Edgar Çani

[Flori]

Quhet Edgar Cani dhe ngjan me Gatuzon, me Lupolin dhe me Xhuzepe Rosin. E pret një ardhme e shkëlqyer. Do të jaftonte pak eksperiencë në futbollin perëndimor që të piqej sa duhet dhe të përballonte një kampionat të vështirë si Seria A. Në Peskara e konsiderojnë si Bobo Vieri i ri dhe mund të jetë kështu, sepse jo më kot agjentët e Interit dhe të Sampdorias kanë filluar të interesohen dukshëm për të”. Ky ishte komenti i uebsajtit Tgcommediaset.it për Edgar Canin, talentin shqiptar që luan te skuadra e Peskarës në Serinë C1. Ai vëzhgohet prej kohësh nga Interi dhe Sampdoria dhe nuk është çudi që ndonjë prej këtyre klubeve të blejë kartonin e lojtarit, me qëllim që më pas ta shesin kartonin e tij me një vlerë të dhjetëfishuar. Ai cilësohet si pasardhësi i Bobo Vierit dhe me paraqitjet e fundit ka tërhequr vëmendjen e shumë klubeve të mëdha. 18-vjeçari nga Tirana ka shënuar 2 gola javën e kaluar kundër Galipolit dhe ka qenë më i miri në fushë. Cani ka lindur në Tiranë. Me fizikun që ka dhe me lojën që bën ngjan shumë me Vierin.



Jeton në Itali prej disa vitesh, por akoma nuk ka marrë nënshtetësinë italiane. Vitin e kaluar me Peskarën në Serinë B nuk arriti të debutonte me skuadrën e parë për shkak se pati probleme me federimin. Në ndeshjen kundër Piaçencës u ndëshkua nga gjyqtari dhe kjo e tërboi fare. Madje, sipas medias italine, u largua nga stadiumi duke përplasur dyert. Njerëzit e klubit të Peskarës edhe këtë e cilësojnë si një sjellje tipike “alla Vieri”. “Është paksa i ashpër, por ka një karakter prej veterani dhe një edukatë pune për t’u pasur zili”, është komenti i përgatitësit atletik të skuadrës së Peskarës. Jo më kot disa skuadra të mëdha i vijnë rrotull, madje prej kohësh. Zërat se Interi ka dërguar agjentët e tij për të biseduar me krerët e Peskarës janë përhapur sa hap e mbyll sytë. Tani të gjithë e dinë se Cani mund të largohet nga skuadra “mëmë” në çdo moment, madje me një çmim shumë të lirë. Kjo mund të ndodhë, sepse ai kur ishte 15 vjeç ka nënshkruar një kontratë të thjeshtë nga ato që nënshkruajnë të gjithë moshatarët e tij, por nëse ai shfaq dëshirën për të ikur, Peskara nuk mund të bëjë asgjë. E vetmja gjë që mund të bëjnë drejtuesit e këtij klubi për të përfituar sa më shumë nga shitja e tij, është që t’i ofrojnë për të nënshkruar një kontratë profesionistësh.

Kombetarja
Trajneri i përfaqësueses shqiptare U-19, Ramadan Shehu, pritet që gjatë ditëve të ardhshme të udhëtojë drejt Italisë për të parë nga afër talentin shqiptar Edgar Cani. Ky i fundit ka ngjallur interesin e drejtuesve të Federatës, të cilët dëshirojnë që lojtari të mund të mbrojë ngjyrat kuqezi në të ardhmen.

Ftesa
Edgar Canit iu bë ftesë nga FSHF-ja për t’u paraqitur në Tiranë në zborin që u drejtua nga trajneri i Shpresave, Artan Bushati nga data 3 deri në 6 janar, por 18-vjeçari nuk mundi të paraqitej, sepse drejtuesit e klubit të tij nuk e lejuan. Cani ka pasur dëshirë të vinte, por problem ka qenë vullneti i drejtuesve.

Skeda
Emri: Edgar
Mbiemri: Cani
Skuadra: Peskara
Data e lindjes: 22.07.1989
Pesha: 75 kg
Gjatësia: 191 cm
Vendlindja: Tiranë
Pozicioni: Sulmues
Gola: 4
Numri i fanellës: 9
Skuadrat që e kërkojnë: Inter, Sampdoria

PanoramaSport

[Davius]

