Protestë masive kundër ndalimit të shamisë ne shkolla

[gimche]

mir pra o gimche , me thuj pra o agim djali se ajo fotoja e siperme a eshte sipas sunetit apo jo , dhe se a eshte e lejueshme ne islamin e sotem , apo islami i sotem i kundervihet kesaj veshjeje,
nqs jo , dmth ilami i sotem nuk i kundervihet asaj veshjeje , atehere pranoje qe edhe ti je pro saj,
mesa di une eshte sunet dhe jo farz , eshte , apo nuk eshte keshtu.

Për cilën veshje e ki fjalën?! Burken-Nikabin-Perçen-Ferexhen?! Kjo është Sunnet, nuk kemi kerkuar asnjëherë dhe nuk do të kerkojmë lejimin e saj.
Kerkojmë lejimin e shamisë-Hixhabit-Mbulesës plus asaj fare e thjeshtë është për tu kuptuar, ne nuk kerkojmë shaminë në shkolla, kerkojmë që nxënëset të cilat kanë vendosur të mbajnë shami t'u mundësohet shkollimi, shumë kerkesë njerëzore nuk e di çka ka për t'u kundërshtuar, megjithëse prapë se prapë e respektoj mendimin e secilit.

[gimche]

Shamitë


Shkruan: Binak Kelmendi


E gjithë kjo është ose dhe mund të jetë “kofin pas të vjeli”. Dhe, e gjithë kjo mund të nxisë reagime. Megjithatë, duhet thënë nja dy-tri fjalë për shaminë. Për shaminë, e cila në fundjavën e kaluar nxiti një protestë që nga mediet, jo vetëm kosovare, u cilësua si më masivja në kohë të fundit në Kosovë. E, këto dy-tri fjalë do t’i them jo për ta denoncuar protestën dhe kërkesën e saj për shami, sepse për shami tashmë kam shkruar në këtë kënd. Por, për të nxjerrë në pah disa gjëra që, u vërejt shumë qartë, dolën jo pak nga “korniza” e protestës, ose mua m’u duk kështu. Ja pse:
Simbolet: Pos parullave që për pjesëmarrësit e manifestimit mund të jenë krejtësisht me vend e të arsyeshme, kishte dhe të tjera që për vrojtuesit gjakftohtë nuk dukeshin fare të tilla. Sepse, veç parullave të shkruara (me gabime) në gjuhën shqipe, si: “Jemi krenar që jemi mysliman shqiptarë” (që i vjen pak edhe erë raciste), kishte edhe parulla në gjuhën arabe (le të më falin arabfolësit eventualë në Kosovë), të cilat pak kush, edhe nga pjesëmarrësit e protestës, mund t’i ketë kuptuar. Fundja, në Kosovë, pos nëpër xhami, gjuha arabe ende nuk është bërë gjuhë zyrtare.
Në mesin e protestuesve, dua të ironizoj edhe unë me cilësimin cinik e të goditur që po e huazoj, ka pasur vërtet “Young Europeans”. Qofshin dhe shumë pak ata. E unë, pos këtyre që përmenda, kam parë, në një foto, edhe dy engjëllushe shqiptare me shami të lidhur shumë shtrëngueshëm mbi ballë në fytyrë që mbaheshin në krahët e një plaku me mjekër të pambajtur që kush e di se çfarë brohoriste. Me siguri ato nuk i kishin lidhur vetë shamitë... Dhe, le të më ndjehet, se si në atë çast m’u kujtua përnjëherë ai hoxha i Marinës, i larguar nga vendi ynë për aktivitete të ndaluara dhe jashtëfetare. Besoj ta keni parë edhe ju.
