Përkujtohet 66-vjetori i masakrës çame
Tiranë, 26 qershor - U mbushën 66-të vjet nga masakra në Çamëri. Me ceremoni te veçanta sot Komuniteti shqiptar Çam në Shqipëri, kujtoi masakrën ndaj popullsisë së saj të pafajshme, të kryer nga trupat e rregullta ushtarake greke të udhëhequra nga Napolon Zerva.
Në orët e pasditës shumë persona nga komuniteti Çam nisën në një marshim nga Varrezat e Kllogjerit në Sarandë deri në Qafë Botë. Organizimi i kesaj ceremonie behet nga komuniteti Çam, vecanerisht PDU, (Partia per Drejtesi dhe Unitet) që përfaqëson këtë komunitet tashmë dhe ne Parlamentin shqiptar. Vetë kreu i PDU-së, Shpëtim Idrizi deklaroi për News 24, se populli çam nuk do të ndalet deri sa drejtësia të vendoset në vend. Sipas tij, kthimi i pronave, njohja e kësaj masakre nga shteti grek, janë edhe pikat kyçe të çështjes çame
“Nuk ka forcë në botë që na mbante të mos vinim këtu sot. Ne sigurisht i kemi sot sytë të përlotur por unë jam i bindur që lotët tanë do të bëhen lapidar në betejën tonë, do të bëhen forcë në betejën tonë për të dhënë drejtësi për çështjen çame, për t’i thënë të gjithëve këtyre që prehen këtu, që në jemi bijat tuaj dhe së bashku do ta çojmë amanetin tonë deri në fund. Ju garantoj se nuk ka forcë në botë që të na ndalë, nuk ka forcë në botë të na bëjë që të harrojmë. Ju betohem para këtyre varreve që Çamëria është e jona!”, u shpreh Idrizi.
Idrizi shprehu angazhimin e tij të plotë dhe të forcës politike që ai drejton se vitin tjetër kësaj varreze ku prehen çamët, do të ngrihet një lapidar i denjë, me emrat e gjithë atyre që kanë dhënë jetën
Ndërkohë, nesër do te jetë Shoqata "Çamëria" qe do te kryeje te njejtin marshim qe pritet te nise ne oren 08:00 te paradites. Marshimi nis pikërisht nga ky vend, nga Kllogjeri i Sarandës, ku prehen 2700 persona që vdiqën rrugës, gjatë eksodit të popullsisë së pafajshme dhe të pambrojtur çame që ikte për t’i shpëtuar gjenocidit dhe dhunës greke.
Fundi i luftës së dytë botërore, mbahet edhe si fillimi i kalvarit të vuajtjeve të kësaj popullsie, të cilës në vitin 1944 ju konfiskuan pronat dhe u përzunë me dhunë nga shtëpitë e tyre shekullore, nga trupat e rregullta greke.
Napolon Zerva ishte një nga gjeneralët grekë që bashkëpunoi me pushtuesin gjerman. Këta të fundit i lanë dorë të lirë për masakrat ndaj popullsisë çame. Në 25 qershor 1944, (datë, në të cilën komuniteti çam kujton viktimat e genocidit) forcat e Zervës ekzekutuan në mënyrë barbare 2000 çamë brenda një nate në qytetin e Paramithisë. Viktimat ishin kryesisht gra dhe fëmijë. Kjo ishte një nga masakrat më të egra të grekëve ndaj popullsisë autoktone Shqiptare, në luftën e dytë botërore. Bëhet fjalë për një genocid, të pa dënuar akoma nga shteti Grek.
Shteti i atëhershëm Shqiptar, iu hoqi nënshtetësinë greke dhe i regjistroj si nënshtetas shqiptarë të gjithë komunitetin Çam, duke i prerë kështu rrugën e kthimit në Çamëri. Në të njëjtën kohë nuk i dha zgjidhje kësaj katastrofe humane që po ndodhte në jug të Shqipërisë dhe nuk ndërmjetësoj që kjo popullsi shqiptare të kthehej sërisht në shtëpitë e tyre.
Këtij komuniteti i mohoet ende e drejta për të vizituar shtëpitë dhe pronat e tyre. Në Greqi, atyre nuk ju është lejuar të ngrenë as përmendore në vendet ku janë kryer masakrat nga ushtria e rregullt greke. /koha/
Përgjigju Duke Cituar
ungjatjeta Cameri .
Krijoni Kontakt