Çani te Palermo, tjetër shqiptar në Serinë A

Kur Erjon Bogdani kaloi nga kampionati kroat për te Rexhina në Itali në vitin 1999, pak kush e mendonte se në atë që njihet si kampionati më i fortë në botë, do të luanin katër shqiptarë. Pas sulmuesit shtatlartë, Igli Tare veshi fanelën e Breshias e më pas edhe ato të Bolonjës e të Lacios. Të dy kanë qenë padyshim “a-mbasadorë” të Shqipërisë dhe futbollit të saj nëpër botë. Por, një vit më parë, numri i shqiptarëve në Serinë A do të shtohej me portierin e Shpresave Samir Ujkani, autor i një paraqitje të mirë në ndeshjen ndaj 21 vjeçarëve italianë në Pontedera. Dje, sërish klubi i Mauricio Zamparinit, tregoi se është i “dashuruar” me shqiptarët. Edgar Çani, talenti 18 vjeçar nga Shqipëria dje është bërë zyrtarisht pjesë e klubit siçilian, që militon në Serinë A. Dje ka qenë dita e fundit e merkatos në Itali dhe klubet janë shtrënguar të mbyllin marrëveshjet e fundit. Presidenti i Palermos Zamparini nuk ka dashur ta ndryshojë shumë skuadrën aktuale, duke preferuar të investojë tek dy të rinj me perspektivë. Veç Edgar Çanit, në ekipin e Guidolin është afruar edhe 20 vjeçari Luka di Mateo, sërish nga Peskara. Dy blerje që kanë plotësuar organikën e këtij klubi për pjesën e mbetur të sezonit. Për të marrë sulmuesin shqiptar, i cili njihet ndryshe si “Vieri i ri”, Palermo i ka shitur Peskarës mesfushorin Mirko Velardi.

Transferta

Edgar Çani debutoi një vit më parë me fanelën e Peskarës në Serinë B, duke luajtur për 4 takime. Këtë vit, ai nisur të luajë më rregullisht, pasi klubi ra në Serinë C1. Por, cilësitë e mira të tij ranë menjëherë në sy të Interit dhe Sampdorias, dy klube që pak javë më parë nisën të mendonin për marrjen e tij në skuadër. Edhe Mançester Siti në Angli u interesua për 18 vjeçarin shqiptar, por Palermo është treguar më e shpejtë në këtë drejtim. Marrëveshja është arritur dje në mesditë. Edgar Çani është sulmues i parë, pykë, dhe pak javë më parë u vëzhgua nga afër edhe nga trajneri shqiptar Ramadan Shehu. Ai shihet si një zëvendësues i mirë i Amaurit në radhët e siçilianëve, ndonëse është shumë i ri për të marrë përgjegjësi të tilla. Çani do të jetë gjithashtu edhe në ekipin kombëtar Shpresa, në miqësoren që do të luhet pas pak ditësh kundër Maqedonisë.

BALKANWEB

[MaDaBeR]

Urime urime futbollistit. I uroj nje karriere sa me te mire dhe ishalla, perse jo, ne nje te ardhme jo shume te larget ta shikojme me klubet me ne emer te europes si Inter, Milan apo Manchester. Perderisa po behet kaq buje qe ne kete moshe fare te re te ketij futbollisti, mendoj se do arrije te jete dhe nje nga lojtaret me te mire ne qarkullim pas disa kohesh.

[Agon_xh]

Sipas Gazetes panorama Cani ka refuzuar kombetaren shpresa te Shqiperise per ate te Italise.
dmth ne te njejten kohe ka patur thirje prej Italise dhe Shqiperise dhe Cani ka refuzuar Kombetaren tone. Nese eshte e vertet kjo lirisht mund te thuhet se ky qenka edhe nje nga ata te pa ndjenja .

Lajmi mund te lexohet ketu:
http://www.panorama.com.al/index.php?id=10446

[Davius]

Nuk eshte hera e pare qe nje sportist vepron ashtu, andaj nuk duhet t'i biem ne qafe pse zgjodhi Kampionet e Botes, Italine, dhe jo te persekutuaren Shqiperi. Ky eshte trend, dhe ato duke dashur te bejne karriere, mohojne vlerat kombetare qe kane si individ. Shikuar nga nje kendveshtrim sportistesh, gjest i mire, por shikuar ne nje rrafsh kombetar, gjera te tilla jane te papranueshme.

[JaCk_DaniELs]

Mire e ka bere.
Nqs do vinte te luante me Kombetaren, do vinte nai tranjer e do e merrte inate e do e perzinte.

[Alex731]

Nese jane te verteta nuk ka bere hiq mire, mos flitni si ju vjen mire, ata qe mbrojne jane nga ata qe per para japen ****** e vet.Aj gjithsesi do kete oferta te reja nga kombetarja, dy tri here.Nese nuk pranon eshte dicka tjeter.Por nuk habitm nese nuk pranon, perkundrazi do jem i befasuar nese pranon.Por nuk do arij large nese zgjedh e.
www.talentet.com

[miki_al2001]

lexova intervisten e Bushatit tek albaniasoccer.com.Cani nuk e karefuzuar kombetaren.thjeshte nuk ka ardhur ne grumbullim dhe e kuptoj vendimin e tij ne kete moment delikat te karieres se tij,shprehet Bushati.Ai perseri do ftohet dhe dyert e kombetares per te jane te hapura gjithmone tha trajneri i u-21 shqiptare.

