Hadithe të zgjedhura

[Shpend Hajdari]

Alejkum selam we rahmetullahi we berekatuhu! Allahu ju shperbleft per mundin qe bete deri sa i sjellet ketu ne forum, Allahu qoft i kenaqur me te gjithe ju qe adhuroni Allahun dhe fene e tij.

[Shpend Hajdari]

Po i sjellë edhe unë disa Hadithe:
″Adhurimi i atij që e nxjerr jetesën me haram është si ngritja e një ndërtese mbi rërë.″

Muhammedi s.a.v.s. ka thënë:
Shembulli i Udhëzimit dhe Diturisë, me të cilat më ka dërgu Allahu ngjan me Shiun që bie në Tokë. Një Pjesë e Tokës është e thatë dhe e ashpër, por e mban Ujin, kështu që Njerëzit e Përdorin atë për ta pirë dhe për Bujqësi. Ndërsa një Pjesë tjetër e Tokës është shterpë: as nuk e mban Ujin e as nuk nxjerr Bimë. I tillë është Shembulli i Atij që mëson Fenë dhe përfiton prej asaj, me të cilën më ka derguar Allahu dhe Shembulli i Atij që nuk përfiton dhe nuk pranon Udhëzimin, me të cilin më ka dërguar Allahu".

Transmeton Buhariu: 79 dhe Muslimi: 2282

″Kush ruhet nga veset e stomakut, gjuhës dhe pjesëve intime është i mbrojtur nga të gjitha mëkatet.″

″Ai që i kalon dy ditë njësoj, është në humbje.″

[ramazan_it]

Një mënyrë e thjeshtë për të qëndruar larg Xhehenemit



Enes ibn Maliku ( Allahu qoftë i kënaqur me të) transmeton se i dërguari i Allahut salallahu alejhi we selem ka thënë:

“ Kushdo që Allahut ia kërkon Xhenetin tri herë, Xheneti thotë: ” O Allah fute në Xhenet. Kushdo që i kërkon Allahut ta mbroj nga zjarri i Xhehenemit tri herë, Xhehenemi thotë: O Allah ruaje nga zjarri i Xhehenemit ”

Transmeton Trimidhiu ( 2572 ) dhe të tjerët. Shejh Albani ( Allahu e mëshiroftë ) e klasifikon këtë hadith në gradën e haditheve sahih në Sahihun e Trimidhiut.

Dobitë e kësaj çështjeje:

Shejh el Hafidh el Mubarkfuri ( 1353 H ) ( Allahu e mëshiroftë ) përmendi disa informacione të çmuara rreth këtij hadithi. Ai shkroi:


“ Kushdo që Allahut ia kërkon Xhenetin...” Kjo mund të thuhet me këto fjalë: “ O Allah, të kërkoj Xhenetin” ose “O Allah, më fut në Xhenet” tre herë... Kjo do të thotë se lutësi e përsëritë kërkesën apo lutjen e tij brenda një kohe. Të thënët e lutjes tre herë është kërkesë e ndershme.
Ky rregull i lutjes është transmetuar në mënyrë autentike në Sunet.

“ Xheneti thotë: “ Kjo është një lutje ose me gjuhën e tij. Allahu është në gjendje që ti bëjë edhe gjerat të cilat nuk flasin apo të pashpirt të flasin.

“ O Allah, fute në Xhenet...” Bëje të mundur që ai të hyjë në Xhenet në fillim ose me ata që hyjnë më vonë.

“ Kushdo që kërkon Allahut ta mbrojë....” Kjo i referohet personit i cili kërkon mbrojtje nga zjarri.

“ nga zjarri...” Kjo mund të thuhet me këto fjalë: “ O Allah, më ruaj nga zjarri i Xhehenemit. ”

“ Xhehenemi thotë...” Kjo do të thotë se Xhehenemi thotë: “ Ruaje dhe shpëtoje atë ”
“ nga zjarri...” Këto fjalë i referohen Xhehenemit i cili lut Allahun që ta shpëtojë nga Zjarri i xhehenemit apo nga banimi i përhershëm në të.