Qasja: Manifestuesit, gjatë gjithë protestës, por sidomos në fund të saj, shfaqën një dozë triumfalizmi që prapë, për vëzhguesin e rëndomtë, nuk mund të kalonte i pavërejtur. Manifestuesit qëndronin dhe silleshin kudo sikur fitimtarë të mëdhenj të një lufte të sapobërë. Ata u sollën kështu edhe kur bllokuan rrugët dhe komunikacionin nëpër to. Të tillë, triumfalistë, pra, u paraqitën më së shumti ata që për veten e vet thanë të ishin në krye në krye të këtij manifestimi.
Krejtësisht ndryshe nga manifestuesit u sollën ata kundër të cilëve thuhej të ishte drejtuar protesta. Nuk dihet a ishin fshehur apo jo ministri i Arsimit, Enver Hoxhaj, dhe kryetari i Kuvendit të Komunës, Isa Mustafa. Sepse, ndoshta mu refuzimi i tyre për t’u takuar me organizatorët e protestës, ose dhe ndoshta mungesa e vërtetë e tyre, mund t’i ketë trimëruar edhe më shumë organizatorët. Nga vendimet e marra nuk ka pse të fshihet askush. As ministri dhe as kryetari, të cilët, mendoj unë, në këtë rast, kanë shumë të drejtë.
Bashkësia Islame: Bashkësia Islame e Kosovës nuk u bë e gjallë as para, as gjatë dhe as pas protestës. Bashkësia Islame nuk bën të fshihet nga ky problem në stilin, “nëse del mirë, jam unë, nëse del keq nuk jam”.
Shteti: Zyrtarë shtetërorë e kanë të gatshëm formulimin për çdo manifestim, edhe për këtë: Çdo kush ka të drejtë të protestojë. Por, unë nuk pajtohem fare, sepse nesër kush e di se për çfarë do të protestoj unë.
Shteti është i ndarë nga feja, me Kushtetutë. Dhe, duhet të mbetet kështu. Por, shteti duhet të dijë cilat ishin ato 20 organizata që kishin përgatitur këtë protestë dhe a zhvillojnë ato organizata vetëm aktivitete të njëmendta fetare myslimane.
Feja: Është vërtetë se shqiptarët në Kosovë me shumicën e shumicës janë myslimanë. Por, kjo shumicë nuk i jep asaj assesi të drejtën që këtë përkatësi fetare ta manifestojë ashtu që të ndihet keq dhe e pasigurt pakica tjetër fetare shqiptare e edhe bashkësitë tjera joshqiptare dhe jomyslimane.
Shamitë: Shqiptaret shamitë i kanë pasur dekor koke shumë kohë para ardhjes së myslimanizmit në trojet e tyre. Nëpër rajone të ndryshme të Kosovës ato vënë shami të ndryshme, jo për shkak të fesë. Ka edhe këngë të bukura popullore për to: “Oj shamikuqe, oj shamiverdhë”, “Shamia e beqarit”, etj. Asnjë për shaminë fetare myslimane.
Krejt në fund: Liria dhe të drejtat e njeriut tani vërtetë janë bërë problem. Liritë kanë evoluar shumë e edhe definicionet për të. Megjithatë, ajo gjenialja ka mbetur: “Liria ime mbaron aty ku fillon liria e tjetrit”. Edhe kur bëhet fjalë për lirinë fetare.
Prandaj duhet respektuar e jo tepruar me të.
E, shamia që po kërkohet tash, as nuk të bën dhe as nuk të zhbën myslimane.

