Disa mendime - thënie të miat

[VOLSIV]

1. Për shtetin
Rinia është ardhmëria e një vendi. Një shtet që investon për ta përparuar rininë e që përkujdeset për të do të thotë se ka investuar në ardhmërinë e vet. Lum si ai që e di këtë thesar.

2. Për prindërit e rinj
Kur të të shkojë ndërmend se sa ti askush nuk i do fëmijët e vet, kujtohu njëherë se, në mos më shumë po kaq të kanë dashur edhe ty prindërit e tu.

3. Për krijuesit
Krijimi është pjesë e shpirtit të njeriut. Nëse dikush të dhuron diçka nga krijimtaria e tij, falënderoje në mënyrë të veçantë, sepse të ka falur një pjesë të shpirtit të vet.

>>> Me e bukur qenka firma per mendimin tim.

"Mendjet e mëdha diskutojnë ide; mesataret-ngjarje; të voglat -njerëz...”.

[projekti21_dk]

Shpesh kur dëgjoj të flitet për korrupsionin dhe për dukuri të tjera negative më bie ndërmend një kallëzim popullor:

Kur mali u ankua se po e priste sopata, i thanë:
“Fajin e ke Aë se bishti është yti”.

Fatkeqësisht ne me shtetin bashkëpunojmë të shumtën e herës vetëm në aspektin negativ!!

[projekti21_dk]

8. Mitet sa më të errëta të paraqiten aq më ”bindëse” janë. Fatkeqësisht janë ”fakte” të lindura nga djallëzia e të diturve dhe të pranuara nga shtresa më e ulët shoqërore.

[projekti21_dk]

Mendoj se ne shqiptarët jemi militantët më fanatikë në botë. Ne nuk duan tjetër realitet që del jashtë militantizmit tonë. Për këtë ”ideal” militant tonin jemi në gjendje të prishim miqësinë edhe me shokët më të ngushtë. Sa turp!

[e panjohura]

Ai-ajo qe per politik prish miqesin,ata nuk kan qene miq kurr!

[projekti21_dk]

Temat tabu i krijojnë njerëzit që kanë faje. Ky grup njerëzish për të fshehur të metat e veta krijojnë dicka që s’duhet të flitet - tabu që mos të bisedohet e mos të ketë fërkime rreth gabimeve e lëshimeve të tyre që të shumtën e herës janë shumë të mëdha.

[projekti21_dk]

Urim i veçantë
Pendim, Falje, kërkim Falje

Të dashur miq, ndonëse ju kam uruar edhe një herë, në këto momente, s’di si më erdhi në mendje fjala e urtë daneze: “Njeriu të kaluarën nuk mund ta ndryshojë, por të ardhem – po”. Kjo fjalë më shtyri të mendoj shpejt e shpejt ngjarjet nga viti që lamë pas dhe doli se kisha pasur një vit me shumë përpjeta e tatëpjeta, me çaste të lumtura e me çaste jo shumë të lumtura, me mirëkuptime e me keqkuptime, se dikujt i kisha hyrë në hak dhe se dikush më kishte hyrë në hak...

Prapë fjala e urtë daneze më erdhi në shërbim:”... të ardhmen mund ta ndryshsosh ...”, fundja mund t’i prijësh për të mirë. Atëherë mora këtë vendim që të jua them edhe juve, miq të dashur:

1. Pendohem për gjithë të këqijat që kam bërë, ( nuk ka gjë më fisnike se të pendohesh )
2. Do t’i fal të gjithë ata që kanë gabime ndaj meje. ( nuk ka gjë më madhështore se të falësh )
3. Kërkoj të falur botërisht ndaj gjithë atyre që i kam lënduar, që ua kam prishur ditën e që kam bërë gabime të paqëllimshme ndaj tyre.


Dhe për fund, miq të dashur, më lejoni të ju uroj:
12 muaj lumturi,
52 javë qetesi,
365 ditë dashuri,
8.760 orë paqe,
525.600 minuta sukses,
31.536.000 sekonda miqësi.


Gëzuar Vitin e Ri
2 0 1 1
Le të jetë ky vit i realizimit të dëshirave tua
personale, familjare dhe kombëtare.

[projekti21_dk]

ÇKA QUHET VDEKJE E RËNDË

Nuk quhet e rëndë vdekja që është shkaktuar nga një krim sado barbar të ketë qenë.

Vdekje e rëndë quhet ajo kur shkon për ngushëllime për të vdekurin dhe ndihesh keq duke mos ditur çfarë të thuash për të, përveç fjalës "ngushëllime"!

[projekti21_dk]

Të shumtën e herës hipokrizia vjen si pasojë e frikës ( frikës se të mungon guximi - je frikacak ta thuash të vërtetën dhe frikës se mos humb tjetrin a masën pse flet të vërtetën ) në përballje me realitetitin.
Të sharë do të jenë të dytë: si guximtari, si hipokriti, por me një ndryshim.
Guximtari do të shahet derisa të dalë e vërteta në shesh dhe aty ndërpritet sharja, ndërkaq hipokriti do të shahet pasi të dalë në shesh e vërteta, por fatkeqësisht sharja ndaj tij do të zgjasë shumë dhe mbi të gjitha hipokrizia e tij mund të jetë me pasoja për dikë.

[projekti21_dk]

Njeriu gjatë jetës ”kalon” nëpër dy familje: familja e fëmijërisë ( prindër, vëllëzër e motra ) dhe familja që krijon vetë pasi të martohet.

- Lum si ai që deri në vdekje i mban në harmoni, lidhje të ngushtë këto dy familje.

- Turp dhe mjer si ai që pasi krijon familjen e dytë harron të parën!