Marrë nga: Tuhfatul Ahwathi bi Sharhii Xhemi et-Trimidhi”

[ramazan_it]

Disa dobi rreth Haditheve të të Dërguarit (sal-lAllahu ‘alejhi ue sel-lem)
Autor: Shejkh ‘Abdul-‘Azijz er-Raxhihi
Burimi: Troid.org



Metodologjia e Muhadithinëve:

Katër Sunenet (Ebu Davudi, Tirmidhiu, Nesaiu dhe Ibn Maxheh), Musnedi i Imam Ahmedit dhe Suneni i Darimiut, të gjitha ato përmbajnë hadithe që janë Sahih, Hasen dhe Da’if, ngase ata (autorët) nuk e bënë kusht që librat e tyre të përmbanin vetëm hadithe që janë Sahih, ashtu siç bëri Bukhari dhe Muslimi. Por, qëllimi i tyre ishte që të mblidhnin të gjitha hadithet që kishin të bënin me çështje të caktuara. Kështu janë edhe veprat e tjera, siç është Musnedi i Tejalisit dhe tre Mu’xhemët e Taberanit. Ndërsa Muwetta e Imam Malikut përmban hadithe që janë Sahih, Hasen dhe Da’if.


Falja e Namazit me këpucë:

“Faluni me këpucët tuaja.” [1] Urdhëri në këtë rast nuk nënkupton obligim, por është rekomandim (istihbab). Ajo që tregon se ai nuk është obligim është fakti që: “Pejgamberi (sal-lAllahu ‘alejhi ue sel-lem) falej këmbëzbathur dhe falej gjithashtu me këpucë mbathur.” [2]


Larja e gjithë trupit kur hyn në Islam:

Hadithi i Kajs (Ibn ‘Amr) është Sahih [3] dhe tregon se rekomandohet për mosbesimtarin që të lahet i tëri kur hyn në Islam, mirëpo ky nuk është obligim sepse shumë njerëz pranuan Islamin në ditën kur u pushtua Mekka dhe Pejgamberi (sal-lAllahu ‘alejhi ue sel-lem) nuk i urdhëroi ata që të laheshin. Kështu që, kjo e bën të qartë se të lahesh kur hyn në Islam nuk është obligim (uaxhib).


Kur njeriu përsos Islamin e tij:

Hadithi: “Kush bën mirë në Islam nuk do të japë llogari për veprat që ka bërë në Xhahilije (d.m.th. në kohën para Islamit). Dhe kush bën keq në Islam do të jape llogari për gjynahet e tij të shkuara dhe të tashmet.” [4] Të bësh mirë në Islam do të thotë që je penduar nga shirku dhe gjynahet, kurse të bësh keq do të thotë të jesh penduar nga shirku por jo nga gjynahet, e që në këtë rast ky pendim fshin shirkun. Mirëpo sa i përket gjynaheve për të cilat robi nuk është penduar por vazhdon t’i bëjë ato edhe pasi që ka pranuar Islamin, atëherë ai do të jape llogari për këto gjynahe që i ka bërë duke qenë Musliman dhe për gjynahet që i ka bërë përpara se të pranonte Islamin.


Arsyeja përse Dijetarët përmendin ndonjëherë hadithe të dobëta në librat e tyre:

El-Hafidh Ibn Kethir, Ibn Kajjim dhe dijetarë të tjerë ndonjëherë kanë përmendur hadithe pa i kushtuar shumë rëndësi saktësisë së tyre dhe mbase kjo ka ndodhur për shkak të dy arsyeve:

1. Ka hadithe të tjera që e përforcojnë atë hadith (të dobët).

2. Ose ai është një hadith që të shtyn drejt asaj që është e mirë dhe të qorton që të qëndrosh larg asaj që është e keqe. Për këtë arsye ka pak liri në përdorimin e këtyre haditheve për këtë qëllim.


