Cfare mendoni per Pirsing?

[Asriana]

Pirsing? Jo, faleminderit
E Diele, 17 Dhjetor 2006
Nese pirsing mund te konsiderohet nje mjet shprehes, nese mishoren nje impuls rinor apo ka nje vlere estetike, nuk eshte ky qellimi. Ceshtja eshte nje tjeter: eshte e rrezikshme per shendetin? Pergjigja eshte ne faktet e dokumentuar dhe ne revistat kryesore nderkombetare te mjekesise.

Nje nga rastet tipike eshte ai i nje vajze italiane 18-vjecare, e goditur nga nje forme e pazakonte e nevralgjise trinjake. Nje muaj pas venies se pirsing, vajza filloi te kishte nje dhimbje te forte ne anen e djathte te fytyres. Kesaj dhimbjeje i shtoheshin rreth 20 apo 30 here ne dite shok alektrike qe provokojne nje ulje te ndjeshmerise per 30 sekonda. Ishte e qarte se behej fjale per nevralgjine e trinjakeve, irritimi i nje nervi i perbere nga tre rrenje qe pershkojne pjesen frontale. Kjo lloj dhimbje, eshte me intensja dhe me e padurueshmja qe njihet, dhe jo rastesisht kjo nevralgji ehte quajtur si “sindroma e vetevrasjes”, sepse per te shmangur dhimbjen te shtyn ne gjeste ekstreme. Por 48 ore pas heqjes se pirsing, cdo sintome ishte zhdukur dhe nuk eshte shfaqur me deri tani, qe ka kaluar nje vit. Se ne c’menyre pirsing ka qene shkak i dhimbjeve nuk eshte e qarte. Por sipas mjekeve pirsing mund te kete provokuar rryma elektrike qe kane irrituar me pas nervin. Nje hipoteze tjeter eshte ajo e irritimit kimik nga ana e nderhyrjes. Ky rast i cuditshem eshte i pari i regjistruar ne literature. Por nuk perjashtohet mundesia qe t’i kete ndodhur te tjereve. Nje tjeter rast ne literature raporton simptoma te semundjes ne pjesen e siperme te lobeve te veshit, ne nje paciente 68-vjecare, dhjete vjet pas ajo kishte vene pirsing.

Te cposh lekuren per bukuri te ekspozon para rrezikut te irritimeve, reaksione alergjike, infeksione si hepatiti, sida etj. Lekura perfaqeson nje barriere midis organizmit dhe agjenteve te rrezikshem qe gjenden ne ambjent.Nese fusim nje cope metali ne trupin tone, duke dhunuar kete barriere, ekspozohemi para rreziqeve. Sipas disa mjekeve ne pjesen e jashtme te pirsing grumbullohet pluhur, sapun, mbi te gjitha baktere dhe viruse. Keto mund te kalojne lehtesisht ne gjak, vecanerisht nese zona eshte e mbushur me ene gjaku.

Duke mberritur ne gjak, bakteret mund te perfundojne ne zemer, te kolonizojne valvolat kardiake dhe te provokojne disfunzione, si endokarditi.

Midis zonave me te cpuara eshte kerthiza, qe eshte edhe nje nga vendet qe kolonizohen me shpejt nga bakteret. Por megjithate, pikat me te rrezikshme mbeten goja (buzet dhe gjuha), hunda dhe organet gjenitale.

Edhe alergjite jane te shpeshta. Keto mini bizhu duhet te jene celik, por ne shitje gjenden pirsing te cilesive te ndryshem: e nese ne Europe niveli i nikelit, qe provokon alergji, nuk mund te kaloje nje vlere te caktuar, ne Kine per shembull ndodh ndryshe.

/Korrieri/

[xhuliana]

keto qe ke shkruar ketu jane pak te eksagjeruara ne fakt....une e kam 1 pierc ne hund prej 7 vj sme ka ndodhur gje deri tani.....dhe gati te gjithe te rinjte e kane 1 pierc....tani rezik ka kudo....se edhe kur ecen ne rruge rezikon qe 1 makin te shtypi cti bejme??

[WALCHIRIA]

Kto probleme besoj se mund te vin nga mbiteprimi i piercingut ne trup, por nje ose dy sbesoj se japin ndonje efekt anesor, mua per vete sme ka ndodhur, kam piercing ne kerthiz ska shum koh, skam pasur probleme edhe 2 muaj pasi e bera e ndrova me nje floriri ,dhe spo shof ndonje problem te pakten deri tani , kujdesem normal se skam deshir te infektohet por i shof kto qe jan shkruar raste ekstreme , sepse njeriu vdes edhe nga gjera qe sja pret mendja , thuaj ishalla sjemi ne ata njerez unik qe te kemi fatin e keq .......