[Qyfyre]

Edgar Çani firmos te Catania deri më 2016

Edgar Çani është futbollist i Catania-s. Sulmuesi i kombëtares kuqezi rikthehet në Itali, vendin ku filloi te bente emer si futbollist, pas nje eksperience me oshilacione ne Poloni ku pati nje fillim te mire po me pas ishte pjese e polemikave. Klubi italian i Seria A njoftoi të martën se ka nënshkruar një kontratë tre vjecare me lojtarin, deri ne fund te sezonit 2015/16.

Sulmuesi shqiptar ka përfunduar në mënyrë të njëanshme marrëdhëniet e tij profesionale me Polonia Varshava muajin e kaluar. Sipas medias së fqinjit tonë të përtej Ariatikut, Çani është marrë si zëvendësues i Bergessio.

I lindur në Tiranë më 22 korrik 1989, Edgar Çani u rrit në qytetin e Piave (Peruxhia), ndërsa ka nisur pak javë më parë bisedimet me presidentin e Katanias, Pulvirenti. Shqiptari ka veshur edhe fanellën e Palermos në Itali (skuadër me të cilën bëri debutimin e tij në Seria A, më 27 prill 2008, kundër Atalantës), të Askolit, Padovës, Piacenzës dhe Modenës, para se të transferohej në Poloni. Ne poloni ai shënoi 11 gola në 26 ndeshje, në sezonin 2011-2012. Me kombëtaren kuqezi, sulmuesi në fjalë ka shënuar 3 gola në 9 ndeshje të luajtura.

Me këtë transferim, shkon në katër numri i legjionarëve kuqezinj, që do të luajnë në Seria A. Përvec Lorik Canës te Lacio, Erjon Bogdanit te Siena dhe Samir Ujkanit te Palermo, edhe Edgar Çani bëhet pjesë e elitës së kampionatit italian. Si pjesë e Katanias, skuadër e cila drejtohet nga trajneri Maran, që mban vendin e tetë me 32 pikë, në 21 javë të luajtura.

Edgar Çani ishte një nga lojtarët shqiptarë që priste me padurim të njihte skuadrën e tij të re për sezonin në vazhdim. I dalë jashtë organikës së Polonia Varshavës, për shkak të përplasjeve të vazhdueshme që ka pasur me drejtuesit, lojtarit i ishte thënë qartazi që të gjente një skuadër të re, pasi nuk ishte më pjesë e klubit për sezonin në vazhdim. Një gjë të tillë e pat pohuar edhe vetë lojtari, i cili kërkoi që të merrte edhe dokumentacionin para këtij muaji, duke u konsideruar si një lojtar i lirë. Në këtë mënyrë Çani besonte se do ta kishte më të lehtë të transferohej në një klub tjetër, duke qenë se drejtuesit e Polonias, të paktën deri në nëntorin e 2012-ës, kërkonin gati 1 milion euro për kartonin e tij.

Gjithsesi, në pamundësi për të gjetur një skuadër, kjo edhe për faktin se Çani kishte refuzuar disa oferta të mira si nga Salzburgu në Austri, Sivaspori në Turqi, Arsenali i Kievit në Ukrainë, por edhe nga skuadra të kategorisë inferiore si Karpi dhe Avelino në Itali dhe Jahn Regensburg në Gjermani, sulmuesi i Kombëtares shqiptare ishte rikthyer dje në stërvitje te Polonia Varshava.

Sulmuesi ka luajtur vetëm 49 minuta këtë sezon, kjo pasi është ndëshkuar nga drejtuesit për sjelljen e tij si ndaj klubit, edhe ndaj kolegëve në skuadër (mjafton të kujtojmë sherrin në nëntor me kapitenin e ekipit për të gjuajtur një penallti, të fituar nga vetë Çani. Pas atij incidenti ai u përjashtua fare nga skuadra dhe u ndëshkua me stërvitje te të rinjtë).

Gjithesesi tashme ai ka arritur te kete nje shans te arte pasi te luash ne Serie A eshte nje privilegj i rralle per futbollistet shqiptare. Per me teper behet fjale per nje skuader serioze ne vitet e fundit qe edhe kete sezon mban vendin e tete deri tani dhe synon edhe nje nga vendet ne Europe.

[BlueBaron]

Ishalla i kane ardhur mendte ketij djaloshi ...