Vuvuzelat rreth shamisë

(Reagim ndaj shkrimit “Shamitë”, të autorit Binak Kelmendi, botuar në gazetën “Zëri” të datës 22-06-2010)

Shkruan: Agon Dragusha

Lufta politike për të humbur fenë dhe kombin e shqiptarëve është betej e përditshme e armiqve tanë kombëtarë. Kjo luftë ka ekzistuar që moti dhe është bërë në mënyra të ndryshme. Nuk i harrojmë idetë komuniste e deri tek koha jonë tash. Mirëpo feja është ajo që i bëri ballë këtyre frymave, e në veçanti feja islame, e cila me parimet e saja thuajse po ia vran syrin shumë disa “shqiptarëve”.
Kjo po i pëgjan një kampionati. Mirëpo ata që po e transmetojnë ndeshjen janë në dijeni se gjithmonë Islami është ai që nuk është gjunjëzuar dhe kurrë nuk është eliminuar nga lista. Ajo që na bënë ma të veçantë është se kurrë nuk e kemi ndryshuar veshjen, gjithmonë kemi qenë në fushë më dresa të njëjta dhe kemi pasur një udhëzim. Numri i simpatizuesve gjithmonë po është në rritje, si rezultat se ata i pranojmë dhe i mirëpresim të gjihthë pa dallim feje, race apo kombi.
E nga ana tjetër nuk ndalen kundërshtarët në mënyra të ndryshme për ta mposhtur këtë vizion. Në fillim me dhunë, e tash në mënyrë liberale e demokratike me fjalë që po i ngjasojnë vuvuzelave të cilat vetëm sa po i irritojnë edhe më shumë shikuesit.
E nga ata që i ra hise t’i bie vuvuzeles nuk mungoi as Binak Kelmendi, i cili të rinjtë që kërkuan të drejtën e tyre i quan edhe si "racistë' vetëm pse kanë thënë se janë krenarë që janë shqiptarë e myslimanë.
Simbolet: Ajo se cfarë flet z. Kelmendi është shumë qesharake dhe nga fjalët e tij për simbolin "Jemi krenarë që jemi myslimanë shqiptarë" ku thotë se i vjen "erë raciste" na del si një antishqipëtar. E sa i përket parullave në gjuhë arabe, siç thotë ai, ato as që kanë ekzistuar. (Le të më falin antishqiptarët eventualë në Kosovë), sepse ata përderisa e kanë ditur për çka kanë dalur, sigurisht edhe e kanë të qartë se çka flasin.
Kur bëhet fjalë për gjuhë zyrtare, ne jemi ata që nuk ndërrojmë gjuhën e as simbolet tona fetare e kombëtare, ne nuk kemi gjuhë zyrtare arabishten, në xhamia flasim shqip sepse edhe nga ato është bartur dhe ruajtur gjuha shqipe ndër shekuj.
Nga kjo perspektivë kohore, vargjet e fundit të Vaso Pashë Shkodrani do të parafrazoheshin kështu:

“Ata që vdiqën, si burrat që vdiqën motit
Dolën faqe bardhë përpara zotit!
Ata që janë argat të dreqit sot, si disa që ishin motit
Nuk kanë fytyrë as përpara zotit!

Ani çka që edhe këta "Young Europeans", duan t’i tregojnë çdokujt se kush janë, edhe juve me theks të veçantë, sepse bota e di, e këtë e ka dëshmuar Xhorxh Bushi kur e vizitoi Shqipërinë, e fjalët e tij ishin "Një vend mysliman që e do Perëndimin". E këto të reja nuk janë të vetmet në Evropë që mbajnë shamia mbi kokë, por janë të vetmet ato që dinë si të protestojnë që të tjerët të marrin mostër.
Po sikur të gjitha të bëhen "engjëllusha shqiptare", dhe sikur atyre t'iu lejohet të jenë të tilla nuk do të "irritonte" fare askënd kjo protestë. E shamiat e tyre të cilat nuk i kanë pasur të lidhura "shumë të shtrëngushëm mbi ballë", shamitë i kanë "lidhur" vetë, por ekziton edhe ajo që e ka shoqëruar njëra-tjetrën ndoshta për ta ndrequr atë. Ato kanë vendosur vetë t’i mbajnë shamiat, por “nismat demokratike” po ua imopnojnë të rinjve edhe veshjen, e nuk po lejojnë qytetarin të vendosë vetë!
Gjithashtu i nderuar z. Kelmendi, e kemi parë hoxhën e Marinës, por me sa dimë ne, ai nuk është marrur me "aktivitete të ndaluara dhe jashtëfetare", por mu pse është marrur me to është larguar, se “disa” nuk dëshirojnë të lënë këtu dikë që mendon ndryshe.
Qasja: Ata nuk kan hyrë në lojë për tu mposhtur, gjithmonë kan qenë triumfues dhe janë të tillë, e më vie mirë që edhe ti e ke vrejtur këtë, e nëse do te jesh i tillë, atëherë i ke rrugët hapur që të na bashkangjitesh z. Kelmendi, sepse mirë thua ti atë që kanë bërë padrejtësi nuk dalin në dyluftim.
Bashkësia Islame: S’di për cilën bashkësi islame jeni duke folur, mu ata janë bashkësi islame dhe i përkasim asaj, skan qenë të krishterë, as ortodoksë e as hebrenj, jemi xhemat i asaj Bashkësie Islame dhe përderisa jemi bashkësi gjithëmonë jemi ata që triumfojmë.
Shteti: Për mbajtjen e protestës kanë qenë të informuara edhe organet shtetërore, ata e bëmë këtë sepse janë siç e cekët ju "Young Europeans", kanë të drejtë të protestojmë, këtë e pohuat edhe ju në fillim, ku prapë e mohonit ku thoni: "Por, unë nuk pajtohem fare, sepse nesër kush e di se për çfarë do të protestoj unë". Por kjo gjë nuk çon peshë për shtetin sepse ti je një pakicë, që nuk je në dijeni se për çfarë flet, e lëre më për të protestuar. Disa nga pushtetarët e tillë mentalisht si ti i shtyjnë ata të dalim në protestë, duke e harruar se: ''Liria e besimit, e ndërgjegjes dhe e fesë, është e garantuar''.
Feja: Pajtohem me ty "se shqiptarët në Kosovë me shumicën e shumicës janë myslimanë" por nuk pajtohem me atë që thua se: ''Por, kjo shumicë nuk i jep asaj assesi të drejtën që këtë përkatësi fetare ta manifestojë ashtu që të ndihet keq dhe e pasigurtë pakica tjetër fetare shqiptare". O i nderuar, ata assesi nuk dëshirojnë që dikush të ndihet keq nga ata, por ne po ndihemi keq që po i cungohet e drejta e shkollimit atyre. Si po mendoni ju, që ju të jeni ata që i vendosni ligjet e fesë e t'ia vëni pikat asaj se në cilën shkallë të shkojë ajo?
Shamitë: E tërë kjo temë i detikohet shamisë së femrës shqiptare myslimane, ku z. Kelmendi bie në kundërshtim tash me fjalët e veta, që krejt në fundë kishte harruar se çka po fliste, apo nga mosdija e tij kishe thënë: "Por, kjo shumicë nuk i jep asaj assesi të drejtën që këtë përkatësi fetare ta manifestojë ashtu që të ndihet keq dhe e pasigurt pakica tjetër fetare shqiptare e edhe bashkësitë tjera joshqiptare dhe jomyslimane" Kjo fjalë bie ndesh më fjalët e tij që njëherë në Kosovë paska pasë prej atyre që kanë ndejtur bashkë dhe i kanë kënduar shamisë: "Ka edhe këngë të bukura popullore për to: “Oj shamikuqe, oj shamiverdhë”, “Shamia e beqarit”, etj. Asnjë për shaminë fetare myslimane", "Nëpër rajone të ndryshme të Kosovës ato vënë shami të ndryshme, jo për shkak të fesë", e kjo nuk i paska penguar asnjërën palë, as këngëtarët, as dëgjuesit, bile bile as regjimin e asaj kohe.
Ne jemi duke e kërkuar atë që e keni cekur ju e që prapë bie ndesh me fjalët e tua: "Por, kjo shumicë nuk i jep asaj assesi të drejtën që këtë përkatësi fetare ta manifestojë ashtu që të ndihet keq dhe e pasigurt pakica tjetër fetare", me fjalën që kë thënë që ndoshta nuk e keni kuptuar aq: “Liria ime mbaron aty ku fillon liria e tjetrit”.
"E, shamia që po kërkohet tash, as nuk të bën dhe as nuk të zhbën myslimane", ata nuk po kërkojnë shamia në shkolla, sepse për shami se si e ngjesin atë juve nuk ju pyesim fare, por ajo që po e kërkojnë ata/ato, është ajo që të ju lejohët atyre shkollimi, jo mbulesa por shkollimi, pra askush nuk është duke kërkuar të zbatohet mbulesa në shkolla publike, pra këtu kemi të bëjmë me një diskriminim që po ju bëhet atyre, e nga ata tjetër me një shkelje rregullash deri tek Konventa Ndërkombëtare për të Drejtat e Njeriut dhe Konventa për drejtat e Fëmijes e deri tek Kushtetua e Kosoves.
Dhe krejt në fund feja është si dielli, kurse retë janë ato vuvuzelat e atyre që ndonjëherë e bëjë të vranët kohën, por diellin nuk mund ta fshehin, drita e tij depërton. E nga kjo vranësirë mund të ketë edhe reshje lokale shiu, mirëpo siç thotë populli: "Nga shiu i mirë ka bereqet" edhe prej fjalëve të tyre që i përgjajnë vuvuzelave ironike për dëgjuesit kjo i bënë ata që t’i kthehen qetësisë shpirtërore.