[King_Arthur]

une jam kunder Pirsing . me duken shume pa kuptim .

[Lioness]

Kunder "cpuarjeve" . (adaptim ala shqipce)

Edhe ato te veshit s'i perdor, rrezik jane mbyllur po duhen rihapur per dasmen e motres lol.

Ah, edhe kunder tatuazheve (sidomos per femrat) ...
dmth jam, si i thone, me mentalitet "te qemotit" per kesi gjerash .

[murik]

keto qe ke shkruar ketu jane pak te eksagjeruara ne fakt....une e kam 1 pierc ne hund prej 7 vj sme ka ndodhur gje deri tani.....dhe gati te gjithe te rinjte e kane 1 pierc....tani rezik ka kudo....se edhe kur ecen ne rruge rezikon qe 1 makin te shtypi cti bejme??

Kot per kuriozitet,vetem ne hunde ke piercing,apo edhe ne pjese te tjera te trupit?

[bebushja]

i pelqej shume sidomos ke barku eshte shum i kendshem sidomos per stinen e veres

[Davius]

Të rinjtë në Tiranë preferojnë pirsing në pjesë të ndryshme të trupit

Megjithëse tendenca e dekorimit të trupit me pirsing është shumë e lashtë, sa vetë historia e njerëzimit, për Shqipërinë kjo u shndërruar si modë vetëm pas viteve 90. Përpara këtyre viteve me vëth ishte rast i rrallë të shikoje djem, përveç atyre që ishin djem të vetëm dhe, sipas besëtytnive, vendosja e vëthit e bënte që të dallohej se ishte i vetmi djalë në familje, dhe vendosej për të treguar jetëgjatësi. Por nuk u desh shumë që, si tendencë ekzistence prej shumë vitesh në botë, të përqafohej edhe në vendin tonë. Estetistja Elena Rrumbullaku thotë se ”kam shumë vite që merrem me dekorimin e trupit me pirsing, por të parët që paraqitnin interes për këtë tendencë të re sigurisht që ishin të rinjtë. Fillimisht, stepeshin për vënien e pirsing-ut në shumë vende të trupit, por më pas u pëlqente dhe e ndienin si diçka të bukur, tërheqëse, dhe e vinin pa frikë”.

Përqafimi i tendencave

Të rinjtë janë ata që tërhiqen pas të rejave dhe modës. Edhe në dekorimin e trupit, i pari që e përqafoi këtë art të veçantë ishte brezi i ri. Andi Kërceli, 21 vjeç, studion për pikturë dhe thotë se ”kam tre pirsing: një në gjuhë, në mjekër, dhe në harkun e vetullës. Më tërheq kjo lloj forme për dekorimin e trupit tim; jam i vetëdijshëm që për dikë mund të duket si diçka e çuditshme, por për të vënë pirsing është domosdoshmëri që ta ndjesh këtë formë. Edhe pirsing ka një gjuhë të brendshme, që jo shumë veta e kuptojnë”. Ndërsa Ana Murati, studente, thotë se ”kam dy vite që e kam vendosur këtë pirsing në hundë; ndihem shumë mirë me të. Por vendosja e pirsing në hunë ka një kuptim të veçantë për Anën: ”I pëlqej shumë yjet dhe për mua fytyra nënkupton Hënën, ndërsa ky pirsing në hundë plotëson konfigurimin e qiellit, ndaj kam vënë një yll”. Estetistja Rrumbullaku thotë se “çdo ditë të rinj vijnë dhe interesohen për tendencat më të fundit, lidhur me këtë lloj dekorimi, se çfarë është në modë tani. Ka shumë persona që pëlqejnë diçka dhe e shtojnë numrin e pirsing-eve në trup”. Tendencat më të fundit janë vendosja e pirsing-ut në vetull, mjekër, gjuhë, si dhe në kërthizë, në veçanti për vajzat. Për shumë të pasionuar vendosja e gurëve plotëson vezullimin e pamjes. Dekorimi i trupit me pirsing, tendenca më e fundit që nuk njeh limit. Me pirsing kuptohet vënia e vëthëve në pjesë të ndryshme të trupit, për të krijuar një galeri dekorative. Nëse vite më parë vërja e vëthëve, përgjithësisht aplikohen në lobet e veshëve, në hundë, në harkun e vetullave, në buzë, gjuhë dhe në organet gjenitale. Këto bëjnë pjesë në atë, të ashtuquajturën art trupor.