Gjendja e Muslimanit që lufton një Musliman tjetër:

Mospërputhja që duket në pamje të jashtme ndërmjet hadithit ke thuhet: “Sa herë që ngrihen shpatat e dy Muslimanëve kundër njëri-tjetrit, atëherë edhe vrasësi edhe i vrari janë në Zjarr” [5] dhe ajetit:

وَإِنْ طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا

“Dhe nëse dy grupe nga Muslimanët luftojnë kundër njëri-tjetrit, atëherë ju bëni pajtim ndërmjet tyre” [6]

sqarohet duke kuptuar se ajeti përshkruan ata të cilët luftojnë duke u bazuar në ixhtihad, siç ndodhi ndërmjet ‘Aliut dhe Mu’auijes (radij-Allahu ‘anhuma). Ndërsa hadithi ka për qëllim ata që luftojnë për shkak të përkatësisë partiake, patriotizmit apo epsheve.


Korrigjimi i të keqes:

Ka dy çështje që lidhen me hadithin e Ebu Se’idit: “Kush shikon një të keqe duhet ta ndryshojë atë me dorën e tij, e nëse nuk mundet, atëherë duhet ta ndryshojë me gjuhën e tij, e nëse nuk mundet, atëherë duhet ta urrejë me zemrën e tij, mirëpo ky është Imani më i dobët.” [7]

1. Kush nuk e urren një të keqe me zemrën e tij nuk do të thotë që ai është kafir, por do të thotë se ky person është gjynahqar.

2. Fraza “Imani më i dobët” lidhet me urrejtjen e tij të asaj të keqeje specifike, e që në përgjithësi ky person ka Iman të dobët. Në fakt, ky person mund të jetë me Iman të fortë sepse ai e urreu këtë të keqe me zemrën e tij, ndërkohë që nuk ishte i aftë ta korrigjonte atë me dorën e tij apo me gjuhën e tij dhe në këtë rast ai e ka plotësuar detyrën (uaxhib) që kishte, prandaj ai nuk është njeri me Iman të dobët.


I vdekuri nuk mund të dëgjojë përveç se në tri raste:

I vdekuri nuk mund të dëgjojë. Allahu i Lartësuar thotë:

إِنَّكَ لا تُسْمِعُ الْمَوْتَى

“Vërtet, ti nuk mund t’i bësh të vekurit që të dëgjojnë...” [8]

dhe:

وَمَا أَنْتَ بِمُسْمِعٍ مَنْ فِي الْقُبُورِ (٢٢)

“Dhe ti nuk mund t’i bësh të dëgjojnë ata që janë në varre.” [9]

Megjithatë, janë tri rastet (kur të vdekurit mund të dëgjojnë) bazuar në hadithet që bëjnë përjashtim për këtë gjykim:

1. Kur Pejgamberi (sal-lAllahu ‘alejhi ue sel-lem) i thirri mushrikët me emrat e tyre, të cilët ishin vrarë gjatë betejës së Bedrit. Kështu, ai u tha Sahabëve: “Ata më dëgjojnë ashtu siç më dëgjoni të gjithë ju, por ata vetëm që nuk më përgjigjen.” [10]

2. Kur personi është varrosur dhe i dëgjon hapat e atyre që marrin pjesë në varrimin e tij, siç është transmetuar në hadith: “Vërtet, ata i dëgjojnë zhurmat e këpucëve tuaja.” [11]

3. Kur personi pyetet në varrin e tij nga dy melaiket: Kush është Zoti yt, kush është Feja jote dhe kush është Profeti yt? Në këtë rast shpirti kthehet tek trupi në mënyrë që të dëgjojë dhe të përgjigjet.


Fundnota:
[1] Sahihul-Xhami’ (n. 3790).
[2] Sahih Ibn Maxheh (n. 850).
[3] Ai ka për qëllim hadithin e transmetuar në Sunenin e Ebu Davudit (n. 550) ku thuhet se kur Kajsi pranoi Islamin, Pejgamberi (sal-lAllahu ‘alejhi ue sel-lem) e urdhëroi atë që të lahej i tëri.
[4] Transmetuar nga Muslimi (n. 120).
[5] ransmetuar nga Bukhari (n. 31).
[6] Sure Huxhurat, 9.
[7] Transmetuar nga Muslimi (n. 49).
[8] Sure en-Neml, 80.
[9] Sure Fatir, 22.
[10] Transmetuar nga Muslimi (n. 2873).
[11] Transmetuar nga Bukhari (n. 1338).