Autori është absolvent në Universitetin e Prishtinës, Fakulteti Filozofik, Departamenti i Sociologjisë, dhe student në Fakultetin e Studimeve Islame-Prishtinë.

[Fishtani1]

Po e perseris edhe njehere shkrimin, e gjithe thelbi i debatit eshte ketu.

Gabim Shamia e shpifur


Në Kuran me asnjë fjalë nuk përmendet shprehimisht shamia apo obligimi për të mbuluar kokën. Në Suren 24 thuhet vetëm se femrat duhet t’i mbulojnë pjesët joshëse të trupit, konkretisht gjoksin. Aty po ashtu apelohet që pjesët joshëse gruaja duhet t’ia tregojë vetëm bashkëshortit. Kurani jep edhe një arsyetim pse femrat duhet t’i mbulojnë pjesët joshëse: „


Këtë ideologji disa vende arabe e luftojnë. Njëri prej teologëve më të njohur të Egjiptit, Muhamed Saxhid Tantavi (1928-2010), kishte thënë se nikabi (shamia që mbulon fytyrën dhe kokën) nuk është simbol religjioz, por një traditë paraislamike. Një vajze që synonte të ndiqte ligjëratat në Universitet me shami, Tantavi i kishte thënë: „Besomë, unë di më shumë për fenë sesa ti dhe prindërit e tu“. Duke qenë njëri prej teologëve me autoritet në mesin e myslimanëve sunitë Tantavi i ka quajtur „armiq të islamit“ aktivistët vetëvrasës, ai ka thënë se gratë e dhunuara guxojnë të abortojnë dhe ka kritikuar deformimin e gjenitaleve të vajzave në zonat rurale të Egjiptit. Tantavi ishte i vetëdijshëm për izolimin e botës arabe, prandaj deri në vdekje u angazhua për hapjen e shoqërisë. Ky shembull e ilustron më së miri izolimin e shteteve arabe: Sipas një raporti të Organizatës së Kombeve të Bashkuara (OKB) në gjithë botën arabe brenda një viti nga gjuhët e huaja përkthehen po aq libra sa në Portugali, një ndër vendet më të vogla të Bashkimit Evropian. Nëse Kosova synon të jetë pjesë e Evropës demokratike, atëherë ky vend duhet të shkëputet nga ideologët politikë të islamizmit beduin dhe të ruajë islamin e praktikuar në viset shqiptare me shekuj. Tani është koha e veprimit. Aleatë të politikanëve mund të jenë shumë teologë të islamit në Kosovë, të cilët besojnë në barazinë dhe emancipimin e femrës. Zëri i tyre duhet të dëgjohet. Ideologët vahabistë/selafistë, të cilët keqpërdorin islamin për qëllime politike duhet të refuzohen me vendosmëri.

Burimi i Lajmit:
http://www.koha.net/index.php?cid=1,12,27050

Ka kunderargument?

[bani]

Për cilën veshje e ki fjalën?! Burken-Nikabin-Perçen-Ferexhen?! Kjo është Sunnet, nuk kemi kerkuar asnjëherë dhe nuk do të kerkojmë lejimin e saj.
Kerkojmë lejimin e shamisë-Hixhabit-Mbulesës plus asaj fare e thjeshtë është për tu kuptuar, ne nuk kerkojmë shaminë në shkolla, kerkojmë që nxënëset të cilat kanë vendosur të mbajnë shami t'u mundësohet shkollimi, shumë kerkesë njerëzore nuk e di çka ka për t'u kundërshtuar, megjithëse prapë se prapë e respektoj mendimin e secilit.

pra ti as nuk e kundershton kete veshje nqs e kuptova mire , pra kete qe shikon me poshte ;

[muslimani72]

pra ti as nuk e kundershton kete veshje nqs e kuptova mire , pra kete qe shikon me poshte ;

a mundesh me me tregu ,cfar te pengojne keta?? thjeshte jam kurioz te di

[gimche]

Një altar laik

Rreth sloganit: ‘Mbulesa nuk është simbol, është obligim’. Për fanatikët e religjioneve të ndryshme, përkatës të një shteti të vetëm, institucionet laike janë i vetmi vend i një bashkëjetese të mundshme qytetare njerëzore.

Shkruan: Arben Idrizi (Gazeta Express)

Paramendoni sikur, në një shtet laik, një grup apo komunitet qytetarësh t’i përkiste, ta zëmë, një kulture, sekti apo edhe tamam një religjioni nudistësh. Sipas tyre, u kuptua tashmë, ekspozimi i organeve gjenitale ‘nuk është simbol, është obligim’, ngase, këtë e dëshmon edhe Libri i Shenjtë i Nudizmit. Apo, ta zëmë, një sekt kanibalësh, të cilët, duke rrjedhur nga një traditë e lindur ose fituar kanibalizmi, do ta quanin kanibalizmin obligim dhe do ta ushtronin atë publikisht, e në rast të mohimit të së drejtës së tyre obligative, do të kërkonin ta rivendikojnë bindjen e tyre me çdo kusht. Apo edhe më tej, sikur një grup etnik i lidhur mes vete nga urrejtja ndaj etnive ‘të tjera’, të rivendikonte ‘obligimin’ e pjesëtarëve të vet për t’i nënshtruar ‘të tjerët’, e bile edhe për t’i asgjësuar; e këtë ta manifestonin publikisht, sigurisht edhe duke bartur uniforma që i bëjnë ata të dallohen nga ‘të tjerët’ e patolerueshëm.
Mund të duket se krahasimet që bëra janë dashakeqe. Mirëpo, puna është se këtu s’kemi të bëjmë me asfarë krahasimi.

Në të vërtetë, siç e ka vërejtur edhe një laik si J.S. Mill, ‘feja nuk është e drejtë, është obligim’, përkundër deklarimit maskues dhe kontradiktor të vetë feve se ‘është vetëm një e drejtë’. Pastaj, kjo premisë s’është se kufizohet vetëm me religjionin. I përket edhe çdo ideologjie dhe dogme. Pothuajse njikështu, në të vërtetë, edhe shteti laik mbron veten dhe idealet e tij për institucione dhe jetë publike civile, duke e mbajtur laicizmin jo për simbol, por për obligim.

