Daut Demaku

[Çaushi]

PËR TY, POPULLI IM (3)

Shqiponjave do t’iu qëllojë
Edhe poshtë pulave të ulen
Po pula
Sado veten ta mundojë
Asnjëherë në botë
Te shqiponja
Nuk ngritet dot.

Prandaj respektoje
Shqiponjen
Në qiell sundimtare
Por nderoje edhe pulen
Që krimbat
Di t’i pastrojë
Në oborr shtëpie
Kujdestare.

Nëse do të jetosh
Si njeri
Nëse do të jetosh
Si burrë
Këtë porosi të vogël
Mos e harro kurrë.

Fikall vetëm
Ke ardhë në jetë
Fikall vetëm
Do dalësh nga kjo botë
Kjo është
Krejtësisht e vërtetë
Çdo rruga tjetër
Është e kotë.

Sido që të jetosh
Fundi
Për të gjithë dihet
Sado që të fitosh
Më vete
Asgjë s’mirret.

Kanë provuar
Para teje
Faraonë, mbretër
E perandor
Të marrin floririn
Në varr
Por muarën
Trashtë e surles
Dhe të gjithë
U bën horë
Kanë menduar
Magarët
Se edhe parajsa
Blihet
Me pare
Në dorë.

Të gjithë e dinë
Se do të vie
Një ditë
Kur të gjitha fitimet
Do t’i marrin
Këmisha e mbramë
Nuk ka xhepa
As banka, as trezor
As sefa.

Prandaj dhuroje
Me gëzim
Tash kur dora
Të punon
Mos e prit fundin
Kur fjalën
Faleminderit
Më ti
Nuk e dëgjon.

Dhe dhuroje
Vetëm në dy vende
Për të paaftit
Dhe për dije
Mos krijo parazitë
Me djersën tënde
Se të vret buka jote,
Tinëz, si hije.

Vetëm ai që jep
Me gëzim
Vetëm ai vërtet
Vlerë ka dhënë
Ai që dhuron
Dhe ndjen dhimbje
Ai ka bërë humbje,
Shenjë nuk ka lënë.

Jeta është marrje
E dhënie
Asgjë tjetër
Pas njeriut nuk jetë,
Edhe vet populli
Ka thanë:
Ti e ndalë, Zoti ta ndalë
Ti e jep – Zoti të jep
Gjithmonë përsëritet
Kjo e vërtetë.
Por e vërteta
Të mençurit i flet
Budallai mbetet
Se mbetet hajvan
Edhe kur t’i biesh
Çekiq krye
Ai thotë
Çka po cokatë në tavan?

..........

[xani1]

Të lumtë pena, vëlla, Daut Demaku.

[fisniku-student]

Realisht Daut Demaku ka nje gamë te gjerë diturish dhe njohurish për jeten dhe fatmirësisht është prej të rralleve qe edhe shquhet moralisht ne diturit e tij, gjë që kjo vërehet në fjalimet e tij.

Edhe ajo çfar mund te vërehet ne fjalimet e tij, është se ka lexu shumë literaturë dhe sidomos literatur religjioze sepse ne diturin e tij dominohet morali.

Megjithatë kur eshte fjala tek kritika pozitive, personalisht pasi qe kam njohuri fetare, kam rastis jo rrallëhere qe ne fjalimet e tij te ndegjoj thenje (hadithe te Muhamedit) dhe interpretim ajetesh Kurani, mirpo e meta kryesore ne kete rast eshte se asnjeher nuk ka deklaru se ato çfar thotë se ku e kan burimin apo autenticitetin e tyre, që do të thotë se me dashje apo pa dashje bënë nje lloj plagjiature (pervetësim njohurish te huaja).

Mirpo perkunder kesaj te mete, Daut Demaku njifet si figure e rrespektuar nga te gjithe.

[Çaushi]

Të lumtë pena, vëlla, Daut Demaku.

Te falenderoj ne emrin tim dhe te Shkrimtarit i dashur poet xani1!

[Çaushi]

...........

Ju lutem kuptojeni njëherë e përgjithmonë se lumturia e vërtetë gjendet brenda në ju. Mos humbni kohë dhe mund duke kërkuar paqen dhe kënaqësi e lumturi në botën e jashtme. Mbani mend se nuk ka lumturi në marrje dhe pasje nëse nuk ka dhënie. Zgjateni dorën. Ndani me të tjerët. Buzëqeshni. Përqafoni. Lumturia është parfum me të cilin nuk mund t’i spërkatni të tjerët nëse së pari nuk ia hudhni vetes ca pika.

.......

[Çaushi]

..........

Të gjithë ata që do të vonohen në rrugën e mendimit pozitiv do t’i vjelin frytet e vonesës. Sepse, fundja, njeriu krejt çka bën në jetë, e bën për veten e vet, ose, siç do të thoshte Franklini: Kush të ka mashtruar më shpesh sasa ti vetveten! Le të vazhdojnë ta mashtrojnë (me mosbesim) veten e tyre, e kjo është e drejt e tyre. Por, le ta dinë se: jeta nuk buzëqesh kurrë, në qoftë se ti nuk i buzëqesh jetës i pari!


.............

[Çaushi]

.........

Ju qe e keni vrarë vetëbesimin dhe nuk keni kurrfarë sigurie në jetë, që keni humbur dashurinë ndaj vetvetes dhe ndaj njerëzve në tërësi...Të gjithëve do t’u drejtohem me një fjali e do t’u them zëshëm: Mos u dorëzoni! Kurrë mos e përdorni fjalën “nuk mundem”. T’i bini me gomë, me shqelma, fjalës “nuk” dhe le të mbetet fjala “mundem”, sepse: për të gjallin kurrë nuk mbyllen të gjitha dyert e jetës!

.......

[Çaushi]

........

Pse është fëmijëria aq magjike? Për shkak se në atë moshë – ti je ende pjesë e rrjedhës kosmike, pa asnjë lloj përgjegjësie, krejtësisht i lirë, pa ndërgjegje, pa kufizime. E pastaj – vie egoja, pastaj konflikti dhe të gjitha luftërat të tjera, dhe, kështu e tëra shndërrohet në përgjegjësi të madhe, dhe, në çdo moment vie ndonjë kufizim i ri, kurse liria është gjithnjë e vogël dhe më e vogël.


...........

[Çaushi]

.........


Vendim-marrja është proces intuitive. Shumica e njerëzve kanë frikë të marrin vendime, sepse mendojnë që medoemos do të gabojnë. E, cka nëse gabon? Punë e madhe. Nga cdo gabim mund të mësosh dicka të re, madje ka disa mësime që mësohen VETËM prej gabimeve. Mos mendoni se në jetë ka vetëm një përgjigje të duhur, keni guxim të rrezikoni sepse vetëm kështu “rriteni shpirtërisht”.


.................

[Çaushi]

.....

Të dëgjosh njëqind herë, njëmijë herë apo edhe një milion herë se të dhemb dora kur ta prejë tehu i thikës, athua a është e barabartë me dhimbjen kur vërtet ta këpusësh dorën tënde me thikë? Dija memorje është reçetë e mjekut. Reçeta nuk shëron, por barërat, apo? Prandaj Gëte i mençur, moti ka thënë: mendja e fuqishme, që bën përpjekje për zbatimin praktik të dijes teorike, është mendja më e mirë në botë.


...........