[ramazan_it]

Transmeton Buhariu dhe Muslimi se, i Dërguari i All-llahut s.a.v.s., ka thënë:

" Do të ketë fitne! Ai që qëndron ulur në to është më i mirë nga ai që rri në këmbë. Ai që rri në këmbë në to është më i mirë nga ai që ecën. Ai që ecën në to është më i mirë nga ai që vapron. Kush i ekspozohet atyre ato e mposhtin dhe kush gjen në të diçka me të cilën mbrohet me të "

Esselamun alejkum.

[ramazan_it]

“Allahu e ndriçoftë fytyrën e atij që dëgjon një hadith nga ne, e mëson përmendsh dhe e përcjell ashtu siç e dëgjon." [Transmetuar nga Ahmedi (5/183), Darimi (1/75), Ebu Davud (3/438), Ibn Maxheh (1/84), Tirmidhi (10/124) dhe Ibn Hibban (1/225) etj.]

Esselamun alejkum.

[ramazan_it]

Ibën Mesudi radij-Allahu anhu, thotë:

" Pejgamberi e bëri një vijë të drejtë e tha: “ Kjo është rruga e Zotit” , pastaj i bëri disa vija në të djathtë dhe në të majtë të saj e tha: “ Këto janë rrugë që në krye të secilës është nga një shejtan që të thërret të hysh në të” , pastaj e lexoi ajetin” Dhe se kjo është rruga ime e drejtë, pra përmbajuni kësaj e mos ndiqni rrugë të tjera që t`ju ndajnë nga rruga e Tij. Këto janë porositë e Tij për ju, ashtu që të ruheni. “

Esselamun alejkum.

[ramazan_it]

Pejgamberi ( sal-lAllahu alejhi ue sel-lem ) me këtë porosi na bënë me dije që të kemi kujdes për plotësimin dhe drejtimin e safëve (rreshtave) gjatë namazit.

Prej Ibni Omerit r.a. transmetohet se Pejgamberi ( sal-lAllahu alejhi ue sel-lem ) ka thënë:

Para se të filloni namazin:

- Drejtoni radhët,
- Ngjitni supet me njëri tjetrin,
- Plotësoni vendin e lirë në saf,
- Lironi vend atij që don të hyjë në saf,
- Mos i leni vend shejtanit ndërmjet jush
- Kush e plotëson safin, All-llahu është me atë, e kush e këput safin All-llahu e këput lidhjen me të.

Transmeton Ebu Davudi me sened të vërtetë.

Esselamun alejkum.

[ramazan_it]

Nga Ebu Seid dhe nga Ebu Hurejrete r.a trans me tohet se i Dërguari i All-llahut ( sal-lAllahu alejhi ue sel-lem ) ka thënë:

"Kur banorët e Xhennetit të hyjnë në Xhennet,një thirrës do të thirrë;
"Vërtet ju është dhënë jeta dhe mos vdisni kurrë.
Juve ju është dhënë shëndeti dhe kurrë mos u sëmuni.
Juve ju është dhënë rinia dhe ju kurrë nuk do të plakeni.
Juve ju është dhënë kënaqësia dhe ju kurrë nuk do të arrini në mjerim dhe të keqe!"


Esselamun alejkum.

[ramazan_it]

Nga Ibni Abbasi dhe Enesi ibni Maliku radijall-lahu anhu, përcillet se i Dërguari i Allahut ( sal-lAllahu alejhi ue sel-lem ) ka thënë:

" Sikur njeriu të kishte një luginë me ar,do të dëshironte ti ketë dy lugina (në vend të njërës). Dhe gojën e tij asgjë nuk mund ta mbush (ngop) përveç dheut. Atyre që bëjnë teube All-llahu ( Xhele Shanuhu ) ua pranon teuben e tyre".

(Muttefekun alejhi)

Esselamun alejkum.