Ndoshta keq të thuhet, por në këtë përleshje (të çfarëdo natyre), fiton ai që është më i fortë (edhe në kuptimin më të keq).
Sigurisht, protestave të kota nëpër rrugë (me ulërima e kërcënime) rreth shamisë (simbol apo obligim?) do të duhej t’ua zinte vendin debati i gjerë. E megjithatë, pa dashur të paragjykoj, më duket se as ai debat s’do të zgjidhte gjë. E parimisht, mendoj, përfundimi do të ishte kthimi në gjendjen fillestare: jemi një shtet laik!
Ka arsye për këtë mosbesim ndaj debatit.

Qëndrimi i mbrojtësve të idesë së bartjes së shamisë është dogmatik (për ne laikët). Andaj, duke qenë se ‘feja është një obligim’, zor se do të hiqnin dorë nga obligimi ndaj mbulesës. Në skajin tjetër, shteti laik e ka për obligim ta mbrojë paraqitjen civile në institucionet publike dhe ta kundërshtojë me çdo kusht bartjen e simboleve (‘obligimeve’?) fetare.
Çfarë kompromisi mund të bëhet në këtë mes?

E megjithatë, përplasjet s’kanë të bëjnë në lidhje me të gjitha institucionet publike, ose të paktën jo deri më tani. Kanë të bëjnë më tepër me institucionet arsimore.
Ndalesa vjen përmes urdhëresave të Ministrisë së Arsimit, të bazuara në Kushtetutën e Republikës së Kosovës. Dhe ajo Kushtetutë është hartuar për t’i mbrojtur të gjitha të drejtat e të gjitha komuniteteve etnike, fetare, etj. Në të njëjtën kohë, edhe për t’i ndaluar të gjitha ‘obligimet’ (simbolet) etnike e fetare që e shohin ‘tjetrin’ të patolerueshëm.

Pikërisht në bazë të kësaj Kushtetute kemi hequr dorë nga simbolet kombëtare (që dikush edhe do të thoshte se do të na obligonin t’i shkatërrojmë simbolet kombëtare të ‘të tjerëve’) për t’ua lënë vendin simboleve të reja shtetërore. Në këtë vazhdë, nuk kërkohet të hiqet dorë nga simbolet fetare, por vetëm sanksionohet bartja e tyre në vende të caktuara.
Cilat ‘obligime’ na ‘obligojnë’ t’i kundërshtojmë këto parime kushtetuese humane dhe demokratike?

Slogani ‘mbulesa është obligim’ është, në një prapavijë, edhe kërcënim i shtetit laik. Ngase, duket se nuk rivendikohet e drejta e individit për ta mbajtur një simbol fetar, më shumë rivendikohet shkelja e një rregullimi kushtetues. Në gjithë këtë katrahurë, e pësojnë ata nxënës, bartës të simboleve fetare, që nën moshën e pjekurisë, ndoshta pa dashjen e sigurisht pa dijen e tyre bëhen bartës të problemeve që pas arritjes së pjekurisë edhe mund të mos iu përkasin. Dua të them: kush duhet t’i ketë nën kujdesin edhe edukativ ata persona që s’e kanë arritur pjekurinë? Sigurisht se edhe familja (e cila mundet se e pranon vullnetin (nëse!) e tyre për t’u mbuluar, mundet se edhe i obligon). Por duke qenë në shkollë, në një institucion shtetëror laik, do të thotë se janë edhe nën kujdesin edhe edukativ edhe të atij institucioni, që është institucion laik, i përbashkët për të gjitha komunitetet fetare me bindje dhe simbole të ndryshme, kundërshtuese (për të mos thënë urrejtëse, refuzuese).

Kështu që për fanatikët e religjioneve të ndryshme, përkatës të një shteti të vetëm, këto institucione laike janë i vetmi vend i një bashkëjetese të mundshme qytetare njerëzore.

A s’do të duhej t’i ruajmë? Jo me fanatizmin tipik për religjionet, por me humanizmin e mundshëm të demokracisë.

Shtet laik po, ateist jo!

Edhe ky autor, por edhe të tjerët e dinë se feja Islame e urdhëron veshjen e jo zhveshjen, ndoshta ky edhe mund të jetë shqetësimi kryesor i tyre (ngase Islami në këtë pikë është kundër nudizmit tuaj).