Qëllimi i pirsing-ut fillimisht

Edhe pirsing-u e ka prejardhjen që nga antikiteti. Qëllimi primar i tij, si dhe i tatuazheve, ka qenë për të bërë dallimin dhe detyrimin që ka çdo pjesëtar i familjes në shoqëritë tribale. Disa tribu kanë një strukturë rrethore që, në shumë raste, janë të ndarë në mes. Anëtarët e secilës pjesë i përkasin një klani, secili me shenjën e tij në trup. Sipas materialit dhe pozicionit të pirsing-ut, të rinjtë dallohen se kujt klani i përkasin. Këto shenja kuptoheshin vetëm nga një grup i caktuar njerëzish. Janë shenja mbi trup, që tregojnë se tani ky trup i përket një grupi të caktuar. Të bësh vrima dhe të pikturosh trupin, në të vërtetë është një koncept që ka për kulturën orientale, mbi të gjitha, duke u ndikuar edhe nga kristianizmi, nuk gjen liri dhe miratim për aplikim. Megjithatë, njerëzit nuk ndalen. Ndryshojnë njerëzit dhe sjelljet psikologjike tek ata dhe, nëse deri dje këto praktika ishin të kufizuara, vetëm për një rreth të ngushtë njerëzish, sot përbën një tendencë që nga dita në ditë po përhapet në masë, sidomos te të rinjtë. Në SHBA, rreth 10 për qind e popullsisë ka pirsing, ndërsa në Europë kanë më shumë tatuazhe.

Vendet më të preferuara

Të dekorosh trupin me pirsing nuk është thjesht një veprim pa një qëllim, por ka një arsye: të ngjash sa më bukur dhe të bëjë efektin e duhur edhe në aspektin estetik, të duket këndshëm e, pse jo, të tërheqësh edhe vëmendjen e të tjerëve. Edhe në këtë aspekt zbukurimi shijet përsëri ndahen në djem dhe vajza. Vendet më të preferuara për djemtë janë vetulla, gjuha dhe mjekra, ndërsa për vajza dekorimi i barkut, në dhëmbë, hundë dhe gjuhë. Por çdo gjë nuk mbetet deri këtu, pasi një vend të rëndësishëm zë edhe përzgjedhja e pirsing-ut: vajzat preferojnë që pirsing-u të jetë me gurë me ngjyra sa më femërore rozë, bojëqielli, në formë ylli, hëne etj., ndërsa djemtë sa më të thjeshtë, kryesisht argjend.

Ndjeshmëria e pirsing-ut

Nëse vendos të bësh një pirsing, në çfarëdo pjese të trupit, padiskutim që duhet ta ndiesh atë, thotë estetistja. Fillimisht, duhet të krijosh komunikimin dhe parapërgatitjen me veten, si dhe bindjen e saktë se çfarë do, dhe pastaj çdo gjë duket e thjeshtë. Pirsing-u bëhet një me ty dhe heqja e tij, qoftë edhe për një ditë, të duket se diçka mungon në plotësimin e pamjes së jashtme. Ndaj, edhe vendosja e këtyre dekoracioneve është më e pëlqyer nga brezi i ri.leontina Nika

[xhuliana]

Kot per kuriozitet,vetem ne hunde ke piercing,apo edhe ne pjese te tjera te trupit?

ja po e shuaj kuriositetin tat....
me vone e bera edhe 1 pierc ne buzen e poshtme (anash)...por me dukej vetja pak si e eksagjerume me 2 pierc....dhe kete te fundit vendosa ta heq....

[Ole]

po ti te kishe heq ate ne hunde moj dhe te kishe lene ate tjetrin ...

njss ti e di
Persa i perket mendimit tim rreth piercing sjam kondra... respektoj zgjedhjet e te tjereve, se ca bejne ata me trupin e jeten e vet ska cme duhet mua...
Vetem qe kur shef ndonje te mbush plot me hekura jam shum kuurioze te di qe me te vertete i pelqen vetja ashtu?
Sa per efektin qe kane per mendimin tim varet nga lekura e organizmi i cdo kujt... ai qe ve nje te tille duhet te sigurohet qe sdo kete ndonje pasoje per shendetin.