Princi Leka dhe Elia Zaharia fejohen në Paris

**strange** · 16-06-2010, 13:57

Princi shqiptar Leka i II-të dhe Elia Zaharia pritet të vijojnë rrugëtimin e përbashkët drejt ëndrrës së tyre, me zyrtarizimin e fejesës në Hotel “Lutetia” në Paris.

Në sallonin "Pomepein", më moderni i këtij hoteli, që ndodhet shumë pranë Katedrales së famshme “Notre Dame” dhe muzeut “Orsay”, çifti i ri do të marrë bekimin e më se 100 personaliteteve nga mbarë bota, të cilët kanë konfirmuar pjesëmarrjen në këtë ceremoni solemne.

Në datën 12 qershor, Shërbimi për shtyp i Princit Leka lëshoi një njoftim ku thuhej: “Kurora Mbretërore e Shqipërisë ka kënaqësinë të shpallë fejesën e HRH Princi Leka II i shqiptarëve me zonjushën Elia Zaharia. Me rastin e kësaj do të ketë një koktej, që do të mbahet në Hotel Lutetia (45, bulevardit Raspail 75006 Paris). Evenimenti festiv do të mbahet në 16 qershor 2010, nga ora 18:00-08:00). Shtypi është i ftuar për të xhiruar foto dhe marrë ndonjë intervistë”.

Mediat shqiptare më shumë se njëherë e kanë përfolur historinë e dashurisë së princit me vajzën brune shqiptare, Elia Zaharia, e bija e aktores së mirënjohur shqiptare Yllka Mujo. /BalkanWeb/

Hajde urime na qoftë.