(Replikë ndaj shkrimit të autorit Arben Idrizi "Një altar laik")

Shkruan: Agim Rrahmani (gimche)

Vërtetë është për t'u habitur kur një njeri krahason fenë Islame (fe e baballarëve tanë ndër shekuj, fe e cila ka udhëhequr tolerancen fetare - ngase ka qenë shumicë e popullates) me fe kanibaliste dhe me nudizëm etj.
Kjo përveç se është analogji, është edhe pafytyrësi nga ana e autorit, i cili tregohet i paskrupullt në shkrimin e tij duke i ofenduar besimtarët e fesë Islame. Edhe ky autor, por edhe të tjerët e dinë se feja Islame nuk ka ardhur mbas luftës (1999) që të trajtohet si e huaj dhe obligimet që jep kjo fe të trajtohen (krahasohen) si dogma të nudizmit. Edhe ky autor, por edhe të tjerët e dinë se feja Islame e urdhëron veshjen e jo zhveshjen, ndoshta ky edhe mund të jetë shqetësimi kryesor i tyre (ngase Islami në këtë pikë është kundër nudizmit tuaj).
Shumë herë gjatë shkrimit permendet 'shteti laik' thuajse Kushtetuta jonë e ka vetëm këtë pikë, e për të tjerat është e parëndësishme. Ju harroni se neni i 38 i Kushtetutes përcakton liritë fetare, të cilat liri po shkelen në mënyrën më flagrante, duke ju mohuar e drejta e shkollimit atyre që praktikojnë fenë, duke ju mohuar e drejta e punësimit atyre që praktikojnë fenë. Pra nëse analizohet hollësisht përveç asaj që kemi shkelje të lirisë së besimit, kemi edhe shkelje të të drejtave të njeriut, si e drejta për shkollim dhe ajo për punësim.
Aq shumë e permend 'shtetin laik' thuajse ne nuk e dimë se ç'do të thotë kjo?! I nderuar autor, më trego mua se çfarë shtete janë Franca, Britania e Madhe, Gjermania, Belgjika, Austria, Zvicra etj. shtete Islamike?! Jo shtete laike janë edhe ato, mirëpo me ligj të veçantë i mbrojnë femrat me shamia (jo ato me ferexhe të jemi të qartë), personalisht kam jetuar 7 vite në Gjermani dhe aty femra shqiptare myslimane vijon procesin mësimor me shami, e njejta gjë ndodh edhe në Austri ku kam disa të afërm. Shtrohet pyetja a jemi ne më praktikues të demokracisë se sa Gjermania dhe Austria?! apo ato po e shkelin shtetin "laik" të cilin ti na e permend në çdo të dytën fjal.
Tanimë e dimë të gjithë që edhe Shqipëria e ka ligjin që i lejon shamitë nëpër institucionet publike dhe automatikisht pyetja e parë që më lind në kokë është: Kosova a po synon integrim evropian, apo Evropa qenka e prapambetur dhe synon të integrohet në Kosovë?! A duhet ne të ecim hapave të atyre vendeve të cilat janë shembull në Evropë apo duhet ta veprojmë të kundertën në mënyrë që t'i tregojmë atyre se sa "laik" jemi?! sepse tanimë (sipas shkrimit tuaj) e kam të qartë se Evropa nuk ka lidhje me laicizmin, ne duhet t'i mësojmë ata se çka është shteti laik, e jo ata neve.
Jemi shtet laik, mirëpo nuk jemi shtet Ateist dhe kurrë nuk do të jemi, këtë le ta harrojnë ata të cilët në zemrat e tyre ende buron gjaku komunist. Në një shtet Ateist nuk është çudi nëse ndalohet shamia, ndalohet praktimi i fesë apo edhe rrënohen objektet fetare, mirëpo në një shtet demokratik ku synon integrim evropian duke i respektuar të respektuar të drejtat e njeriut, liritë dhe shprehjen të ndodhin keto gjëra dhe të lëshohen keso udhëzime administrative të cilat na e rikthejnë memorien në kohën e xhaxhit Enver, është vërtetë e pakuptimtë!
Shteti laik, ka domethënien e ndarjes së institucioneve shtetërore nga bashkësitë fetare, për të qenë me i qartë feja nuk ka ndikim në ligjet shtetërore, në legjislativ, ekzekutiv dhe gjyqësor.
Kjo nuk do të thotë se shteti laik përcakton përkatësinë fetare të popullates, ajo është e lirë dhe mund ta zgjedh cilindo besim dhe kjo liri i jepet nga neni 38 i Kushtetutes.
Tani po e bëjmë një krahasim dhe të shohim kushtetutën reale të Republikës së Kosovës; Shkolla laike, nxënësi/ja besimtare dhe pikërisht kjo duhet të ruhet dhe kerkohet të ruhet, pra shkolla si institucion duhet ta ruaj laicitetin e saj, duhet të qendroj laike (e paanshme dhe pa ndikim nga feja), ndërsa nxënësi apo nxënësja mund të jetë Myslimane, Krishtere etj. Dhe ky shembull është në të gjitha shkollat në Gjermani, Austri, Zvicër, Britani të Madhe, Belgjikë dhe Francë.
Ndalimi i bartjes së shamisë (parim fetar) përpos që cënon lirinë fetare e cila thamë se është e garantuar me kushtetutë, gjithashtu shkel të drejtat e njeriut sipas Konventës Universale të të Drejtave të Njeriut (neni 18), andaj udhëzime të tilla janë 'mollë sherri' për vendin tonë.
A ka menduar ndonjëherë Ministria e Arsimit, Shkencës dhe Teknologjisë, por edhe ju si autor që përkrahni (kushtimisht) ata, se çfarë do të bëjnë me ato femra të cila mbajnë shami dhe mbesin pa shkollë?! A kanë menduar se ku do t'ua gjej vendin (zgjidhjen) ketyre vajzave që kanë vendosur të bartin shaminë?! A kështu synoni ta "rrisni" niveli i arsimit në vend?! përveç kalueshmërisë se testit të matures i cili vitin e kaluar ishte 45% (këtë vit ka ngritje) nivel i ulët, kur ja shtojmë edhe përjashtimin e nxënësve shembullore që bartnin shaminë çfarë statistike na del?! Ku do të mbesin ato vajza me shami, sot do të mbesin pa shkollë, ngase kjo qenka "zgjidhja" që ju na e ofroni, po nesër ku do të punësohen?! A kështu synoni t'i zhvishni ato nga petku fetar?! A nuk është ky një mohim i të drejtave të tyre që po ua bëni?!
Shkolla është shkollë për të fituar dije, për të përparuar dhe për të ndertuar një personalitet intelektual e jo për të treguar modën e veshjeve Italiane, ku shamia nuk do të zinte vend. Shkolla është për arsim, e jo për sfilatë e modelim.

[Fishtani1]

pra ti as nuk e kundershton kete veshje nqs e kuptova mire , pra kete qe shikon me poshte ;

Keto veshje jane pagane pan-arabe, sipas Kuranit emitimi i riteve/veshjeve pagane do ishte mekat dhe ofendim ndaj Zotit, por ku dijne te shkretit analfabetet e harapise por une habitem me shume me keta talibannca shqipfolesh se si bohen kaq injorant te pafalshem

[gimche]

pra ti as nuk e kundershton kete veshje nqs e kuptova mire , pra kete qe shikon me poshte ;

I nderuar, një sqarim shtesë rreth asaj që thash, nuk kam dalë (në protestë) të kerkoj lejimin e ketyre vajzave që sjell ti në foto, e thash po e them prapë dhe as që do të dal, thjeshtë kam dal për lejimin e ketij lloji të shamisë:



Këtë lloj të shamisë e ke edhe në parlamentin evropian në Bruksel, por edhe në shtëpinë e bardhë në Washington, madje në keto shtete ke sanksione të medha nëse diskriminohet një femër e tillë.

[gimche]

Jo une nuk kam pare asnjehere nje ajet direkt lidhje me shamite, mund ta ma dergosh ketu ajetin e Kuranit?

Po more qysh jo, qitash i hi unë ren faqeve edhe ta gjaj, a je kah e don ti argumentin apo unë?!
E kem debatu që nuk ke qenë ti prezent unë s'të kom faj, bile bash me antarin "bani" e kem debatu këtë punë, po në këtë temë, janë bërë shumë faqe nuk muj me ta gjet kallaj, lype!

[Gordon Freeman]

Vërtetë është për t'u habitur kur një njeri krahason fenë Islame (fe e baballarëve tanë ndër shekuj, fe e cila ka udhëhequr tolerancen fetare - ngase ka qenë shumicë e popullates) me fe kanibaliste dhe me nudizëm etj.

Vertete gimche me te habitur kurr thua se feja Islame, fe e baballareve blla blla dhe eshte me se e vertete se veshja "ekstreme" eshte njesoj si zhveshja pra qe te dyja rastet jane ekstreme,nuk ka asgje te veqante midis fese islame dhe te tjerave mendoj se duhet trajtuar njesoj...Islami nuk ka qene kurre i dobishem ne Histori ate e solli shpata dhe per shkak te saj je shteti (nuk di nese muj me qujt shtet) me i prapambetur ne Europe apo ne Bote.

Kshtu qe mos thuaj brockulla kur permend historine ,mirpo mbasi jeni diku rreth 90% (shumice) me fe islame kerkoni te drejtat e juaja sepse jemi ne demokraci.